አማራ ሚዲያ ማዕከል Amhara media center

2023-03-31 22:25:54 "ጋዜጠኛ ጌትነት አሻግሬ
በአማራ ጠሉ ስርዓት የአማራን ህዝብ በደል ማጋለጥና መዘገብ አሳዳጅን የሚያበረክት ነገር ነውና ይሄው እጣ ወድቆበት ከሰሞኑ ወደ እስር ተወርውሯል።"

ጋዜጠኛ እና መምህርት መስከረም አበራ

አማራ ሚዲያ ማዕከል/አሚማ
መጋቢት 22 ቀን 2015 ዓ/ም
አዲስ አበባ ሸዋ

ጌትነት አሻግሬ ይባላል፣ወንድማችን ጋዜጠኛ ጎበዜ ሲሳይ በመሰረተው "የአማራ ድምፅ" በተሰኘው ሚዲያ ላይ በጋዜጠኝነት ይሰራል።

ጌች በአማራ ህዝብ ላይ እየደረሰ ያለውን ማለቂያ የለሽ የመከራ ዶፍ በየጉራንጉሩ እየገባ የሚዘግብ፣ የአማራ ህዝብ ዘር ተኮር ጥቃት የሚያንገበግበው ድንቅ ጋዜጠኛ ነው!

ጌትነት ወለጋ ተወልዶ ያደገ ኦሮምኛ አቀላጥፎ የሚናገር አማራ ነው።

በመሆኑም የአማራውን ዘር ተኮር ጥቃት በወሬ ሳይሆን በህይወቱ ያየ ልጅ ነው።

የአማራውን መከራ ለማጋለጥ ደከመኝ ሰለቸኝ የማይለውም ለዚሁ ይመስለኛል።

ጌች የአማራ ህዝብን በደል ለማጋለጥ ጋራ ሸንተረር የሚባዝን፣ህይወቱን ለአደጋ አጋልጦ እጅግ አደገኛ ቦታዎች ሳይቀር እየገባ የሚዘግብ፣ትልቅ ተስፋ የሚጣልበት ጋዜጠኛ ነው።

የዚህ ወንድማችን ለወገን እንግልት የመንገብገብ "energy" ምነው ለሁሉም አማራ "Apply to all" ማለት ቢቻል ብዬ ተመኝቼ አቃለሁ። በዚህ ላይ ፀባዩ ድንቅ ነው።

ሰው አክባሪ፣ታዛዥ፣ለጋራ አላማ ለመስራት የሚያስፈልጉ ግላዊ ባህሪያትን የተላበሰ ልጅ ነው።

በአማራ ጠሉ ስርዓት የአማራን ህዝብ በደል ማጋለጥና መዘገብ አሳዳጅን የሚያበረክት ነገር ነውና ጌችም ይሄው እጣ ወድቆበት ከሰሞኑ ወደ እስር ተወርውሯል።

ሆኖም የስራውን ያህል አላወቅነውምና "ይፈታ!" የሚሉ ድምፆች አይሰሙም።

የጌችን ስራዎች ለማየት የሚፈልግ ሁሉ የአማራ ድምፅ ሚዲያን "You Tube" እና ቴሌግራም ገብቶ መጎብኘት ነው።

ልጁ "ይፈታ!" ማለት የሚያንስበት ባለውለታ መሆኑን ወዲያው ይረዳል። ክፈት / አስተያየት ይስጡ

2023-03-31 17:19:55 የአርበኛ ደረጀ በላይ እና ሻለቃ አይሸሽም ዮሐንስ ላይ ምን ተፈጸመ?የአርበኛ ዘመነ ካሴ መልዕክት https://youtube.com/live/4UqqfcleqiA?feature=share ክፈት / አስተያየት ይስጡ

2023-03-30 22:25:28 ጋዜጠኛ መስከረም አበራ፣ ጋዜጠኛ ወግደረስ ጤናው፣ ጋዜጠኛ አዲሱ ደርቤ፣ደራሲ ይሁኔ አወቀ፣ አቶ የቆየ ሞላ.....እኔም ለወገኔ! https://youtube.com/live/RHrYU-i9ZJc?feature=share ክፈት / አስተያየት ይስጡ

2023-03-30 19:11:15 ክፈት / አስተያየት ይስጡ

2023-03-30 11:36:56 በአናሆሮ ወረዳ የኤርፈንቲ ገበር ቀበሌ አማራዎች አዋሳኝ ወደሆነው አቢደንጎሮ ወረዳ ለግብይት በሄዱበት በመንግስት የጸጥታ አካላት እየታሰሩ በመሆኑ መቸገራቸውን ገለጹ።

አማራ ሚዲያ ማዕከል/አሚማ
መጋቢት 21 ቀን 2015 ዓ/ም
አዲስ አበባ ሸዋ

በሆሮ ጉድሩን ወለጋ ዞን አናሆሮ ወረዳ ኤርፈንቲ ገበር ቀበሌ ነዋሪ የሆኑ አማራዎች ለህክምና፣ ለግብይትም ሆነ ለሌላ ስራ ጉዳይ ከርቀቱ እና ከአሸባሪ ኦነጋዊያን የመንገድ ላይ ጥቃት የተነሳ ወደ ወረዳው ማቅናት አይችሉም።

ያለፈው ቅዳሜ መጋቢት 16/2015 ከንጋቱ 12 ሰዓት ላይ ከ100 በላይ የሚሆኑ አሸባሪ ኦነጋዊያን ወደ ኤርፈንቲ ገበር በማቅናት ተኩስ ከፍተው እንደነበር ተገልጧል።

ከሀሮ ሾጤ ቀበሌ ወደ ገርች ወንዝ በመምጣት ወደ ቢንኩ በመተኮስ ጥቃት ለመፈጸም ስለመሞከራቸው
የኤርፈንቲ ገበር ነዋሪዎች ለአማራ ሚዲያ ማዕከል (አሚማ) ተናግረዋል።

ከአናሆሮ ወረዳ ኤርፈንቲ ገበር ቀበሌ ለአቢደንጎሮ ወረዳ ጎረቤት
በመሆኑ የግብይት ልውውጥ እና ሌሎች የማህበራዊ አገልግሎቶችን የሚያገኙት ወደ አካባቢው በማቅናት መሆኑ ተገልጧል።

ይሁን እንጅ በተለይ ከሰሞኑ ከኤርፈንቲ ገበር ወደ አቢደንጎሮ ለግብይት የሄዱ አማራዎችን የአካባቢው ፖሊስ እና የፌደራል ፖሊስ እየያዘ እያንገላታ ተቸግረናል
የሚሉት ምንጮች እንደአብነት በእለተ ሰኞ መጋቢት 18/2015 ሰባት የኤርፈንቲ ገበር አማራዎች ለወፍጮ በሄዱበት ታፍነው ስለመታሰራቸው ጠቁመዋል።

በአቢደንጎሮ በግፍ እስር ላይ የሚገኙ አርሶ አደሮችም:_

1) እንድሪስ ገ/ህይወት፣
2) ሰይድ መኮንን፣
3) መሀመድ እባቡ፣
4) እንድሪስ መኮንን፣
5) የሱፍ አራጌ፣
6) መሀመድ አስፌ እና
7) ሰይድ አስፌ መሆናቸው ተነግሯል።

አንዳንዶች እንደሚሉት በኤርፈንቲ አማራዎች ላይ የተደራጁ አሸባሪ ኦነጋዊያን ጥቃት ሊፈጽሙ በሄዱበት ወቅት ከቡድኑ የተጎዳ አለ በሚል ቁጣ ቢሮ ላይ ያለው ኦነግ እየተበቀለ ስለመሆኑ ይናገራሉ።

የኦሮሚያ ልዩ ኃይል አባላትም በሚያገኙን አካባቢ ሁሉ እያሳደዱን በመሆኑ ለችግራችን መፍትሄ ሊፈለግልን ይገባል ሲሉ ጥሪ አድርገዋል። ክፈት / አስተያየት ይስጡ

2023-03-30 11:36:27 ክፈት / አስተያየት ይስጡ