2022-06-15 08:10:42
ငါ့နှယ် ရှင်းပြရပြန်ပြီ။ အကြိမ်ကြိမ်အခါခါ ရှိနေပြီ။ အခုထိ ရမ်းစောက်ဖောင်းထုတဲ့ဟာတွေက တမျိုး။
နုကြည်က မိုးရာသီအားကစားပွဲဆိုပြီး ကျင်းပတယ်။ CDM ကျောင်းတွေ ဖွင့်တယ်။ အခုအချိန်မှာ စစ်ရေးပဲ အရေးကြီးတာ၊ စောက်ပိုတွေလုပ်နေတယ်၊ ဒီလိုလုပ်ရင် ရွာတွေမီးရှို့ခံရမှာပေါ့ စသဖြင့် စောက်ဖောင်းတွေ ထုံးစံအတိုင်း လာပြန်ရော။
ဒီလိုလုပ်လို့ ရွာတွေ မီးရှို့ခံရပါတယ်ဆိုရင် ဒီလိုမလုပ်ဘဲ ပလိန်းကြီး မီးရှို့ခံနေရတဲ့ ရွာတွေက လှန်ပြနေတယ်။ မီးရှို့တာက စစ်ခွေးတွေ။ ဘာလို နုကြည်ကို အပြစ်တင်မှ စမတ်ဖြစ်တယ် ထင်နေတာလဲ။
စစ်ရေးပဲ အရေးကြီးတယ်။ မှန်တာပေါ့။ စောက်ပိုတွေလုပ်နေတယ်ဆိုရင် မှားပါတယ်။ တတ်နိုင်သလောက် နားလည်သမျှ ရှင်းပြရရင် NUG အနေနဲ့ စစ်ရေးပဲ အရေးကြီးတယ်၊ စစ်ဘေးရှောင်တွေ ငတ်သေသေဆိုပြီးလုပ်လို့မရဘူး။ အဲ့တော့ တော်လှန်ရေးရန်ပုံငွေထဲက %တစ်ခုက စစ်ဘေးရှောင်တွေဆီ သွားရပါတယ်။ အဲ့တော့ တော်လှန်ရေး ပရိဘောဂတွေ ဝယ်ဖို့ ငွေလျော့တယ်။ ဒါက တစ်ချက်။
နောက်တစ်ချက်က နိုင်ငံတကာက ပေးမယ်ဆိုတဲ့ လူသားချင်းစာနာမှုဆိုင်ရာ အကူအညီတွေဟာ လက်နက်ခဲယမ်းဝယ်ဖို့ဆိုပြီး ထောက်ပံ့လို့ရတာ မဟုတ်ဘူး။ အဲ့တော့ ဘယ်လိုခေါင်းစဉ်နဲ့ လာဖို့ ရှိမလဲ။ စစ်ဘေးရှောင်၊ ပညာရေး၊ ကျန်းမာရေး၊ အမျိုးသမီးအရေး စသဖြင့် ခေါင်းစဉ်မျိုးစုံနဲ့ လာတယ်။ အဲ့လို လာဖို့ကလည်း အဲ့လိုလုပ်ဆောင်နိုင်ပါတယ်ဆိုတဲ့ အခြေအနေတွေကို ပြသထားနိုင်ဖို့ လိုအပ်တယ်။ အဲ့လိုငွေတွေက ပရိဘောဂအတွက် ဖြစ်လာရင် ဖြစ်လာနိုင်သလို မဖြစ်နိုင်ဘူးဆိုရင်တောင် စစ်ဘေးရှောင်တွေ၊ ပညာရေးတွေ၊ ဘာတွေညာတွေအတွက် အဲ့ငွေတွေကို သုံးပြီး ပြည်သူ့တွေထောက်ပို့တဲ့ငွေတွေက တော်လှန်ရေးအတွက် ပြည့်ပြည့်ဝဝဖြစ်လာနိုင်မယ်။
နောက်တစ်ခုက Legitimacy ကိစ္စ။ အစိုးရတစ်ရပ်အဖြစ် နိုင်ငံတကာက အသိအမှတ်ပြုခံရရင် ဒီပွဲက ပြတ်ပြီ။ US က One Billion ပြန်ရရင်ကို မအိမ်လုံးတွေကို သုံးလအတွင်း ပြာချလို့ရတယ်။ ဒီလို Legitimacy ရဖို့ဆိုတာက အစိုးရတစ်ရပ်အဖြစ် အုပ်ချုပ်နိုင်တဲ့ အခြေအနေရှိကြောင်း ပြသနိုင်ဖို့ လိုအပ်တယ်။ အခု မိုးရာသီ အားကစားပွဲတို့ စာသင်ကျောင်းတွေ ဖွင့်တာတို့ အုပ်ချုပ်ရေးစနစ် ဖော်ဆောင်တာတို့က ဒီအရာတွေအတွက် လုပ်နေတာ။ စောက်ပို မဟုတ်ဘူး။
နိုင်ငံရေး၊ သံတမန်ရေးကိစ္စက နုကြည်လုပ်လိမ့်မယ်။ တော်လှန်ရေးသမားတွေက တော်လှန်ရေးအလုပ် လုပ်မယ်။ အတူတူလုပ်ရမယ့်အရာတွေ အတူတူလုပ်မယ်။ ခွဲလုပ်ရမယ့်အရာတွေ ခွဲလုပ်ကြမယ်။
အချင်းချင်း လှည့်ပတ် စောက်ပစ်ရှာ သွေးခွဲနေတာက တော်လှန်ရေးကို ကောင်းစေချင်လို့ ပြောတာဆိုပြီး ရောချနေတာ ဘောင်မဝင်ဘူး။ ပြည်သူ့တော်လှန်ရေး… ပြည်သူတိုင်း ပါဝင်လို့ရတယ်။ မကျေနပ်ရင် ဝင်လုပ်ကြ။ ဖေ့စ်ဘုတ်ပေါ် ပိုစ့်တင်ပြီး လာမဖမ်းမယ့် နုကြည်ကို ထိုင်ဆဲနေတာ တော်လှန်ရေးလို့ ထင်နေရင် အခုထိုင်နေတဲ့ နေရာကနေ မင်္ဂလာဒုံစစ်တပ်ရှေ့ထိ ဖျင်အရှည်ကြီး ကုန်းလိုက်ကြ။
တော်လှန်ရေးကလည်း ပုဂံမှာ ဘုရားဖူးရသလိုပဲ။ ဘယ်ဘုရားတန်ခိုးကြီးမှန်း မသိလို့ လက်အုပ်ပတ်ချီနေရတယ်။
ဒီပိုစ့်လည်း မရှိရှိတာလေးနဲ့ တို့တို့ရေးလိုက်တာ။ လက်မအားဘူး… လက်အုပ်ချီထားရလို့။
ဦးတော်
28.0K views05:10
ပ
