Our World

2022-07-20 00:56:37 የሚደንቅ ነው! እግሮቹ እንደ ልብ የሚታዘዙለት የ አ.አ ዩኒቨርስቲ የኮምፒውተር ሳይንስ ተመራቂ! Ethiopia |Sheger info |Meseret Bezu ክፈት / አስተያየት ይስጡ

2022-07-19 21:30:55

ክፈት / አስተያየት ይስጡ

2022-07-19 21:14:09 ለአዕምሮአችን እንጠንቀቅ

ለሆዳችን እኮ በጣም ጥንቃቄ እናደርጋለን፤ በፍፁም የቆሸሸ ምግብ አንበላም።
ታዲያ የነገ መድረሻችንን ለሚወስነው አዕምሯችንስ??

አዕምሯችን እንደ መሬት ነው፤ የተዘራበትን ማብቀል ነው ስራው።
መልካም ነገር ከነገርነው፣ መልካም ነገር ካየ የህይወት መንገዳችን ያማረና ደስተኛ እንሆናለን።

ለአዕምሮህ ምንድነው የምትመግበው? መጥፎ ዜና ነው ወይስ መልካም ሀሳብ? ስለ ሰው አሉባልታ ነው የምታስበው ወይስ ስለ ነገ መድረሻችን? ምርጫው ያንተ ነው። መልካሙን ምረጥ።

መልካም ቀን! ክፈት / አስተያየት ይስጡ

2022-07-19 20:49:33 አንድ ሊቅ ተጠየቀ :- ማነው ብልህ . . . ? ቢሉት - ከእያንዳንዱ ሰው ሊማር የሚችል

ማነው ጠንካራ ሰው ? ስሜቱን የሚቆጣጠር ,
ማነው ሀብታም ቢሉት . . . በቃኝን የሚያውቅ ,
ማነው የተከበረ ሰው . . . ሰውን የሚያከብር ,
ማነው ቶሎ ነገር የሚገባው ? ቢሉት . . . በትዕግስት ሰውን የሚያደምጥ ሰው።

በዓሉ ግርማ~ ክፈት / አስተያየት ይስጡ

2022-07-19 20:47:11 በቲፎዞ የሰከረ ማንነት!

ቻርልስ ብሎንዲን (Charles Blondin) በቀጭን ገመድ ላይ በመራመድ የታወቀ ፈረንሳዊ ነው፡፡ በዘመኑ እጅግ ዝነኛ የነበረው ይህ ሰው ከአንድ ግዙፍ ህንጻ ወደሌላኛው ህንጻ በተዘረጋ ቀጭን ገመድ ላይ በመራመድ ተመልካቹን ትንፋሽ በማሳጠር የታወቀ ሰው ነው፡፡ በቀጭን ገመድ ላይ ከተራመደባቸው የከፍታ ስፍራዎች አንዱ በአሜሪካና በካናዳ ጠረፍ ላይ በሚገኘው ናያግራ ፏፏቴ (Niagara Falls) ከፍታ ላይ ያደረገው ይደነቅለታል፡፡ ከአሜሪካ ግዛት እስከ ካናዳ ግዛት የፏፏቴው ጥጎች የተዘረጋውን ቀጭን ገመድ በመራመድ ከተሻገረ በኋላ እንደገና ወደ አሜሪካው ግዛት በገመዱ ላይ ሲመለስ የሚመለከተው ህዝብ ስለእርሱ ጭንቅ ይዞት ነበር፡፡ የሕዝቡ ጩኸት ቀልጧል፡፡ “አንተን የሚያክል የለም፣ ጀግና ነህ … ” አሉት፡፡

ሁሉም ሰው ከተረጋጋ በኋላና ሕዝቡን ካመሰገነ በኋላ አንድ ጥያቄ ጠየቃቸው፣ “በእርግጥም ጎበዝ እንደሆንኩ ታምናላችሁ?” አላቸው፡፡ ሕዝቡ በአንድ ድምጽ፣ “አንተ የምታደርገውን ሊያደርግ የሚችል ፈጽሞ አይገኝም፤ ምንም ነገር ማድረግ ትችላለህ” በማለት አረጋገጡለት፡፡ “ይህን ያህል ካመናችሁብኝ ከእናንተ መካከል በትከሻዬ ላይ ተሸክሜው እንደገና በዚህ ቀጭን ገመድ ላይ እንድራመድ ፈቃደኛ የሆነ ሰው ማን ነው?” አለ፡፡ ሕዝቡ በጸጥታ ተሞላ፡፡ አንድም ሰው ፈቃደኛ ሊሆን አልፈለገም፡፡

ብሎንዲን ወደ አንድ የቅርብ ወዳጁ ዘወር በማለት ፈቃደኝነቱን ጠየቀው፡፡ ይህ ወዳጁ ከፍታን እጅግ የሚፈራ ሰው ነው፡፡ ትንሽ የወላወለው ይህ ወዳጁ በመጨረሻ ተስማማና ትከሻው ላይ ሆኖ ያንን አስፈሪ ከፍታ አብረው ተሻገሩ፡፡ ይህ የቀጭን ገመድ ተራማጅ አድናቂዎቹ ብዙዎች፣ አጋሩ ግን አንድ ሰው ብቻ እንደ ነበር የተገለጠለትና ከደጋፊ ብዛት ከተጠናወተው ስካር ሰከን ያለው ያን ጊዜ ነው፡፡

የሰው ልጅ የሚሰክረው በአልኮል መጠጥ ብቻ አይደለም፡፡ የሰው ልጅ በስኬት፣ በገንዘብ ብዛትና በመሳሰሉት ጊዜያዊ ነገሮች ሊሰክር ይችላል፡፡ ከዚህ የከፋው የስካር አይነት ግን ከጀርባው የሚደግፈው ቲፎዞ የበዛ ሲመስለውና “ጀግና” የሚለው ሰው ሲበራከት ራሱን የመግዛት ብቃት ከሌለው የሚሰክረው ስካር ነው፡፡ በዚህ ጊዜ ነው ልክ አንድ በመጠጥ ተጽእኖ ስር ወድቆ የሰከረ ሰው የሚያደርገውን እንደማያውቅ ሁሉ በመደነቅ ተጽእኖ ስር ወድቆ የሰከረ ሰውም ማመዛዘን የሚሳነው፡፡

አጭር ምክር …
• ያደነቀን ሁሉ አብሮን የሚዘልቅ አጋር እንዳይመስለን፡፡ ዛሬ “ሆ” ያለን ሰው ሁሉ ነገ ሕይወት የየራሱን የቤት ስራ (Assignment) ሲሰጠው ከእኛ ዘወር ሊል የሚችልበት አጋጣሚ ሊፈጠር ይችላል፡፡

• ወደዚህ አለም የመጣነው ብቻችንን ነው፣ የምንሰናበተውም ብቻችንን ነው … በመካከሉ ግን በዚህ ምድር ላይ ባለን ቆይታ ለብቻችን ስንሆን የሚሞግት ህሊና ከፈጣሪ ተሰጥቶናል ሕሊናችንን ብናደምጠው ይበጀናል፡፡

• ከደጋፊዎችና ከአድናቂዎች ብዛት የተጠናወተን ስካር አንድ ቀን በረድ እንደሚል አንርሳ፡፡ ያን ጊዜ የምንነጋገረው ከእውነት ጋር ነው፡፡ እውነት በመጀመሪያ ስትመክር ለስላሳ ነች፣ ካልሰማናት ግን በኋላ ስትፈርድ ጨካኝ ነች፡፡

• ከአእላፋት ደጋፊዎች ኃይል ይልቅ የአንዲት እውነት ጉልበት እንደምትበረታና እንደምታሸንፍ እናስታውስና ዛሬውኑ በሰከነ አእምሮ ከእውነት ጋር እንስማ ክፈት / አስተያየት ይስጡ

2022-07-17 02:21:44 እድሜ መሄዱ ካልቀረ!

አንድ የ30 አመት ጎልማሳ ብዙ ከወላወለ በኋላ እድሜ ልኩን ሲመኘው የነበረን የምህንድስና ትምህርት ለመማር ለምዝገባ ወደ አንድ ኮሌጅ ሄደ፡፡ ቢሮ እንደገባ የተማሪዎች አማካሪ አገኘውና ሲያማክረው፣ “በመማርና ባለመማር መካከል ብዙ ወላውያለው” አለው፡፡

አማካሪው ምክንያቱን ሲጠይቀው፣ “አሁን 30 አመቴ ነው፡፡ ስመረቅ እኮ 35 ሊሆነኝ ነው” በማለት የመወላወሉን መነሻ ምክንያት ነገረው፡፡
አማካሪው የመለሰለት መልስ ለአንዴና ለመጨረሻ ጊዜ ወደ ትምህርት ገፋው፡፡ “የዛሬ አምስት አመት እኮ ብትማርም ሆነ ባትማር 35 አመት መሙላትህ አይቀርም፡፡ ሳትማር 35 አመት ከሚሞላህ፣ ተምረህ ቢሞላህ አይሻልም?”

እስቲ አንድ ጊዜ ጸጥ በሉና ስንት እድሜ ላይ እናዳላችሁ አስቡት፡፡ ከዚያም በአሁኑ እድሜያች ላይ አምስት አመት ደምሩበት፡፡ ድምሩ ስንት መጣ?

በሉ እንግዲህ . . .

• ብትማሩም ሆነ ባትማሩም የዛሬ አምስት አመት እድሜያችሁ በአምስት አመት መጨመሩ አይቀርም! ሳትማሩ ከሚጨምር፣ እየተማራችሁ ቢጨምር አይሻልም?

• ብትነግዱም ሆነ ባትነግዱም የዛሬ አምስት አመት እድሜያችሁ በአምስት አመት መጨመሩ አይቀርም! ሳትነግዱ ከሚጨምር፣ እየነገዳችሁ ቢጨምር አይሻልም?

• ብታቅዱም ሆነ ባታቅዱም የዛሬ አምስት አመት እድሜያችሁ በአምስት አመት መጨመሩ አይቀርም! ሳተቅዱ ከሚጨምር፣ አቅዳችሁና ተንቀሳቅሳችሁ ቢጨምር አይሻልም?

በእድሜ ምክንያት ከመንቀሳቀስ ራስን ማገድ ማለት፣ ነገ መሞቴ ካልቀረ ዛሬውኑ መኖርን ላቁምና እንደሞተ ሰው ልኑር እንደማለት ነው፡፡
በሉ ተንቀሳቀሱ !!!

መልካም ቀን! ክፈት / አስተያየት ይስጡ

2022-07-16 16:08:18 የ70 ዓመቱ አዛውንት ከቡሌሆራ ዩኒቨርሲቲ በሁለተኛ ዲግሪ ተመረቁ

የ70 ዓመቱ አዛውንት አቶ ዓሊ ሳፋ ከቡሌሆራ ዩኒቨርሲቲ በማርኬቲንግ ማኔጅመንት በሁለተኛ ዲግሪ ተመረቁ።

የዩኒቨርሲቲው የ9ኛ ዙር ተመራቂዎች ልዩ ተሸላሚ ሆነዋል።

“የእድሜዬ መግፋት ከትምህርት ፍላጎቴ አላስቀረኝም” ያሉት አቶ ዓሊ ሳፋ፤ ስምንት ልጆችና አራት የልጅ ልጆች አያት መሆናቸውን ለኢዜአ ገልጸዋል።

የመጀመሪያ ዲግሪያቸውን ከ35 አመት በፊት እንዳገኙ ያስታወሱት አዛውንቱ፤ ለትምህርት ባላቸው ፍቅር የተነሳ የዕድሜያቸው መግፋት ሳይገድባቸው በ70 ዓመታቸው ዛሬ የሁለተኛ ዲግሪያቸውን ለመቀበል መብቃታቸውን ገልጸዋል።

ልጆችን በማሳደግና በማስተማር ሃላፊነት የተነሳ ከሚወዱት ትምህርት ለዓመታት ርቀው ቢቆዩም ትምህርት ዕድሜ አይገድበውም እንዲሉ ሁኔታዎች በተመቻቹላቸው ጊዜ ለመማር ሳይሰንፉ የመጀመሪያ ዲግሪያቸውን ከተቀበሉ ከ35 ዓመታት በኋላ ሁለተኛ ዲግሪያቸውን ለመያዝ በቅተዋል።

በኦሮሚያ ክልል ምዕራብ ጉጂ ዞን የተለያዩ ወረዳዎች ውስጥ በሙያቸው አገራቸውን ያገለገሉት አዛውንቱ አቶ አሊ በጡረታ ላይ ቢሆኑም ትምህርት ቤት ለመሄድ ያገዳቸው ነገር የለም።

በመሆኑም ቡሌሆራ ዩኒቨርሲቲ በመግባት ዕውቀት ገብይተው በማርኬቲንግ ማኔጅመት በሁለተኛ ዲግሪ ተመርቀዋል።

“ትምህርት ለዚህች ዓለም ችግሮች መፍቻ መሆኑን የሚናገሩት አቶ ዓሊ ሳፋ እውቀት እድሜ አይገደበውም” ብለዋል ሲል ኢዜአ ዘግቧል::

በተለይ ልጆች እንዲማሩ ከመገፋፋት ጎን ለጎን ተምሮ አረአያ መሆን ትውልድ ለመቅረጽ ወሳኝ እንደሆነ በመግለጽ ምክራቸውን ለግሰዋል:: ክፈት / አስተያየት ይስጡ

2022-07-09 12:34:48 ኢትዮጵያ የፎሬንሲክ ዲ ኤን ኤ ምርመራን በሀገር ውስጥ ተግባራዊ ማድረግ ጀመረች።

የፎሬንሲክ ዲ ኤን ኤ ምርመራ ላብራቶሪ በኢትዮጵያ ፖሊስ ሆስፒታል ሥራውን ዛሬ የጀመረ ሲሆን ላብራቶሪው እጅግ ዘመናዊና ዓለም የደረሰበትን ቴክኖሎጂ የሚጠቀም መሆኑ ተገልጿል።

የኢትዮጵያ ፌዴራል ፖሊስ ኮሚሽነር ጀነራል ደመላሽ ገብረ ሚካኤል በዚሁ ወቅት እንዳሉት የዲ ኤን ኤ ፎሬንሲክ የምርመራ ላብራቶሪው በሀገር ውስጥ ሥራ መጀመሩ የፍትህ ሥርዓቱ ላይ ተጨባጭ ለውጥ ለማምጣት ሚናው የላቀ ነው።

የፖሊስ የምርመራ አቅምን በይበልጥ ለማሳደግ እንደሚያስችል የገለጹት ኮሚሽነሩ ከዚህ ቀደም በውጭ ሀገር ለዲ ኤን ኤ ምርመራ የሚወጣውን ከፍተኛ ወጪ የሚያስቀር እንደሆነም መናገራቸውን ኢዜአ ዘግቧል።

@ ክፈት / አስተያየት ይስጡ

2022-06-29 20:47:10 የሬቢስ በሽታ ምንድን ነው?

- በተለምዶ የእብድ ውሻ በሽታ (Rabies) የምንለው ሬቢስ በሚባል ቫይረስ አማካኝነት የሚመጣ ከእንስሳት ወደ የሰዉ ልጅ የሚተላለፍ በሽታ ነው።

- የእብድ ውሻ በሽታ የተባለበት ምክንያት በአበዛኛው የቫይረሱ ተሸካሚዎች በአካባቢያችን የሚገኙ ውሾች በመሆናቸው ነው። ከዚህ በተጨማሪ የለሊት ወፍ ፣ ፈረስ ፣ ላም ፣ የቫይረሱ ተሸካሚ ሊሆኑ ይችላሉ።

- ከዉሻ ጋር ተያይዞ የሚመጣ የሬቢስ በሽታ በአብዛኛው ታዳጊ ሀገራትን የሚያጠቃ ሲሆን በተለይ ህጻናት ለጆችን ስለበሽታው እና ከትባቱ በቂ ግንዛቤ በሌላቸው የሀገራችን ክፍሎች ላይ በብዛት ይስተዋላል።

መተላለፊያ መንገዶች ምንድን ናቸው?

- በቫይረሱ ከተጠቁ እንስሳት በተለይ ከውሾች ወደ የሰው ልጅ በንክሻ ወይም በመቧጨር ከአፉቸው በሚወጣ ፈሳሽ (saliva) በቀጥታ ቆዳን ዘልቆ የሚገባ ከሆነ ወይም በሰወነታችን ትኩስ ቁስል (fresh skin wounds) ካለ ሊተላለፍ ይችላል።

- በተለይ የተነከስነው ወይም የተቧጨርነው አንገት እነ ከአንገት በላይ ከሆነ ቫየረሱ በፍጥነት ወደ ማእከላዊ የነርቭ ስርአት (central nervous system) ቅርብ ስለሆነ በፍጥነት ወደ አንጎል (brain) በመድረስ ለሞት ሊዳርገን ይችላል።

- የሬቢስ በሽታ theroetically ከቫይረሱ ተሸካሚ ሰው ወደ ሰው በንክሻ ይተላለፋል ተብሎ ይታሰባል።

ምልክቶቹስ ምንድን ናቸው?

-አንድ ሰው በቫይረሱ ከተጋለጠ በዃላ ምልክት እስከሚያሳይ (incubation period) ከ3ሳምንት እስከ 3 ወር ሊቆይ ይችላል።

- ምልክት የሚያሳዩ ሰዎች የተነከሰበት ቦታ ለይ መጠዝጠዝ አና መደንዘዝ ፣ ትኩሳት ፣ እራስ ምታት ፣ ማቅለሽለሽ ፣ ማስመለስ ፣ ጡንቻ አካባቢ የህመም ስሜት ፣ ፍራቻ ፣ ከመጠን በላይ ምራቅ መኖር ፣ ለመዋጥ መቸገር ፣ ቅዠት ፣ ግራ መጋባት ፣ ዉሃን መፍራት (hydrophobia) ፣ እንቅልፍ ማጣት ፣ የከፉ ደረጃ ሲደርስም ለኮማ ከዛም ለሞት ሊዳረግ ይችላል።

- ምልክቶቹን ማሳየት የጀመረ ሰው የመዳን አድሉ እጅግ በጣም ጠባብ ነው።

እንዴት መከላከል አነችላለን?

- የቤትም ሆነ የዱር እንስሳ ካለን ማስከተብ
-ሌላው መርሳት የሌለብን ነገር ክትባቱን ባልተከተቡ እንስሳት ከተነክሰን ወይም ጥርጣሬ እንኳን ቢኖርብን ግዜ ሳንሰጥ ወዲያውኑ የህክምና ባለሙያ በማማከር የተጋላጭነት ክትባቱን (post exposure prohpylaxis) መዉሰድ አለብን።

ህክምናውስ?

- የሬቢስ በሽታ ይሄ ነው ሚባል ህክምና የለውም። ምክነያቱም የሬቢስ ቫይረስ ሰውታችን ውስጥ ከገባ እራሱን ስለሚደብቅ በጸረ ቫይረስ (Anti viral) አንኳን መዳን አይችልም።

- ስለዚህ ማንኛውም አይነት ቁስል በሰውነታችን ለይ ካለ በአግባቡ መታከም እና ተጋላጭ ከሆንን ጊዜ ሳነሰጥ የህክምና ቦታ በመሄድ ከትባቱን መከተብ ብቸኛ አማራጮች ናቸው።

- በአጠቃላይ የሬቢስ በሽታ ችላ የማይባል ለህልፈት የሚዳርግ በሽታ ነው።

ጤና ይብዛሎ
Dr. Ermias Mamo

via: HakimEthio ክፈት / አስተያየት ይስጡ

2022-06-24 00:13:10 ኢንተርኔትን መሰረት ያደረጉ የማጭበርበርና የማታለል ድርጊቶች በከፍተኛ ሁኔታ እየጨመሩ መምጣታቸውን በቅርቡ የወጡ ጥናቶች አሳይተዋል። ለምሳሌ ከሳምንት በፊት ‘PIXM’ የተባለ የሳይበር ደህንነት ተቋም ያወጣው የጥናት ሪፖርት ባለፉት ዘጠኝ ወራት ብቻ 8.5 ሚሊዮን የፌስቡክ ተጠቃሚዎች የማጭበርበርና የማታለል ድርጊቶች ሰለባ መሆናቸውን ይፋ አድርጓል።

አብዛኛዎቹ የማጭበርበር ድርጊቶች የተፈጸሙት በፌስቡክ ሜሴንጀር በሚደረጉት የማግባባት ሽንገላዎችና በሚላኩ ማስፈንጠሪያዎች (links) አማካኝነት መሆኑንም ጥናቱ አስነብቧል።

በርከት ያሉ የኢት የማጭበርበርና የማታለል ሙከራ ሊደረገባቸው እንደሆነ ሲጠረጥሩ የድርጊቱን ፈጻሚዎች የላኩላቸውን ማስፈንጠሪያ በማያያዝ እንድናጣራላቸው በተደጋጋሚ ጥያቄዎች ያቀርቡልናል።

ለማጭበርበርና ለማታለል የሚላኩ ማስፈንጠሪያዎችን ደህንነትና ታማኝነት በሁለት መንገዶች ማጣራት ይቻላል። የመጀመሪያው ማስፈንጠሪያውን በሚገባ ማስተዋል ነው። በዚህም በማስፈጠሪያው ላይ የተጻፉትን ቃላት፣ ቁጥሮች እንዲሁም ምልክቶች ስለ ድረ-ገጹ ደህንነትና ታማኝነት ፍንጭ ሊሰጡን ስለሚችሉ በሚገባ ማስተዋል ይጠበቅብናል።

ሌላኛው የማስፈንጠሪያውን ደህንነትና ታማኝነት የሚያጣሩ መገልገያዎችን መጠቀም ነው። ጎግል ትራንስፓረንሲ ሪፖርት (Google Transparency Report)፣ ኖርቶን ሴፍ ዌብ (Norton Safe Web) እና ፊሽታንክ (PhishTank) ማስፈንጠሪያዎችን ለማጣራት ከሚረዱ መገልገያዎች መካከል ይጠቀሳሉ።

1. Google Transparency Report: ይህ በጎግል አማካኝነት የቀረበ መገልገያ አጠራጣሪ ማስፈንጠሪያዎችን ለማጣራት ያግዛል። በመገልገያው ለመጠቀም የ Google Transparency Report ድረ-ገጽን ይክፈቱ፤ ከዚያም የማስፈንጠሪያውን URL በመፈልጊያ ቦታው ላይ ያስገቡና ‘Search’ የሚለውን ይጫኑ። ከሰከንዶች በኃላ ስለማስፈንጠሪያው ተዓማኝነት ጎግል መረጃ ይሰጥወታል። https://transparencyreport.google.com/safe-browsing/search?hl=en

2. Norton Safe Web: ይህ መገልገያ የማስፈንጠሪያዎችን ደህንነት እንዲሁም ታማኝነት ለማወቅ ይረዳል። በመገልገያው ለመጠቀም የNorton Safe Web ድረገጽን ይክፈቱ፤ ከዚያም የማስፈንጠሪያውን URL በመፈልጊያ ቦታው ላይ ያስገቡና ‘Search’ የሚለውን ይጫኑ። ከቆይታ በኃላ መገልገያው የማስፈንጠሪያውን ደህንነትና ተዓማኝነት መርምሮ ደረጃውን ይነግርዎታል። በተጨማሪም ሌሎች የማስፈንጠሪያው ተጠቃሚዎች የሰጡትን ምስክርነት ያስነብብዎታል። https://safeweb.norton.com/

3. PhishTank: ይህ መገልገያ ማስፈንጠሪያዎች ወደ አጭበርባሪዎችና አታላዮች ማምራት ወይም አለማምራታቸውን ለማጣራት ይረዳል። በመገልገያው ለመጠቀም የ PhishTank ድረገጽን ይክፈቱ፤ ከዚያም የማስፈንጠሪያውን URL በመፈልጊያ ቦታው ላይ ያስገቡና ‘Search’ የሚለውን ይጫኑ። በውጤቱም ያስገቡት ማስፈንጠሪያ ወደ አጭበርባሪዎች የሚወስድ ስለመሆኑ መረጃ ያገኛሉ። https://www.phishtank.com/

በኢሜል፣ በቴሌሌግራም፣ በዋትስአፕ፣ በሜሴንጀር እና በሌሎች ኢንተርኔትን መሰረት ባደረጉ መገናኛ ዘዴዎች የሚደርሱን አጠራጣሪ ማስፈንጠሪያዎች ለአጭበርባሪዎች፣ ለአታላዮች እንዲሁም ለመረጃ መንታፊዎች ሊያጋልጡን ስለሚችሉ ክሊክ ከማድረጋችን በፊት ስለደህንነታቸውና ታማኝነታቸው እናጣራ። ክፈት / አስተያየት ይስጡ