Teklu Tilahun - ተክሉ ጥላሁን

2023-06-27 06:48:53 #ፍቅርን_ያላችሁ_እስኪ_እንያችሁ!

በግንኙነት ውስጥ ደስታ እንዲሁ የሚፈጠር ነገር አይደለም

ጥሩ ግንኙነት የሚፈጠረው በአላማ ነው። እጅ ለእጅ ለመያያዝ መቼም አልረፈደ፤ ቢያንስ በቀን አንድ ጊዜ "እወድሻለሁ/እወድሀለሁ" ተባባሉ፤ በጠብ ወደ መኝታ አትሂዱ።

የፍቅር ወላፈን በጫጉላ ሽርሽር ላይ ማለቅ የለበትም፤ እድሜ ልክ መቀጠል አለበት።

በህይወት በአንድነት ተመላለሱ። መላውን ቤተሰብ የሚያስተሳስር የፍቅር ህብረት ፍጥሩ። አንደኛው ለሌላኛው የሚያደርገው ከግዴታ ሳይሆን ከልብ ከመነጨ ፍቅር ያድርግ።

ትክክለኛውን ሰው መፈለግ መፍትሄ አይደለም፤ ትክክለኛ ሰው ሆኖ መገኘት እንጂ።

መደማመጥ ለግንኙነት ስኬት ቁልፍ ነው።
እርስ በእርስ ሀሳብን ለመረዳት ሞክሩ። መስማት የምትፈልጉትን ብቻ መርጣችሁ አትስሙ።

ቅድሚያ ተሰጣጡ። ፍቅር ራስን አሳልፎ መስጠት ነው። እራስ ወዳድነት ፍቅርን ያደፈርሳል።

#በልኬት_ወደ_ስኬት መጽሐፍ በገበያ ላይ


(በየቀኑ አነቃቂ መልእክቶችን፣ ከምናሳትማቸው መጽሐፍት ፒዲኤፍ፣ የገንዘብና የመጽሐፍት ሽልማቶችን ለማግኘት የፌስቡክና ቴሌግራም ገጾቻችንን ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-26 20:05:27 ምርጥ አባባሎች ከበጥበብ መኖር መጽሐፍ

የተቀበልከው መከራ ያለ ዓላማ ከሆነ ምንም ዋጋ የለውም።

ምንም ችግር የሌለበት ህይወት ተስፋ አታርግ፤ ጥሩ ችግሮች ያለበት ሕይወት ፈልግ።

አንድ ሰው ምንም ችግር ከሌለበት፣ አእምሮው ችግሮችን የሚፈጥርበትን መንገድ ወዲያውኑ ይፈልጋል።

በህይወትህ ውስጥ ትርጉም ያለው እና ጠቃሚ ነገር ለማግኘት መፈለግ ምናልባት ጊዜህን እና ጉልበትህን ልታውልበት የምትችልበት ጥሩው መንገድ ነው።

ተግባራዊ መገለጥ ማለት "አንዳንድ ህመም ሁልጊዜ የማይቀር ነው" በከሚለው ሀሳብ ጋር ተስማምቶ የመኖር ተግባር ነው።

ችግሮች አያቆሙም፤ ይለወጣሉ ወይ ይሻሻላሉ።

ደስታ የሚገኘው ችግሮችን በማስወገድ ሳይሆን በመፍታት ነው።

ስሜቶች በቀላሉ ወደ ጠቃሚ ለውጥ አቅጣጫ ለመምራት የተነደፉ ባዮሎጂያዊ ምልክቶች ናቸው።

አሉታዊ ስሜት አንድ ነገር መፍትሄ ሳይሰጥ መሄዱን የሚያሳይ ምልክት ነው። አዎንታዊ ስሜት ትክክለኛውን እርምጃ የመውሰድ ሽልማት ናቸው።

ስሜታችን ሁልጊዜ ትክክል ስላልሆነ መጠየቅ አለብን።

መልሱ የበለጠ የማይመች በሆነ ቁጥር እውነት የመሆን እድሉ ይጨምራል።

ችግሮች አይቀሬ ናቸው፤ ነገር ግን ትርጉማቸው ተለዋዋጭ ነው። ችግሮቻችን በኛ ላይ ያላቸውን ትርጉም መቆጣጠር የምንችለው ስለእነሱ ለማሰብ በምንመርጥበት መንገድ እና እነሱን ለመለካት በምንመርጥበት መንገድ ነው። ስኬትን የምንለካበት መንገድ የሚያጋጥሙንን ችግሮች በምንመለከትበት መንገድ ላይ ተጽዕኖ ያሳድራል።

በጥበብ መኖር መጽሐፍ በገበያ ላይ


(በየቀኑ አነቃቂ መልእክቶችን ለማግኘት ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-12 06:42:53 #የትኛውን_ችግር_ትመርጣለህ?

የሆነ ሰው ጭንቅላትህ ላይ ሽጉጥ አነጣጥሮ ከአምስት ሰዓታት ባነሰ ጊዜ ውስጥ 26.2 ማይል መሮጥ እንዳለብህ አለበለዚያ አንተንና መላው ቤተሰብህን እንደሚገድል ሲነግርህ አስብ፡፡

በጣም ያስጠላል፡፡

አሁን ደግሞ በጣም አሪፍ የመሮጫ ጫማ ገዝተህ ለወራት በደንብ ስትለማመድ ቆይተህ የመጀመሪያ የማራቶን ውድድርህን ጨርሰህ ስትገባና የቅርብ ጓደኞችህና ቤተሰቦችህ መግቢያው ላይ እየጠበቁህ አስብ፡፡

ያ በሕይወትህ እጅግ የኮራህበት ቅጽበት ሊሆንልህ ይችላል፡፡

በሁለቱም የሚሮጠው ርቀት ተመሳሳይ ነው፡፡ ቅልጥሞችህ ላይ የሚሰማህ ህመምና ድካም ሁሉ አንድ ሰው፡፡ ግን ነፃ ሆነህ መለማመድ መርጠህ ከሆነ በሕይወትህ ውስጥ እጅግ የተከበረና አስፈላጊ የሆነ ወሳኝ ድርጊት ነው፡፡ ያለፈቃድህ ተገደህ የምታደርገው ሲሆን ግን በሕይወትህ የሚያጋጥምህ በጣም አስፈሪና የሚያሰቃይ ልምምድ ነው፡፡

አንድን ችግር በጣም የሚያሰቃይ ወይም በጣም ጥሩ የሚያደርገው ብቸኛ ምክንያት የምንመርጠው ነገር ነው፡፡ እና ለዚያ ደግሞ ሀላፊዎች እኛ ነን፡፡

አሁን ባለህበት ሁኔታ አሳዛኝ ከሆንክ ሊሆን የሚችለው ምክንያት የሁኔታህ የሆነ ክፍል ከአንተ ቁጥጥር ውጪ እንደሆነና ልትፈታው የማትችለው ያለምርጫህ የመጣብህ ችግር ስላለ ነው፡፡

ችግሮቻችንን እየመረጥን የመሆን ስሜት ሲሰማን፣ አቅም እንዳለን ይሰማናል፡፡ ችግሮቻችን ያለፍቃዳችን በግድ ተጭኖብን ከሆነ የሚሰማን ተጠቂነትና አሳዛኝነት ነው፡፡

ልብ በል… ሁልጊዜ እየመረጥክ ነው!

#በጥበብ_መኖር መጽሐፍ #5ተኛው ዕትም በገበያ ላይ


(የፌስቡክና ቴሌግራም ገጾቻችንን ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-11 20:06:54 በሕይወት የምትቆየው ለአንድ አመት ብቻ ነው ብትባል ምን ታደርጋለህ?

እንግሊዛዊው አንቶኒ በርገስ በ42 ዓመቱ በጭንቅላት ካንሰር ምከንያት በህይወት የሚቆየው ለአንድ አመት ብቻ እንደሆነ ዶክተሮች ይነገሩታል ።

በጊዜው በጣም ያዝናል፣ ይሁን እንጂ ሚስቴ ከሞትኩ በኋላ እንዳትቸገር በማለት በቀረችኝ ጊዜ ስራ መስራት አለብኝ፣ ለሚስቴ ጥሪት ማስቀመጥ አለብኝ ብሎ ወሰነ።

አንቶኒ በርገስ ኘሮፌሽናል ደራሲ አልነበረም። ነገር ግን በዉስጡ የተዳፈነ የመፃፍ ችሎታ እንደነበረዉ ያዉቅ ነበርና ወረቀቱን ከጽሕፈት ማሽኑ ጋር አወዳጅቶ መፃፍ ጀመረ።

በሚገርም ሁኔታ በቀረችዉ አንድ አመት ውስጥ 5 መፃሕፍትን አሰናድቶ ጨረሰ። ይህም ታዋቂዉ ደራሲ 'Em foster' በህይወቱ ሙሉ ከፃፈዉ በላይ እሱ በአንድ አመት ዉስጥ የፃፈዉ ይበልጥ ነበር ። እንዲሁም 'J.D.stelenger' የተባለዉ ደራሲ በህይወት ዘመኑ ከፃፈዉ መፅሐፍ በላይ በእጥፍ ፃፈ።

በካንሰር ለመሞት አንድ አመት ቀረህ የተባለው አንቶኒ በርገስ ይህን የአንድ አመት ጊዜ በለንደን ሆስፒታል ውስጥ አሳልፏል። ነገር ግን ከበርካታ የሴሬብራል ምርመራዎች በኋላ ምንም አይነት በሽታ ወይም ዕጢ አልተገኘበትም። በዚህ ጊዜ ነበር የሙሉ ጊዜ ጸሐፊ ለመሆን የወሰነው።

በኖረበት ቀሪ እድሜ (በ76 ዓመቱ ይችን አለም እስከተሰናበተበት ጊዜ ድረስ) 70 መፅሃፍቶችን ለአንባቢያን አበረከተ ። በተለይ 'clock work orange' በሚል ያሳተመዉ መፅሐፍ ታላቅ እዉቅናን ያስገኘለት ስራው ነበር ።

አንቶኒ በርገስ ‘ለመሞት አንድ አመት ነዉ ያለህ’ ባይባልና ሚስቱ እንዳትቸገር 'ጥሪት አስቀምጬ ልሙት' በሚል ሀሳብ ባይነሳ ፣ ይህን ያህል ቁጥር ያለው መፅሐፍ ባልፃፈ ነበር።

ከዚህ ታሪክ የምንማረው:-

የተሰጠን ዛሬ እንደሆነ አውቀን የተዳፈነውን ችሎታችንን አውጥተን ለሌሎች የብርሃን ችቦን እንለኩስ።

ምንጭ- Lighthouse Acadamy


(በየቀኑ አነቃቂ መልእክቶችን፣ ከምናሳትማቸው መጽሐፍት ፒዲኤፍ፣ የገንዘብና የመጽሐፍት ሽልማቶችን ለማግኘት የፌስቡክና ቴሌግራም ገጾቻችንን ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-11 20:05:49 ክፈት / አስተያየት ይስጡ

2023-06-11 06:46:04 የድብቁና ተአምረኛው አእምሮህ 10 ምስጢራት

ለአነቃቂ መልዕክቶች Telegram- https://t.me/teklu_tilahun

ድብቁ አእምሮህ ድብቁ ኃይልህ እና ተአምረኛው አእምሮህ ከተሰኙ ሁለት ድንቅ መጽሐፎች የተወሰዱ 10 ምክሮች

#1 የሕይወት ፕላሲቦህ ምንድነው?

ሀኪሞች ለታካሚዎቻቸው የሚሰጡት የውሸት መድኃኒት ፕላሲቦ ይባላል፡፡ ሰዎች ከካንሰር ተፈውሰዋል፤ ከሞት ወደ ሕይወት መጥተዋል፤ ምንም ማድረግ የማይችለውንና የውሸት የሆነውን መድኃኒት እውነተኛና ገዳይ ነው ብለው ራሳቸውን ለማጥፊያነት ተጠቅመውበት ሞተዋል!!!

የዳኑትም፣ የሞቱትም ስላመኑ እንጂ መድኃኒቱ የውሸት ነው፤ የውሸት!!

ለመሆኑ ያንተ የሕይወት ፕላሲቦ ምንድነው?

#2 ፈልገህም ይሁን ሳትፈልገው የእምነቶችህ ተጠቂ ነህ!

“ደህና ጫማ እንኳ መግዛት የማልችል ሰው እንዴት ነው ትልቅ ሬስቶራንት ለመክፈት የማስበው?” ትላለህ። ሆኖም የማይመስል ቢሆን እንኳ የምታምንበትን የመምረጥ መብት አለህ።

አንተ የዕምነቶችህ ተጠቂ ነህና እምነትህን መፈተሽ አለብህ፡፡ ለመሆኑ ምንድነው እያመንክ ያለኸው?

#3 አወንታዊ ስሜቶችን መፍጠር

ምንም አይነት አወንታዊ ሃሳቦችን መርጠህ ብታስብም፣ ውስጣቸው ስሜት ከሌለ ትርጉም አይኖራቸውም። ሃሳቦችህን በ ‘ቢሆን ኖሮ’ ስር ከቀበርካቸው፣ ጊዜህን በከንቱ እያባከንክ ነው። አንድ ነገርን ስላሰብከው ብቻ ታምነዋለህ ማለት አይደለም

መልካም ሃሳቦችህ መልካም የሆኑ ስሜቶችን ሊፈጥሩልህ ይገባል... ለመሆኑ ስሜቶቹ የሚሰሙህ ከልብ ነው?

#4 ወደ ድብቁ አእምሮ የመግቢያ ቁልፍ

አእምሯችን ልክ እንደ ወንዝ ነው - የሃሳብ እንቅስቃሴዎች በበዙበት ቁጥር በደንብ ይደፈርሳል - ቻቻታም ይበዛበታል። በማስተዋልም ውስጥ ሁነን ማሰብ ያቅተናል። የሃሳቦች ፍሰት እና መጠናቸው እየቀነሰ ሲመጣ - የደፈረሰው ይጠራል - ማስተዋላችንም ይጨምራል።

የሃሳቦችን ፍሰት በመቀነስ ወደ ስክነት ሂደት በመግባት እንዴት የአእምሮህን ተአምር መጠቀም ትችላለህ?

#5 ስለወደፊትህ ስታስብ መልካምና አዲስ የሆኑ እድሎችን አስብ

ራስህን መጠየቅ ጀምር - ‘ምንም አይነት ተግዳሮቶች ባይኖሩብኝ የት እደርሳለሁ?’ ወዲያውም አእምሮህ ትኩረቱን ከጭንቀት እና ከፍርሃት ያላቅቅና ስለ ነገ በነጻነት ማሰብ ይጀምራል።

ባትወድቅ ምን ታደርጋለህ? እንደሚሳካልህ እርግጠኛ ብትሆን ምን ትሞክራለህ?

#6 ስለ ገንዘብ ምንድነው የምታስበው?

አንድ ሰው በገንዘብ ጉዳይ ለምን ስኬታማ እንደሚሆን እና ሌላው ለምን ተስፋ እንደሚቆርጥ ማወቅ ትፈልጋለህ?

መልሱ ቀላል ነው - ያላቸው የገንዘብ አስተሳሰብ መለያየት ነው።

ከገንዘብ ጋር ያለህ ግንኙነት አሉታዊ ነው ወይንስ አወንታዊ? ገንዘብህን በምክንያት ወይስ በስሜት ታወጣለህ? ብዙ ገንዘብ እንዳለህ ወይስ ገንዘብ እንዳጠረህ ሆኖ ይሰማሃል?

#7 እራስህን ፈውስ!

ከሞት ሕይወትን ብትፈልግ- ተአምሩ አእምሮህ ዘንድ ይገኛል፡፡
ከውድቀት ስኬትን ብትመርጥ- ተአምረኛው አእምሮህ ይችላል፤
ከአርባ ቀን እድልህ ይልቅ በረከትን ብትሻ- አአምሮህ ተአምር ይሰራል!

የድብቁ አእምሮህን ኃይል በመጠቀም ሰውነትህን እንደ አዲስ መገንባት እና መፈወስ ትችላለህ፡፡ ሰውነትህን የፈጠረ አምላክ መዳኛህንም በውስጥህ ቀብሮታል፡፡

#8 ከምቾት ጉሬ ማምለጥ

የመለወጥን መንገድ እንደ ጀመርክ ... ፍርሃት ይወርሃል፣ ወደ ኋላ ታፈገፍጋለህ። ወደ ምቾት ጎሬህም ትመለሳለህ፤ ለራስህም ‘ይሄ ጥሩ ነው፤ ይሄ ልክ ነው፣ ይሄን ቦታ አውቀዋለሁ፤ እዚህ ምንም አልሆንም” ትለዋለህ። ከፍርሃቶችህ በላይ ሆነህ እንዴት የመለወጥ መንገድህን መቀጠል ትችላለህ?

ከምቾት ጎሬህ አሁኑኑ መውጣት ያለብህ አይመስልህም?

#9 በእምነት ተራራም ይናዳል

“በቅድሚያ ካንተ የሚጠበቀውን ሁሉ አድርግ፤ እናም በራስህ ላይ እምነት ይኑርህ፤ እችላለሁ በል፡፡ ነገ የእኔ ቀን ነው፤ ይህ ከፊት ለፊቴ ያለው ሰው ልክ እንደ እኔ ያለ ሰው ነው፤ ሁለት እግሮች አሉት፤ ሁለት እግሮች አሉኝ፡፡ ለማሸነፍ ይህ ይበቃል፤ አለቀ፡፡ እንደዚህ ነው ከፊትህ ላለው ፍልሚያ መዘጋጀት ያለብህ፡፡” አትሌት ኃይሌ ገብረሥላሴ

ለመሆኑ እምነትህ ምን ያህል ነው? ተራራ ይንዳል?

#10 ድብቁ አእምሮህ ተአምራቶችህ ሁሉ የተደበቁበት ቦታ ነው

ብዙ ሰዎች ድብቁ አእምሮህ በውስጥህ እንዳለ ኑክሊየር ቦንብ ነው ሲሉ ይገልጹታል፡፡ ቦንቡን እንዴት እንደምትጠቀምበት መወሰን ያንተ ፈንታ ነው፤ ተራራህን ልታፈልስበት ወይም ሕይወትህን ልታበላሽበት ምርጫው ያንተ ነው፡፡

የሁሉ ፈጠራ ምንጭ፣ የሁሉ በረከት ምንጭ፣ የፈጣሪ አምሳያ የሆነው ድብቁ አእምሮህ ሕይወትህን ሊቀይር አንድ ጥያቄ እየጠየቀህ ነው፡-
ለመሆኑ እንዴት እንደምትጠቀምብኝ ታውቃለህ?

እነዚህ ድንቅ በአእምሮ ላይ የተጻፉ መጽሐፍት አትጠራጠር ሕይወትህን በትክክል ይቀይሩታል

ድብቁ አእምሮህ ድብቁ ኃይልህ እና ተአምረኛው አእምሮህ

በየመጽሐፍት መደብሩና በአዟሪዎች እጅ ይገኛሉ፡፡


(በየቀኑ አነቃቂ መልእክቶችን፣ ከምናሳትማቸው መጽሐፍት ፒዲኤፍ፣ የገንዘብና የመጽሐፍት ሽልማቶችን ለማግኘት የፌስቡክና ቴሌግራም ገጾቻችንን ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-11 06:45:57 ክፈት / አስተያየት ይስጡ

2023-06-10 20:51:45 #በፍጹም_ተስፋ_አትቁረጥ

የKFC መስራች አይበገሬው አዛውንት ኮሎኔል ሳንደርስ:-

☞በ5 ዓመቱ አባቱ ሞተ

☞በ16 ዓመቱ ትምህርቱን አቋረጠ

☞በ17 ዓመቱ 4 የተለያዩ ስራዎቹን አጥቶ ነበር

☞ከ18 እስከ 22 ዓመቱ የባቡር ትኬት ቆራጭ ሆኖ ሰራ ነገር ግን አልተሳካለትም

☞የሀገሩን መከላከያ ቢቀላቀልም ተባረረ

☞ህግ ለመማር አመለከተ አልተሣካለትም

☞ለአንድ ኢንሹራንስ ድርጅት ግብይት ሰራተኛ ሆነ… ይህም አልተሳካለትም፡፡

☞በ19 ዓመቱ ደግሞ ልጅ ወልዶ ነበር 2ዐ ዓመቱ ላይ ሚስቱ ልጃቸውን ይዛ ጥላው ሄደች፡፡

☞በአንዲት ትንሽዬ ካፌ ምግብ አብሳይና ሰሃን አጣቢነት መስራት ጀመረ
.
.
.
☞65 ዓመት ሲሞላው ጡረታ ወጣ

☞ጡረታ በወጣ በመጀመሪያው ቀን የ$105 ቼክ ከመንግስት ደረሠው... እሱ ግን የተረዳው መንግስት "ራስህን መመገብ አትችልም" እንዳለው ነበርና ከዚህ በኋላ መኖሩ ጥቅም እንደሌለው ራሱን አሣምኖ ራሱን የማጥፋት ሙከራ አደረግ... ይህም ሳይሆን ቀረ፡፡

☞አንድ እለት ዛፍ ስር ቁጭ ብሎ ምኞቶቹን ወረቀት ላይ ማስፈር ፈለገ፤ የፃፈው ግን በህይወቱ ሊያደርጋቸው እየቻለ ሳያደርጋቸው ስለቀሩ ነገሮች ነበር... ከዚያም በእርግጠኝነት ማድረግ እንደሚችለው የሚያውቀውን አንድ ነገር አሰበ... ምግብ ማብሰል፡፡

☞ወዲያውም የመንግስትን የውለታ ቼክ መልሶ $87 ተበደረ፡፡

☞በዚያች ብድርም ቅመሞቹን ሸምቶ ፍራይድ ችክን አዘጋጀ... እናም በኬንታኬይ ለሚኖሩ ጎረቤቶቹ በራቸው ድረስ እየሄደ መሸጥ ጀመረ፡፡

☞ግን በ68 ዓመቱ የኬንታኬይ ፍራይድ ችክን KFC ኢምፓየር መስራች ቢሊየነር ሆነ፡፡

#ቁምነገሩ- እድሜዬ ገፋ ብለህ በፍጹም ተስፋ እንዳትቆርጥ- በ68 አመትህም ታሪክ መስራት ትችላለህ፡፡

ሶሻል ሚዲያ


Telegram- https://t.me/teklu_tilahun ክፈት / አስተያየት ይስጡ

2023-06-10 12:54:53 #ልማዶችህን_በመቀየር_ህይወትህን_ቀይር

ለአነቃቂ መልዕክቶች Telegram- https://t.me/teklu_tilahun

በየቀኑ #Atomic_Habits_የልማድ_ኃይሎች የሚለውን መጽሐፌን ስከፍት ደስታና እርካታ ይሰማኛል።

ይህ መጽሐፍ በውስጡ ብዙ ዋጋ ያለው ነገር የያዘ ነው። ለእኔ ወደ ግቤ ለመድረስና የተሻለ እንድሆን በመርዳት አወንታዊ ተጽዕኖ ያሳደረብኝ መጽሐፍ ነው።

በጀምስ ክሊር ከተጻፈው #Atomic_Habits ከሚለውና ወደ አማርኛ #የልማድ_ኃይሎች ተብሎ ከተተረጎመው መጽሐፍ የተማርኳቸውን #10 ምርጥ ትምህርቶች ላካፍልህ፤ አንተም በህይወትህ ውስጥ ለውጦች ለማድረግ እየሞከርክ ከሆነ ይህ መጽሐፍ ልማዶችህን በመቀየር ህይወትህን እንድትቀይር ይረዳሀልና እንድታነበው እመክርሀለሁ፡-

#አንድ ትንንሽ ለውጦች በጊዜ ብዛት ወደ ትልልቅ ውጤቶች ሊመሩ ይችላሉ። በልማዶችህ ላይ ትናንሽ እየጨመሩ የሚሄዱ ለውጦች ላይ ትኩረት በማድረግ በረጅም ጊዜ ከፍተኛ ለውጦች መፍጠር ትችላለህ።

#ሁለት አካባቢ ወሳኝ ነው። አካባቢህና አብረሃቸው ጊዜ የምታሳልፋቸው ሰዎች በከፍተኛ ደረጃ ልማዶችህ ላይ ተጽእኖ ያሳድራሉ። ስለዚህ አካባቢህን ማዳበር የምትፈልገውን ልማድ በሚደግፍ መልክ በመቅረጽ ልማዶችህን ማቆየትን ቀላል ማድረግ ትችላለህ።

#ሶስት ግልጽ የሆነ ግብ አስቀምጥ። ግልጽ፥ ሊለካ የሚችል ግቦች ማስቀመጥ በመነሳሳት እንድትቆይና መሻሻልህን እንድትከታተል ሊረዳህ ይችላል።

#አራት ተጠያቂነት ያግዛል። ግቦችህን ለሌሎች ማጋራትና የሆነ ሰው ግቦችህን በተመለከተ ተጠያቂ እንዲያደርግህ ማድረግ ስኬታማ የመሆንህን እድል ይጨምረዋል።

#አምስት በማንነት ላይ ማተኮር፤ ባህርይህን ለመለወጥ በመሞከር ላይ ትኩረት ከማድረግ ይልቅ ማንነትህንና ራስህን የምታይበትን መንገድ በመቀየር ላይ ትኩረት አድርግ። ይህ ከጊዜ ብዛት አዳዲስ ልማዶችን ማዳበርን ቀላል ሊያደርግ ይችላል።

#ስድስት ጽናት ቁልፍ ነው። ልማድን የእለት ተእለት እንቅስቃሴህ አካል ማድረግ ያ ልማድ ለረጅም ጊዜ እንዲቆይ ሊረዳህ ይችላል።

#ሰባት በትንሹ ጀምር እና ፍጥነትን ጨምር። በትንሽ ልማድ በመጀመር እና ቀስ በቀስ አስቸጋሪነቱን በመጨመር፥ አቅምን መገንባት እና ዘላቂ ለውጦችን ማድረግ ይቻላል።

#ስምንት ራስህን በአወንታዊ ተጽዕኖዎች ክበብ። ከአንተ ጋር ተመሳሳይ ልማዶች ካሏቸው ጋር ወይም ግቦችህን ከሚደግፉ ሰዎች ጋር መሆን በመስመር ላይ መቆየት እንድትችል ይረዳሃል።

#ዘጠኝ መሻሻልህን አክብር። ለስኬቶችህ እውቅና መስጠት በተነሳሽነትህ እንድትቆይና ለልማዶችህ ቁርጠኛ እንድትሆን ሊረዳህ ይችላል።

#አስር በፍላጎት ላይ ብቻ መተማመንን አስወግድ። በፍላጎት ላይ ብቻ ሳትመሰረት ከልማዶችህ ጋር መጣበቅን ቀላል የሚያደርግ አካባቢ እና የዕለት ተዕለት እንቅስቃሴ ላይ አተኩር።

በዚህ ድንቅ መጸሐፍ ምክንያት በየቀኑ በተቻለ መጠን ምርጥ ራስህን ለመሆን ጥንካሬ እና ቁርጠኝነት እንደሚኖርህ ተስፋ አደርጋለሁ

#Atomic_Habits_የልማድ_ኃይሎች መጽሐፍ #7ተኛው ዕትም በገበያ ላይ

በየመጽሐፍት መደብሩና በአዟሪዎች እጅ ይገኛል፡፡


(በየቀኑ አነቃቂ መልእክቶችን፣ ከምናሳትማቸው መጽሐፍት ፒዲኤፍ፣ የገንዘብና የመጽሐፍት ሽልማቶችን ለማግኘት የፌስቡክና ቴሌግራም ገጾቻችንን ይቀላቀሉ።)


Telegram- https://t.me/teklu_tilahun
Facebook- https://www.facebook.com/booklandbook/? ክፈት / አስተያየት ይስጡ

2023-06-10 12:54:42 ክፈት / አስተያየት ይስጡ