A.A HOUSING DEVELOPMENT & ADMINISTRATION BUREAU

ማስታወቂያ

የአዲስ አበባ ከተማ የቤቶች ልማትና አስተዳደር ቢሮ በ2005 ዓ.ም. በ20/80 እና በ40/60 የቤት ልማት ፕሮግራም ተመዝጋቢዎችን  በጋራ ህንፃ መኖሪያ ቤት ህ/ሥራ ማህበር በማደራጀት  የቤት ተጠቃሚ ለማድረግ  በመመዝገብ የሚጠበቅባቸውን መረጃ ያሟሉ  4518 ግለሰቦች በ57 ቡድን መደልደልደላቸው የሚታወቅ ነው።

በመሆኑም በቡድን ከተደለደላችሁት ውስጥ  ከዚህ በታች ስማችሁ የተጠቀሰ የማህበር ቤት ተመዝጋቢዎች ከባንክ ባገኘነው መረጃ መሰረት  የ20/80 እና የ40/60 ፕሮግራም ቁጠባችሁን ያቋረጣችሁ መሆኑ ስለተረጋገጠ ከተደለደላችሁበት ቡድን የምትሰረዙ መሆኑን አውቃችሁ  ሆኖም ግን ቅሬታ ካላችሁ ቅሬታችሁን ከየካቲት 15/2015 ዓ.ም ጀምሮ ለ5 ተከታታይ የስራ ቀናት ማቅረብ የምትችሉ መሆኑን እናሳውቃለን።

አድራሻችን ከደንበል ወደ ባንቢስ በሚወስደው መንገድ ግሪክ ት/ቤት ፊት ለፊት በሚገኘው የቤቶች ልማትና አስተዳደር ቢሮ ሲሆን ለቤት ልማትና ፋይናንስ አቅርቦት ዳይሬክቶሬት 7ኛ ፎቅ  ቢሮ ቁጥር  704 እየመጣችሁ ቅሬታችሁን ማቅረብ የምትችሉ መሆኑን እንገልፃለን፡፡

ቅሬታ ያለው ተመዝጋቢ በተቀመጠው የጊዜ ገደብ ውስጥ ቅሬታውን ካላቀረበ ከድልድሉ የሚሰረዝ መሆኑን እና በምትኩ ተጠባባቂ እንደሚተካ ለማሳወቅ እንወዳለን።

ማሳሰቢያ ፦

ቁጠባችሁን ያላቋረጣችሁ በቅረቡ ወደ ስራ ስለሚገባ የሚጠበቅባችሁን 70  በመቶ ለመቆጠብ ዝግጅት እያደረጋችሁ እንድትጠብቁ እናሳስባለን፡፡

ማስታወቂያ

በአዲስ አበባ ቤቶች ልማት እና አስተዳደር ቢሮ የቤቶች ልማት ኮርፓሬሽን  የ14ኛውን ዙር የ20/80 እና የ3ኛውን ዙር የ40/60 የጋራ መኖሪያ ቤት  እድለኞችን ከጥር 1/2015 ዓ.ም ጀምሮ ውል ማዋዋል  መጀመሩ ይታወቃል።

በመሆኑም እስከአሁን በተቀመጠላቸው  የጊዜ ሰሌዳ መሰረት ቅፅ 09ን የወሰዱ የቤት ባለ እድለኞች ቁጥር 23,373 ሰዎች ሲሆኑ ቅፅ 09 ከወሰዱት መካከል ከሚኖሩበት ቀበሌ የሚጠበቅባቸውን ያሟሉ እና የክፍያ ማዘዣ ቅፅ 03 በመውሰድ ውል የተዋዋሉ 7,855 ያህል ናቸው።

ይሁንና ውል ማዋዋል ከተጀመረ አንድ ወር ያለፈው ቢሆንም ቅፅ 09ን  በመውሰድ ከመኖሪያ ቀበሌያቸው አስፈላጊውን መረጃ በሟሟላት ወደ አንድ ማእከል መመለስ እና የክፍያ ማዘዣ ቅፅ 03 ወስደው መዋዋል ላይ መዘግየት ተስተውላል። 

ስለሆነም ተዋዋዮች የመዋዋያ ጊዜው እየተገባደደ ስለሆነ ከመኖሪያ ወረዳችሁ አስፈላጊውን መረጃ ፈጥናችሁ በማምጣት የክፍያ ማዘዣ ቅፅ 03ን እየወስዳችሁ ውል መዋዋል እንዳለባችሁ እያሳሰብን ወረዳዎችም ለባለጉዳዮቹ ፈጣን ምላሽ በመስጠት ለስራው መቃናት ተገቢውን ትብብር እንድታደርጉ እናሳውቃለን።

በአዲስ አበባ ቤቶች ልማት እና አስተዳደር ቢሮ የቤቶች ልማት ኮርፖሬሽን

http://www.aahdab.gov.et

aahdab2021@gmail.com

https://www.facebook.com/aahdabofficial