Ethio Fm 107.8

2022-07-13 08:48:06 የዛሬው የኢትዮ ማለዳ ዜናዎቻችን 06-11-14 ክፈት / አስተያየት ይስጡ

2022-07-12 18:22:55 የጥቁር አንበሳ ዩኒቨርስቲ ሜዲካል ኮሌጅ በተማሪ ቢኒያም ኢሳያስ ጉዳይ ተወያይቶ ውሳኔ አሳልፏል።


በአዲስ አበባ ዩኒቨርስቲ የጤና ሳይንስ ኮሌጅ ቺፍ ኤክስኪዩቲቭ ዳይሬክተር ዶክተር አንዷለም ደነቀ በዛሬው ዕለት በጉዳዩ ላይ መግለጫ ሰጥተዋል ።

ተማሪ ቢኒያም ኢሳያስ ከ2010 ጀምሮ በህክምና ኮሌጁ ትምህርቱን ይከታተል እንደነበር ተገልጿል።

ነገር ግን የአራተኛ አመት ተማሪ እያለ በተፈጥሮ በግራ እጁ ላይ ጉዳት እንዳለበት በመምህራኖቹ ታይቶ ይህ ጉዳት የህክምና ትምህርቱን መቀጠል እንደሚያስችለውና እንደማያስችለው ለመወሰን ጉዳዩ ወደ ፕረዝደንት ፅ/ቤት መመራቱንም ዶክተር አንዷለም ተናግረዋል።

በዚህም ላለፉት 8 ወራት ውይይት ሲካሄድበት ጉዳዩ መቆየቱንም ኢትዮ ኤፍኤም ከመግለጫው ሰምቷል፡፡

በዚህም መሰረት በተላላፈው ውሳኔ አንድ የህክምና ተማሪ ግዴታ ሊከውናቸው የሚገቡ ጉዳዮች ተብለው ከተቀመጡ መስፈርቶች ማለትም የቆመ የልብ ምት ማስነሳት ፣ መለስተኛ ቁስል መስፋት ፣ኦክሲጅን መስጠት ፣ማወለድ እንዲሁም ቱቦ በሰውነት ውስጥ ማስገባት ሲሆኑ እነዚህን ለማድረግ ደግሞ የግድ ሁለት እጆች እንደሚያስፈልጉም ነው የተገለፀው።

ይህን ተከትሎ በተማሪ ቢኒያም ላይ በተካሄዱት ስብሰባዎች ውሳኔ መሰረት በፋርማሲ ፣ህክምና ላቦራቶሪ ሳይንስ ፣የህክምና ራዲዮሎጂ ቴክኖሎጂን መማር እንደሚችል እና ወደ እነዚህ የትምህርት ዘርፎችም ሲዘዋወር ትምህርቶቹ ተዛማጅ በመሆናቸው እስከዛሬ የተማራቸው ተያያዥ ትምህርቶች በሙሉ እንዲመዘገቡለት ስምምነት ላይ ተደርሷል።

በተጨማሪም በተማሪ ቢኒያም የቅበላ ሁኔታ ላይ ለተፈጠረው ስህተት ዩኒቨርስቲው ሙሉ ሀላፊነት እንደሚወስድ አረጋግጧል፡፡

በእስከዳር ግርማ

ሐምሌ 05 ቀን 2014 ዓ.ም ክፈት / አስተያየት ይስጡ

2022-07-12 13:20:10 በደሴ ከተማ በተለምዶ ሳላይሽ ተብሎ በሚጠራው አካባቢ በተከሰተ ፍንዳታ በሰዎች ላይ ጉዳት መድረሱን ፖሊስ አስታወቀ፡፡

በደሴ ከተማ የ3ኛ ፖሊስ ጣቢያ የወንጀል ምርመራ ክፍል ኃላፊ ኢንስፔክተር አለባቸው መለሰ እንደገለጹት ÷ ዛሬ 5 ሰዓት ከ30 ላይ ሳላይሽ በግ ተራ አካባቢ የቆራሌ ዕቃ በሚራገፍበት ሰዓት ለጊዜው ምንነቱ ያልታወቀ ነገር ፈንድቶ በሰዎች ላይ ጉዳት አድርሷል፡፡

በፍንዳታው በግ ሲገዙ የነበሩ ሰዎችና የቀን ሠራተኞች ላይ ጉዳት መድረሱ የተገለጸ ሲሆን÷ ተጎጂዎችም ወደ ሆስፒታል ተወስደው ህክምና እየተደረገላቸው እንደሚገኝ ኤፍ ቢ ሲ ዘግቧል ፡፡

እስከ አሁን የሞተ ሰው እንደሌለ የተገለጸ ሲሆን፥ ምን ያህል ሰው እንደተጎዳ ፖሊስ መረጃ እሰጣለሁ ብሏል፡፡

ኢትዮ ኤፍ ኤም 107.8 የኢትዮጵያዊያን

ሐምሌ 05 ቀን 2014 ዓ.ም ክፈት / አስተያየት ይስጡ