ትምህርት ሚኒስቴር

#Update

" ፈተናው ተራዝሟል ፤ ፈተናው የሚሰጥበትን ጊዜ በቀጣይ እናሳውቃለን " - ትምህርት ሚኒስቴር

ከዚህ ቀደም ፈተናቸውን ያልወሠዱ የግል ከፍተኛ ትምህርት ተቋማት የሬሜዲያል ፕሮግራም ተማሪዎች ፈተና ተራዝሟል።

ፈተናው ከነሐሴ 23 እስከ 26/2015 ዓ.ም በኦንላይን ይሰጣል ተብሎ እንደነበር አይዘነጋም።

ይሁን እንጂ በኢንተርኔትና ተዛማጅ ምክንያቶች ፈተናው መራዘሙን ቲክቫህ ዩኒቨርሲቲ ከትምህርት ሚኒስቴር ከፍተኛ አመራር አረጋግጧል።

ሚኒስቴሩ ፈተናው የሚሰጥበትን ጊዜ በቀጣይ እንደሚያሳውቅ ገልጿል።

@News_For_Student
@News_For_Student

በአፋር ክልል የ123 ትምህርት ቤቶችን ደረጃ ለማሻሻል እየተሠራ ነው።

በክልሉ የሚገኙ ትምህርት ቤቶችን ደረጃ የማሻሻል ንቅናቄ ከሐምሌ 05/2015 ዓ.ም ጀምሮ እየተካሔደ እንደሚገኝ የክልሉ ትምህርት ቢሮ ኃላፊ አብዱ ሐሰን ገልጸዋል።

ንቅናቄው በክልሉ በወረዳ ደረጃ እየተከናወነ ይገኛል ያሉት ኃላፊው፤ አርብቶ አደሩ በገንዘብ መዋጮ፣ በጉልበቱ እንዲሁም የእንስሳት መዋጮ በማድረግ እየደገፈ መሆኑን ለኢዜአ ተናግረዋል።

ዓለም አቀፉ የህጻናት መርጃ ድርጅት (UNICEF) ከ4 ሚሊዮን ብር በላይ ድጋፍ ማድረጉንም ጠቅሰዋል።

መርሃ ግብሩ ለአምስት ዓመት የሚቀጥል ሲሆን በዘንድሮው ዓመት ብቻ 123 ትምህርት ቤቶችን ደረጃ ለማሻሻል ታቅዷል ብለዋል።

@News_For_Student
@News_For_Student

#MoE

በመንግስት ዩኒቨርሲቲዎች የፕሮግራሞች አከፋፈት  የዩኒቨርስቲዎችን የትኩረትና ተልእኮ ልየታ የተከተለ እንዲሆን አቅጣጫ ተሰጠ::

በ2016 የትምህርት ዘመን በመንግስት ዩኒቨርሲቲዎች የፕሮግራሞች አከፋፈት  የዩኒቨርስቲዎችን የትኩረትና ተልእኮ ልየታ የተከተለ እንዲሆን  በትምህርት ሚኒስቴር ነሃሴ 09/2015ዓ. ም በተጻፈ ደብዳቤ አቅጣጫ ተሰጥቷል።

እስካሁን  በመሰጠት ላይ ያሉ የቅድመና ድህረ ምረቃ ፕሮግራሞች በ2016 ዓ.ም በዝርዝር ተፈትሸውና  ተገምግመው  ከዩኒቨርስቲዎች ልየታ ጋር መጣጣማቸውን የማረጋገጥ ስራ እንደሚሰራም ተገልጿል።

የትምህርት ሚኒስትሩ ፕሮፌሰር ብርሀኑ ነጋ ለሁሉም ዩኒቨርስቲዎች በጻፉት ደብዳቤ የታቀዱ አዳዲስ ፕሮግራሞች ለመክፈት የሚደረጉ ጥናቶች ባሉበት እንዲቆዩ፣ መጪው የትምህርት ዘመን የመንግስት  ዩኒቨርስቲዎች በአዳዲስ ፕሮግራሞች ተማሪዎችን እንዳይቀበሉ እንዲሁም  በቦርድ በጸደቁና በትምህርት ሚኒስቴር በተመዘገቡ አዳዲስ ፕሮግራሞችም ዩኒቨርስቲዎች ተማሪ መቀበል እንዳይጀምሩ አሳስበዋል።

አዳዲስ የትምህርት ፕሮግራሞች ባሉበት እንዲቆዩ የተወሰነው የትምህርት ፕሮግራሞች ተገምግመው ከዩኒቨርስቲዎች ተልዕኮና ትኩረት ጋር መጣጣማቸው  እስኪረጋገጥ ድረስ አዳዲስ ፕሮግራሞችን የመክፈት ስራ መግታት አስፈላጊ በመሆኑ ነው ብለዋል።

(ደብዳቤውን ከላይ  ተያይዟል)

ምንጭ፦ ትምህርት ሚኒስቴር

@News_For_Student
@News_For_Student