Injibara University

የ2015 ዓ.ም የትንሳኤ በዓል በእንጅባራ ዩኒቨርሲቲ ተከበረ።

የእንጅባራ ዩኒቨርሲቲ ተማሪዎች ከዩኒቨርሲቲው አመራሮች ጋር የትንሳኤ በዓልን በደማቅ ሁኔታ አክብረዋል ፡፡
በበዓሉ የዩኒቨርሲቲው የተማሪዎች አገልግሎት ዳይሬክቶሬት ዳይሬክተር በላይ ዘለቀ (ዶ/ር) እና ሌሎችም የዩኒቨርሲቲው መካከለኛ አመራሮች ተገኝተው የእንኳን አደረሳችሁ መልዕክት አስተላልፈዋል፡፡

ተማሪዎችም በዓሉን በመመገቢያ አዳራሽ ውስጥ በልዩ ሁኔታ በተዘጋጀው የሻይ ቡና እና የምሳ ግብዣ በጋራ ማክበራቸው የተለዬ የአንድነት ድባብ እንዳለው ገልፀዋል፡፡

በዓሉ በዩኒቨርሲቲው ውስጥ በፀጥታና ደህንነት ሥራ ላይ ተሰማርተው በሚገኙ የፌደራል ፖሊስ አባላትም በልዩ ሁኔታ በተዘጋጀላቸው የምሳ ግብዣ በጋራ ሆነው በደማቅ ሁኔታ አክብረዋል፡፡

ሚያዚያ 8/2015፤ እንጅባራ ዩኒቨርሲቲ

በድጋሜ የወጣ ማስታወቂያ

ለተመራቂ ተማሪዎች እና ለመምህራን ሲሰጥ የነበረው Digital Literacy ስልጠና ተጠናቀቀ።

የምህንድስና እና ቴክኖሎጅ ኮሌጅ ከአይ.ሲ.ቲ ዳይሬክቶሬት ጋር በመተባበር ለሁሉም ተመራቂ ተማሪዎች እና ለዲኖች እንዲሁም ለትምህርት ክፍል ኃላፊዎች ከመጋቢት 27/2015 ዓ.ም እስከ ሚያዚያ 05/2015 ዓ.ም ሲሰጥ የነበረው የDigital Literacy ስልጠና ተጠናቋል፡፡

የስልጠናዉ ዓላማ ተመራቂ ተማሪዎች በበይነ መረብ (online) አማካኝነት የሚሰጠውን የመዉጫ ፈተና ሳይቸገሩ እንዲፈተኑ ቀድመው ልምምድ እንዲያደርጉ እና ግንዛቤያቸውን ለማሳደግ የሚረዳ መሆኑ ተገልጿል። መምህራንም ተማሪዎች ለመውጫ ፈተና ብቁ እንዲሆኑ አቅጣጫ በመስጠት የበኩላቸውን ድጋፍ እንዲያደርጉ ለማስቻል በስልጠናው ተሳታፊ ሆነዋል።
በስልጠናው ለተመራቂ ተማሪዎች ለመውጫ ፈተና አስፈላጊ የሆኑ መሰረታዊ የኮምፒውተር አጠቃቀም እና፣ ስለ ኦንላይን ፈተና ጠቅላላ ገለጻ በመስጠት በመምህራን የተዘጋጁ "ሞዴል" ጥያቄዎች ወደ እንጅባራ ዩኒቨርሲቲ E-learning ሲስተም መጫን፤ የኦንላይን ፈተና ስርዓትን ማለማመድ እንደሚቻል ተዳሷል።
የምህንድስና እና ቴክኖሎጂ ኮሌጅ ዲን ደመቀ አለነ፣ የአይ.ሲ.ቲ ዳይሬክቶሬት ዳይሬክተር ዳውድ ኡመር እና የሲስተም አድሚኒስትሬተር ባለሙያ አዱኛ ተሰማ አማካኝነት ስልጠናው የተሰጠ ሲሆን በ 2015 ዓ.ም ተመራቂ ተማሪ ያላቸዉ ኮሌጅ ዲኖችና ምክትል ዲኖች፣ የትምህርት ክፍል ኃላፊዎች እንዲሁም ተመራቂ ተማሪዎች ተሳታፊ ሆነዋል።

ሚያዚያ 5/2015 ዓ.ም፤ እንጅባራ ዩኒቨርሲቲ

የእንጅባራ ዩኒቨርሲቲ ሴኔት መደበኛ ስብሰባውን በማካሄድ የተለያዩ መመሪያዎችን አጸደቀ፡፡

ለሴኔቱ የቀረቡት አጀንዳዎች፡-
 የአካዳሚክ ካሌንደር ማጽደቅ፣
 በተከታታይ ትምህርት ፕሮግራም የኮምፒውተር ሳይንስ ተመራቂ ተማሪዎችን ውጤት ማጽደቅ፣
 የመጀመሪያ እና ሁለተኛ ዲግሪ ፕሮግራም ሥርዓተ ትምህርት (Curriculum)ማጽደቅ፣
 የህክምና እና ጤና ሳይንስ ኮሌጅ አካዳሚክ ህግ ማጽደቅ፣
 የድኅረ ምረቃ ፕሮግራም እና የአገው ጥናት ኢንስትቲዩት የሥራ መመሪያን (Guide line) ን ማጽደቅ ሲሆኑ በእያንዳንዳቸው ጉዳዮች ላይ ሴኔቱ በጥልቅ በመወያየት የተለያዩ ውሳኔዎችን አሳልፏል።

በዚህም መሰረት የህክምና እና ጤና ሳይንስ ኮሌጅ ከትምህርቱ ተፈጥሯዊ ጠባይ አንጻር የትምህርት አሠጣጥ ፕሮግራሙ ከሌሎች የተለየ በመሆኑ የቀረበው የጊዜ ሰሌዳ ተገምግሞ ጸድቋል።

https://www.facebook.com/100069178971700/posts/pfbid0DUe9P9rWJ4xf3qBXzwXgRg7uM1e698jPnqm44JkgJNDa6s158nBo69yuZ1UFcbkVl/?app=fbl