Ethio Fm 107.8

2023-06-10 23:37:36 ክፈት / አስተያየት ይስጡ

2023-06-10 10:38:41 ክፈት / አስተያየት ይስጡ

2023-06-09 18:29:08 የኢትዮጵያ ሀገራዊ ምክክር ኮሚሽን የመገናኛ ብዙሃን ባለሙያዎችን ያገለለ ነው ተባለ፡፡

የመገናኛ ብዙሃን ባለሙያዎችን ያገለለ የምክክር ሂደት ውጤታማ  የመሆን እድሉ ዝቅተኛ ነው  ተባለ፡፡

የመገናኛ ብዙሃን ምክር ቤት   ሃገራዊ የምክክር ኮምሽኑ  በሚያካሂደቸው ውይይቶች ላይ የመገናኛ ብዙሃን ባለሙያዎችን እያሳተፈ ያለመሆኑ እንደሚያሳስበው ገልፃል፡፡

የመገናኛ ብዙሃን ባለሙያው  በብሄራዊ የምክክር ኮምሽኑ የተሰጠው ቦታ  አነስተኛ በመሆኑም  የኮምሽኑ  ሂደት እንደገና ሊጤን ይገባዋል ሲል  ምክር ቤቱ ባወጣው መግለጫ አስታውቋል፡፡

ኮሚሽኑ በተለያዩ ጊዜያት ከተለያዩ የህብረተሰብ ክፍሎች ጋር የውይይት መድረክ አዘጋጅቶ ምክክር ያደረገ ቢሆንም የመገናኛ ብዙሃን ባለሙያዎችን እንደ ተቋም ከመጋበዝ ይልቅ ሌሎች ሲወያዩ የዜና ሽፋን እንዲሰጡ ብቻ የሚጋበዙ መሆኑ  ትልቅ ጉድለት ነው ብሎ እንደሚያምንም ገልፃል፡፡

የኢትዮጵያ ሀገራዊ ምክክር ኮሚሽን የተሳታፊዎች ልየታን በሚያካሂድበት ወቅት የምክክር ሂደቱ ዋናኛ ባለድርሻ አካላት የሚባሉት የፖለቲካ ፖርቲዎች ምክር ቤትን፤ የኃይማኖት ተቋማት ጉባኤን እንዲሁም ሌሎች በርካታ የሲቪክ  ማህበራትን ከግምት አስገብቶ ተሳታፊ ሲያደርግ የጋዜጠኞች የሙያ ማህበራትንም ሆነ  የመገናኛ ብዙሃን ተቋማትን የሚወክለውን ምክር ቤቱን መዘንጋቱ  የአካታችነትን  መሰረታዊ መርሆን ይቃረናል  ብሏል ምክር ቤቱ፡፡

በመሆኑም የመገናኛ ብዙሃን ባለሙያዎችን ያገለለ የምክክር ሂደት ውጤታማ የመሆን እድሉ አነስተኛ በመሆኑ ሂደቱ እንደገና ሊጤን ይገባዋል ሲል አሳስቧል፡፡ ፡፡
ሀገራዊ  ምክክሩ የተሳካ እንዲሆን የመገናኛ ብዙሃን ባለሙያዎች ከዘጋቢነት ሚናቸው ባለፈ በሙያ ማህበራቱና በምክር ቤቱ  የተወከሉ ሙያተኞች ሀሳብ በአግባቡ እንዲንፀባረቅ እንዲደረግ  ሂደቱም የመገናኛ ብዙሃን ባለሙዎችን የሀሳብ መዋጮ ከግምት እንዲያስገባም ጠይቋል፡፡

የውል ሰው ገዝሙ
ሰኔ 02 ቀን 2015 ዓ.ም ክፈት / አስተያየት ይስጡ

2023-06-09 16:36:54 በሸገር ከተማ እየተደረገ የሚገኘዉ የዕምነት ተቋማት ፈረሳ በአስቸኳይ እንዲቆም የኢትዮጵያ የፖለቲካ ፓርቲዎቸ የጋራ ምክር ቤት ጠይቋል።

የፖለቲካ ፓርቲዎች የጋራ ምክር ቤት በወቅታዊ ጉዳዮች ዙሪያ መግለጫ አዉጥቷል።

የጋራ ምክር ቤቱ ግንቦት 24 ቀን 2015 ዓ.ም በወቅታዊ ጉዳዮች ዙሪያ አስቸኳይ ስብሰባ ማድረጉን አስታዉቋል።

በተለይም በሸገር ከተማ እየተካሄደ የሚገኘዉ የቤት እና የዕምነት ተቋማት ፈረሳ፣የፀጥታ አካላት በአንዋር መስኪድ ሙስሊሙ ማህበረሰብ ላይ የተጠቀመዉ ሀይልን ያላገናዘበ እርምጃ፣በእስረኞች ላይ እየደረሰዉ ያለዉ እንግልት፣የዜጎች አፈና እና የሰዎች መሰወር እንዲሁም ህዝቡ ባልመረጣቸዉ አካላት የመመራት ሂደትና ሌሎችም በርካታ ችግሮች ላይ ምክር ቤቱ ተወያይቷል።

ይህንን ሀገሪቱ የገባችበትን ፖለቲካዊ ኢኮኖሚያዊ እና ማህበራዊ ጉዳዮችን እልባት ይሰጥ ዘንድ መንግስት መፍትሄ እንዲሰጥ መጠየቁን ዶ/ር መብራቱ አለሙ የኢትዮጵያ የፖለቲካ ፓርቲዎች የጋራ ምክር ቤት ሰብሳቢ ገልፀዋል ።

በዚህም ዙሪያ ባለ 12 ነጥብ የአቋም መግለጫ አዉጥቷል።
በመግለጫዉም የዜጎች ደህንነትን ፣ የሀገር ሰላም እንዲጠበቅ፣በትግራይ ክልል የመጣዉ አንፃራዊ ሰላም በሌሎች ክልሎችም በተለይም በአማራ እና ኦሮምያ ክልል እንዲሰፍን ማድረግ፣በሸገር ከተማ እየተካሄደ ያለዉ የቤት እና ዕምነት ተቋማት ፈረሳ በአስቸኳይ እንዲቆም እና የፀጥታ አካላት ያልተመጣጠነ ሀይል የዜጎች ህይወት መጥፋቱ በእጅጉ እንዳሳዘነዉና አጥፊዎች ለህግ እንዲቀርቡ ባወጣዉ መግለጫ አሳዉቋል።

የኢትዮጵያ የፖለቲካ ፓርቲዎች የጋራ ምክር ቤት ገዢዉ ብልፅግና ፓርቲን ጨምሮ 61 አባላት አሉት።

አቤል ደጀኔ
ሰኔ 02 ቀን 2015 ዓ.ም ክፈት / አስተያየት ይስጡ

2023-06-08 16:46:53 ክፈት / አስተያየት ይስጡ

2023-06-08 16:16:31 የጉዞ መስመሩ የተቀየረዉ የህንድ ጄት አዉሮፕላን በሩሲያ የአየር ክልል እንዲያርፍ ተገደደ፡፡

የአሜሪካ ስሪት የሆነዉ የህንድ ጄት አዉሮፕላን ባጋጠመዉ የሞተር ችግር ነው በሩሲያ የአየር ክልል እንዲያርፍ የተገደደው፡፡

ይህ ክስተት የአሜሪካን ሰንደቅ ዓላማ የያዘች አዉሮፕላን ተመሳሳይ የሞተር ችግር ካጋጠማት አንድ ቀን በኋላ የተፈጠረ በመሆኑ በሩሲያ አየር ክልል አከባቢ ዉጥረት መፈጠሩ ነዉ የተገለጸዉ፡፡

ባሳለፍነው ማክሰኞ የተጠናቀቀዉ አለም ዓቀፉ የኢንዱስትሪ ስብሰባ፣ ወደ ዓለም ዓቀፍ መዳረሻዎች ለሚደረጉ አብዛኞቹ ጉዞዎች በሩሲያ የአየር ክልል ማለፍን እንደ ወሳኝ መሸጋገሪያ አድርጎ ወስዷል፡፡

ይህን ተከትሎ ከዩክሬን ጋር ጦርነት ዉስጥ ባለችዉ ሩሲያ ላይ ከምዕራባዊያን የተጣለባትን ማዕቀብ ምክንያት በማድረግ፣ ሩሲያ የተወሰኑ አገራትን መለያ የያዙ አዉሮፕላኖች በአየር ክልሏ እንዳያልፉ መወሰኗን ተከትሎ፣ በዚህ የአየር ክልል ማለፍ ግድ የሆነባቸዉ የተለያዩ አገራት በዉሳኔዉ ደስተኛ አለመሆናቸዉን ሮይተርስ ዘግቧል፡፡

በእስከዳር ግርማ

ሰኔ 01 ቀን ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-08 16:01:26 ክፈት / አስተያየት ይስጡ

2023-06-08 15:39:02 “በደመወዝ ጥያቄ ሽፋን፣ ሁከት እና ብጥብጥ አስነስታችኋል” በሚል ለእስር የተዳረጉት 40 ሰራተኞች እያንዳንዳቸዉ በ50 ሺህ ብር ዋስትና ከእስር ተለቀቁ፡፡

በደቡብ ክልል ሀዲያ ዞን ምስራቅ ባድዋቾ ወረዳ ለወራት ያልተከፈላቸውን ደመወዝ ይከፈለን በሚል ጥያቄ ማቅረባቸውን ተከትሎ ታስረው የነበሩት ሰራተኞች ከእስር መፈታታቸውን ኤትዩ ኤፍ ኤም አረጋግጧል፡፡
ከ40 በላይ ቀናት በእስር መቆየታቸውን የተናገሩት እና ስማቸው እንዳይጠቀስ የፈለጉት ግለሰቦቹ አሁን በዋስትና ተፈተው ከቤተሰብ መቀላቀላቸውን ለጣቢያችን ገልጸዋል፡፡

ከሚመለከተው አካል ጋር ንግግር እያደረጉ መሆኑን የሚናገሩት ለደህንነታቸው ሲባል ስማቸው እንዳይጠቀስ የጠየቁት ያናገርናቸው ግለሰብ “በህግ ቁጥጥር ስር ስውል በተፈጸመብኝ ድብደባ ህክምና ማግኘት ባለመቻሌ በአንድ አይኔ ላይ ከፍተኛ የጤና ችግር ድርሷል” ብለዋል፡፡
ከተፈጸመባቸው የመብት ጥሰት በተጨማሪ፣ ሕክምና መከልከላቸውንም ተናግረዋል፡፡

ከእስር የተፈቱት ችግሩ ተፈቶ እንደሆነ የጠየቅናቸው ግለሰቦቹ " አይ በፍጹም፤ ዐቃቤ ሕግ በማስረጃ የተደገፈ ክስ ማቅረብ ባለመቻሉ ነፃ ናችሁ በሚል ነው እያንዳንዳችን በ50ሺህ ብር ዋስ የተፈታነው ” ብለዋል፡፡

በእስር ላይ ከነበሩት መካከል ሌላኛው ስሜ አይጠቀስ ያሉን ግለሰብ ከጣቢያችን ጋር በነበራቸው ቁይታ እንደነገሩን፤ በውድቅት ሌሊት በር ሰብረው በገቡ የጸጥታ ሀይሎች እሳቸው እና ሌሉች አምስት የቤተሰቡ አባላትን ስብእናን በሚነካ መልኩ መወሰዳቸውን ገልጸው ከባድ የተባለ ድብደባም ተፈጽሞብናል ነው ያሉት፡፡
“በደመወዝ ጥያቄ ሽፋን ሁከት እና ብጥብጥ አስነስታችኋል ፤ለመገናኛ ብዙሀን እና በማህበራዊ ሚዲያም ዞናችን ስም አጥፍታችኃል በሚልም ክስ ቀርቦብን ነበር ኋላ ግን በ50 ሺህ ብር ዋስትና ከእስር ተለቀናል” ብለውናል፡፡

“አሁንም ድረስ የሾኔ ሆስፒታል ደሞዝ ለሰራተኞቹ መክፈል ባለመቻሉ ስራ እንዳቆመ ተናግረው ሌሎች ወረዳዎች ላይም ችግሩ ተባብሶ ቀጠለ እንጂ መፍትሔ አልተሰጠንም” ብለውናል ከጣቢያችን ጋር ቆይታ ያደረጉት ግለሰቦች፡፡

የሃዲያ ዞን ዋና አስተዳዳሪ አቶ አብርሃም ሜጫ ስለጉዳዩ ምላሽ እንዲሰጡን ተደጋጋሚ ስልክ ብንደውልም ስልክ ሊያነሱልን አልቻሉም፡፡

ይሁን እንጂ ከዚህ ቀደም ከአንድ የውጪ የዜና ወኪል ጋር በነበራቸው ቁይታ፤ ታስረው የነበሩ ሠራተኞች የዋስትና መብታቸው ተፈቅዶ መለቀቃቸውን ገልጸው፣ “ጉዳዩ ግን ገና አልተቋጨም ” ሲሉ ምላሽ ሰጥተዋል።

በያይኔአበባ ሻምበል

ሰኔ 01 ቀን ቀን 2015 ዓ.ም

ለታማኝና ወቅታዊ መረጃዎች ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
YouTube https://www.youtube.com/.../UCn4D20GPsAtNqN5bIC1BhFA/videos ክፈት / አስተያየት ይስጡ

2023-06-08 15:24:23 ክፈት / አስተያየት ይስጡ

2023-06-08 15:11:23 ክፈት / አስተያየት ይስጡ