Ministry of Education Ethiopia

የትምህርት ዘርፉን ሪፎርሞች ለማሳካት የትምህርት ባለድርሻ አካላትን ተሳትፎ ማሳደግ እንደሚገባ ተገለፀ
-------------------------//-----------------
ጥር 25/2016 ዓ.ም (ትምህርት ሚኒስቴር) የትምህርት ሚኒስቴር የአጠቃላይ ትምህርት ልማት ዘርፍ የ2016 በጀት አመት ዕቅድ አፈፃጸምን አስመልክቶ ምክክር ከክልልና ከተማ አስተዳደሮች ትምህርት ቢሮዎች ጋር አካሂዷል ::

በትምህርት ሚኒስቴር የአጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ፤ የትምህርት ጥራት ችግሮችን ለመቅረፍና የትምህርት ተደራሽነትን፣ ተሳትፎንና ፍትሃዊነትን ለማሳደግ የተለያዩ የለውጥ መርሃ- ግብሮች ተቀይሰው ወደ ትግበራ መገባቱን ገልጸዋል።

ሚኒስትር ዴኤታዋ እንደገለጹት የአጠቃላይ ትምህርት ስርዓተ ትምህርት ትግበራ፣ የመማሪያ መጻህፍት ህትመትና ስርጭት እንዲሁም የመምህራንና ትምህርት አመራሮች አቅም ግንባታ ችግሮቹን ለመቅረፍ እየተሰራ ሲሆን ቀጣይም ተጠናክሮ እንደሚቀጥል ገልፀዋል::

ክብርት ወ/ሮ አየለች አክለውም የጀመርናቸውን የለውጥ መርሃ-ግብሮች ውጤታማ ማድረግ የሚቻለው ሁሉም የትምህርት ባለድርሻ አካላት ተሳትፎ እንዲያደርጉና የድርሻቸውን እንዲወጡ ማስተባበር ስንችል ነው ብለዋል::

ሙሉ ዜናው

https://m.facebook.com/story.php?story_fbid=pfbid0iqwx3jhxUoV4DFe5ksu1siwUtSTpNA6Hk24Bgr55e5cKFU1GbkA3Njyksu3danHEl&id=100064682287722&mibextid=9R9pXO

የከፍተኛ ትምህርት የተማሪዎች የወጪ መጋራት ክፍያን በማስፈጸም ረገድ ክፍተት መኖሩ ተገለጸ
==================
ጥር 20/2016 ዓ.ም (ትምህርት ሚኒስቴር) በከፍተኛ ትምህርት ተማሪዎች ወጪ መጋራት ላይ ከባለድርሻ አካላት ጋር ውይይት ተደርጓል፡፡

በትምህርት ሚኒስቴር የከፍተኛ ትምህርት ልማት ዘርፍ የአስተዳደርና መሠረተ-ልማት መሪ ሥራ አስፈጻሚ ዶ/ር ሰለሞን አብረሃ በባለድርሻ አካላት የእርስ በርስ መናበብና መቀናጀት ከፍተት የከፍተኛ ትምህርት ተማሪዎች የወጪ መጋራት ክፍያ በአግባቡ እየተሰበሰበ እንዳልሆነ ገልጸዋል፡፡

የተማሪዎችን የወጪ መጋራት ክፍያን በወቅቱ ተከታትለው የሚያስፈጽሙ ተቋማት ቢኖሩም በርካታ የመንግሥትና መንግሥታዊ ያልሆኑ ተቋማት በተዘረጋው የአሠራር ሥርዓት መሠረት ክፍያውን ተከታትለው በማስፈጸም ረገድ ክፍተት እንደሚታይባቸው ዶ/ር ሰለሞን ገልጸዋል።

በመሆኑም የመንግሥት ገንዘብ በአግባቡ ተሰብስቦ ለተመሳሳይ ዓላማ ጥቅም ላይ እንዲውል ተቋማትና ባለድርሻ አካላት በቅንጅትና በትኩረት ሊሠሩ እንደሚገባ መሪ ሥራ አስፈጻሚው ጥሪ አቅርበዋል፡፡

በከፍተኛ ትምህርት ልማት ዘርፍ የአስተዳደር ጉዳዮች ዴስክ ኃላፊ አቶ አብዶ ናስር በበኩላቸው የከፍተኛ ትምህርት ተማሪዎች የወጪ መጋራት ክፍያ መከፈል በሚገባው ወቅት አለመከፈሉ የመንግስትን ተጨማሪ የኢንቨስትመንት አቅም የሚገድብ መሆኑን ጠቅሰው ተማሪዎችም የተጋሩትን ወጪ በሚጠበቅባቸው ወቅት ካልከፈሉ ለተጨማሪ የወለድ ክፍያም ሆነ ተሰብሳቢ እዳ የሚጋለጡ መሆኑን ገልጸዋል፡፡
ዜናው
https://m.facebook.com/story.php?story_fbid=pfbid0m6fpevHahgFscjwRstVwmGfZFonwLNriUoiDKyEQjNdMCrSE2q2YKwnVaXA7Htttl&id=100064682287722&mibextid=9R9pXO

የመምህራንና ትምህርት ቤት አመራሮችን የዲጂታል ቴክኖሎጂ አቅም ለመገንባት እየተሰራ መሆኑ ተገለጸ፡፡
======================
ጥር 14/2016 ዓ.ም (ትምህርት ሚኒስቴር) በሁሉም ክልሎችና ከተማ አስተዳደሮች ለሚገኙ መምህራን እና የትምህርት ቤት የአመራሮችን የዲጂታል ቴክኖሎጂ አቅም ማሳደግን ኢላማ አድርገው በዓለም ባንክ እገዛ የተገዙ 3,790 ታብሌቶች ርክክብ ተደረጓል፡፡

በትምህርት ሚኒስቴር የአጠቃላይ ትምህርት ልማት ዘርፍ የመምህራንና ትምህርት አመራር መሪ ስራ አስፈጻሚ ዶ/ር ሙሉቀን ንጋቱ በርክክብ ስነስርዓቱ ላይ የተሰራጩት ታብሌቶች የትምህርት ስርዓቱን በቴክኖሎጂ በመደገፍ በኩል ትልቅ እገዛ እንዳላቸው ገለጸዋል።

ዶ/ር ሙሉቀን አክለዉም ታብሌቶቹ በተመረጡ ጉድኝት ማእከላት ትምህርት ቤቶች በኩል 18,000 የሚሆኑ የ1ኛ ደረጃ ትምህርት ቤቶችን ተደራሽ እንደሚያደርጉ ጠቅሰው ለታለመለት ዓላማና ተግባር ብቻ እንዲውሉ አሳስበዋል፡፡

በትምህርት ሚኒስቴር የአጠቃላይ ትምህርት ልማት ዘርፍ የመምህራንና ትምህርት አመራር ዴስክ ኃላፊ የሆኑት ወ/ሮ አሰግድ መሬሳ በበኩላቸው የታብሌቶቹ ስጦታ የሁለተኛ ደረጃ ትምህርት መምህራን የዲጂታል ቴክኖሎጂ ክህሎት በማሻሻል መምህራን የመማር ማስተማር ተግባርን በዲጂታል ቴክኖሎጂ አስደግፈው አንዲሰጡ ለማስቻል፣ የአንደኛ ደረጃ ትምህርት መምህራንና ትምህርት ቤት አመራሮች አጫጭር የስራ ላይ አቅም ማጎልበቻ ስልጠናዎችን በዲጂታል ቴክኖሎጂ ለማገዝና አጠቃላይ የመምህራን ስልጠና ስርዓትን ዲጅታላይዝ ለመድረግ ያለመ ነው ብለዋል።

በርክክቡ ወቅትም ስራው ከዓለም ባንክ ጋር በጋራ እየተሰራ መሆኑንና በ2015 ዓ.ም 47 2ኛ ደረጃ ት/ቤቶችን ማእከል ያደረገ 1000 ታብሌቶች ለክልሎችና ከተማ አስተዳደሮች የተሰራጩ መሆኑ ተገልጿል፡፡

የኢፌዴሪ ትምህርት ሚኒስቴር ከኮሪያ ጋር በትምህርት ኢንፎርሜሽን ልውውጥና ትብብር ላይ የስምምነት ሰነድ ተፈራረመ ፡፡
..................................... // ...............................
ጥር 2/2016 ዓ.ም (ትምህርት ሚኒስቴር) የኢፌዴሪ ትምህርት ሚኒስቴር ከኮሪያ ጊዮንግሳንግቡክ-ዶ (Geongsangbuk-do) ትምህርት ቢሮ ጋር በትምህርት ኢንፎርሜሽን ልውውጥና ትብብር ዙሪያ በጋራ ለመስራት የሚያስችል የትብብር መግባቢያ ሰነድ ስምምነት ተፈራርሟል፡፡

የትብብር ስምምነቱ በሁለቱ ሃገራት መካከል ከ20016-2017 ዓ.ም የሚደረገውን የትምህርት ኢንፎርሜሽን ልውውጥና ትብብርን የተመለከተ ነው።
ስምምነቱ በሀገራቱ መካከል ያለውን የወዳጅነትና ድጋፍ ከማጠናከሩ ባሻገር በዲጂታል የትምህርት ስትራቴጂና የማስፈጸሚያ ዕቅድ አተገባበር እንዲዳብር ለማበረታታት ያስችላል ተብሏል፡፡

በትብብር ስምምነት ሰነዱ ላይ የአይሲቲ መሳሪያዎችን ማቅረብና ለተመረጡ መምህራን ከትምህርታዊ መረጃ አሰጣጥ ጋር የተያያዘ ስልጠና መስጠት የኮሪያ መንግስትን የሚመለከቱ መሆኑና የስልጠና ተሳታፊዎችን መምረጥን በተመለከተ የትምህርት ሚኒስቴርን የሚመለከቱ መሆናቸውን ተካተውበታል፡፡

የኢፌዲሪ ትምህርት ሚኒስቴር ሚንስትር ዴኤታ ወ/ሮ አየለች እሸቴ እና የጊዮንግሳንግቡክ-ዶ ቢሮ የትምህርት ዘርፍ አስተዳዳሪ ሊም ጆንግ-ሲክ በእለቱ ተገኝተው ስምምነቱን ፈርመዋል፡፡