Aki Man Z Menz

2023-02-02 23:01:13 ነይ ሀገር እናልም - እምነትን እናፅና !
-----//-----
ከእስቴ ከተራራው፣ ከዴንሳ ዳገቱ፤
ጳጳስ እና ንጉሥ፣ ከሚወጣበቱ፤
ከመካነ ሰላም፣ የተገኘሽ ፍሬ፤
አልጠራጠርም፣ ሕልም አለሽ ላገሬ።

የበጌምድሯ፣ ከታቦር ተራራ፤
ብርሃንሽ የሚደምቅ፣ ከጣይቱ ጋራ፤
በመርቆሬዎስ ለት፣ አየሁሽ ስትደምቂ፤
በፈረስ ላይ ኾነሽ፣ ዘገር ስትሰብቂ፤
ጋሻ ስትመክች፣ ጦር ስትወረውሪ፤
የአባትሽን ታሪክ፣ ስትመሰክሪ፤
አየሁሽ ማለዳ፣ አየሁሽ በጧቱ፤
ስታንፀባርቂ፣ ልክ እንደ ጣይቱ!
ባለ ፅኑ እምነት፣ ባለ ማተቢቱ፤
—>
እስኪ በቴዲኛ፣ በገብርዬ ቋንቋ፤
ለአንድ ትልቅ አላማ፣ ትሰቀል ሰንደቋ፤
እንደ ቴዎድሮስ፣
ሀገር ታልም ዓይንሽ፣ በራእይ ተሻግራ፤
እንደ መርቆሬዎስ፣
እምነት ታፅና ክንድሽ፣ ሥርዓት አክብራ።
—>
ልክ እንደ ጣይቱ፣
ልብሽ ሳይሽበር፣ ለጠላት ጉሰማ፤
እንደ ገብርዬ ክንድ፣
ታምኖ በመኖር፣ ለወንድም አላማ፤
እንደ መርቆሬዎስ፣
ሰማዕት በመኾን፣ እምነት እንዲፀና፤
ትጓዣለሽ እንጅ፣
እስከመጨረሻው፣ የሕይወት ጎዳና፤
አውቃለሁ አትሄጅም፣
ያለ እናትሽ ግብር፣ ያለ አባትሽ ዳና፤
ምን ሀገር ቢሸበር፣
ዘመነ መሳፍንት፣ ቢመጣ እንደገና፤
መሻገር ወግሽ ነው፣
ሀገርን ከዓለም፣ በራእይ አስተሳስሮ፤
ማለፍ አያቅትሽም፤
ከፍ ብሎ መብረር፣ ከድንበር ተሻግሮ፤
ምን ሴራ ቢበዛ፣
እውነቱ ለሐሰት፣ ተላልፎ ቢሰጥም፤
ምን ጨለማ ቢነግሥ፣
ጣይቱማ እያለሽ፣ ልቤ አይደነግጥም።
—>
አንች ያለሽበት፣ አድባሩ ደብሩ፤
ክህነት ሊቅነቱ፣ ሽምግልና ግብሩ፤
ዜማው መጣፈጡ፣ ሥርዓቱ ማማሩ፤
የቤተ ልሄም ድጓ፣ የተክሌ ዝማሜ፤
በፈረስ ላይ ኾነሽ፣ በአምባ ላይ ቆሜ፤
ስንሰማው ውለን፣ ስናየው ብናድር፤
ሰማይ ይሰቅለናል፣ አንስቶ ከምድር።

ሥርዓት ተሠርቶ፣ ዜማ ተቀምሮ፤
እንዲህ ነው ከፍታ፣ ሚሣል በአእምሮ፤
እንጅ መች ይኾናል…
በዘረ መር ዘፈን፣ በስሜት ጨፍሮ ?

አሁን በዚህ ዘመን፣ ቁልቁለት ሲበዛ፤
አንችን እያሰብሁ ነው፣ ተስፋዬ ሚወዛ።
ከእነ ቴዲ አምባ፣ ዘር አይቆጠርም፤
በመንደር በጎሣ፣ ሰው አይታጠርም፤
ከአድማስ ተሻግሮ፣ ከፍ ብሎ በዓለም፤
እምነት ነው ሚፀና፣ ሀገር ነው ሚታለም። ክፈት / አስተያየት ይስጡ

2023-02-02 13:24:01 ክፈት / አስተያየት ይስጡ

2023-02-02 12:10:07 ርዕስ
=========

አንድ ህግ ነበረ እኔም ዘንድ ፈገግታ አንተም ዘንድ ደስታ፤
በልጅነት ልሳን ሚያግባባን አንድ ቃል ፌሽታና ጨዋታ።
ዱሩና ገደሉ ሸለቆና ሜዳው ለአንተም ለኔም እኩል፤
ለአባትህ ለአባቴ ለእርሻ ኑሮአቸው ተግቶ እሚያገለግል።
ለእናቴ ችግር ለማጀቷ ሽፋን የአንተ እናት ተጋርዳ፤
የአባቴ ጥንድ በሬ በደስታ ሲሸጡ ለአባትህ መሬት እዳ።
ወንድምህ ሲያገባ ሲሞሸር ለሰርጉ አጀብ ሲል አድባሩ፤
የእናቴ ማጀት ገበና ሊሸፍን ክፍት ነበር በሩ።
እህቴ በምጥ ተይዛ በፅኑ አያትክ ሲጠሩ፤
ቶሎ እንዲያዋልዱ ከላይ ታች ሲሉ ጎረቤት ሰፈሩ፤
ጭንቋን አታብዥቢያት በቶሎ ገላግሊያት እያሉ ማርያምን ሲጠሩ፤
ለሰማይ ከዋክብት አንጋጠን ለእግዜሩ።
ማርያም! ማርያም ስንል በአቧራና በእንባ ፊታችን ር'ሶ፤
ድንገት ብንሰማ የጨቅላ ህፃን ለቅሶ፤
የደስታ ማብሰሪያ የጥይት ድምፅ ያሰማው ተኩሶ፤
አባትህ ነበረ ከኔ አባት ደስታ የሱ ሐሴት ብሶ።
ደሞ አንድ ቀን ለታ "አንፍር" ጥጃችን ከገደል ላይ ወድቆ፤
እኩል ተቀጥተናል በእናቴ ልምጭ በአያትክ ሸምበቆ።
ሐዘን ቢጎበኘን የእህቴ ህይወት አልፎ ጎረቤት ሲያነባ፤
"ልጄ ልጄ" እያለች ገመድ አገልድማ ከጉድጓድ ልትገባ።
ከአፉ የተመለሰች በሐዘኗ ብዛት በምሬት አልቅሳ፤
እናትህ ነበረች ከእናቴ ጋራ ጥቁር ማቅ ለብሳ።

ያ ሁሉ መከራ ያ ሁሉ ደስታ ለአፍታ እየታወሰኝ፤
ዘመን ባሰመረው የብሔር ድንበር ላይ መቆምክ አመመኝ፤
አንተ ከዚያ ማዶ ቆመክ ከድንበሩ እኔን ስታየኝ፤
ከአባቴ አስክሬን ላይ እናቴን ስጣራ ምነው አላገዝከኝ።
ከባለጊዜ ጋር ስምህ ተደምሮ ዛሬ ባይጠራ፤
እጣ ተጥሎበት የኔ ስም ቢሰነድ ከመከራ ጋራ።
ምነው ዝም አለከኝ
ላግዝሽ ሳትለኝ
ከባለተረኞች ከባለጊዜ ጋር ባልላፋ እኩል፤
ቀን ጥሎኝ አልጠፋም አንስቶኝ አልበድል።
ዛሬ ከጎኔ ባትቆምም አይዞሾ ባትለኝ፤
ለአፍታ እንዳዘነጋው መቼም እንደማልወድቅ የጎጥ ገመድ ጥሎኝ
እናም
ቀን አልፎ ሲቀየር ሲፈርደን እግዜሩ፤
እንዳንተዛዘብ ይብቃኝ መሠደዱ ይብቃህ ማባረሩ። ክፈት / አስተያየት ይስጡ

2023-02-02 12:10:07 ክፈት / አስተያየት ይስጡ

2023-01-17 11:01:26 ...የህልሜ ንጉስ
የህልሜ ንጉስ  የህልሜ ጌታ
ምን ሁነህ ቀረህ  ትላንትና ማታ

ያሣለፍነዉ ጊዜ  እንዲ ነዉ እላለዉ
ሠዋችን ሰብስቤ  ስላንተ አወራለዉ
በዉኔ የለህም  ለካስ በህልሜ ነዉ

ሌት እያወራዉ  በዉን እቃዣለዉ
በህልሜም ቢሆን   እጠብቅሀለዉ 

የተባልኩ ልጅ ነኝ
አለ አንዱ!! ክፈት / አስተያየት ይስጡ

2023-01-17 10:59:12 ወደ እዚህ ግሩፕ አድ አድርጉ ጓደኞቻችሁን



አሪፍ አሪፍ
ግጥሞች
እና
መረጃዎች ይቀርባሉ ክፈት / አስተያየት ይስጡ

2023-01-16 15:50:18 መሳቅ ይሳቅ እንጂ የነጣ ጥርስ ሁሉ
መሳቁ አይደለም ወይ የሳቅ ሚስጥር ዉሉ!! ክፈት / አስተያየት ይስጡ

2023-01-16 09:29:16 ብዙ ‹ቻው› ነበረ ዛሬን የነገረኝ
አልተፋው እውነት ነው አልውጠው መረረኝ፡፡ ክፈት / አስተያየት ይስጡ

2023-01-12 11:03:07 ምን አይነት ቄስ ናቸው ፣ ምፀት የለመዱ
"አባት ይፍቱኝ" ስል
"አብይ ይፍታህ "ብለው ፣ አሳልመውኝ ሔዱ
።።።።።
ዳሩ እውነት አላቸው ፣ ቀልዳቸው ቢመርም
ምህረት ያውቃልና
እኛ ብናጠፋም ፣ አምላክ ሰው አያስርም። ክፈት / አስተያየት ይስጡ

2023-01-12 11:02:02 ስልጣን ለአንዳንድ ሰዉ_ይጠቅማል ይጉዳል
ሆኖም እንደጊዜዉ_ይወጣል ይወርዳል ክፈት / አስተያየት ይስጡ