TIKVAH-MAGAZINE

የደራሲና ጋዜጠኛ አቤ ጉበኛ ሀውልት እንደ አዲስ ለማሰራት እንቅስቃሴ ተጀመረ።

ደራሲና ጋዜጠኛ አቤ ጉበኛ በምዕራብ ጎጃም ዞን በ አቸፈር ወረዳ ልዩ ስሙ ኮረንች አቦ በተባለ ቀበሌ ከአባቱ ከአቶ ጉበኛ አምባየና ከእናቱ ከወ/ሮ ይጋርዱ በላይ ሰኔ25 ቀን 1925 ዓ.ም ነው የተወለደው።

በዘመኑ በሚጽፋቸው መጽሐፍት፣ የግጥም መድብሎችና ተውኔቶች ፖለቲካዊ፣ ማበራዊና ሀይማኖታዊ ትችቶችን ይሰነዝር የነበረ ደፋር ደራሲ እንደነበር ሥራዎቹና የህይወት ታሪኩ ያስረዳል።

በዚህም በተለያዩ ጊዜያት እስር ድብደባና የግዞት ህይወት ለመምራት ተገዷል። በ1957 ዓ.ም ሰኔ ወር ላይ በተካሄው የህዝብ እንደራሲነት ምርጫ ለመወዳደር የሚያስችለውን የህዝብ ድጋፍ ቢያገኝም በፀጥታ ሀይሎች ተያዞ ብዙ ስቃይና እንግልት አሳልፏል።

አቤ በህይወት ዘመኑ ከ27 በላይ መፅሀፍቶችን እንደጻፈ ይነገርለታል። ከእነዚህም ውስጥ አልወለድም፣ የሮም አወዳደቅ፣ ሰይፈ ነበልባል፣ የሀሜት ሱሰኞች፣ አንድ ለእናቱና ሌሎችም የጥበብ ሥራዎቹ ተጠቃሽ ናቸው።

የብዕር ታጋዩ ጋዜጠኛውና ደራሲው ታላቁ የጥበብ ሰው አቤ ጉበኛ ብዙ ስቃዮችንና እስሮችን አሳልፎ የካቲት 1/ 1972 ተደብድቦ ተገደለ። የካቲት 4 /1972 በይስማላ ደብረ ገነት ቅዱስ ጊዮርጊስ ስርአተ ቀብሩ ተፈጽሟል።

መታሰቢያ ሀውልቱ በዚህ ቤተ ክርስቲያን በር ላይ ተሰርቶ አሁንም ድረስ ያለ ቢሆንም ደራሲውን አይመጥንም በሚል በተለያዩ ጊዜያቶች ሲነሳ ይስተዋላል።

ይህን ተከትሎም የይስማላ ከተማና አካባቢዋ ወጣቶች የአቤን ሀውልት ጀግንነቱንና መልካም ስራውን በሚመጥን መልኩ ለማቆም ስራ መጀመራቸው ተገልጿል። እስካሁን በተሰራው ኮሚቴ የተዋቀረ ሲሆን ሥራም ሀውልቱ በነሀስ እንደሚሰራ ተወስኗል። ዲዛይኑም በመሰራት ላይ መሆኑ ተገልጿል።

@tikvahethmagazine

#Gambella

- በጋምቤላ ክልል በዓመት 12 ሺህ ቶን ዓሳ ማምረት የሚያስችል ስነ ምህዳር ቢገኝም እስካሁን በመመረት ላይ ያለው 41 ነጥብ 7 በመቶ ወይም ከአምስት ሺህ ቶን የማይበልጥ ምርት ብቻ ነው፡፡

- በክልሉ በሚገኝ የውሃ ሀብት ከ113 በላይ የሚደርሱ የዓሳ ዝርያዎች የሚገኙ ሲሆን ከእነዚህ ውስጥ 15ቱ በገበያ ከፍተኛ ተፈላጊነት ያላቸው ናቸው።

- በክልሉ መንግስትና በኢኖቬሽንና ቴክኖሎጂ ሚኒስቴር በተደረገ ጥናት ጎግ፣ አቦቦ፣ጋምቤላ፣ ኢትንግ፣ካንካንና ቡርቤ የተሰኙት ስድስት ወረዳዎች የዓሳ ሀብት ያለባቸው ናቸው።

- በትላንትናው ዕለት በጋምቤላ ከተማ፣ በአቦቦ ወረዳ እና በኢታንግ ልዩ ወረዳ ሦስት የዓሳ ማቀነባበሪያና ግብይት ማዕከል ተመርቆ ተከፍቷል።

- ለምረቃ በበቃው ፕሮጀክት ከአምስት ሺህ የሚበልጡ ወጣቶችና ሴቶች የሥራ ዕድል እንደሚፈጠርላቸውም ተመልክቷል፡፡

@tikvahethmagazine

በሀረር ከተማ የሚገኙ ተቋማት ታፔላቸው ላይ በክልሉ ስራ ቋንቋ መሠረት እንዲጽፉ ቀነ ገደብ ተቀመጠ።

በሀረር ከተማ ታፔላቸውንና የተለያዩ ሕትመቶችን  በክልሉ ስራ ቋንቋ መሠረት በማይጽፉ ተቋማት ላይ ሕጋዊ እርምጃ የሚወሰድ መሆኑን የሀረሪ ክልል ባህል ቅርስና ቱሪዝም ቢሮ አስታውቋል። ተቋማቱ እስከ የ2015 አመት 3ተኛው ሩብ አመት ድረስ ታፔላቸውን እንዲያስተካክሉም ነው ጥሪ የቀረበው፡፡

"የመንግስት መስሪያ ቤቶችን ጨምሮ የግል ድርጅቶች የሚለጥፉቸው ማስታወቂያዎች የክልሉን የስራ ቋንቋ ያላከበሩ እና የቋንቋ ሥርአትን የሚያፋልስ የሕዝቡን ማሕራዊና ኢኮኖሚያዊ ብሎም ታሪክ ላይ ጫና የሚያሳድር ነው" ሲሉ የቢሮው ም/ሀላፊ አቶ አብዱጀባር ኡስማኢል ገልጸዋል።

በቀጣይ የቋንቋ ባለሙያዎች በማሰማራት ማስታወቂያዎችና ታፔላዎች የክልሉን የስራ ቋንቋ ባከበረ ሁኔታ እንዲሰሩ የሚሰራበት መሆኑን ያነሱት  ም/ሀላፊው በተለይ ተሸከርካሪዎች ላይ የሚፃፍ ማስታወቂያዎች የቋንቋ ስርአቱን እንዲያሟሉ የማድረግ እርምጃ ይወስዳል ብለዋል።

@tikvahethmagazine