ትምህርት ሚኒስቴር

#MoE

ዲጂታል የተማሪዎች መታወቂያ ስርዓት ተግባራዊ መሆን ጀምሯል።

ትምህርት ሚኒስቴር ከብሔራዊ መታወቂያ ፕሮግራም ጋር በመተባበር የዲጂታል መታወቂያ ስርዓትን በትምህርት ተቋማት መደበኛ የተማሪዎች መለያ አድርጎ መተግበር ጀምሯል።

የተማሪዎች ዲጂታል መታወቂያ የተማሪዎችን ማንነት በወጥነት ለመለየት የሚያስችል መሆኑ ተገልጿል።

ስርዓቱ ከትምህርት ቤቶች እስከ ዩኒቨርሲቲዎች ያሉ የትምህርት ተቋማት የተማሪ ቅበላ፣ ፈተናና የማህደር አስተዳደር የመሳሰሉ ሥራዎችን ለማሳለጥ ያግዛል ተብሏል።

እስካአሁን 640 ሺህ ተማሪዎች ብሔራዊ መለያ ቁጥር ማግኘታቸውን የብሔራዊ መታወቂያ ፕሮግራም ዋና ዳይሬክተር ዮዳሄ አርአያሥላሴ ተናግረዋል። በ2016 የትምህርት ዘመን ስርዓቱን ሙሉ ለሙሉ ተግባራዊ ለማድረግ እንደሚሠራ ገልፀዋል።

@News_For_Student
@News_For_Student

የድህረ-ምረቃ ተማሪዎች የመግቢያ ፈተና ከመስከረም 21 እስከ 23/2016 ዓ.ም ይሰጣል።

ፈተናው በመንግሥት ዩኒቨርሲቲዎች በኦንላይን እንደሚሰጥ የትምህርት ሚኒስቴር ገልጿል።

ተፈታኞች በአዲስ አበባ ዩኒቨርሲቲ በተዘጋጀው Graduate Admission Testing (GAT) የመመዝገቢያ ፖርታል https://portal.aau.edu.et ከመስከረም 11 እስከ 20/2016 ዓ.ም ድረስ በኦንላይን ማመልከት እንደሚገባቸው ሚኒስቴሩ ዛሬ ለሁሉም የመንግሥት ዩኒቨርሲቲዎች እና የግል ከፍተኛ ትምህርት ተቋማት በላከው ደብዳቤ አሳውቋል፡፡

በየትኛውም የመፈተኛ ማዕከላት ፈተናውን ለመውሰድ ተፈታኞች ፎቷቸው ያለበት Test Admission Ticket (TAT) ይዘው መገኘት እንዳለባቸው ተገልጿል፡፡

የመግቢያ ፈተናውን ትምህርት ሚኒስቴር እና አዲስ አበባ ዩኒቨርሲቲ በጋራ የሚያስተዳድሩት ሲሆን ከኢትዮ ቴሌኮም ጋር በመተባበር የሚሰጥ ነው፡፡

የድህረ ምረቃ ፕሮግራሞች የመግቢያ ፈተና የማለፊያ ነጥብ በትምህርት ሚኒስቴር የሚወሰን መሆኑም ተመላክቷል።

(በትምህርት ሚኒስቴር የአካዳሚክ ጉዳዮች ዋና ሥራ አስፈጻሚ ኤባ ሜጄና (ዶ/ር) ተፈርሞ ለሁሉም የመንግሥት ዩኒቨርሲቲች እና የግል ከፍተኛ ትምህርት ተቋማት የተላከው ደብዳቤ ከላይ ተያይዟል፡፡)

@News_For_Student @News_For_Student

#MoE

የትምህርት ሚኒስቴር ለሁሉም የመንግሥት እና የግል ከፍተኛ ትምህርት ተቋማት በፃፈው ደብዳቤ የማካካሻ (ሬሜዲያል) ትምህርት ተከታታዮች ፈተና የሚሰጥበትን አቅጣጫ አስቀምጧል።

(ከላይ ያንብቡ)

@News_For_Student
@News_For_Student

ከመስከረም 7 እስከ 10/ 2016  የማካካሻ (Remedial) ትምህርት ፈተና እንደሚሰጥ ትምህርት ሚኒስቴር አሳውቋል።
 
ትምህርት ሚኒስቴር የማካካሻ (ሬሜዲያል) ፈተና ከመስከረም 7 እስከ 10/ 2016 እንደሚሰጥ ለሁሉም የመንግሥት እና የግል ከፍተኛ ትምህርት ተቋማት በፃፈው ደብዳቤ አሳውቋል።

ፈተናው በ30 የመንግሥት ዩኒቨርሲቲዎች ውስጥ የሚከናወን ይሆናል።

የሚሰጠው ፈተና የማካካሻ ትምህርታቸውን አጠናቀው ከሰኔ 26 እስከ 30/2015 ዓ.ም የተሰጠውን የማዕከል ፈተና ላልወሰዱ  ተማሪዎች መሆኑ ተገልጿል።

ሚኒስቴሩ ፤ ከመስከረም 7- 10/2016 ዓ.ም ከማዕከል የሚሰጠው ፈተና #በወረቀት የሚሰጥ መሆኑን አሳውቋል።

በ2015 ዓ.ም የ12ኛ ክፍል ፈተና ወስደው ውጤታቸው ከ50 % በታች ሆኖ ወደከፍተኛ ትምህርት መግባት ያልቻሉ እና በአንጻራዊነት የተሻለ ውጤት የነበራቸው ወደ 200ሺ የሚጠጉ ተማሪዎች በከፍተኛ ትምህርት ተቋማት የአንድ ሴሚስተር የማካካሻ ትምህርት መውሰዳቸው ይታወቃል።

የማካካሻ (ሬሜዲያል) ፈተና የሚሰጠው ተማሪዎቹ በተቋማት እና በማዕከል የሚሰጠውን ምዘና ወስደው በሚያስመዘግቡት ውጤት መሠረት ከ2016 ዓ.ም ፍሬሽማን ተማሪዎች ጋር የከፍተኛ ትምህርታቸውን እንዲቀጥሉ በተቀመጠው አቅጣጫ መሠረት ነው።

@News_For_Student
@News_For_Student