Injibara University

2022-07-06 16:49:22 ክፈት / አስተያየት ይስጡ

2022-07-06 16:47:17 የአርባምንጭ ሙዝ፣ የአዊ ድንች እና የጨንቻ አፕል ምርቶች "ብራንዲንግ" መርሐግብር ተካሄደ፡፡
------------
ስትራቴጂክ ተብለው ከተለዩት የግብርና ምርቶች መካከል የአርባ ምንጭ ሙዝ፣ የጨንቻ አፕል እና የአዊ ድንች ምርቶችን ብራንድ ተደረጉ
በኢትዮጵያ ኀብረት ሥራ ኮሚሽን አነሳሽነት በአይነታቸው የተለዩ በኀብረት ሥራ ማኅበራት አባላት የሚመረቱ “የአርባ ምንጭ ሙዝ”፣ “የአዊ ድንች” እና “የጨንቻ አፕል” ምርቶች አዳዲስ የብራንድ መለያ እና ስያሜ ተሰጣቸው።
በግብርና ሚኒስቴር የኢንቨስትመንትና ግብዓት ዘርፍ ሚኒስቴር ዴኤታ ሶፊያ ካሳ (ዶክተር) እንዳሉት፤ ይህ አይነቱ ተግባር የግሉን ዘርፍ የኢኮኖሚ መሪነት ማረጋገጥ የሀገር በቀል ኢኮኖሚ ፖሊሲው አንዱ ግብ ነው ብለዋል።
ከውጭ ሀገራት የሚገቡ የግብርና ምርቶችን በሀገር ውስጥ መተካትና በሀገር ውስጥም ዓለም አቀፍ ተወዳዳሪ ምርት ማምረት ተገቢ መሆኑን አመላክተዋል።
ከዚህ በፊት የሀገር ውስጥ ምርቶች ዓለም አቀፍ ደረጃቸውን ጠብቀው ቢመረቱ እንኳን ብራንድ አለመዘጋጀቱ ፈትኗቸዋል ያሉት ዶክተር ሶፊያ፤ ይህን ችግር ለመቅረፍ መሰል የብራንዲንግ ሥራዎች አሥፈላጊ ናቸው ብለዋል።
የግብርና ምርቶች ብራንዲንግ የገበያ ችግሮችን ለመቅረፍና የሀገር ውስጥና ዓለም አቀፍ ገበያዎችን ለመስጠት ዕድል ይሰጣል ሲሉ ገልፀዋል።
በዓይነታቸው የተለዩ በኅብረት ሥራ ማህበራት አባላት የሚመረቱ የአርባምንጭ ሙዝ፣ የአዊ ድንች እና የጨንቻ አፕል ምርቶች በሀገር አቀፍ ገበያ በስፋት ተደራሽ የመሆን እምቅ አቅም አላቸው።
በአሁኑ ጊዜ በደካማ የገበያ ትሥሥር፤ በገበያ መሰረተ ልማት እጦት እና በእሴት ሰንሰለት ውስጥ ጥቂት ነጋዴዎችና ደላሎች እንዳሻቸው የዋጋ ተመን በማውጣት ገበያውን በሚቆጣጠሩበት የግብይት ሥርዓት በመገደባቸው አምራቹም ሆነ ሸማቹ ተጠቃሚ ሳይሆኑ ቆይተዋል ተብሏል።

ብራንዲንግ በምርት ግብይት ማዕቀፍ ውስጥ ከመወዳደሪያ አቅም መለኪያዎች ውስጥ አንዱ እና አስፈላጊ ጉዳይ በመሆኑ እንጅባራ ዩኒቨርሲቲ ወደፊት በሌሎች ምርቶች ላይ አተኩሮ ይሠራል።

(ኢ.ፕ.ድ) ሰኔ 28/2014 ዓ.ም ክፈት / አስተያየት ይስጡ

2022-07-02 18:58:34 ማስታወቂያ፦
---------
ለመጀመሪያ ዲግሪ ክረምት ትምህርት ተማሪዎች በሙሉ፦ ክፈት / አስተያየት ይስጡ

2022-07-02 17:50:41 በድጋሜ የወጣ ማስታወቂያ
------
በክረምት መርሐ ግብር ለሁለተኛ ዲግሪ አመልካቾች በሙሉ የመግቢያ ጊዜ የተራዘመ መሆኑን ስለማሳወቅ፦ ክፈት / አስተያየት ይስጡ

2022-07-01 18:18:44

ክፈት / አስተያየት ይስጡ

2022-07-01 11:24:53 እንጅባራ ዩኒቨርሲቲ ለሁለተኛ ደረጃ ትምህርት ቤቶች 1 ሚሊዮን ብር ግምት ያላቸው የዲጅታል ቤተ-መጽሐፍት ማሽን ድጋፍ አደረገ፡፡
-------------
ዩኒቨርሲቲው ለእንጅባራ አጠቃላይ 2ኛ ደረጃ ትምህርት እና ለዛጉዌ 2ኛ ደረጃ ትምህርት ቤት የማሽን ድጋፍ በማድረግ የ S.R.E Digital Liberary ስራ አስጀምሯል፡፡
የእንጅባራ ዩኒቨርሲቲ ምርምርና ማህበረሰብ አገልግሎት ም/ፕሬዝዳንት ክንዴ ብርሃን(ዶ/ር) ዩኒቨርሲቲው የትምህርት ጥራት እንዲረጋገጥ በእንጅባራ ከተማ ለሚገኙ ሁለት ትምህርት ቤቶች እያንዳንዳቸው ከ 500 ሺ ብር በላይ ግምት ያላቸውን የ S.R.E Digital Liberary ሁለት ማሽኖችን ለሁለቱ ትምህርት ቤቶች ድጋፍ ማደረጉን ተናግረዋል፡፡ አያይዘውም ማሽኑ ከ60ሺ በላይ ከ9ኛ -12ኛ ክፍል ያሉ መጽሐፍትን፣ የፕላዝማ የቪዲዮ እና የድምጽ ፋይሎችን፣ የቤተ ሙከራ ምስሎችን ጨምሮ በ21ቋንቋዎች የያዘ በመሆኑ መረጃዎችን በቀላሉ ማግኘት የሚችሉበት መሆኑን ተናግረዋል፡፡
የአዊ ዞን ትምህርት መምሪያ ኃላፊ አቶ ሙሉቀን መኮነን በበኩላቸው እንጅባራ ዩኒቨርሲቲ በትምህርት ዘርፍ ቀደም ብሎ በዞኑ በተለያዩ አካባቢዎች ለሚገኙ ትምህርት ቤቶች ከፍተኛ ግምት ያላቸው የቁሳቁስ ግብዓት ድጋፍ ማድረጉን አስታውሰው፤ የድጅታል ቤተመጽሐፍት ድጋፉ ለትምህርት ጥራት መረጋገጥ ጉልህ አስተዋፅኦ ያበረክታል ብለዋል፡፡ የመምሪያ ኃላፊው እንጅባራ ዩኒቨርሲቲ ላደረገላቸው ድጋፍ በዞኑ ማህበረሰብ ስም ምስጋና አቅርበዋል፡፡
የእንጅባራ አጠቃላይ 2ኛ ደረጃ ትምህርት ቤት የ12ኛ ክፍል ተማሪ የሆነው አላዛር አገኘሁ በትምህርት ቤቱ የመጽሐፍት እጥረት የነበረ መሆኑን ጠቅሶ መጻሕፍትን ያለምንም ክፍያ በሶፈት ኮፒ እያወረደ ማንበብ በመቻሉ መደሰቱን ገልጿል፡፡
ሰኔ 24/2014ዓ.ም፣ እንጅባራ ዩኒቨርሲቲ ክፈት / አስተያየት ይስጡ

2022-07-01 11:21:16 እንጅባራ ዩኒቨርሲቲ ነፃ የህግ ድጋፍ የመስጫ ማዕከል ከፈተ፡፡

እንጅባራ ዩኒቨርሲቲ ለአካል ጉዳተኞች፣ ለአቅመ-ደካሞች፣ ለሴቶች፣ ለህፃናት፣ ኤችአይቪ በደማቸው ላለባቸውና ለድሃድሃ የማህበረሰብ ክፍሎች ነፃ የህግ ድጋፍ መስጠት የሚያስችለውን ማዕከል በእንጅባራ ከተማ በይፋ ከፍቷል፡፡

በመክፈቻ መርሃ ግብሩ የተገኙት የእንጅባራ ዩኒቨርሲቲ ፕሬዝዳንት ጋርዳቸው ወርቁ (ዶ/ር) ዩኒቨርሲቲው ነፃ የህግ አገልግሎት ቀደም ብሎ መጀመሩን አስታውሰው በአዊ ዞን የህግ የበላይነት እንዲከበርና ፍትህ እንዲሰፍን እና አቅም የሌላቸው የህብረተሰብ ክፍሎችንም በነጻ ህግ የማመከር እና የጥብቅና አገልግሎት የሚሰጥ ማዕከል መከፈቱን ተናግረዋል፡፡ አያይዘውም ማዕከሉ በዩኒቨርሲቲው ለሚማሩ የህግ ትምህርት ቤት ተማሪዎች እንደ ቤተሙከራ እንደሚያገለግልና ከዚህ በተጨማሪም በዞኑበተለያዩ አካባቢዎች ቅርንጫፍ ማዕከላትን እንደሚከፍት ጨምረው ተናግረዋል፡፡
የአዊ ዞን ፍትህ መምሪያ ኃላፊ አቶ ሙሉዓለም ደሴ በበኩላቸው እንጅባራ ዩኒቨርሲቲ ነጻ የህግ ድጋፍ አገልግሎት የመምሪያውን ሥራ እንደሚያግዝ በመጥቀስ ከዩኒቨርሲቲው ጋር በትብብር ለመስራት ዝግጁ መሆናቸውን ተናግረዋል፡፡
የዩኒቨርሲቲው የህግ ትምህርት ቤት ዲን የሆኑት መምህር ጌትነት አያሌው ደግሞ የህግ ትምህርት ቤቱ ከሚሰጣቸው አገልግሎቶች ተጠቃሚ ለመሆን ወደ ማዕከላችን የሚመጡ የህብረተሰብ ክፍሎች ጉዳያቸውን በግል ለመከታተልና ጠበቃ ለማቆም የገንዘብ አቅም የሌላቸው መሆኑን የሚገልፅ ማስረጃ ከሚኖሩበት ቀበሌ ማህበራዊ ፍ/ቤት ማቅረብ ይጠበቅባቸዋል ብለዋል፡፡

በመክፈቻ መርሐ ግብሩ የእንጅባራ ዩኒቨርሲቲ ምርምርና ም/ፕሬዝዳንቶችና የህግ ትምህርት ቤት መምህራን ተገኝተዋል፡፡

ሰኔ 23/2014 ዓ.ም፣ እንጅባራ ዩኒቨርሲቲ ክፈት / አስተያየት ይስጡ