Dr. Eyob Mamo

2024-03-22 09:59:59 ልክ እንደ ጥላ (Ghosting)
ለፍቅር ፈላጊዎች . . . ክፈት / አስተያየት ይስጡ

2024-03-22 04:59:59 የብቸኝነት ጎዳና

አንዳንድ ጊዜ ብቻችሁን የምትሄዱባቸው ጎዳናዎች እንዳሉ አትርሱ፡፡ የብቸኝነት ጎዳና ማለት በዙሪያችሁ አብረዋችሁ ያሉ ሰዎች አብሮነታቸውን ለማሳየት የማይፈልጉበት ወይም የማይችሉበት ሁኔታ ሲከሰት ማለት ነው፡፡

እነዚህ ጎዳናዎች ሰዎች ሊገነዘቧችሁ የማይችሉት ሁኔታ ላይ ስትሆኑ፣ አንዳንድ የተሳሳተ ውሳኔ ላይ ራሳችሁን ስታገኙትና ያንን ለማስተካከል እንኳን ጊዜ አልሰጥ ሲሏችሁ፣ ለማንም የማትነግሩት አይነት ችግር ሲያጋጥማችሁ፣ ለሕይወታችሁ አዲስ ምእራፍ ፈልጋችሁ ለውጥን ማምጣት ስትጀምሩ፣ አንዳንድ ጊዜ ደግሞ ምክንያቱን በማታውቁት ሁኔታ የብቸኝነትን ጉዞ እንድትያያዙት ትገደዳላችሁ፡፡

እንደዚህ አይነት ሁኔታ ላይ ራሳቸሁን ስታገኙት . . .
1. ሁኔታው ጊዜያዊ ነውና የከረሩ ውሳኔዎች ውስጥ እንዳትገቡ ተረጋጉ፡፡
2. ሰዎች ገለል የማለታቸው ምክንያት ለምን እንደሆነ መነሻ ሃሳባቸውን ተወት አድርጉትና ውሳኔያቸውን አክብሩና ለቀቅ አድርጓቸው፡፡
3. ራሳችሁን እንድትመለከቱ እድል የምታገኙበት አስገራሚ ጊዜ ስለሆነ በቂ ጊዜን ከራሳችሁ ጋር አሳልፉ፡፡
4. ከሰዎች ጋርም ሆነ ከሰዎች ውጪ፣ ከችግር ጋርም ሆነ ከችግር ውጪ መኖር የምትችሉበት አቅማችሁ የሚፈተሸበት ጊዜ መሆኑን አትርሱ፣ ያንንም አዳብሩ፡፡
5. ሁል ጊዜ ፈጣሪ ከእናንተ ጋር እንደሆነና ሁሉን ነገራችሁን እንደሚገነዛባችሁ በማሰብ ወደ እሱ የምትጠጉበት አጋጣሚ በማድረግ ተጠቀሙበት፡፡

አይዟቸሁ!

https://t.me/Dreyob
https://m.youtube.com/user/naeleyob623
https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-21 19:48:17 ዛሬ ራስን ማታለል ቢቆምስ!

ዛሬ . . . የማይፈልገኝን ሰው ልክ እንደሚፈልገኝ፣ የማይወደኝን ሰው ልክ እንደሚወደኝ፣ የማያፈቅረኝን ሰው ልክ እንደሚያፈቅረኝ በማሰብ የምታገለውን ትግል ተወት አድርጌ ራሴን የማታለልን ሕይወት ባቆምስ!!!???

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-21 09:59:59 ከሃገር ውጪ ለምትኖሩ ኢትዮጲያውያን!

በውጪ ሃገር የሚኖሩ በርካታ ሰዎች ከዶ/ር ኢዮብ ማሞ ጋር በስልክም ሆነ በማሕራዊ መገናኛ መንገዶች የግል Counseling, Mentorship, Coaching and Guidance እያገኙ እንደሆኑ ታውቃላችሁ?

1. ያጋጠማችሁ ወቅታዊ አስቸጋሪ ሁኔታ ካለና በራሳችሁ ለመወጣት ስላቃታችሁ እገዛ ከፈለጋችሁ፣

2. የሕይወታችሁን ራእይ ወይም ዓላማ ባለማወቅ ከተወዛገባችሁና አቅጣጫን መያዝ ከፈለጋችሁ፣

3. ካለባችሁ አጉል ልማድ በመውጣ አዲስ ልማድን ማዳበር ካስቸገራችሁና ምክርና ድጋፍ ከፈለጋችሁ፣

4. መመለስ ያቃታችሁ የሕይወት ጥያቄዎች ከበዙባችሁና በአንድ ለአንድ ውይይት የመፍትሄ መንገድ ከፈለጋችሁ፣

5. በራሳችሁ መወጣት ያልቻላችሁት የተያዩ የስሜትና የስነ-ልቦና ጥያቄዎች ውስጥ እንዳላችሁ ከተሰማችሁና ከሁኔታው ለመውጣት ምክር ከፈለጋችሁ፣

በቴሌግራም inbox በማድረግና በፌስቡክ መልእክት በመላክ ፍላጎታችሁን ማሳወቅ ትችላላቸሁ፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-21 04:59:59 ሚዛን ያልጠበቀ የአንድዮሽ ግንኙነት ምልክቶች (By Sara Kubburic)

ማንኛውም ግንኙነት ትክክለኛና ሚዛናዊ እንዲሆን ሁለትዮሽ ሊሆን ይገባዋል፡፡ ይህም ማለት የሁለትን ሰዎች የጋራ መቀራረብ፣ መሰጠትና ጥረት የሚጠይቅ ነው፡፡ ሆኖም አንዳንድ ጊዜ በሁሉ ነገር የሚጦዘው አንደኛው ወገን ብቻ ሲሆን የሆነ የተዛባ ነገር እንዳለ ጠቋሚ ነው፡፡

1. በስልክ፣ በአካልም ሆነ በቻት እናንተ ካላናገራችኋቸው እነሱ ንግግርን የማያነሳሱ ሰዎች . . .

2. አብሮ የማሳለፍን ጥያቄ እናንተ ካልጠየቃችሁና ካላነሳሳችሁ እነሱ በፍጹም ፍላጎት የማያሳዩና የማያነሳሳ ሰዎች . . .

3. አለመግባባት ሲፈጠር እናንተ ብቻ ይቅርታ ካልጠየቃችሁ ጥፋታቸው ሆኖ እንኳን በፍጹም ይቅርታ የማይጠይቁ ሰዎች . . .

4. ለሁሉም ሁኔታ መስዋእትነት ከፋዮች እናንተ እንድትሆኑ የሚጠብቁ ሰዎች . . .

5. ለግንኙነቱ ጤናማነት ሲባል መስዋእትነትን እናንተ ብቻ እየከፈላችሁ እነሱ ግን የማይከፍሉ ሰዎች . . .

6. እጅግ በጣም አስቸጋሪ የሆነውን ባህሪያቸውን ዝም ብላችሁ እንድትሸከሙ የሚፈልጉ ሰዎች . . .

7. ሆን ብለው በማንኛውም ጊዜ ትተዋችሁ ሊሄዱ እንደሚችሉ አይነት ስሜትን የሚሰጧችሁና ሰዎች . . .

8. የእናንተ ፍላጎትና ዓላማ ሙሉ በሙሉ በእነሱ ፍላጎትና ዓላማ ስር እንዲጠቃለል የሚፈልጉ ሰዎች . . .

9. ሁሉንም ነገር (ስራ፣ ጓደኛ፣ መዝናናት …) ከእናንተ የሚያስቀድሙ ሰዎች . . .

10. እናንተ እቅዳችሁን ከእነሱ አንጻር ስታወጡ እነሱ ግን ከራሳቸው አንጻር ብቻ የሚያወጡ ሰዎች፡፡

ሚዛኑ ይጠበቅ!

https://m.youtube.com/user/naeleyob623 ክፈት / አስተያየት ይስጡ

2024-03-20 16:28:41 ሁሉንም ሰው ለማስደሰት ትታገላላችሁ?
(Are you a people pleaser?)

ሁሉንም ሰው ለማስደሰት የሚታገል ሰው . . .

• የራሱን ሕይወት ሳይኖር የሚያልፍ ሰው ነው

• ሰዎች ለተሰማቸው ስሜት ሃላፊነቱን የሚወስድ ሰው ነው

• ጊዜውን፣ ገንዘቡን፣ የስሜት አቅሙንና ሌሎች ወሳኝ ነገሮች የሚከስር ሰው ነው

• የግል የቀይ መስመር የሌለው ሰው ነው . . .

እያለ መዘዙ ይቀጥላል!

ራሳችሁን የምትመዝኑባቸው መጠይቆችን የያዘ መልእክት ተዘጋጅተለላችኋልና ሊንኩን በመጫን ተከታተሉ፡፡



ክፈት / አስተያየት ይስጡ

2024-03-20 05:02:08 የትውስታዎቻችን ተጽእኖ

በአንድ ጥናት መሰረት ሰዎች ከዚህ ቀደም ያሳለፏቸውን ደስ የማያሰኙ ልምምዶች ለ5 ደቂቃዎች መለስ ብለውና ጠልቀው እንዲያስቡት ሲደረጉ የሰውነታቸው በሽታን የመከላከያ አቅም 55 በመቶ ይወርዳል፣ ከዚያም ለ6 ሰዓታት በዚያ ሁኔታ ይቆያል፡፡

ከዚያ በተቃራ ደግሞ ደስ የሚያሰኙ ልምምዶቻቸውን ለ5 ደቂቃዎች ጠልቀው እንዲያስቡት ሲደረጉ የሰውነታቸው በሽታን የመከላከያ አቅም 40 በመቶ ከፍ ይላል፡፡

የእንደዚህ አይነት ጥናቶች ውጤቶች እንደየአጥኚዎቹ የመለዋወጡ እውነታ እንደተጠበቀ ሆኖ፣ ሃሳቦቻችን በጤንነታችን ላይ ባላቸውን ተጽእኖ ላይ ግን ብዙል ልንለያይ አንችልም፡፡ ይህ ጥናት ደስ የማያሰኘንን ያለፉ ልምምዶቻችንንና ታሪኮቻችንንች ቁጭ ብለን ከማሰላሰል ይልቅ ደስ በሚያሰኙት ላይ የማተኮር ልምምድ የላቀ እንደሆነ የሚያስታውሰን ጥናት ነው፡፡

ደስ የማያሰኙ ልምምዶቻችንን ፈጽሞ እንዳልተፈጠሩ ማድረግ ባንችልም፣ ለሁኔታው በቂ ትኩረትና ጊዜ ከሰጠንና ተገቢውን ትምህርት ካገኘን በኋላ መልካም መልካሙን እያሰላሰሉ ወደፊት!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ

2024-03-19 18:32:32 ጥያቄ፡-

ዶ/ር ከድሮ ፍቅረኛዬ ጋር ከ2 አመት በኻላ በድጋሚ ማውራት ጀምረናል፡፡ እናም ይቅርታ ተደራርገን አብረን እንድንሆን ጠየቀኝ እኔ ግን በፊት ካደረገው ነገር አንፃር ከልቡ መሆኑን ስለ ተጠራጠርኩኝ ጊዜ እንዲሰጠኝ ጠይቄዋለው እሱም የፈለኩትን ጊዜ ወስጄ እንድወስን ተስማምቷል። እኔ ግን እንዴት ብዬ እና ምን ተጠቅሜ ከልቡ እንደተፀፀተ እና በድጋሚ ታማኝነቱን እንደማያጓድል ማረጋገጥ እንዳለብኝ አላውቅም። ወይስ ግንኙነቱን ማደሱ ስህተት ነው?

መልስ፡-

አንድ የፍቅር ግንኑነት ከተበላሸ በኋላ እንደገና ለመመለስ የመፈለግ ሁኔታ የተለመደ ሲሆን ውሳኔውም ከባድ ነው፡፡ ስለዚህ ውሳኔውን በማመዛዘን ሂደት ላይ ተጽእኖ የሚያመጡ ነገሮችን በሚገባ ማመዛዘን አስፈላጊ ነው፡፡

1. እንደገና ወደፍቅር ግንኙነቱ ለመመለስ ያለሽ ፈቃደኝነት፡- በሁኔታዎች ተገድደሽ ሳይሆን ግንኙነቱን ከልብሽ የመፈለግሽ ሁኔታ፡፡

2. ለመለያየት ያበቃችሁ የስህተት አይነት፡- ስህተቶቹ ቀላል አለመግባባቶች የመሆናቸውና በተቃራኒው ለመለወጥ ጊዜ የሚፈጁ ጥልቅ የባህሪ ችግሮች የመሆናቸውን ሁኔታ የመለየቱ ጉዳይ፡፡

3. ወደቀደመው ግንኙነት ለመመለስ ጥያቄውን ያቀረበው ሰው ማን መሆኑና ለምን መመለስ እንደፈለገ፡- አንቺ ካቀረብሽው ለምን? እሱ ካቀረበውስ ለምን?

4. ስህተታችሁ መታረሙ የመመዘኑ ጉዳይ፡- አንቺም ሆንሽ እሱ ለመለያየት ያበቃችሁን ስህተቶች ማረማችሁ የሚረጋገጥበት መመዘኛዎች የማስቀመጣችሁ ጉዳይለ፡

5. ለዚህ ሂደት በቂ ጊዜ በመስጠት በሚገባ የመግባባታችሁ ጉዳይ፡፡

በመጀመሪያ እነዚህን ሂደቶች ለጠቅላላ እውቀትና በጉዳዩ ለመብሰል መጠቀምሽን እርግጠኛ ሁኚ፡፡ ከዚም በኋላ ስህተቱ መታረሙን የምታረጋግጪባቸውን ነጥቦች አስቀምጪ፡፡ ያንን ለማስቀመጥ ቀላሉ መንገድ ስህተቱ መሰራቱን ያመለከቱሽን ንግግሮች ወይም ተግባሮ ደግመው አለመሰራታቸውንና ያንን ለማረጋገጥ የሚኖርን ግልጽነት መመልከት ነው፡፡

ፍቅረኞች በእውነተኛ ይቅር መባባል ካደረጉትና ትክክለኛውን ሂደት ከተከተሉ ሁል ጊዜ ግንኙነትን ማደስ የሚመከር ነው፡፡

https://m.youtube.com/user/naeleyob623 ክፈት / አስተያየት ይስጡ

2024-03-19 18:32:25 ከድሮ ፍቅረኛዬ ጋር ከ2 አመት በኻላ በድጋሚ ማውራት ጀምረናል . . . እኔ ግን በፊት ካደረገው ነገር አንፃር ከልቡ መሆኑን ተጠራጠርኩኝ :: ክፈት / አስተያየት ይስጡ

2024-03-19 05:00:53 የውሳኔህና የፍርሃትህ ግንኙነት

ከዚህ በፊት የወሰንካቸውን ያልሆኑ ውሳኔዎች በመሚገባ ከተመለከትካቸው አንድ ነገር ይጠቁሙሃል፡- የፈራኸውን ነገር፡፡ አብዛኛዎቹ የተሳሳቱ ውሳኔዎቻችን የአንድ የምንፈራው ነገር ውጤቶች ናቸው፡፡

ከአንድ ነገር የመሸሽ ውሳኔህ፣ ገንዘብ የማውጣትና ያለማውጣት ውሳኔህ፣ እውነቱን ሳታጣራ ከሰው ጋር ለመጣላት ያደረከው ውሳኔህ፣ አንድን ነገር ለማቋረጥ ያደረከው ውሳኔህ፣ ያለመማር ውሳኔህ፣ ንግድን ያለመጀመር ውሳኔህ፣ የምታፈቅራትን ሴት ላለመጠየቅ ያደረከው ውሳኔህ፣ ስለሰዎች ክፉ የማውራትን የሕወት ዘይቤ የመከተል ውሳኔ . . . ፡፡

ከዚህ በፊት ያደረካቸው ውሳኔዎችህ ውጤታቸው ካላማረና መወሰን እንዳልነበረብህ ካመንክ ውሳኔውን የነዳው የሆነ ነገር ፍርሃት ነው፡፡ ይህንን እውነታ መገንዘብ ለወደፊቱ ለምታደርጋቸው ውሳዎችህ በበቂ ሁኔታ እንድትዘጋጅ ይረዳሃል፡፡ ምንም አይነት ውሳኔ ከመወሰንህ በፊት ከፍርሃት ነጻ መሆንህን ወይም ደግሞ ፍርሃቱን በሚገባ ተቆጣጥረኸው ለትክክለኛ ውሳኔ መጠቀምህን እርግጠኛ ሁን፡፡

አንድን ነገር ካለልክ ከመፍራት የሚመጣ ውሳኔ አብዛኛውን ጊዜ ዒላማውን የመሳት ባህሪይ አለው፡፡ ይህ የሚሆንበት ዋነኛ ምክንያት ያልተቆጣጠርነው የፍርሃት ስሜት ምክንያታዊ የሆነን እሳቤ የመጋረድ አቅም ስላለው ነው፡፡

ስለዚህ ምን እናድርግ?

• በአንድ ነገር ፍርሃት በመነዳት ምንም ውሳኔ ከመወሰንህ በፊት የፍርሃቱ ስሜት እስኪሰክንና በምክኒያታዊነት እስክታስብ ድረስ ጊዜ ስጠው፡፡

• የምትፈራው ነገር የማይደርስብህ ቢሆን ምን አይነት ውሳኔን እንደምትወስን አስብና ለማመዛዘን ተጠቀምበት፡፡

• ይህንን ከፍርሃት ውጪ ብትሆን ልትወስን የምትችለው ውሳኔን ብትወስን የሚደርስብህን ነገር እንዴት ልታሸንፈው እንደምትችል አስብ፡፡

• በጉዳዩ ላይ ጥበብን በማካፈልም ሆነ የውሳኔህን ውጤት አብሮህ በመጋፈጥ ሊያግዝህ የሚችል ታማኝ ሰው አማክር፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/ ክፈት / አስተያየት ይስጡ