Ethio Fm 107.8

2023-06-02 07:15:29 የከተማዋ ህዝበ ሙስሊም የዛሬውን ጁመዐ በሰላም እንዲያሳልፍ ጥሪ ቀርቧል።


በኦሮሚያ ብሔራዊ ክልላዊ መንግስት በሸገር ከተማ የመስጅድ ፈረሳ ጋር በተያያዘ ማህበረሰቡ ያቀረበውን ህገ መንግስታዊ የመብት ጥያቄዎች ማለትም የመስጅድ ፈረሳው ሙሉ በሙሉ እንዲቆም ፣የፈረሱትም መስጅዶች ወደ ቀድሞው ቦታቸው እንዲመለስ መሪ ድርጅቱ መጅሊስ ዘጠኝ አባላት ያሉት ኮሚቴ በማቋቋም በጉዳዩ ዙሪያ ውይይት በተለያዩ ደረጃዎች ከሚገኙ የመንግስት አካላት ጋር እያደረገ ይገኛል ተብሏል ።

በመሆኑም መንግስትም የፍትህን መጓደል የጥያቄውን አሳሳቢነት፣በሸገር ሲቲ አስተዳደር በውይይት ላይ ያልተመሰረተን አካሄድን ከግንዛቤ በማስገባት ለተከሰተው የመብት ጥሰት ፍትህ የማስፈን ሚናውን በአፋጣኝ እንደሚወጣ ተስፋ እናደርጋለን ብሏል መግለጫው ።

በመሆኑም ኮሚቴው የደረሰበትን እስኪያሳውቀን ድረስ ውጤቱን በትእግስትና በዱአ እንዲጠባበቅ ለህዝበ ሙስሊሙ ጥሪ ቀርቧል።


የዛሬውን የጁመአ ሰላት የከተማዋ ሙስሊሞች በሁሉም መስጅዶች በሰላም ሰግዶ ወደ ቤቱ በሰላም እንዲመለስ መልእክት ተላልፏል።


በከተማዋ የሚገኙ ኢማሞች በሰላምና በትእግስት ዙሪያ የጁመአ ኹጥባ እንዲያደርጉም አሳስቧል።


ግንቦት 25 ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-01 19:22:59 ትኩረት @ መታወቂያ


ያለ መታወቂያ ሲንቀሳቀሱ የነበሩ 2ሺህ ያህል ሰዎች መያዛቸው ተነገረ።

በአዲስ አበባ ከተማ ያለ መታወቂያ እና ያለ ምንም ማስረጃ የሚንቀሳቀሱ ሰዎችን የማጣራት ስራ እየተደረገ ነው ተብሏል።

የከተማዋ ሰላም እና ጸጥታ ቢሮ ባለፋት ዘጠኝ ወራት በከተማዋ ያለ ምንም አይነት ማስረጃ ሲንቀሳቀሱ የተገኙ ከ2 ሺህ በላይ ሰዎች መያዙን አስታውቋል።

የኮሚሽኑ ምክትል ኮሚሽነር አቶ ጌታሁን አበራ በከተማዋ ያለ መታወቂያ የሚንቀሳቀሱ ዜጎች ተይዘው ምርመራ እየተደረገባቸው ይገኛል ብለዋል።


በሔኖክ ወ/ገብርኤል

ግንቦት 24 ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-01 18:56:47 ክፈት / አስተያየት ይስጡ

2023-06-01 18:43:57 በደቡብ አፍሪካ በአማካኝ በየሰአቱ ሶስት ሰዎች የወንጀል ሰለባ ይሆናሉ፡፡


አፍሪካ ኒስው ይዞት በወጣው መረጃ መሰረት በተያዘው የፈረንጆቹ 2023 በአፍሪካዊቷ ሃገር ደቡብ አፍሪካ በአማካኝ በየሰአቱ ሶስት ሰዎች በወንጀለኞች ህይወታቸው እንደሚያጡ ነው ያተተው፡፡


በዚህም ሃገሪቷ ልክ እንደ አሜሪካ የዘፈቀድ ግድያ የሚደረግባት ሃገር እየሆነች ትገኛለች ብሏል፡፡

በ2023 ግማሽ ወራት ብቻ ከ6ሺህ 200 በላይ ዜጎች በጠራራ ጸሃይ በወንጀለኞች ህይወታቸው ማለፉ ነው የተነገረው፡፡


ደቡብ አፍሪካዊያን በፈለጉት አካባቢ ለመንቃቀስም ሆነ ንብረት ይዞ ለመጓዝ ወንጀለኞቹ አያፈናፍኑም ብሏል፡፡

ድንገት ኤቲኤም ልጠቀም ቢባልም መሳርያ ደቅነው እንደሚያስፈራሩ እና ከዚህም አለፍ ሲል ግድያ እንደሚፈጽሙ ነው የተረጋገጠው፡፡


እነዚህ የግድያ ወንጀል የሚፈጽሙት አክራሪ ደቡብ አፍሪካዊ ነን የሚሉ ማፍያዎች መሆናቸውን ነው ይሕው የዜና ወኪል ያስነበበው፡፡
በተያያዘ ዜና በሃገሪቱ ጾታዊ ጥቃት የሚደርስባቸው ሴቶች ቁጥራቸው እየተበራከተ መምጣቱንም ተሰምቷል፡፡


በሶስት ወራት ብቻ 10ሺህ 500 ሴቶች ጾታዊ ጥቃት እንደደረሰባቸው አፍሪካ ኒውስ ያወጣው መረጃ ይጠቁማል፡፡

በሔኖክ ወ/ገብርኤል

ግንቦት 24 ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-01 18:35:44 በመዲናዋ ቅዳሜ እና እሁድን ጨምሮ በበዓላት ቀን ጭምር ስራ መስራት ግዴታ ሊሆን ነዉ፡፡


በአዲስ አበባ ዉስጥ በተመረጡ የመንግስት መስሪያ ቤቶች ቅዳሜ እና እሁድን ጨምሮ በበዓላት ቀናት መስራት ግዴታ ሊሆን ነው ተብሏል፡፡

በምክትል ከንቲባ ማዕረግ የአዲስ አበባ ከተማ አስተዳደር ዋና ስራ አስኪያጅ አቶ ጥራቱ በየነ የአገልግሎት መስጫ ጊዜን በተመለከተ አዲስ አበባ ላይ የተለየ ትኩረት ይፈልጋል የሚል እምነት አለን ብለዋል፡፡

በመዲናዋ የ 24 ሰዓት አገልግሎት መስጠት የሚያስችል አቅም መፈጠር አለበት ነዉ ያሉት፡፡

በመዲናዋ የቅዳሜ እና እሁድ እንዲሁም የበዓላት ቀን አገልግሎት በአሰራር ተዘርግቶ መተግበር አለበት ብለዋል፡፡

እንደ ከተማ አስተዳደር ከመደበኛዉ 8 ሰዓት ተጨማሪ መስራት ያለባቸዉ መስሪያ ቤቶች የትኞቹ ናቸዉ? የሚለዉ ላይ ጥናት እየተደረገ መሆኑንም ገልጸዋል፡፡

በከተማዋ ባለዉ የትራንስፖርት መጨናነቅ እና በተለያዩ ጉዳዮች ሰራተኛዉ ቢሮ ገብቶ የሚሰራበት ሰዓት ዉስን በመሆኑ ሰዉ ማግኘት ያለበትን ተገቢዉን አገልግሎት እንዲያገኝ ለማድረግ የ 24 ሰዓት አገልግሎት መስጠት መጀመር አስፈላጊ መሆኑን አንስተዋል፡፡


በእስከዳር ግርማ

ግንቦት 24 ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-01 18:22:12 በትግራይ ክልል የሚገኙ ተፈናቃዮች ቁጥር ወደ 3ሚሊዮን ሊጠጋ እንደሚችል ተገለፀ፡፡


በትግራይ ክልል የተለያዩ አካባቢዎች የተፈናቀሉ በመቀሌ እና አቢዓዲ የሚገኙ ተፈናቃዮች 2.8 ሚሊዮን የሚጠጉ ሲሆን አሁንም በተለያዩ አከባቢዎች መፈናቀል በመኖሩ ምክንያት የተፈናቃዮች ቁጥር ወደ 3 ሚሊዮን ከፍ ሊል እንደሚችል ለኢትዮ ኤፍ የደረሱት መረጃዎች ያመለክታሉ፡፡


በሰሜን ኢትዮጵያ በተከሰተው ጦርነት ምክንያት በርካታ ዜጎች ከትውልድ ቀያቸው ተፈናቅለው በመቀሌና አቢዓዲ እንዲሁም በተለያዩ ትምህርት ቤቶችና የተፈናቃዮች መጠለያ ጣብያዎች እንደሚገኙም ተገልጿል፡፡

የህዝብ ዕንባ ጠባቂ ተቋም የአስተዳደር ወንጀል መከላከል ቁጥጥር ቡድን መሪ አቶ ኡመር መሀመድ ለጣብያችን እንደገለፁት፣ ለተፈናቃይ ወገኖች እየተደረገ ያለው ድጋፍ አነስተኛ ነው፡፡

የህዝብ ዕንባ ጠባቂ ተቋም በፕሪቶሪያው በተደረሰው የሰላም ስምምነት መሠረት ክልሉ ያለበት ሁኔታ በተመለከተ የመስክ ምልክታ ማድረጉን ገልጾ በምልከታውም በተለይም ተፈናቃዮች ያሉበትን አስከፊ ሁኔታ መረዳቱን ገልጿል፡፡

አቶ ኡመር እንዳሉት በክልሉ ከ1.6 ሚሊዮን እስከ ሁለት ሚሊዮን ለሚደርሱ ተፈናቃዮች የሰብዓዊ፣ቁሣዊ እንዲሁም ምግብ ነክ አቅርቦቶች በአስቸኳይ ማቅረብን ይጠይቃል፡፡

ከትግራይ በተጨማሪም በአማራ እና አፋር ክልሎችም ተፈናቃዮችን መልሶ በማቋቋም ዙሪያ ፈተና እንደገጠማቸው በተደጋጋሚ ሲገልጹ ይደመጣሉ።


በአቤል ደጀኔ

ግንቦት 24 ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-01 17:53:44 ክፈት / አስተያየት ይስጡ

2023-05-20 21:34:27 ማንቸስተር ሲቲ የ2022/2023 የውድድር ዓመት ሻምፒዮን መሆኑን አረጋገጠ፡፡ ክፈት / አስተያየት ይስጡ

2023-05-19 16:36:53 ክፈት / አስተያየት ይስጡ

2023-05-19 16:23:29 ክፈት / አስተያየት ይስጡ