Dr. Eyob Mamo

2024-03-27 16:53:01 የዝምታ ጨዋታ! (Silent treatment)

ለፍቅረኛሞች፣ ለእጮኛሞችና ለባለትዳሮች . . .

በፍቅር ግንኙነትም ሆነ በትዳር አጋርነት ውስጥ አንዱ ሌላውን ጊዜ እየጠበቀ ባለማናገር፣ በመዝጋትና የቀድሞውን ትኩረት በመንፈግ የሚያሳልፍበትን የዝምታ ወይም የመዝጋት ልምምድ ፈረንጆቹ Silent treatment በማለት ይጠሩታል፡፡ ይህ ባህሪይ አብዛኛውን ጊዜ በወንዶች ላይ የሚንጻበረቅ እንደሆነ ቢናገሩም፣ ቁጥራቸው ቀላል ያልሆኑ ሴቶችም ፍቅረኛቸውን ወይም የትዳር አጋራቸውን የመዝጋት አባዜ አለባቸው፡፡

በድንገትና ባልታወቀ መንገድ አጋራቸውን የሚዘጉ ሰዎች ለአያያዝ እጅግ አስቸጋሪ ሰዎች ናቸው፡፡ እነዚህ ሰዎቸ በድንገት አጋራቸውን በመዝጋትና ቀድሞ ይሰጡት የነበረውን ትኩረት በመንፈግ ለቀናት፣ ለሳምንታት፣ አንዳንዴም ለወራት ይቆዩና በፈለጉበት ቀን ልክ እንደቀድሞው በመሆን ይመለሳሉ፡፡

መንስኤው የአኩራፊነት፣ የቂመኝነት፣ በቀላሉ የመጎዳት ስስነት ወይም ደግሞ አጋርን በዚህ መልኩ የመቅጣትና ልክ የማስገባት ሊሆን ይችላል፡፡ ምክንያቱ ያም ሆነ ይህ ይሀ ባህሪይ ከፍቅር ግንኙነት አንቅፋት ከመሆኑም ባሻገር እጅግ በጣም ያለመብሰል ምልክት ነው፡

አጋራችሁ በየጊዜው እናንተን የመዝጋት ልማድ ካለበት …

1. በየጊዜው ለምን ያንን ባህሪይ እንደሚያሳዩ በግልጽ ማነጋገርና መሞገት፡፡

2. መንስኤው እናንተ ከሆናችሁ በግልጽ መናገር እንዳባቸው እንጂ መዝጋት እንሌለባቸው መሳሰብ፡፡

3. ከገቡበት የዝምታ ዋሻ ምንም እንዳልተፈጠረ ሲወጡና እንደቀድሞው መሆን ሲፈልጉ የቻላችሁትን ያህል መታገስ፡፡

4. ሁኔታው ከልክ ካለፈ በፈለጉበት ጊዜ እንደቀድሞው ሊሆኑ ከዝምታቸው ሲመለሱ በዚያው ፍጥነት እናንትም እንደዚያ መሆን እንደማትችሉና መለስ ለማለት ጊዜ እንደሚፈልግባች በመንገር የራሳችሁን ጊዜ መውሰድ፡፡

5. አሁንም ካልታረመ ከእንዳንዷ ዝምታ በኋላ ሲመለሱ ለምን ዘግተዋችሁ እንደከረሙ በሚገባ ሳያብራሩ፣ ስህተት ከሆነ ይቅርታ ሳይጠይቁና ይህባህሪይ ወደፊት እንደማይቀጥል ቃል ሳይገቡ መቀጠል እንደማይችሉ ማሳሰብ፡፡

6. ከዚህ ሁሉ እርምጃ በኋላ ነገሩ አሁንም ከባሰ፣ የፍቅር ግንኙነት ከሆነ የመቀጠሉን ጉዳይ በሚገባ ማሰብ፣ ግንኙነቱ የትዳር ከሆነ ግን አማካሪ መፈለግ አስፈላጊ ነው፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-27 16:52:37 የዝምታ ጨዋታ! (Silent treatment) ክፈት / አስተያየት ይስጡ

2024-03-27 07:26:16 ጉልበትን መቆጠብ!

ሶስቱ ሊቆጠቡ የሚገባቸው ነገሮች (ክፍል ሶስት)

ስኬታማ ሕይወት ለመኖር መቆጠብ ስለሚገቡን ነገሮች በጀመርነው ሃሳብ መሰረት ባለፉት ፖስቶች ስለ ጊዜ እና ስለ ስሜት ቁጠባ አስፈላጊነት ተመልክተናል፡፡ ዛሬ የምንመለከተው ጉልበትን ስለመቆጠብ ነው፡፡

በሕይወታችን ውስን ከሆኑ ነገሮች አንዱ ጉልበታችን ነው፡፡ በቀን ውስጥ ማከናወን የሚገቡን ነገሮች ሳናከናውን ድካምና አቅም ማጣት ከተሰማን ጉልበት እየባከነ ነው፡፡

ጉልበትን ለመቆጠብ . . .

1.  ትኩስ ጉበታችንን ለአስፈላጊው ነገር ማዋል፡፡
ጠዋት አርፈን ትኩስ ጉለበት ይዘን ስንነሳ ያንን ትኩስና ውጤታማ ጉልበት ለአስፈላጊ  ነገሮች ማዋል አስፈላጊ ነው፡፡ የመጀመሪያ ጉልበታችንን አስፈላጊ ላልሆኑት ካዋልንና ከደከምን አስፈላጊውን የግድ ለማሟላት ተጨማሪ ጉልበት ስለምናጠፋ ድካም የማይቀር ነው፡፡

2.  በቂ እንቅልፍ ማግኘት፡፡
የቱንም ያህል ጉልበታም ብንሆን በቀን ውስጥ ማግኘት የሚገባንን በቂ እንቅልፍ ካላገኘት ጉልበትን በመቆጠብ መጠቀም አንችልም፡፡ በቂ እረፍትና እንቅልፍ አቅማችንን እንድናጠራቅ ይረዳናል፡፡ ማታ ካለቅጥ እያመሹ በጠዋት በመነሳት በቂ እንቅልፍ አለማግኘት ቀንደኛው ስህተት ነው።

3.  ስፖርት መስራት
ስፓርት ስንሰራ በወቅቱ ጉልበት ብናወጣም እያባከንን ግን አይደለም፡፡ የዛሬ ድካም ለነገ ጡንቻና መነቃቃት ይሆንልናል፡፡ ስፖርት የሚሰሩ ሰዎች አካላቸው ብርቱ ከመሆኑም በላይ አእምሯቸው ንቁ ስለሚሆን ጉልበትን ይቆጥባሉ፡፡
ከላይ የተጠቀሱትን ነጥቦች በመለማመድ ስሜታችሁን ስትቆጥቡ ይህ ልምምድ ከሌላቸው ሰዎች የላቀ ነገርን ማከናወን ትጀምራላችሁ፡፡

ጉልበት ይቆጠብ!

ነገ በሌላ ፖስት እሰከማገኛችሁ ሰላም ሁኑልኝ፡፡ ክፈት / አስተያየት ይስጡ

2024-03-26 10:24:39 መውደድ ወይስ ፍቅር?

ወጣቱ ለጠቢቡ አዛውንት፡- “ጋሼ፣ በመውደድ እና በፍቅር መካከል ያለው ልዩነት ምንድን ነው?”

ጠቢቡ አዛውንት፡- “ልጄ፣ አበባን ስትወደው ነቅለህ ታሸትተዋለህ፤ አንተ ከእሱ የምታገኘው ነገር ላይ ከማተኮርህ የተነሳ የእሱ መጠውለግ ትዝም አይልህም፡፡ አበባን ስታፈቅረው ግን ባለበት ውኃ እያጠጣህ ትንከባከበዋለህ፣ እግረ መንገድህንም በውበቱና በመዓዛው ትደሰታለህ፡፡”

ወጣቱ፡- “ልዩነቱ በደንብ አልገባኝም አስረዱኝ”

ጠቢቡ፡- “ምንም እንኳን አልፎ አልፎ ለአንተ ህልውናና እድገት የሚጠነቀቁ፣ እንዲሁም በምንም አይነት ሁኔታ ብትሆን የሚወዱህ ሰዎች ብታገኝም፣ አብዛኛውን ጊዜ የሚወዱህን ሰዎች ትክክለኛ ማንነት የምታውቀው እንዲወዱህ ያደረጋቸው ውበትህ እና መዓዛህ የቀነሰ ሲመስላቸው ነው፡፡ የሚያፈቅርህ ሰው ምንም እንኳን ውበትህንና መዓዛህን ቢወደውም፣ በምንም አይነት ሁኔታ ውስጥ ብትሆን “ውኃ እያጠጣ” እና ተገቢውን እንክብካቤ እያደረገልህ ከአንተ ጋር ይቆያል፡፡”

ወጣቱ፡- “አሁን ገባኝ!”

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-25 19:48:50 ጥያቄ፡-

ሴት ልጃችን ጥፋት ስትሰራና ስትገረፍ ብዙም የመታረም ሁኔታ ስለማታሳይ ከምንገርፋት ይልቅ ከስህተቷ እንድትታረም ሌላ መንገድ መጠቀም ጀመርንና ለውጥ ያየን ይመስለናል፡፡ በምታጠፋ ጊዜ “አልወድሽም” ስትባል ለማስተካከል ትሞክራለች፡፡ ከዚያም እንደምንወዳት ለማረጋገጥ ትጠይቀናለች፡፡ ስትታረም ደግሞ እንደምትወደድ እንነግራታለን፡፡ ይህ ሁኔታ ችግር ይኖረው ይሆን?

መልስ፡-

የልጆችን ዲሲፕሊን አስመልክቶ የተለያየ አቋምና ግንዛቤ ያላቸው ቤተሰቦች አሉ፡፡ አንዳንድ ቤተሰቦች ልጆቻቸውን ፈጽመው ዲሲፕሊን ስለማያደርጉ ብልሹ ባህሪ ያላቸውን ልጆች ያሳድጋሉ፡፡ አንዳንዶች ደግሞ ልጆችን ዲሲፕሊን በማድረግ ቢያምኑም የሚያደርጉበት መንገድ ግን ከጥቅሙ ጉዳቱ ያመዝናል፡፡

የእናንተ መንገድ ከሁለተኛው የሚመደብ ነው፡፡ ልጃችሁ ስትሳሳት እንደማትወደድ፣ ትክክለኛ ስትሆን ደግሞ እንደምትወደድ ስትነገግሯት ህሊናዋን ለአደገኛ ቀውስ እያሰለጠናችሁት መሆኑን አትዘንጉ፡፡ ይህቺ ልጅ ቀስ በቀስ የመደነቅና ተቀባይነት የማግኘት ሱሰኛ ሆና ነው የምታድገው፡፡ ይህም ማለት ሰዎች እንዲወዷትና እንዲቀበሏት የግድ ሰዎቹን ማስደሰት እንዳለባት የማሰብ ዝንባሌን ይዛ ስለምታድግ የወደፊት ሕይወቷ ሰዎችን በማስደሰት ዙሪያ ይሆናል፡፡

የዚህ ውጤቱ፡-

• ካለማቋረጥ ሰዎች እንደሚወዷትና እንደማይወዷት ለማወቅ የመሞከር ዝንባሌ፣

• ሰዎች እንደማይወዷት ካሰበች ድብርት ውስጥ የመግባት ሁኔታ፣

• ስህተት ስትሰራ ሰዎች እንደሚጠሏት በማሰብ ስህተትን በመፍራት ከእንቅስቃሴ መገታት፣

• ሰዎች እንዲወዷት የመጦዝና ሰዎች እንደልባቸው የሚያደርጓት አይነት ሰው መሆን . . . እና የመሳሰሉት ይገኙበታል፡፡

ልጆችን መቅጣት (ዲሲፐልን ማድረግ) ተገቢ የሆነ ልምምድ ቢሆንም “ቅጣት” እና “ጥቃት” የተለያዩ መሆናቸው ማወቅ አስፈላጊ ነው፡፡ ማንኛውም አካላዊ ጥቃት፣ የስሜት ጥቃት፣ የስነ-ልቦና ጥቃት . . . ከትክክለኛ ዲሲፕሊን ጋር ሊምታታ አይባውም፡፡ ይህ የእናንተ ልምምድ ከስትና ከስነ-ልቦና ጥቃት ዘርፍ የሚመደብ ነው፡፡

ልጃችሁ ብታጠፋም ሆነ ባታጠፋ የእናንተ ፍቅር የማይለዋወጥ መሆኑን ወደማሳወቅ ልምምድ ውስጥ መግባት አስፈላጊ ነው፡፡ ሆኖም ግን ለስህተቷ እርማት፣ ሆን ብላ ለምታጠፋቸው ሁኔታዎች ደግሞ ትክክለኛውን ቅጣት መስጠት አስፈላጊ ነው፡፡ የተለያዩ ልጆች ለተለያየ የቅታት መንገድ ምላሽ ይሰጣሉ፡፡

ለምሳሌ፣ አልታዘዝ ሲሉ፣ ለተወሰነ ጊዜ የሚወዱትን መጫወቻ መከልከል፣ ማየት የሚፈልጉትን የቴሌቭዢን ወይም የድህረ-ገጽ ፕሮግራም ለተወሰነ ጊዜ መከልከል፣ ማግኘት የሚፈልጉትን ጓደኛ ለተወሰነ ጊዜ እንዳየገኙ ማገድና የመሳሰሉት መንገዶች ከጥቃት በመቆጠብ ህሊናን ለማሰልጠን ይረዳሉ፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-25 04:59:59 ጊዜን መቆጠብ!

ሶስቱ ሊቆጠቡ የሚገባቸው ነገሮች (ክፍል አንድ)

ዛሬና በሚቀጥሉት ሁለት ማለዳዎች የምንመለከተው፣ ስኬታማ ሕይወት ለመኖር ወሳኝ የሆኑትን ሶስት መቆጠብ ያለብንን ነገሮች ነው፡፡ ዛሬ የምንመለከተው ጊዜን ስለመቆጠብ ነው፡፡

አንድ ነገር በበቂ ሁኔታ እንዲኖረን ካስፈለገ ወይ የዚያን ነገር የገቢ መጠን መጨመር ነው ወይም ደግሞ የወጪውን መጠን መቀነስ ነው፡፡ ስለ ጊዜ ስናነሳ ምንም ብናደርግ በቀን ውስጥ ያለንን የ24 ሰዓት ጊዜ መጨመር ስለማንችል፣ ያለን አመራጭ ያለንን ጊዜ በበቂ ሁኔታ መጠቀም ነው፡፡

ጊዜ ለመቆጠብ . . .

1. ከዋናው የሕይወታችን ዓላማ አንጻር በእቅድ መኖር፡፡
ጠዋት ተነስተን ሕይወት ያቀበለችንን ሁሉ እያስተናገድን በመኖር ጊዜን በአግባቡ መጠቀም አንችልም፡፡ በአመታት፣ በወራትና በሳምንታት ውስጥ ማከናውን የምንፈልጋቸውን ወሳኝ ነገሮች በማቀድ ቀኖቻችን በእነሱ መምራት አስፈላጊ ነው፡፡

2. ለአስፈላጊው ነገር ቅድሚያ መስጠት፡፡
በየቀኑ ሁለት ነገሮች ለምርጫ ይመጣሉ፣ የምንፈልገው ነገርና የሚያስፈልገን ነገር፡፡ በየቀኑ የምንፈልጋቸውን ነገሮች ቆየት አድርገን በመጀመሪያ አስፈላጊ ለሆኑ ነገሮች ቅድሚያ መስጠት ጥበብ ነው፡፡ ቀናችንን ስናቅድ ለአስፈላጊ ነገሮች ቅድሚያ እንስጥ፡፡

3. ጊዜ አባካኝ ነገሮችን ማራገፍ፡፡
ጊዜ አባካኝ ሰዎች ጋር ማሳለፍ፣ የማሕበራዊ ሚዲያ ሱስ እና የመሳሰሉት ሁኔታዎች ጊዜ አባካኝ ነገሮችስለሆኑ በብልሃትና በሚዛናዊነት ሊያዙ ይባቸዋል፡

ከላይ የተጠቀሱትን ነጥቦች በመለማመድ ጊዜያችሁን ስትቆጥቡ ይህ ልምምድ ከሌላቸው ሰዎች የላቀ ነገርን ማከናወን ትጀምራላችሁ፡፡

ጊዜ ይቆጠብ!

https://t.me/Dreyob

https://m.youtube.com/user/naeleyob623 ክፈት / አስተያየት ይስጡ

2024-03-24 06:00:00 የምታልፉበት ነገርና የተልእኳችሁ ግንኙነት

አንዳንዱ ነገር ልክ እንደ ምግብ በእሳት ውስጥ ካላለፈና ካልበሰለ አይፈለግም፣ አይሸጥምም፡፡

አንዳንዱ ነገር ልክ እንደ አይስክሬም በበረዶና በቀዘቀዘ ሁኔታ ውስጥ ካላለፈ አይፈለግም፣ አይሸጥምም፡፡

አንዳንዱ ነገር ልክ እንደቆዳ ካልለፋና ካልለሰለሰ አይፈለግም፣ አይሸጥምም . . . አንዳንዱ ነገር ልክ እንደ ጥሬ መሬት ላይ ተጥሎ ካልተረገጠ፣ ካልተቀበረና ካልተረሳ ጊዜ ጠብቆ አድጎና አፍርቶ አይፈለግም፣ አይሸጥምም . . .፡፡

የምታልፉበት ሁኔታ ዋጋና ትርጉም አለው!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-23 19:58:05 እንቅልፍ የማጣት ችግር ካለባችሁ . . .

አንዳንድ ሰዎች በትንሽ ሰበብ ምክንያት ማታ ሲገላበጡ ያመሻሉ አንዳንዴም ቁልጭ ብለው ሊያድሩ ይችላሉ፡፡ አንዳንድ ጊዜ ደግሞ ከተኙ በኋላ ሌሊት ነቅተው ማሰላሰል ይጀምራሉ፡፡ በሰዎች ሁኔታ፣ በሚሰሙት ነገር፣ በሚጎበኟቸው የመገነኛ ብዙሃን መስኮች አማካኝነት በቀላሉ የሚረበሹና እንቅል መተኛት የሚያስቸግራቸው ሰዎች ቁጥር ቀላል አይደለም፡፡

በእንደዚህ አይነት ሁኔታ የምትቸገሩ ከሆነ ብቻችሁን አይደላችሁም፡፡ ይህንን ሁኔታ ለመቀነስ ወይም ለማስቆም ማድረግ ከሚገባች ነገር ይልቅ ማድረግ የሌለባችሁን ማወቅ ነው የሚያስፈልጋችሁ፡፡ ወደ አመሸሹ ላይ (ከ11 ሰዓት እና ከ12 ሰዓት ጀምሮ) አንዳንድ ማድረግ የሌለባችሁን ነገሮች መለማመድ ትችላላች፡፡

1. የስሜት ውጥረት ከሚሰጣች ሰው ጋር ያላችሁን ንግግር ለነገ ጠዋት አስተላልፉት፡፡
2. የስሜት መወዛገብ የሚሰጣችሁን ሃሳብና የውሳኔ ሂደት ለነገ ጠዋት አስተላልፉት፡፡
3. ለስሜት መናጋት ምክንያት ሊሆኑ አጨናናቂ ዜናዎችን፣ ማሕበራዊ ገጾችን፣ የሰዎችን ኮሜንቶችና የመሳሰሉትን ሁኔታዎች ለነገ ጠዋት አስተላልፏቸው፡፡

ከላይ የተጠቀሱትን ሶስት ነጥቦች ይዞ በመንደርደር ማታ እንቅልፍ እንዳትተኙ የሚያደርጓችሁ ሌሎች ልምምዶች ካሉ አንድ በአንድ እየለቀማችሁ በመስራት የሰላም እንቅልፋችሁን አስመልሱ፡፡

በቂ እንቅልፍ ለስሜታችሁ፣ ለስነ-ልቦናችሁ፣ ለማሕበራዊ ግንኑነታችሁም ሆነ ለአካል ጤንነታችሁ እጅግ ወሳኝ ስለሆነ ዛሬ ነገ ሳትሉ ሁኔታውን ለማስተካከል ሞክሩ፡፡

ፈጣሪ የሰላም እንቅልፍ ይስጣችሁ!

https://t.me/Dreyob
https://m.youtube.com/user/naeleyob623
https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-23 06:01:54 ጥያቄ፡-

ሰላም ዶ/ር፡፡ ስለምታረግልን እገዛ አመሰግናለሁ፡፡ ወደ ጥያቄዬ ሰገባ፣ አድሜዬ 23 ነው፡፡ በትምህርት ቤት ህይወቴም ሆነ አሁን በስራው አለም በቅርበት የማገኛቸው ሰዎች እኔን በጣም ጎበዝ አድርገው ያስቡኛል አንዳንዴ እንደውም እኩል በምናቀው ነገር ላይ እኔ ቀድሜ ሀሳብ አንድሰጥም ሆነ እንድጠይቅ ይፈልጋሉ፡፡ ሁሉም የሚያውቁኝ ሰዎች ብቃት እንዳለኝ ነው የሚመሰክሩልኝ፤ አለቆቼም ጭመር፡፡ አኔን ግን ውሰጤ ይህ ነገር ትክክል አይደለም ይለኛል፡፡ እነሱ የሚያስቧት አኔና፣ አኔ አራሴን ሳስበው ልዩነቱ ይሰፋብኛል፡፡ እናም ይሄ ነገር ግራ አጋብቶኛል፡፡ የቱ አኔነቴ ነው ትክክል ብዬ አስባለው አና ዶ/ር ምን ትመክረኛለህ፡፡

መልስ፡-

የሚሰማሽ ስሜት በሚልየን የሚቆጠሩ ሰዎች የሚጋሩት ስሜት ነው፡፡ በአለም ላይ አሉ የተባሉ አዋቂዎችና ከፍተኛ ደረጃ ላይ የደረሱ ሰዎች ይህ ስሜት እንደሚሰማቸው ጥናቶች ያሳያሉ፡፡ ይህንን ስሜት በስነ-ልቦናው ቋንቋ “ኢምፓስቸር ሲንድረም” (Imposter syndrome) ይሉታል፡፡

ትርጉሙም፣ አንድ ሰው በተሰማራበት መስክ ውስጥ ትልቅ የስኬታማነት ደረጃ ላይ ደርሶ እንኳን ገና እንደማያውቅ፣ ብዙ እንደሚቀረው፣ ለሰዎች እንደ አዋቂ መስሎ መታየቱ ውሸት እንደሆነና አንድ ቀን እውነቱ ሲወጣ እንደማያውቅ ሊጋለጥ እንደሚችል የመሰማት ስሜት ነው፡፡

ይህ ከፍተኛ የሆነ ራስን መጠራጠርና ብቁ እንዳለሆኑ የማሰብ ዝንባሌ ከተለያዩ አስተዳደግ ልምመዶች ሊመጣ ይችላል ይሉናል፡፡ ምንጩ ያም ሆነ ይህ ግን ይህ ስሜት በአመለካከተሽ ላይ ጫና እንዲያሳድር ባለመፍቀድ መሆን፣ ማከናወንና ማወቅ የምትችዪው ደረጃ ድረስ አለፈሽ በመሄድ ወደፊት መገስገስ ነው፡፡

“የቱ አኔነቴ ነው ትክክል” ላልሺው፣ ሌሎች ታውቀለች ብለው የሚያስቡሽም፣ አንቺ ገና ነኝ ብለሽ የምታስቢውም ማንነትሽ ትክክል ናቸው፡፡ ለሰዎች ግልጽ ሆኖ እስኪታይ ድረስ የደረሰ ብቃት አለሽ፤ እንዲሁም ደግሞ ለአንቺ የሚታይሽ ገና ልታሻሽይው የሚገባሽም ብዙ የእድገት ከፍታ አለ፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-22 10:02:41 ልክ እንደ ጥላ (Ghosting)
ለፍቅር ፈላጊዎች . . .

አንድ ሰው የፍቅር ጣእም በሚሰጥ መልኩ የሕይወታችሁ አካል ሆኖና የተወሰነ ጎዳና አብራችሁ ከተጓዘ በኋላ ካለምንም ማብራሪያ በድንገት ሲጠፋ ሁኔታውን በእንግሊዝኛ ቋንቋ Ghosting በማለት ይጠሩታል፡፡ ልክ ተጨባጭ አካል እንደሌለው እንደ “ጥላ” አሁን እዚህ በኋላ ደግሞ የት እንዳለ የማይታወቅ በድንገት የመሰወሩን ባህሪይ ለማመልከት ነው፡፡

በድንገት ስልክ መደወልም ማንሳትም ማቆም፣ በተለምዶ ከሚገናኙበት አካባቢ መጥፋት፣ ያሉበትን አለማሳወቅ፣ ግንኙነትን ማቆምና የመሳሰሉት ሁኔታዎች እንደምሳሌ ሊጠቀሱ ይችላሉ፡፡ በተለይም ያለንበት የማሕበራዊ መገናኛ ፍቅር በተበራከተበት ዘመን አንድ ሰው ከሌላው ሰው በድንገት የመሰወርን ልምምድ ለመለማመድ እጅግ ቀላል የሆነበት ጊዜ ነው፡፡

ብዙ ሰዎች በፍጹም በአካል ካላዩት ሰው ጋር “በቻት” (Chat) ብቻ በፍቅር “የሚያብዱበት” እና የስሜት ትስስር የሚፈጥሩበት ዘመን ውስጥ ነው ያለነው፡፡ ይህ ሁኔታ በአካል ከመገናኘት ይልቅ በድንገት ለመቁረጥና “ብሎክ” ለማድረግ አመቺ ነው፡፡

ሰዎች ልክ እንደ ጥላ ድንገት የሚጠፉበት የተለያዩ ምክንያቶች አላቸው፡፡

• አንዳንዶቹ ለግንኙነቱና ለእኛ ፍላጎት ሲያጡ ያንን በግልጽ ከመናገር ይልቅ መጥፋትን ይመርጣሉ፡፡

• አንዳንዶቹ በፍቅር ሽፋን ስር ያላቸው አጀንዳ የታወቀባቸው ሲመስላቸው ወይም አልሳካ ሲላቸው ይሰወራሉ፡፡

• አንዳንዶቹ በአንድ ጊዜ ከተለያዩ ሰዎች ጋር የፍቅር ግንኙነትን የመያዝን ጨዋታ ይጫወቱና በመጨረሻ ወደሚያዛልቃቸው ዘወር ማለት ሲፈልጉ ደብዛቸው ይጠፋል፡፡

• አንዳንዶቹ ግን ይህ ነው የማይባል የስነ-ልቦና ቀውስ ስላለባቸው ከተወሰነ ጊዜ ባለፈ ሁኔታ ግንኙነት ውስጥ መቆየት ስለማይችሉ የግል ትግላቸው ላይ በማተኮር ይጠፋሉ፡፡

የእነሱ ምክንያት ያም ሆነ ይህ ለሚኖራችሁ የፍቅር ነክ ግንኙነት መስመሩን የማስመር፣ መርህ የማውጣት፣ የስሜትን ትስስር በልኩ የማድረግ፣ ሁኔታው ሲከሰት ውስጥን በማጠንከር ወደፊት መቀጠልና የመሳሰሉትን ልምምዶች በማዳበር ራሳችሁን ብትጠብቁ ይመረጣል፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ