Educate Ethiopia

የትምህርት ሚኒስትሩ ፕሮፌሰር ብርሃኑ ነጋ በትናንትናዉ እለት በሀዋሳ ዩኒቨርስቲ አደጋ የደረሰባቸዉን ተማሪዎች ጠየቁ
---------------------------------------------------------------------

የትምህርት ሚኒስትሩ ፕሮፌሰር ብርሃኑ ነጋ በትናንትናዉ ዕለት አደጋ የደረሰባቸዉን በሃዋሳ ዩኒቨርስቲ የሚፈተኑ የ2014 ዓም 12ኛ ክፍል ተፈታኞች ደህንነት ለመጠየቅ ዛሬ ጠዋት ሀዋሳ ሪፌራል ሆስፒታል ተገኝተዋል፡፡

“አሁን ዋናዉ የእናንተ ማገገም ነዉ፡፡ ለፈተናዉ አትጨነቁ” በማለትም የተጎዱ ተማሪዎች በጤንነታቸዉ ዙሪያ እንዲያተኩሩ መክረዋል፡፡

በትናንትናዉ እለት ህይወቱ ላለፈዉ ተማሪም የተሰማቸዉን ከፍተኛ ሀዘን ገልጸዉ ለተማሪዉ ወላጆች እና ቤተሰቦች መጽናናትን ተመኝተዋል፡፡

በደረሰዉ ጉዳት እንደአገር እናዝናለን፡፡ ነገር ግን ሂደቱ የፈተና ስርዓቱ ከስርቆት ተጠብቆ ተማሪዎች በራሳቸዉ ጥረት ዉጤታማ እንዲሆኑ እና የተሻለች አገር የመገንባት በመሆኑ በዚህ ተስፋ መቁረጥ የለብንም ብለዋል፡፡ ወላጆችም ይህንን ተረድተዉ ከትምህርት ማህበረሰቡ ጋር በጋራ እንዲቆሙ ጠይቀዋል፡፡

የተከሰተዉ የድልድይ መደርመስ አደጋ ወደ ከፋ ደረጃ እንዳይሸጋገር ተማሪዎቹን ለማዳን ለተረባረቡ የጤና ተቋማት ፣ የሀዋሳ ዩኒቨርስቲ ማህበረሰብ እና የአካባቢዉ ነዋሪዎች ምስጋና አቅርበዋል፡፡

በሀዋሳ ዩኒቨርስቲ ትናንት በደረሰዉ አደጋ ምክንያት ተቋርጦ የነበረዉ ፈተና ዛሬ የተጀመረ ሲሆን ፕ/ር ብርሃኑ ነጋ የፈተና አሰጣጡንም ጎብኚተዋል፡፡

ትምህርት ሚኒስቴር !

የ12ኛ ክፍል ብሔራዊ ፈተና በተለያዩ ዩኒቨርሲቲዎች መሰጠት ተጀመረ


የተለያዩ ዩኒቨርሲቲዎች የ12ኛ ክፍል ብሔራዊ ፈተና ማስፈተን ጀምረዋል።

በመደወላቡ፣ በአዳማ ሳይንስ እና ቴክኖሎጂ፣ በጂማ፣ በኦዳ ቡልቱም እና ነቀምቴ ዩኒቨርሲቲዎች ተገኝተው እንደተመለከቱት ፈተናው ተጀምሯል።

ምልከታ ከተደረገበት መካከል አንዱ የመደ ወላቡ ዩኒቨርሲቲ ሲሆን ከ11 ሺህ የሚበልጡ ተማሪዎች መፈተን ጀምረዋል።

ለፈተና የሚያስፈልጉ ቅድመ ሁኔታዎችን ቀድመው መጠናቀቃቸውን የዩኒቨርሲቲው ፕሬዚዳንት ዶ/ር አህመድ ከሊል ለኢዜአ ተናግረዋል።

ተፈታኞችን ለፈተና የሚያዘጋጁ አጠቃላይ ገለጻ እንደተደረገላቸውም ጠቅሰዋል።

ተማሪዎች የፈተና ሕጉን በመጠበቅ ተረጋግተው እንዲፈተኑም መክረዋል።

በዩኒቨርሲቲው የተመደቡ ተፈታኞች በበኩላቸው፣ በራሳችን ጥረት የተሻለ ነጥብ ለማስመዝገብ ተዘጋጅተናል ብለዋል።

አዳማ ሳይንስ እና ቴክኖሎጂ ዩኒቨርሲቲም በተመሳሳይ ከ10 ሺህ በላይ ተማሪዎች ፈተና መውሰድ ጀምረዋል።

የጂማ ዩኒቨርሲቲም በሁሉም ካምፓሶቹ 25 ሺህ ተማሪዎችን ማስፈተን ጀምሯል።

የኦዳ ቡልቱም ዩኒቨርሲቲ ከ9 ሺህ በላይ ተመሪዎችን ማስፈተን ጀምሯል።

ምንጭ - ኢቢሲ