Housing in Addis Ababa የአዲስ አበባ ቤቶች

ዛሬ በሚጠናቀቀው የአክሲዎን ሽያጭ አማራ ባንክ በሰነደ መዋእለ ንዋይ ገበያ (Securities Exchange) ላይ ከግል ኢንቨስተሮች ከፍተኛ ባለድርሻ የሚያረገውን አክሲዎን ገዛ።

አማራ ባንክ ከፍተኛውን መዋዕለ ነዋይ በመመደብ የ 10 በመቶ የአክሲዮን ድርሻ መግዛቱን ገልጿል።

ባንኩ የሰነደ መዋዕለ ገበያን ላይ በ 90.6 ሚሊዮን ብር ከፍተኛዉን ድርሻ የገዛ የግል ኩባንያ መሆን ችሏል። ይህን ተከትሎ የአክሲዮን ግዢን የመፈፀመ አምስተኛዉ ባንክ ሆኗል።

ካፒታል ገበያን በኢትዮጵያ ለማቋቋም ድርሻ ከገዙት ባንኮች ዉስጥ እስካሁን 308.1 ሚሊዮን ብር መሰብሰብ ተችሏል ።
ካፒታል

መንግሥት በዋና ከተማ አዲስ አበባ የሚከናወኑ የቤት ፈረሳዎች ከተማዋን ለማዘመንና ለነዋሪዎቿም ምቹ ለማድረግ የታሰበ የልማት እቅድ መሆኑን ይገልጻል። መኖሪያ ቤታቸው ለፈረሰባቸው ወገኖችም ምትክ ቦታ እንደሚሰጥም እንዲሁ። በዛሬው ዕለትም በአዲስ አበባ ከተማ እየተካሄደ የሚገኘው የኮሪደር ልማት ሥራ ሂደት መገምገሙንም ጠቅላይ ሚኒስትር አቢይ አህመድ በማኅበራዊ መገናኛ ገጻቸው አመልክተዋል። በዚህም ቀዳሚ ዓላማቸው አዲስ አበባን ለነዋሪዎቿ የተመቸች ሳቢ ከተማ ለማድረግ ያላቸውን ቁርጠኝነት ማሳካት መሆኑንም ገልጸዋል። «የማልማት ሥራ ሂደቱ በግሉ ክፍለ ኢኮኖሚና በመንግሥት ብሎም አነስተኛ ገቢ ባላቸው የኅብረተሰብ ክፍሎች እና የተለያዩ አካላት የተያዙና የተከራዩ ንብረቶችን የነካ ሊሆን ቢችልም ይህ ለረዥም ጊዜ ፋይዳ ትልም ይዞ የተነሳ ሥራ ሲጠናቀቅ ለሁሉም ባለድርሻ አካል ብሎም ለሰፊው ሕዝብ የሚሰጠው ጥቅም ትልቅ ነው»ም ብለዋል ጠቅላይ ሚኒስትሩ።

ከተማን ለማዘመን በማሰብ የነባር ቤቶች እና መንደሮች መፍረስ አስቀድሞ ከሌሎች ሃገራት ተሞክሮ ቢወሰድበት መልካም እንደነበር የሚጠቁሙ በበኩላቸው ለታሪካዊ ሕንጻዎችና ቅርሶች ተገቢና ሞያዊ ጥንቃቄ እያሳሰቡ ነው። ከበቂ መተላለፊ መንገድ አንስቶ የመጸዳጃ ቤቶች እና የፍሳሽ ማውረጃ መስመሮች ጉድለት የሚታይባቸው ጭርንቁስ መንደሮችን የዋና ከተማዋን ደረጃ በጠበቀ መልኩ ማሻሻል እንደሚያስፈልግ የሚገልጹ ወገኖች ጥንታዊ የከተማ ገጽታዎችን ጠብቆ ማቆየት በሌሎች ሃገራት ለቱሪዝም መስህብነት አይነተኛ ሚና እንዳለውም ያነሳሉ።
DW

ቦሌ ቡልቡላ 5 የጋራ መኖሪያ ቤቶች የውስጥ ለውስጥ የመንገድ ግንባታ እየተካሄደ ነው
አዲስ አበባ ፣ መጋቢት 16 ቀን 2016 ዓ.ም፡- የአዲስ አበባ ከተማ መንገዶች ባለሥልጣን በቦሌ ክፍለ ከተማ፣ ወረዳ 12 በሚገኘው ቡልቡላ 5 የጋራ መኖሪያ ቤቶች የውስጥ ለውስጥ መንገድ ግንባታ እያካሄደ ይገኛል፡፡

የመንገዱን ግንባታ እያከናወነው የሚገኘው ሶፍ ዑመር ጠቅላላ ስራ ተቋራጭ የተባለ ሀገር በቀል ድርጅት ሲሆን.፣ የማማከርና የቁጥጥር ስራውን ደግሞ ጎጎት ኮንሰልቲንግ ኢንጂነርስ ይከታተለዋል፡፡

ይህ የመንገድ ግንባታ በአጠቃላይ 2 ነጥብ 2 ኪሎ ሜትር ርዝመት ያለው ሲሆን፣ 1 ነጥብ 2 ኪሎ ሜትሩ በአስፋልት እንዲሁም ቀሪው 1ኪሎ ሜትር ርዝመት የሚሸፍነው የመንገዱ ክፍል ደግሞ በኮብል ደረጃ የሚገነባ ነው፡፡

ለፕሮጀክቱ ማስፈፀሚያ 390 ሚሊዮን ብር በላይ በጀት የተመደበለት ሲሆን፣ አሁን ላይ የአፈር ቆረጣና ሙሌት ፣ የቱቦ ቀበራ እና ተያያዥ ስራዎች በመከናነወን ላይ ናቸው፡፡

የመንገድ ፕሮጀክቱ ግንባታ በተያዘለት ጊዜ ተጠናቆ ለአገልግሎት ክፍት እንዲሆን የሚመለከታቸው ባለድርሻ አካላት በመንገዱ ወሰን ውስጥ የሚገኙ ቀሪ የወሰን ማስከበር ስራዎችን በማጠናቀቅ የበኩላቸውን ድርሻ እንዲወጡ ባለስልጣን መስሪያ ቤቱ ጥሪውን ያቀርባል፡፡

የአዲስ አበባ ከተማ መንገዶች ባለሥልጣን