ABX

2021-12-27 06:02:52 ሰሞኑን አንድ ወዳጃችን ከረጅም ጊዜ በኋላ አላህ ልጅ ሠጥቶት ከባድ ዒሽቅ ላይ ነው፣
የማይበርድ ሐሴት!።
ዐጂብብብብብ ! ያስብላል
'እንዴት ነው ደስታው?' አልኩት።
'እንዲህ ያለም የለ!!፣' አለኝ።
(አባባሉን ደጋግሙት እስቲ)

አስከተለ ...
" አንዷ እንዲሁ እንደኔው ደስ ብሏት አንድ ሸህ ዘንድ ሄደች አሉ" አለኝ።
እህሳ አልኩት
" እንደው ደስ ብሎኛል አላህዬን ምን ብዬ ላመስግን?" አለቻቸው።
"አልሐምዱ ሊላህ በይ" አሏት።
ቅር አላት፣ አነሰባት።
"ሌላ የሚባል ነገር የለም?" አለቻቸው።
"ዝም ብለሽ 'አልሐምዱ ሊላህ' በይ" አሏት።
"እንግዲያዉስ እሱ ነው ያሳነሰው ምን ላርግ።" አለች።
ለአላህ ምን ታድርግ!

አላረካ እያላት "አልሐምዱ ሊላህ ! " አለች።

'አልሐምዱ ሊላህ' በርግጥ ሚዛንን ትሞላለች።

ሰባሐል ኸይር
http://t.me/MuhammedSeidABX ክፈት / አስተያየት ይስጡ

2021-12-27 06:00:43 ክፈት / አስተያየት ይስጡ

2021-12-26 10:27:32 "ተው ሚዛናዊ ሁን፣ ቀስ በል፣ ይህችን ልጅ 'ከሰው በላይ' አወደስካት እኮ ተው መሬት አድርጋት" አልኩት።
እንቢ አለና ከልክ በላይ ሰቀላት።
በመጨረሻም አጣት።
ባለመንከባከብ ብቻ አይደለም ሰዎችን የምናጣቸው፣ ከሚገባቸው በላይ በመንከባከብም እናጣቸዋለን።

http://t.me/MuhammedSeidABX ክፈት / አስተያየት ይስጡ

2021-12-25 20:45:46 ከመተዛዘን፣ ከመተሳሰብ፣ ከመመካከር ዉጭ አማራጭ የለንም። የዚህ ቤት ዓላማዉም ይኸው ነው።
ማበሸር፣
ማስፈገግ፣
ማበርታት፣
ተስፋ መስጠት፣
ማጠንከር ...

አላህ ይርዳን።

http://t.me/MuhammedSeidABX ክፈት / አስተያየት ይስጡ

2021-12-25 19:26:48 አልሆነም አይደል ...
በቃ የአላህ መሻት በለጠና እርሱ ያለው ሆነ።
ያለ ሀሜት፣ ያለ ወሬ፣ ያለ ሥም ማጥፋት ግንኙነታችሁን ቁረጡት። በሱ በፊት ማውራት የማትደፍሩትን ነገር ሰው ከሄደ በኋላ አታውሩ።
ያኔ በአላህ ፈቃድ የተዋወቃችሁባቸዉን እና ጥሩ ጊዜ ያሳለፋችሁባቸዉን እነዚያን መልካም ቀናት አክብሩ። አንዳችሁ ለአንዱ የዋለዉንም ዉለታ አትርሱ።
መልካም መልካሙን እያስታወሳችሁ አልሐምዱ ሊላህ በሉ።
እስከመጨረሻው ድረስም ሰላማዊ እና በጎ አሳቢ ሁኑ።

http://t.me/MuhammedSeidABX ክፈት / አስተያየት ይስጡ

2021-12-25 06:52:13 ኢማንህ ከደከመ፣ ቀልብህ ከደረቀ፣ በዒባዳህም ከተሳነፍክ ... ዱዓ ብቻ ነው ከዚህ ትልቅ መከራ የሚያወጣህ።
አላህ ሆይ ወዳንተ ከመቅረብ የተከለከለ፣ ዕድለ ቢስ ባርያ አታድርገኝ።
በለው።

ሰባሐል ኸይር

http://t.me/MuhammedSeidABX ክፈት / አስተያየት ይስጡ

2021-12-24 17:58:05 ጀሊሉ በሆነ ነገር ዉስጥ የናንተ ድርሻ አለ ብሎ ከፃፈልን እናየዋለን፣ ካልፃፈልን ግን የቱን ያህል ብንጓጓለትም አናየዉም።
ያም ሆኖ ግን ሁሌም መልካም ነገር ያለው አላህ በፃፈልን ነገር ዉስጥ ነው።
የቂን በእጅህ ካለው ይልቅ በአላህ እጅ ባለው እንድትተማመን ያደርግሃል።

አልሐምዱ ሊላህ አትሉም ወይ!

http://t.me/MuhammedSeidABX ክፈት / አስተያየት ይስጡ

2021-12-24 17:38:08 ታላቁን ኢብኑ ሲሪንን ታውቃላችሁ አይደል?

ሙሉ ሀብቱን ባጣ ጊዜ ሰዎች
'ከባድ ኪሳራ ነው የደረሰብህ!' አሉት።
' ይህ ከ40 ዓመት ጀምሮ ቅጣቱን ስጠብቅለት የኖርኩት የሠራሁት ወንጀል ዉጤት ነው።' አላቸው።
'ምንድን ነበር የሠራኸው ወንጀል?' አሉት።
አንድን ሰዉዬ 'አንተ ድሃ!' በማለት አሸማቀቅኩት።
ይኸው ዛሬ ከአርባ ዓመት በኋላ እኔም ድሃ ሆንኩ።

በሆነ ነገር ሰዎችን አታሸማቅቁም፣ ወይም አታነዉሩም፣ ያ ነገር የደረሰባችሁ ቢሆን እንጂ።
ተጠንቀቁ
አትመፃደቁ
እሺ።

http://t.me/MuhammedSeidABX ክፈት / አስተያየት ይስጡ

2021-12-22 22:11:55 ይገርማል
ከነእንከንህ፣ ከነጉድለትህ፣ ከነነውርህ አሁንም ድረስ ሊያዩህና አጠገብህ መሆንን የሚመኙና የሚጓጉ ብዙ ሰዎች አሉ።


http://t.me/MuhammedSeidABX ክፈት / አስተያየት ይስጡ