Ministry of Education Ethiopia

በከፍተኛ ትምህርት ተቋማት የሚተገበሩ የማህበረሰብ አገልግሎት ስራዎች እውቀት-መር እና አሳታፊ በሆነ አግባብ መተግበር እንዳለባቸው ተገለጸ።

………………………………………. // ……………………………….
የካቲት 4/2016 ዓ.ም (ትምህርት ሚኒስቴር) የኢፌዲሪ ትምህርት ሚኒስቴር በከፍተኛ ትምህርት ተቋማት የሚተገበሩ የማህበረሰብ አገልግሎት እና ማህበረሰብ ጉድኝት ስራዎች ላይ ያተኮረ ስልጠና ለሁሉም ዩኒቨርሲቲ የማህበረሰብ ጉድኝት የስራ ኃላፊዎች ስልጠና እየሠጠ ነው።

የትምህርት ሚኒስቴር የምርምር እና ማህበረሰብ ጉድኝት ጉዳዮች መሪ ሥራ አሥፈጻሚ ዶ/ር ሰለሞን ቢኖር ሥልጠናውን ሲከፍቱ ባስተላለፉት መልዕክት በሀገራችን የከፍተኛ ትምህርት ተቋማት ተደራሽነት ላይ ትኩረት ተሰጥቶ የተሰራ ቢሆንም ከምርምር እና ማህበረሰብ ጉድኝት ስራዎች አንጻር የተሻለ ስራ መስራት የሚጠበቅ መሆኑን ገልጸዋል።

ዶ/ር ሰለሞን አክለውም ሚኒስቴር መስሪያ ቤቱ ለምርምር፣ ቴክኖሎጂ ሽግግር እና ማህበረሰብ ጉድኝት ስራዎች ልዩ ትኩረት በመስጠት የተለያዩ የህግ ማዕቀፎችን በማዘጋጀት እና የአቅም ግንባታ ስራዎች በማከናወን ላይ መሆኑን ጠቅሰው የዚህ ስልጠና ዓላማም በተለይም በማህበረሰብ ጉድኝት ላይ የከፍተኛ ትምህርት ተቋማት የተሻለ አሰራር ስራ እንዲዘረጉና እንዲተገብሩ ለማስቻል መሆኑን ገልጸዋል፡፡

ስልጠናው በኮሎራዶ ስቴት ዩኒቨርሲቲ መምህርና ተመራማሪ የሆኑት ፕ/ር አሠፋ ገብረ-አምላክ የተሰጠ ሲሆን በሀገራችን የሚተገበሩ የማህበረሰብ አገልግሎት ስራዎች ከአለም-አቀፍ ተሞክሮ አንጻር መቃኘት እንዳለበት ገልጸዋል፡፡

ሙሉ ዜናው https://www.facebook.com/share/p/KwN95ba3WXkQaw9h/?mibextid=2JQ9oc

የመላው ጥቁር ሕዝቦች የድልና ነፃነት ዓርማ ፣ የአፍሪካ ኩራት፣ የኢትዮጵያ ጀግኖች መታሰቢያ የሆነው የዓድዋ ድል መታሰቢያ ፕሮጀክት ግንባታው ተጠናቆ በመመረቁ እንኳን ደስ አለን!

ትምህርት ሚኒስቴር!

የትምህርት ሚኒስቴርን መረጃዎች በሚከተሉት ማስፈንጠሪያዎች ያግኙ፡-

በፌስቡክ -https://www.facebook.com/fdremoe/
በቴሌግራም -https://t.me/ethio_moe
በትዊተር - http://twitter.com/fdremoe
በሊንክዲን - https://www.linkedin.com/.../ministry-of-education-ethiopia
በዌብሳይት - www.moe.gov.et ይከታተሉ

የትምህርት ሚኒስቴር ሰራተኞች “ ስልጡን አገልጋይነት ለሁለንተናዊ ስኬታማነት “በሚል ርዕስ በተዘጋጀ ሰነድ ላይ ውይይት አደረጉ፡፡
...................................................

የካቲት 1/2016 ዓ.ም (ትምህርት ሚኒስቴር) "ከእዳ ወደምንዳ" በሚል ሀገራዊ መልዕክት እንደ ሀገር በተዘጋጁ የውይይት ሰነዶች ላይ ለትምህርት ሚኒስቴር አመራሮችና ሰራተኞች ለሁለት ቀናት የተሰጠው ስልጠናና ውይይት ተጠናቋል፡፡

“ ስልጡን አገልጋይነት ለሁለንተናዊ ስኬታማነት “በሚል ርዕስ በቀረበው ሰነድ የሪፎርሙ መዋቅር ከተቋማት ባህሪና ተልእኮ አንጻር የተቃኘ መሆኑ ፣ ብቃትን ማዕከል ያደረገ፣ ነጻ ፣ ገለልተኛና አካታች ሲቪል ሰርቪስ መገንባት፣ ግልጽና የማትጊያ ሂደቶችንም የተከተለ ስርዓት ማበጀትን ዓላማው ያደረገ መሆኑ ተመላክቷል፡፡

በመሆኑም በትምህርቱ ዘርፍ ለሚተገበሩ የሪፎርም ስራዎች ስኬታማነት በየደረጃው የሚገኙ አመራሮችና ሰራተኞች ለውጤታማነቱ የሚጠበቅባቸውን ሃላፊነት ሊወጡ እንደሚገባ በከፍተኛ አመራሩ ተገልጿል ፡፡

በመድረኩ ላይ የከፍተኛ ትምህርት ልማት ዘርፍ አስተዳደርና መሰረተ ልማት መሪ ስራ አስፈጻሚ ሰለሞን አብርሃ ( ዶ/ር ) “ ስልጡን አገልጋይነት ለሁለንተናዊ ስኬታማነት “በሚል ርዕስ ሲቪል ሰርቪስን የተመለከተ የመወያያ ሰነድ አቅርበዋል፡፡

በቀረበው ሰነድ መነሻ በትምህርት ሚኒስትሩ ፕ/ር ብርሃኑ ነጋ፣ የአጠቃለይ ትምህርት ልማት ዘርፍ ሚኒስትር ዴኤታ ክብርት አየለች እሸቴና የከፍተኛ ትምህርት ልማት ዘርፍ ሚኒስትር ዴኤታ ክቡር ኮራ ጡሹኔ መሪነት ውይይት ተደርጎበታል፡፡

ዝርዝሩ

https://www.facebook.com/share/p/hyLBGNab4wnKpsoS/?mibextid=9R9pXO

የትምህርት ሚኒስቴር አመራሮችና ሰራተኞች በሀገራዊና ወቅታዊ ጉዳዮች ዙሪያ ውይይት እካሄዱ፡፡
====================
ጥር 30/2016(ትምህርት ሚኒስቴር) ከ”እዳ ወደ ምንዳ” በሚል መሪ መልዕክት እንደ ሀገር በተዘጋጀው የውይይት ሰነድ ላይ የትምህርት ሚኒስቴር አመራሮችና ሰራተኞች ውይይት እያካሄዱ ይገኛሉ፡፡

የውይይቱ አላማ ሰራተኛው በሀገራዊና ክልላዊ የፖለቲካ፣ የማህበራዊና ኢኮኖሚያዊ እንዲሁም የሰላም ሁኔታ ላይ በመወያየትና በመመካከር የተሻለ ግንዛቤ በመፍጠር መሆኑ ተገልጿል።

ውይይቱ በመጀመርያ ቀን ውሎው ሀብት የመፍጠር ጉዟችን፣ እያጋጠሙን ያሉ ተግዳሮቶችና ቀጣይ አቅጣጫዎች በሚል ርእስ የተዘጋጀ የውይይት መነሻ ሰነድ በከፍተኛ ትምህርት ልማት ዘርፍ የአካዳሚክ ጉዳዮች መሪ ስራአስፈፃሚ ኤባ ሚጅና(ፒኤችዲ) ቀርቧል።

በቀረበው ሰነድ መነሻ በትምህርት ሚኒስትሩ ፕ/ር ብርሃኑ ነጋ፣ የአጠቃለይ ትምህርት ሚኒስትር ዴኤታ ክብርት አየለች እሸቴና በከፍተኛ ትምህርት ልማት ዘርፍ ሚኒስትር ዴኤታ ክቡር ኮራ ጡሹኔ መሪነት ውይይት ተደርጎበታል፡፡

ውይይቱ ዛሬም አገልጋይና ስልጡን ሲቪል ሰርቪስ ለኢትዮጵያ ብልፅግና በሚል ርእስ እየተካሄደ ይገኛል፡፡

የትምህርት ሚኒስቴርን መረጃዎች በሚከተሉት ማስፈንጠሪያዎች ያግኙ፡-

በፌስቡክ -https://www.facebook.com/fdremoe/
በቴሌግራም -https://t.me/ethio_moe
በትዊተር - http://twitter.com/fdremoe
በሊንክዲን - https://www.linkedin.com/.../ministry-of-education-ethiopia
በዌብሳይት - www.moe.gov.et ይከታተሉ

በከፍተኛ ትምህርት ተቋማት የአደንዛዥ እጽና መድሃኒቶች ሥርጭት ለመከላከል በትኩረት መሰራት እንዳለበት ተገለፀ።
----------------- //--------------------
ጥር 26/2016 ዓ.ም (ትምህርት ሚኒስቴር) በአደዛዥ እጽና መድሃኒቶች ሥርጭት ዙሪያ ውይይት ተደርጓል፡፡

በትምህርት ሚኒስቴር የከፍተኛ ትምህርት ልማት ዘርፍ የአስተዳደር ጉዳዮች ዴስክ ኃላፊ አቶ አብዶ ናስር በዩኒቨርሲቲዎች የአደንዛዥ እጽና መድሃኒቶች ተጠቃሚነት ችግሮችን ለመከላከል ሥራዎች ሲሰሩ የቆዩ ቢሆኑም ከችግሩ ስፋትና ባህሪ አንጻር የሚፈለገውን ውጤት ማምጣት እንዳልተቻለ ገልጸዋል፡፡

አቶ አብዱናስር አክለውም ችግሩን ለመፍታትም አደንዛዥ እጾችና መድሃኒቶች ወደ ተቋማቱ እንዳይገቡ ከባለድርሻ አካላት ጋር የቁጥጥር ስራዎችን ከመስራት ጎን ለጎን በጉዳዩ አሳሳቢነት ዙሪያ መንስኤዎችን፣ልምዶችንና መፍትሄዎችን መሠረት ያደረጉ የባህሪ ለውጥ ሊያመጡ በሚችሉ የተማሪ ሥልጠናዎች ላይ ማተኮር እንደሚገባ ጠቁመዋል፡፡

የከፍተኛ ትምህርት ተቋማት ጤንነቱ የተጠበቀ ትውልድ ለመቅረፅ ፤ ስብዕናን በመገንባትና ግንዛቤ በመፍጠር የባህሪ ለውጥ ለማምጣት በትኩረት መሰረት እንደሚገባም ገልጸዋል።

ሀላፊው አክለውም ጉዳዩ የሚመለከታቸው የባለድርሻ አካላት በችግሩ አሳሳቢነት ልክ ከትምህርት ሚኒስቴር ጋር በቅንጅትና በትኩረት ሊሠሩ እንደሚገባ ጥሪ አቅርበዋል፡፡

ሙሉ ዜናው

https://m.facebook.com/story.php?story_fbid=pfbid0qG8vx8mBtALovuwLTZfPpvKo8BoYHqjmH92H9sLYGDN6JnYwLev3nr6YofkgzwxTl&id=100064682287722&mibextid=9R9pXO