TIKVAH-MAGAZINE

#AfricaCDC

ለይፋዊ የሥራ ጉብኝት አዲስ አበባ የገቡት የቻይና የውጭ ጉዳይ ሚኒስትር ቺን ጋንግና የአፍሪካ ኀብረት ኮሚሽነር ሙሳ ፋቂ የአፍሪካ የበሽታዎች መከላከልና መቆጣጠር ማዕከልን የመጀመሪያ ምዕራፍ ግንባታ መርቀው መክፈታቸውን ኢዜአ ዘግቧል።

ማዕከሉ የኢትዮጵያ መንግሥት ኃይሌ ጋርመንት ተብሎ በሚጠራው አካባቢ ከሊዝ ነፃ ባቀረበው በ90 ሺሕ ሜትር ስኩዌር መሬት ስፋት ያለው መሬት ላይ የሚገነባ ሲሆን የህንፃው ግንባታ ብቻ በ40 ሺሕ ሜትር ስኩዌር ላይ ያረፈ ነው፡፡

የቻይና መንግሥት 80 ሚሊዮን ዶላር በማውጣት የግንባታውን ሙሉ ወጪ ሸፍኗል።

የማዕከሉ ሁለተኛ ምዕራፍ ግንባታ ማለትም አገልግሎት ለማስጀመር የሚያስችሉ የማጠቃለያ ሥራዎች እየተካሄደ ሲሆን በቅርቡ ተጠናቆ ማዕከሉ ወደ ሥራ ይገባል ተብሏል።

በሕዳር ወር 2015 ዓ.ም የተጀመረው ግንባታው በ25 ወራት ሰርቶ ለማጠናቀቅ ታቅዶ የነበር ሲሆን የማዕከሉ ግንባታ የኮቪድ 19 ጫና ምክንያት መዘግየቶች ቢየጋጥሙትም ሥራው በተሳካ ሁኔታ መጓዙ ነው የተመለከተው።

የማዕከሉ ዋና መሥሪያ ቤት መቀመጫም ከኢትዮጵያ ውጪ እንዲሆን ምዕራባውያኑ አገሮች ከፍተኛ ጫና ሲያደርጉ እንደነበር አንድ ከፍተኛ የኢትዮጵያ ዲፕሎማትን ጠቅሶ ሪፖርተር ዘግቧል።

በማዕከሉ ግንባትና ቀጣይ ተልዕኮ ውስጥ ተሳትፎ እንዲኖራቸው ለማዕከሉ ተልዕኮ ማስፈጸሚያ ብለው፣ በእጅ አዙር 1.3 ቢሊዮን ዶላር ዕርዳታ ለአፍሪካ ኅብረት እንዳቀረቡ ዲፕሎማቱ ገልጸዋል። 

ማዕከሉ ተጠናቆ ሥራ ሲጀምር፣ አፍሪካ በየዓመቱ እያጋጠማት ያለውን ከ100 በላይ ተላላፊ በሽታዎችና ወረርሽኞች በራሷ አቅም መቆጣጠር ያስችላታል ተብሏል።

@tikvahethmagazine

ጂቡቲ የሳተላይት እና የሮኬት ማስወንጨፊያ ማዕከል ልትገነባ ነው።

ጂቡቲ ለሳተላይቶች እና ለሮኬቶች ማስወንጨፊያ የሚሆን መሠረተ ልማት ግንባታ ለማከናወን ሆንግ ኮንግ ኤሮስፔስ ቴክኖሎጂ ግሩፕ ከተባለ ተቋም ጋር የሀገሪቱ ባለሥልጣናት መፈራረማቸውን የሀገሪቱ ዜና ወኪል ዘግቧል።

በዚህ ስምምነት መሠረት ከሳተላይት እና ሮኬት ማስወንጨፊያ ማዕከሉ ጋር በተያያዘ የሚያስፈልጉ የግንባታ አቅርቦቶችን ለማቀላጠፍ በሰሜናዊ የአገሪቱ ኦቦክ ክፍል ውስጥ ወደብ እና አውራ ጎዳና የሚገነባ ይሆናል።

የመሠረተ ልማቱ አጠቃላይ የግንባታ ሥራውም 1 ቢሊዮን ዶላር ያህል የሚያስወጣ ሲሆን በአምስት ዓመታት ውስጥ እንደሚጠናቀቅ ተገልጿል።

የሳተላይት ማስወንጨፊያ ማዕከሉ ግንባታ ከተጠናቀቀ በኋላ ለ30 ዓመታት ያህል በሆንግ ኮንጉ ኩባንያ እና በጂቡቲ በጋራ የሚተዳደር ሲሆን፣ ከዚያ በኋላ ጂቡቲ ማዕከሉን ሙሉ ለሙሉ ትረከበዋለች ተብሏል።

በአፍሪካ የሳተላይት ሮኬት ማስወንጨፊያ በሰባት አገራት ውስጥ የሚገኝ ሲሆን እነሱም በኬንያ፣ በግብፅ፣ በደቡብ አፍሪካ፣ በሊቢያ፣ በሞሪታኒያ፣ በዲሞክራቲክ ኮንጎ፣ በአልጄሪያ ውስጥ ነው የሚገኙት።

ጂቡቲ ለመገንባት የተነሳችው የሳተላይት እና የሮኬት ማስወንጨፊያ ማዕከል ከአምስት ዓመታት በኋላ ሲጠናቀቅ በአህጉሪቱ ከሚገኙ ተመሳሳይ ማዕከላት አንዱ ይሆናል።

Credit : BBC, Ismail Omar Guelleh

@tikvahethmagazine

https://t.me/Mikimobiles

እንኳን ለገና በዓል በሰላም አደረሳችሁ
MIKI_MOBILE_AND_LAPTOP

በአልን ምክንያት በማድረግ ስልኮት ላይ መጠነኛ ብር በመጨመር በተሻለ ዋጋ የተመረጡ ስልኮችን ይውሰዱ::
ከስር የሚገኘውን የቴሌግራም
ቻናል በመቀላቀል ORIGINAL ስልኮችን በተመጣጣኝ ዋጋ ያገኛሉ::

https://t.me/Mikimobiles