ውድ ደንበኞችን ከወቅቱ የአየር ንብረት ለውጥ ጋር ተያይዞ ሊከሰቱ ከሚችል የኤሌክትሪክ #አደጋዎች እራስዎንና ቤተሰብዎን ይጠብቁ !!
ኤሌክትሪክ በዕለት ተዕለት ኑሮችን ላይ እጅግ አስፈላጊ ቢሆንም ተገቢ የሆነ ጥንቃቄ ካልተደረገ ለአካል ጉዳት፣ ለህይወት መጥፋት እና ለንብረት ውድመት ሊያጋልጥ ይችላል፡፡ ስለሆነም ከዚህ በታች የተዘረዘሩትን ተግባራት ባለማድረግ እራስዎንና ቤተሰብዎን ከኤሌክትሪክ አደጋ ይጠብቁ !!
• ተበጥሶ የወደቀ፣ የተንጠለጠለና ያልተሸፈነ የኤሌክትሪክ ገመድ ወይም ሽቦ ከመነካካት፣
• የኤሌክትሪክ ሽቦዎችን ከቆሮቆሮ አጥር፣ ከልብስ ማስጫ ሽቦዎች ጋር ከማገናኘት፣
• በኤሌክትሪክ መሰረተ-ልማቶች በቅርብ ርቀት የንግድ ስራ ከማከናወን፣
• ህጻናት በኤሌክትሪክ መሰረተ-ልማቶች በቅርብ ርቀት እንዲጫዎቱ ከመፍቀድ፣
• ውሃ ውስጥ፣ እርጥብ መሬትና ኤሌክትሪክ አስተላላፊ ነገር ላይ ቆሞ የኤሌክትሪክ መሳሪያዎቹን ከመነካካት፣
• በኤሌክትሪክ የሚሰሩ መሳሪያዎች ላይ ቃጠሎ ሲነሳ በውሀ ለማጥፋት ከመሞከር፣
• ያለበቂ እውቀትና ጥንቃቄ የኤሌክትሪክ መስመር ዝርጋት ከማከናወን፣
• የኤሌክትሪክ መስመሩን ከመቆጣጠሪያው ሳያጠፉ በኤሌክትሪክ የተያዘን ሰው ህይወት ከአደጋ ለማዳን ከመሞከር፣
• የዛፍ ቅርንጫፎችን ሲቆረጡ የኤሌክትሪክ መስመሮች ላይ እንዲወድቅ ከማድረግ፣
#የኢትዮጵያኤሌክትሪክአገልግሎት
ለበለጠ መረጃ ይህንን ድረ-ገፅ፡ http://www.eeu.gov.et
