A.A HOUSING DEVELOPMENT & ADMINISTRATION BUREAU

እጣ የወጣላቸውን ባለእድለኞች ውል በመዋዋል ሂደቱ ካለምንም ችግር እየተስተናገዱ መሆኑን  ገለጹ፡፡

በ14ኛው ዙር የ20/80 እና በ3ኛው ዙር የ40/60 የጋራ መኖሪያ ቤት እጣ የወጣላቸውን ነዋሪዎች  ስላለው መስተንግዶ ተጠይቀው በሰጡት ምላሽ እንደገለጹት ያለምንም ችግር እና እንግልት በሚገባ መስተናገዳቸውን እና ሰራተኞቹም ያለውን የሰው ብዛት እና የስራ ጫና ተቋቋመው በአግባቡ እና በቅልጥፍና እያስተናገዱን ነው ሲሉ ውል ሲዋዋሉ ያገኘናቸው ወ/ሮ ኑራ ኤሊያስ ፤ አቶ ሲሳይ አገዘ ፣ ሻምበል አማረ አደላ እና ሌሎችም ያነጋገርናቸው ነዋሪዎች ገልጸውልናል፡፡

የአንዳንድ ተገልጋዮች በፕሮግራማቸው መሰረት አለመገኘት ፤ የተጣራ መረጃ ይዞ አለመምጣት እንዲሁም የጋብቻ ሰርተፊኬት እና መታወቂያ ላይ የስም ስህተቶች መኖር ውል በመዋዋል ሂደቱ የተስተዋሉ ክፍተቶች ናቸው ያሉት ደግሞ አቶ ካሳሁን ዘውዱ የቤቶች ልማት ኮርፖሬሽን የጋራ መኖሪያ እና ንግድ ቤቶች ማስተላለፍ ዳይሬክቶሬት ዳይሬክተር ናቸው፡፡

ይህን ችግር ለመፍታት ተዋዋዮች የተጓደሉ መረጃዎችን አማልተው እንዲያመጡ እና ራሳቸውን ከውጭ ባሉ ህገ ወጥ ደለላዎች መጠበቅ እንደሚገባቸውም ዳይሬክተሩ አሳስበዋል፡፡

ጥር1/2015ዓ.ም የተጀመረው እና በቀን ከ1500 በላይ ባለጉዳዮችን እያስተናገደ የሚገኘው የውል ማዋዋያ አንድ ማእከል ከሰኞ እስከ ቅዳሜ ከሰአት ድረስ አገልግሎቱን እየሰጠ ይገኛል፡፡

http://www.aahdab.gov.et

aahdab2021@gmail.com

https://www.facebook.com/aahdabofficial

ቢሮው በማህበር ተደራጅተው የጋራ መኖሪያ ቤት ለመገንባት የሚጠባበቁ ተመዝጋቢዎችን ወደ ሥራ ሊያስገባ ነው፡፡

የአዲስ አበባ ቤቶች ልማት እና አስተዳደር ቢሮ  በ2005 ዓ.ም በ20/80 እና በ40/60 የቤት ልማት ኘሮግራም የተመዘገቡ ሆነው የጋራ መኖሪያ ቤት በማህበር ተደራጅተው ለመገንባት ፍላጎት እና አቅም ላላቸው  እና ትግበራውን የሚጠባበቁ ማህበራትን ወደ ሥራ ሊያስገባ ነው፡፡

ከዚህ ቀደም በተደረገው የOnline ምዝገባ በማህበር ተደራጅተው ቤት ለመገንባት የሚያስችለውን መሥፈርት በማሟላት በ57 ቡድን መደልደሉ የሚታወስ ሲሆን በ14ኛው ዙር የ20/80 እና በ3ኛው ዙር የ40/60 እጣ የደረሳቸውን እና በተለያዩ ምክንያቶች የተጓደሉ  ተመዝጋቢዎችን  የማሟላት እና ተጠባባቂዎችን የመለየት ሥራ ዛሬ ተሰርቷል።

በቅርቡም የተደለደሉትን ተመዝጋቢዎች ከህብረት ስራ ኤጀንሲ ጋር በመሆን በማህበር የማደራጀት እና ወደ ስራ የማስገባቱ ስራ የሚቀጥል ይሆናል።

በእለቱ የቢሮው የቤት ልማትና የአሰራር ስርዓት ዘርፍ ም/ቢሮ ኃላፊ ወ/ሮ ሙሉወርቅ ደረሰ የማሟያ እና የተጠባባቂዎች ልየታ ሂደቱን የመሩ ሲሆን  የዘርፉ አመራሮች ፤ የክፍለ ከተማ የቤቶች ቡድን አስተባባሪዎች እና ተመዝጋቢዎች  በተገኙበት ማከናወን ተችሏል።

http://www.aahdab.gov.et

aahdab2021@gmail.com

https://www.facebook.com/aahdabofficial

ከከተማ አስተዳደሩ በተዋቀረ የሱፐርቪዥን ቡድን የቢሮው እና የኮርፖሬሽኑ የ6 ወር አፈፃፀም ተገመገመ።

ግምገማው ትኩረት ያደረገው የተቋሙ የአገልግሎት አሰጣጥ ፤ በመልካም አስተዳደር የተለዩ ችግሮች አፈታት፤ ከግንባታ አፈፃፀም እና ከጋራ መኖሪያ ቤት ማስተላለፍ ጋር የተሰሩ ስራዎች፤ ከመንግስት እና ከጋራ መኖሪያ ቤት እንዲሁም ህገወጥ ቤት አያያዝ ጋር ተያይዞ የተወሰደ እርምጃ እና ሌሎችም በርካታ ጉዳዮች  ላይ ነው።

በግምገማው ክብርት ያስሚን ወሀብረቢን ጨምሮ የቢሮው እና የስትራቴጂክ ካውንስል አባላት እና ከከተማ አስተዳደሩ የመጡ የሱፐርቪዥን አባላት ተገኝተዋል።

http://www.aahdab.gov.et

aahdab2021@gmail.com

https://www.facebook.com/aahdabofficial