Ethiopian Electric Utility

በኤሌክትሪክ መሠረተ-ልማት ላይ በተፈፀመ ውደመት የሃይል አቅርቦት ተቋርጧል

በደቡብ ምዕራብ ኢትዮጵያ ክልል ከቦንጋ የኤሌክትሪክ ሃይል ማከፋፈያ ጣቢያ /ሰብስቴሽን/ በመነሳት ለጠሎ ወረዳ እና አጎራባች አካባቢዎች የኤሌክትሪክ አገልግሎት ሲሰጥ የነበረው 33Kv ከፍተኛ መስመር ተሸካሚ መስመር በህገ ወጦቹ በመውደሙ አካባቢው ለጨለማ ተዳርጓል።

ስለሆነም ክቡራን ደንበኞቻችን በተከሰተው ችግር ምክንያት ለተቋረጠው የኤሌክትሪክ አገልግሎት ይቅርታ እየጠየቅን ስራው ተሰርቶ ወደነበረበት እስከሚመለስ ድረስ አማራጭ የኃይል ምንጮችን በመጠቀም በትዕግስት እንድትጠባበቁ እንጠይቃለን።

ከዚህ በተጨማሪ ወረዳው ተደጋጋሚ የኤሌክትሪክ መሰረተ-ልማት ስርቆት የሚፈፀምበት በመሆኑ የአካባቢው ማህበረሰብ የኤሌክትሪክ መሰረተ-ልማቶችን እንደራሱ ንብረት አድርጎ ሊጠብቅና ወንጀለኞቹን አድኖ በመያዝ ለፀጥታ አካላት በማቅረብ ህገ-ወጦችን ለመከላከል በሚደረገው ጥረት የበኩሉን አስተዋፆ ሊያበረክት ይገባል እንላለን፡፡

#የኢትዮጵያኤሌክትሪክአገልግሎት

ለበለጠ መረጃ ይህንን ድረ-ገፅ፡ http://www.eeu.gov.et

የአገልግሎት አሰጣጡን ለማሻሻል እየተከናወነ የሚገኘው የለውጥ እንቅስቃሴ አበረታች መሆኑ ተገለፀ

የኢትዮጵያ ኤሌክትሪክ የአገልግሎት አሰጣጡን ለማሻሻል እያከናወናቸው የሚገኙት የለውጥ እንቅስቃሴዎች አበረታች መሆናቸውን በህዝብ ተወካዮች ምክር ቤት የመንግስት ልማት ድርጅቶች ጉዳዮች ቋሚ ኮሚቴ ሰብሳቢ የተከበሩ ፕሮፌሰር ኢ/ር መሐመድ አብዶ ገልፀዋል፡፡

ሰብሳቢው አክለውም ተቋሙ የአገልግሎት አሰጣጡን ለማሻሻል ዘመናዊ ቴክኖሎጂዎችን ስራ ላይ በማዋል፣ የማሰራጫ መስመሮችን አቅም በማሳደግ፣ የአገልግሎቱን ተደራሽነትን በማረጋገጥ እና በመሳሰሉት ተግባራት ረገድ እያስመዘገበ ያለው ለውጥ ተስፋ ሰጪ ነው ብለዋል፡፡

የኤሌክትሪክ ተደራሽነትን እውን ለማድረግ መንግስት አስፈላጊውን እገዛ ማድረግ ይጠበቅበታል ያሉት የቋሚ ኮሚቴው ሰብሳቢ የኤሌክትሪክ አገልግሎት የአገሪቱን ዕድገት እውን ለማድረግ የላቀ ሚና የሚጫወት በመሆኑ ህብረተሰቡ በኤሌክትሪክ መሰረተ ልማቶች ላይ የሚፈፀመውን ስርቆት በመከላከል ሊያግዝ ይገባል ብለዋል፡፡

የኢትዮጵያ ኤሌክትሪክ አገልግሎት ዋና ስራ አስፈጻሚ አቶ ሽፈራ ተሊላ በበኩላቸው ቋሚ ኮሚቴው የተቋሙን የስራ እንቅስቃሴ ለመገንዘብ ላደረገው ጥረት ምስጋና አቅርበው የተሰጡ ግብረ መልሶች ስራ ላይ እንዲውሉ ይደረጋል ብለዋል፡፡

ቋሚ ኮሚቴው አገልግሎቱ እያከናወነ የሚገኘውን የዘመናዊ ቴክኖሎጂ ትግበራ አቃቂ ኃይል ማከፋፈያ ጣቢያ፣ ጎፋ የሚገኘውን መረጃ ማዕከልና ማዕከላዊ የዕቃ ግምጃ ቤት በመገኘት ጉብኝት አድርጓል፡፡

#የኢትዮጵያኤሌክትሪክአገልግሎት

ለበለጠ መረጃ ይህንን ድረ-ገፅ፡ http://www.eeu.gov.et

ለማሰራጫ መስመሮች አቅም ማሻሻል ስራ ትኩረት ሊሰጥ ይገባል - ቋሚ ኮሚቴው

በአገሪቱ በሀይል ማመንጨት ዘርፍ የተገኘውን መልካም ውጤት በማሰራጫ መስመሮች ግንባታና ማሻሻልም እውን ለማድረግ ትልቅ ትኩረት ሊሰጥ እንደሚገባ በህዝብ ተወካዮች ም/ቤት የመንግስት ልማት ድርጅቶች ጉዳዮች ቋሚ ኮሚቴ አባላት አስታወቁ፡፡

ይህ የተገለፀው የመንግስት ልማት ድርጅቶች ጉዳዮች ቋሚ ኮሚቴ አባላት ከኢትዮጵያ ኤሌክትሪክ አገልግሎት የስራ ኃላፊዎች ጋር ለሁለት ቀናት እየተካሄደ ባለው ምክክር ላይ ነው፡፡

የቋሚ ኮሚቴ አባላቱ ተቋሙ በርካታ ሃላፊነቶች በመቀበል አገልግሎቱን ለህብረተሰቡ ለማዳረስ እንዲሁም ህብረተሰቡን በቅርበት ለማገልገል የሚያደርገው ጥረት የሚያበረታ ነው ብለዋል፡፡

የኃይል መቆራረጥና መዋዠቅ፣ ክፍያ ከፍለው አገልግሎት የሚጠብቁ ደንበኞች መኖር፣ የተዘረጉ መስመሮች አንዳንድ ቦታዎች ላይ አገልግሎት ያለመስጠት፣ በተቋሙ ገቢ አሰባሰብ ላይ ክፍተት መኖር፣ ፕሮጀክቶች አፈፃፀም ላይ መዘግየት መስተዋል፣ ደንበኛ ተኮር አገልግሎት አሰጣጥ ላይ ክፍተት መኖር የመሳሰሉ ችግሮች ሊቀረፉ እንደሚገባ ተገጿል፡፡

#የኢትዮጵያኤሌክትሪክአገልግሎት

ለበለጠ መረጃ ይህንን ድረ-ገፅ፡ http://www.eeu.gov.et