Commercial Bank of Ethiopia - Official

የኢትዮጵያ ንግድ ባንክ ድል አድርጓል፡፡
********
በ21ኛው ሳምንት የኢትዮጵያ ፕሪሚየር ሊግ መርሀ ግብር የኢትዮጵያ ንግድ ባንክ የወንዶች እግር ኳስ ቡድን ሀዋሳ ከተማን 2 ለ 1 አሸንፏል፡፡

በጨዋታው 39ኛ ደቂቃ ሀዋሳ ከተማ በዓሊ ሱለይማን ባገኘው ጎል ጨዋታውን እየመራ ቡድኖቹ ወደ እረፍት ያመሩ ቢሆንም፣ የኢትዮጵያ ንግድ ባንክ ከረፍት መልስ ተጭኖ በመጫወት በ50ኛው ደቂቃ በሲሞን ፒተር እና በ65ኛው ደቂቃ በኪቲካ ጅማ ባስቆጠራቸው ሁለት ጎሎች ጨዋታውን ማሸነፍ ችሏል፡፡

በሊጉ ባደረጋቸው 21 ጨዋታዎች 13 አሸንፎ በአራቱ አቻ በመለያየት በአራቱ የተሸነፈው የኢትዮጵያ ንግድ ባንክ፣ በ43 ነጥብ እና በ18 ንፁህ ጎል ሊጉን በመምራት ላይ ይገኛል፡፡

እረፍት
****
የ21ኛው ሳምንት የኢትዮጵያ ፕሪሚየር ሊግ የኢትዮጵያ ንግድ ባንክ እና ሀዋሳ ከተማ ጨዋታ በሀዋሳ ከተማ 1 ለ 0 መሪነት ወደ እረፍት አምርቷል፡፡

አሊ ሱሌማን በ39ኛው ደቂቃ የሀዋሳ ከተማን ጎል ያስቆጠረ ተጫዋች ነው፡፡

በኢትዮጵያ የዲጂታል የክፍያ ስርአት እንዲያድግ የኢትዮጵያ ንግድ ባንክ የዲጂታል ባንኪንግ አገልግሎት ከፍተኛ እገዛ ማድረጉ የባንካችን ፐሬዚዳንት አቶ አቤ ሳኖ ገለጹ።
================
በኢትዮጵያ ብሔራዊ ባንክ አዘጋጅነት ዛሬ በእስካይ ላይት ሆቴል በተዘጋጀው በዚህ ኮንፍረንስ ላይ በሀገሪቱ የሚገኙ ባንኮች፡ የፋይናንስ ተቋማት ፡ ቴክኖሎጂ አቅራቢዎች ተገኝተዋል።
በመርሃ ግብሩ ላይ የተገኙት የኢትዮጵያ ንግድ ባንክ ፕሬዚዳንት አቶ አቤ ሳኖ የኢትዮጵያ ንግድ ባንክ በኢትዮጵያ የዲጂታል ባንክ አገልግሎት አሁን ለደረሰበት ደረጃ የተጫወተውን ሚና አስመልክተው ገለፃ አድርገዋል፡፡
አቶ አቤ እንዳሉት የኢትዮጵያ ንግድ ባንክ የዲጂታ ባንክ አገልግሎትን ለደንበኞቹ ከማስተዋወቅ እና ግንዛቤ ከመፍጠር አንስቶ ለሌሎችም አርአያ በሚሆን መልኩ ለዘርፉ እድገት ከፍተኛ አስተዋጽዎ እንዳረገ ጠቁመዋል። ይህ ደግሞ በኢትዮጵያ ለዲጂታል የክፍያ ስርአት እድገት የላቀ ሚና እንዲወጣ አስችሎታል ብለዋል።
አቶ አቤ አክለውም ለዲጂታል የክፍያ ስርአት መጎልበት በሀገሪቱ የሚገኙ ባንኮች፡ ሌሎች የፋይናንስ ተቋማት ፡ ቴክኖሎጂ አቅራቢዎች እና የዘርፉ ተሳታፊዎች በጋራ መስራት ይጠበቅባቸዋል ብለዋል። የኢትዮጵያ ብሔራዊ ባንክ በዚህ መልኩ የዘርፉን ተሳታፊዎች ያሳተፈ የውይይት መድረክ ማሰናዳቱ እርስ በእርስ የልምድ ልውውጥ እንዲኖር ያስችላል ብለዋል።
በመጨረሻም እንደነዚህ አይነት የውይይት መድረኮች በሀገር አቀፍ ደረጃ በዲጂታል የክፍያ ስርአት ላይ ለሚወጡ ስትራቴጂዎች እና ፖሊሲዎች ከፍተኛ ግብአት የመሆን አቅም ኣላቸው ብለዋል፡፡
በውይይቱ ላይ ባንኮች ፣የቴክኖሎጂ አቅራቢዎች እና የግሉ ዘርፍ ፋይናንስ ተቋማት ተሳታፊዎች ነበሩ፡፡

የኢትዮጵያ ንግድ ባንክ 5 ለ 1 በማሸንፍ ወደ መሪነቱ በድጋሚ ተመለስ
********************************
በኢትዮጵያ ፕሪሚየር ሊግ 20ኛ ሳምንት መርሃ ግብር የኢትዮጵያ ንግድ ባንክ የወንዶች እግር ኳስ ቡድን ከሀምበርቾ ጋር ባደረገው ደማቅ ጨዋታ በ24ኛው ደቂቃ ጎል ቢቆጠርበትም ከእረፍት መልስ ባስቆጠረቸው ተከታታይ ጎሎች በብቃት አሸንፎ ሊወጣ ችሏል።
ከተከታታይ ሶስት ጨዋታ በኋላ ወደ አሸናፊነት የተመለሰው የኢትዮጵያ ንግድ ባንክ በ 53ኛ እና 72ኛ ደቂቃ አዲስ ግደይ በፍጹም ቅጣት ምት ጎል ሲያስቆጠር በ 65ኛው ካሌብ አማንኩዋ፤ በ 74ኛው ሳይመን ፒተር እንዲሁም 87ኛው ዳዊት ዮሐንስ ባስቆጠሯቸው አምስት ድንቅ ጎሎች የኢትዮጵያ ፕሪሚየር ሊግ 20ኛ ሳምንት መርሃ ግብርን በ 40 ነጥብና በ17 ንጹህ ጎል በደረጃው አናት ላይ ተመልሷል።
ዘንድሮ ያደጉትን ሁለቱን ቡድኖች ባገናኘው የምሽቱ ጨዋታ ከበድ ባለ ዝናባማ የአየር ፀባይ ውስጥ ሆኖ የተደረገ ሲሆን ለኢትዮጵያ ንግድ ባንክ ለዋንጫ ጉዞው ወሳኝ በመሆኑ በጉጉት ሲጠበቅ ነበር።
ይህ ውጤት ለቀጣዩ ጨዋታዎችም ከፍተኛ መነቃቃት የፈጠረ ሲሆን ቀሪዎችነም 10 ጨዋታዎች እጅግ አጓጊ ያደርገዋል።
ለባንካችን እግር ኳስ ቡድን እንኳን ድስ አላችሁ ለቀጣዩም መልካም እድል።