MINSTER OF EDUCATION

የትምህርትና ስልጠና ባለሥልጣን በሦሥት የክልል ከተሞች ያቋቋማቸውን ቅርንጫፍ ጽ/ቤቶች በቅርቡ ሥራ ያስጀምራል፡፡

ባለሥልጣኑ በአምስት የክልል ከተሞች ቅርንጫፍ ጽ/ቤቶች ለመክፈት በሂደት ላይ መሆኑ ይታወቃል፡፡

በድሬዳዋ፣ ሀዋሳ እና ባህር ዳር ከተሞች እየተቋቋሙ የሚገኙ ቅርንጫፍ ጽ/ቤቶች በቅርቡ ሥራ እንደሚጀምሩ የባለሥልጣኑ ምክትል ዋና ዳይሬክተር ቸሩጌታ ገነነ በተለይ ለቲክቫህ ተናግረዋል።

ይህም ባለሥልጣኑ በግል ከፍተኛ ትምህርት ተቋማት ላይ የሚያደርገውን ቁጥጥር ለማጠናከርና የተሻለ አገልግሎት ለመስጠት እንደሚያስችለው ገልጸዋል።

ባለሥልጣኑ በተጨማሪም ደሴ እና ጅማ ከተሞች ላይ ቅርንጫፍ ጽ/ቤቱን ለመክፈት እየሠራ ይገኛል።

@Minster_of_education

ሩሲያዊው ጠፈርተኛ በአዲስ አበባ ሳይንስና ቴክኖሎጂ ዩኒቨርሲቲ በመገኘት ልምዱን አካፍሏል፡፡

ለ185 ቀናት በጠፈር ላይ የቆየዉ ሩሲያዊው ጠፈርተኛ ሰርጌ ሰቨርችኮቭ፤ በህዋ ሳይንስ ያካበተውን ዕውቀትና ልምድ ለኢትዮጵያውያን ምሁራንና የዩኒቨርሲቲ ተማሪዎች አጋርቷል፡፡

በኢትዮጵያ የሩሲያ ኤምባሲ፣ በኢትዮጵያ የስፔስ ሳይንስ ቴክኖሎጂ ኢንስቲትዩት እና በአዲስ አበባ ሳይንስና ቴክኖሎጂ ዩኒቨርሲቲ በጋራ በተዘጋጀው መድረክ፤ ጠፈርተኛው ልምዱን አጋርቷል።

ሩሲያዊው ጠፈርተኛ ከጠፈር ላይ የወሰደውን የዳሎል ምሥል ትላን በአዲስ አበባ ተገኝቶ ለኢትዮጵያውያን አስረክቧል።

@Minster_of_education

ነጻ የትምህርት ዕድል!

በሰዎች ለሰዎች ድርጅት ወይንም Menschen für Menschen Foundation ስር የሚተዳደረው የሐረር ቴክኖሎጂ ኮሌጅ በ2015 የትምህርት ዘመን ብቁ የሆኑ የተፈጥሮ ሳይንስ ተማሪዎችን በመጀመሪያ ዲግሪ መርሐ ግብር ሙሉ ወጪያቸውን ሸፍኖ ማስተማር ይፈልጋል፡፡

የዚህ ዕድል ተጠቃሚ መሆን የምትፈልጉ ተማሪዎች ከመጋቢተ 18 እስከ 30/2015 ዓ.ም ባሉት የሥራ ቀናት በአካል ቀርባችሁ መመዝገብ የምትችሉ መሆኑን አሳውቋል።

የመመዝገቢያ መስፈርት፦

ትምህርት ሚኒስቴር በ2014 ዓ.ም ያወጣውን የከፍተኛ ትምህርት መግቢያ መስፈርት የምታሟሉ ወይም በአገር አቀፍ ፈተና 50 በመቶና ከዚያ በላይ ያመጣችሁ የተፈጥሮ ሳይንስ ተማሪዎች፡፡ 

ምዝገባ የሚፈጸመው፦

➧ በአዲስ አበባ ቦሌ ቡልቡላ በሚገኘው የሰዎች ለሰዎች ድርጅት ዋና መስሪያ ቤት፣
➧ ሐረር በኮሌጁ ቅጥር ግቢ፣
➧ የድርጅቱ ፕሮጀክት ጽ/ቤቶች በሚገኙባችው፣
➧ በድረ-ገጽ http://www.mfmattc.edu.et

ለተጨማሪ ማብራሪያ፦

በስልክ ቁጥር 0256663738 / 0256661139 ወይም 0114714579 ይደውሉ።

(ሰዎች ለሰዎች ድርጅት Menschen für Menschen Foundation)

በአዳማ ሳይንስና ቴክኖሎጂ ዩኒቨርሲቲ የስፔስ ቴክኖሎጂ ኢንስቲትዩት ASTU-X2 የተሰኘ የድሮን ፕሮቶታይፕ አበልጽጓል።

የተሳካ የበረራ ሙከራ ያደረገው ድሮኑ፤ የተለያዩ አገልግሎቶችን ለማቅረብ የሚያስችል መሆኑ ተመላክቷል።

ከዚህ ቀደም በኮርያ መንግስት ልገሳ የተገኙ ግብዓቶችን በመገጣጠም የተሠራ ASTU-X1 የተሰኘ ድሮን የበረራ ሙከራ ማድረጉንም የዩኒቨርሲቲው የልህቀት ማዕከል ዳይሬክተር ፕ/ር ሆንግዩል ፓይክ ገልጸዋል።

ለተለያዩ የልማት ሥራዎች የሚውሉ ድሮኖችን የማበልጸጉ ሥራ ተጠናክሮ እንደሚቀጥል ዩኒቨርሲቲው ገልጿል።

@Minster_of_education