Ethiopian Press Agency/አማርኛ /

2023-06-11 17:24:21 ክፈት / አስተያየት ይስጡ

2023-06-11 17:13:23 ለድሬዳዋ ፖሊስ የጦር መሣሪያን ለመቆጣጠርና ለማስተዳደር የሚያስችል ሲስተም ሶፍትዌር ተረከበ
*****
(ኢ ፕ ድ)

የድሬዳዋ ዩኒቨርሲቲ የጦር መሣሪያን ለመቆጣጠርና ለማስተዳደር የሚያችል ሲስተም ሶፍትዌር በማበልፀግ ለድሬዳዋ ፖሊስ አስረክበዋል።

በፕሮግራሙ ላይ የኢትዩጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል የፖሊስ ሥራ የሚሳለጠው በቴክኖሎጂ የተደገፈ ስራ ሲሰራ መሆኑን ጠቁመው ለድሬዳዋ ዩኒቨርሲቲ መምህራን ምስጋና አቅርበዋል።

የፖሊስን ተቋም በዘመናዊ ቴክኖሎጂ ማስታጠቅ የፖሊስን ስራ ቀላል ከማድረጉም በላይ ትክክለኛ የሆነ መረጃ ለማግኘት ወሳኝ በመሆኑ በቀጣይ ፖሊስን የሚያዘምኑ ስራዎች ለመስራት በስትራቴጂክ እቅዱ ላይ በግልጽ የተቀመጡ ግቦችን ወደ ታች በማውረድ ስራዎች በትጋት ይሠራሉ ብለዋል፡፡

በቀጣይ ቴክኖሎጂዎቹን በማስፋት በሁሉም የፖሊስ ተቋማት ተደራሽ የሚሆኑበትን ሁኔታ ማመቻቸት እንዲቻል የኢትዮጵያ ፖሊስ ዩኒቨርሲቲና የድሬዳዋ ዩኒቨርሲቲ በጋራ መስራት እንደሚገባቸው ኮሚሽነር ጀነራል ገልጸዋል፡፡

ምስራቅ አፍሪካ ሀገራት የፖሊስ ተቋማት የተስማሙበት ቴክኖሎጂዎችን ወደ ሀገር ውስጥ በማስገባት የፖሊስ ተልዕኮዎችን ቀላልና ቀልጣፋ ማድረግ የሚያስችለውን ሲስተም በማበልጸግ መጠቀም ወሳኝ መሆኑን ተናግረዋል።

ዘመናዊ የወንጀል ምርመራውን ለማዘመን የተለያዩ ቴክኖሎጂዎችን በመጠቀም የተጠርጣሪውን ሰብአዊ መብት በጠበቀ አኳሃን ስራዎችን መሰራት መጀመራቸውንና የድሬዳዋ ፖሊስ ወደ ድሬዳዋ ከተማ የሚገባ ማንኛውም ሰው መረጃ ቀድሞ እንዲደርሰው የሚያስችልና የሰውን ህይወትና ንብረት እያወደመ ያለውን የትራፊክ አደጋ በቀላሉ መረጃን ለመሰብሰብ የሚያግዙ ሲስተም ሶፍትዌሮችን መዘርጋቱን የሚበረታታ ተግባር ነው ብለዋል።

ሌሎች ከተሞችም የከተማዋን ተሞክሮ በመቅሰም የዜጎችን ሰላምና ደህንነት መጠበቅ እንደሚገባቸው ተናግረዋል።

ዩኒቨርሲቲዎች ለሀገሪቱ የሚጠቅሙ ጥናትና ምርምሮችን እያደረጉ የፀጥታ መዋቅሩን ሥራን እንዲያጠናክሩ ኮሚሽነር ጀነራሉ ጥሪ አቅርበዋል።

የድሬዳዋ ፖሊስ ጠቅላይ መምሪያ አዛዥ ኮሚሽነር አለሙ መግራ በበኩላቸው የድሬዳዋ ዩኒቨርሲቲ ለድሬዳዋ ከተማ አስተዳደር ፖሊስ ስራዎችን ሊያቀሉ የሚችሉ ሶፍትዌሮችን አበልጽጎ መስጠት በመቻሉ ምስጋና አቅርበዋል።

የድሬዳዋ ፖሊስ በከተማው ያለውን የጦር መሣሪያ መቆጣጠርና ማስተዳደር እንዲችል መደረጉ፣ እየተበራከተ የመጣውን የትራፊክ አደጋን ለመቀነስ የሚያስችል ሲስተም ሶፍትዌር መጠቀም መጀመራቸው የወንጀል መከላከል ሥራውን ቀላል ከማድረጉም ባሻገር ህገወጦችን በቀላሉ በቁጥጥር ሥር አውሎ ለህግ ለማቅረብ ድርሻው ከፍተኛ እንደሆነ ጨምረው ተናግረዋል።

በሥነ-ሥርዓቱ ላይ የኢትዮጵያ ፌደራል ፖሊስ ከፍተኛ አመራሮች፣ የድሬዳዋ ከተማ አስተዳደር ከፍተኛ የሥራ ኃላፊዎች፣ የድሬዳዋ እና የፌደራል ፖሊስ አመራር እና አባላት፤ የድሬዳዋ ማህበረሰብ አቀፍ የፖሊስ አገልግሎት የየቀጠናው አመራሮች ተሳታፊ ሆነዋል፡፡ ክፈት / አስተያየት ይስጡ

2023-06-11 17:13:21 ክፈት / አስተያየት ይስጡ

2023-06-06 20:07:25 ክፈት / አስተያየት ይስጡ

2023-06-06 20:07:22 የኢትዮጵያ ሀገራዊ ምክክር በሚቀጥለው ዓመት በሁሉም የሀገሪቱ ክፍሎች ይካሄዳል-ፕሮፌሰር መስፍን አርዓያ
******
(ኢ ፕ ድ)

የኢትዮጵያ ሀገራዊ ምክክር በሚቀጥለው ዓመት በሁሉም የሀገሪቱ ክፍሎች የሚካሄድ መሆኑን የኢትዮጵያ ሀገራዊ ምክክር ኮሚሽን ዋና ኮሚሽነር ፕሮፌሰር መስፍን አርዓያ ገለጹ።

የዝግጅት ምዕራፍ አካል የሆኑትን የተሳታፊ መረጣና የአጀንዳ ማሰባሰብ ስራ የ2015 በጀት ዓመት ከመጠናቀቁ በፊት ለመጨረስ እየተሰራ መሆኑንም ኮሚሽነሩ ተናግረዋል።

ኮሚሽኑ የተሳታፊዎች ልየታን በሚያካሂድበት ወቅት ግልፅነት፣ አካታችነት፣ ፍትሐዊ ውክልና፣ አዳዲስ ከዋኞችና ተባባሪዎች እንዲሁም በቂ ጊዜ ታሳቢ እንደሚደረጉ ገልጿል።

የኢትዮጵያ ሲቪል ማህበራት ምክር ቤት፣ የኢትዮጵያ የፖለቲካ ፓርቲዎች የጋራ ምክር ቤት፣ የኢትዮጵያ መምህራን ማህበር፣ የኢትዮጵያ ሀገር አቀፍ የእድሮች ማህበራት ጥምረት፣ የኢትዮጵያ ሀይማኖት ተቋማት ጉባዔ፣ የወረዳ ፍርድ ቤት ዳኞች፣ የወረዳ (ልዩ ወረዳ) አስተዳደር ተወካዮች በተሳታፊ ልየታ ተባባሪነት ተመርጠዋል።

በሀገራዊ ምክክሩ የሚሳተፉ የሕብረተሰብ ክፍሎች የተመረጡ ሲሆን እነሱም፤ እራሳቸውን የሚገልፁበት ዋና መተዳደሪያ ያላቸው ሰዎች፣ ሴቶች፣ ወጣቶች፣ ዕድሮች፣ የማህበረሰብ መሪዎች /አባቶች/ እናቶች፣ የመንግስት ሰራተኞች፣ መምህራን፣ የእጅ ባለሙያዎች፣ የንግድ ማህበረሰብ ናቸው።

የኢትዮጵያ ሀገራዊ ምክክር ኮሚሽን ዋና ኮሚሽነር ፕሮፌሰር መስፍን አርዓያ ለኢዜአ እንደገለጹት፤ የዝግጅት ምዕራፍ ማጠናቀቂያ የሆኑት የአጀንዳ መሰብሰብና የተሳታፊዎች ልየታ ስራ እየተከናወነ ይገኛል።

በየአካባቢው ተፈናቅለው የሚገኙ ኢትዮጵያውያን በያሉበት የመጠለያ ስፍራ እንደ 10ኛ ባለድርሻ አካል የራሳቸውን ተወካዮች የሚያመጡበትን አሰራር ተዘርግቷል ብለዋል።

በአሁኑ ወቅት በድሬዳዋ፣ በሀረሪ፣ በሲዳማ እና በደቡብ ምዕራብ ኢትዮጵያ ክልሎች እየተካሄደ መሆኑን ጠቅሰው፤ በሚቀጥሉት 10 ቀናት በነዚህ አካባቢዎች የተጀመረው የልየታና የማሰባሰብ ስራ ይጠናቀቃል ነው ያሉት።

ዜጎች በየትኛውም መንገድ አልተወከልንም ብለው ካሰቡ አጀንዳዎቻቸውን ለኮሚሽኑ በአካል፣ በፖስታ፣ በስልክ፣ በበይነ መረብ የሚያስገቡበት አሰራር መዘርጋቱንም ተናግረዋል።

ግጭት ባለባቸው አካባቢዎች የምክክር ዝግጅቶችን ለማከናወን የሚያስችሉ ምቹ ሁኔታዎችን ለመፍጠር ከየአካባቢው አስተዳደሮች ጋር ውይይት በማድረግ በጋራ ለመስራት መግባባት መፈጠሩንም ጠቅሰዋል።

ኮሚሽኑ በተንቀሳቀሰባቸው አካባቢዎች ህዝቡ ሰላም እንደሚፈልግ እና ጥያቄዎቹንም በውይይት የመፍታት ፅኑ አቋም እንዳለው ተረድተናል ነው ያሉት።

ለትግራይ ክልል ጊዜያዊ አስተዳደርም በምክክሩ አስፈላጊነትና አካሄድ ላይ ውይይት አድርጎ ወደ ስራ ለመግባት ደብዳቤ ተፅፎ ምላሽ እየተጠባበቅን ነው ብለዋል።

በመሆኑም ትግራይ ክልልን ጨምሮ በሁሉም ክልሎች በሚገኙ ወረዳዎች የተሳታፊዎች ልየታና አጀንዳ የማሰባሰብና የመረጣ ስራ አስቸጋሪ ሁኔታ ካላጋጠመ በስተቀር የ2015 በጀት ዓመት ከመጠናቀቁ በፊት እንደሚጠናቀቅ ጠቁመዋል።

ይህን በስኬት በማጠናቀቅ በሚቀጥለው ዓመት በሁሉም የሀገሪቱ አካባቢዎች ሀገራዊ ምክክሩን ለማካሄድ ሰፊ ጥረት እየተደረገ መሆኑን ተናግረዋል።

እያንዳንዱ የህብረተሰብ ክፍል ከየወረዳዎች 50 ሰዎችን በተሳታፊነት እንደሚልክ ጠቅሰው በሀገራዊ ምክክሩ እስከ 700 ሺህ ኢትዮጵያውያን በቀጥታ ሊሳተፉ እንደሚችሉም ኮሚሽነሩ ጠቁመዋል።

በክልሎች እና ከተማ አስተዳደሮች ደረጃ ለሚደረጉ የአጀንዳ ማሰባሰብ ስራዎች ሁሉም የሕብረተሰብ ክፍሎች ሁለት ሁለት ተወካዮችን ይመርጣሉ ብለዋል፡፡

የኪነጥበብ ባለሙያዎች፣ የሀገር ሽማግሌዎች፣ የሃይማኖት አባቶች፣ ፖለቲከኞች፣ ምሁራን፣ ወጣቶችን ጨምሮ ሁሉም ለኮሚሽኑ እያደረጉ ያሉትን ትብብር አጠናክረው እንዲቀጥሉም ጠይቀዋል። ክፈት / አስተያየት ይስጡ

2023-06-06 20:00:29 ክፈት / አስተያየት ይስጡ

2023-06-06 16:03:20 ኢጋድ ግጭትን ቀድሞ ለመከላከልና ችግሮችን በእርቅ መፍታት የሚያስችሉ ስራዎችን እየሰራ መሆኑን ገልጸ
******
(ኢ ፕ ድ)


የምስራቅ አፍሪካ በይነ መንግስታት ድርጅት(ኢጋድ) ግጭትን ቀድሞ መከላከልና ከተከሰቱም በኋላ በእርቅ እንዲፈቱ እየሰራ እንደሚገኝ የድርጅቱ ዋና ጸኃፊ ዶክተር ወርቅነህ ገበየሁ ገለጹ።


ድርጅቱ የ2022 ዓመታዊ ሪፖርቱን ይፋ ባደረገበት ወቅት ጽንፈኝነትንና ተሻጋሪ ወንጀሎችን ለመከላከልም እየሰራ መሆኑን ዋና ጸሀፊው አሰታውቀዋል።


ባለፈው አንድ ዓመት በቀጣናው የተከሰቱ ሰፊና ውስብስብ ችግሮችን ከመፍታት ረገድ ኢጋድ ጉልህ ሚና መጫወቱን ዋና ጸኃፊው ተናግረዋል።


በተለያዩ የድርጅቱ አባል ሀገራት ውስጥ ለተከሰቱ የፖለቲካና የጸጥታ ችግሮች ምላሽ ለመስጠት የግጭት ቅድመ መከላከል ዲፕሎማሲን እንዲሁም ችግሮች ከተከሰቱም በኃላ በእርቅ የመፍታት ስራዎችን መስራቱንም ዋና ጸኃፊው ገልጸዋል።


በዚህም ድርጅቱ በደቡብ ሱዳንና በኢትዮጵያ የተፈጠሩ ችግሮችን በሰላማዊ መንገድ በእርቅ እንዲፈቱ ያደረገውን አስተዋጽኦ እንደ አብነት አንስተዋል።

በተጨማሪም፤ በሱማሊያና በቀይ ባህር እንዲሁም በኤደን ባህረ ሰላጤ አካባቢዎች በድረ-ግጭት መልሶ ግንባታ ላይ ድርጅቱ ያበረከተውን ሚና እንደ ምሳሌ ጠቅሰዋል።

በአየር ንብረት ለውጥ ሳቢያ የሚከሰት ድርቅና የምግብ እጥረትን ለመከላከል የአደጋ ስጋት አመራር፣ የአየር ንብረት ማጣጠሚያና አደጋን የመቀነስ እንዲሁም ለአየር ንብረት ለውጥ የማይበገር ኢንሼቲቭን በመንደፍ ሲንቀሳቀስ መቆየቱንም ገልጸዋል።

በተጨማሪም የቀጣናውን የግብርና እንቅስቀሴ ለማዘመን ትኩረት ሰጥቶ ሲሰራ መቆየቱን የተናገሩት ዶክተር ወርቅነህ የግብርና ምርታማነትን ለማዘመን እንደ “ብሉ ኢኮኖሚ” የመሳሰሉ ፕሮጀክቶችን ተግባራዊ ማድረጉን አመላክተዋል።

እንደ ኢዜአ ዘገባ ፍልሰትን በተመለከተም በዓመቱ ቀጣናዊ የፍልሰት አስተዳደር ኢኒሼቲቮችን ተግባራዊ ማድረጉን የገለጹት ዋና ጸኃፊው ድርጅቱ በቀጣናው በነጻነት የመዘዋዋር ፕሮቶኮልንና የሬሚታንስ ፖሊሲ ማሻሻያዎችን መተግበሩን አብራርተዋል።

ዶክተር ወርቅነህ ድርጅቱ የጀመራቸውን ስራዎች አጠናክሮ እንደሚቀጥል ገልጸው አባል ሀገራትም ሚናቸውን እንዲያጠናክሩ ጥሪ አቅርበዋል። ክፈት / አስተያየት ይስጡ

2023-06-06 16:02:59 ክፈት / አስተያየት ይስጡ

2023-06-06 15:37:08 ክፈት / አስተያየት ይስጡ

2023-06-06 14:08:56 ክፈት / አስተያየት ይስጡ