2023-07-22 22:46:27
ይድረስ ለራያ አለማጣ ሰለፍዮች!!
«የአለማጣ ጀግኖች»
----------------------------------------
በተውሒድ በሱና የመጠቀ አእምሮ፡
ከቁርዐን ከሀዲስ መረጃን አጣምሮ፡
ነፍሱን የሸጠ ሰው ህልሙን አሳምሮ፡
መቼ ይጨነቃል ለዱንያ ማደሮ፡
ወኔ እየጨመረ ይበልጥ ይበረታል፡
በቢድዐ ጩኸት ሱና እንደት ይረታል!!
ጠንክር አንተ ጀግና ተነስ ወኔህ የታል!!?
----------------------------------------
ተውሒድን አስተምር ተነስ ተንቀሳቀስ፡
በአሏህ ተመካ ተራመድ ቀስ በቀስ፡
አናሳ ነኝ ብለህ ቁጥርህን አትናቀው፡
በብዛት አይደለም ጀግና እሚታወቀው፡
በዱር በገደሉ ህዝብህን አስተምር፡
በጌታህ ተመካ ተንቀሳቀስ የምር፡
------------------------------------------
በሞቀ ሞራል ላይ ቅዝቃዜ አትገሽር፡
እውቀት ላይ አተኩር አታብዛ ሽርሽር፡
ስልጣኔ መስሎህ አድስ ፊትና አትሞሽር፡
የነብያት ጥሪ ይህ መንሐጅ ነው አብሽር፡
ሽርክና ቢዲዐ በሚመራት ሀገር፡
ከወንድሞችህ ጋር ፀንተህ ተነጋገር፡
በስክነት ተወያይ በጥልቀት ተማከር፡
ለፊትና አካላቶች እንዳትሆን አሽከር፡
ተውሒድ ላይ አተኩር ሱና ላይ ተሽከርከር፡
------------------------------------------------
ተውሒድን ማስተማር ይሁን ያንተ አላማህ፡
በኢብራሒም ፈለግ ተውሒድ የተጠማህ፡
ከጠማማወች ጋር እንዳይገኝ ፊርማህ፡
የሽርክን ዲሪቶ የጥመትን ካስማ፡
ከማንም ከምንም ከሁሉም አትስማ፡
-------------------------------------------
ትንፋሽክን ሊዘጉት ቢያስቡም እንደ አስም፡
ለሀቁ ጥሪያችን በየዘመናቱ ቢያወጡለት ስም፡
ሒዝብያ ቢንጫጫም ደዕዋውን ሊያከስም፡
እኛ እያለንማ የነብያት ጥሪ ደዕዋችን አይፈርስም፡
እያለ ሳይሰለች ብቻውን ሲታገል፡
የአለማጣው ነብር ያ!የራያው ግልገል፡
የሽርክን ቁሳቁስ ሰበረው እንደ ገል፡
----------------------------------------
በርታ ጀግናዬ ሆይ......!!
ተናበብ በእምነትህ በሱና ተጣመር፡
አሶብያን ትተህ በደሊል ተመርመር፡
ሽርክና ቢዲያን በጋራ እንዋጋ፡
እናጥፋው ከሀገር ይህን ክፉ አደጋ፡
አንተም እኔን ናፍቀኝ እኔም አንተን ላስብ፡
ወደ ተውሒድ ጥሪ ህዝቡን እንሰብስብ፡
ከዚያም በምንችለው ለሱና እንከስብ፡
--------------------------------------------
ጠላቱ ቢበዛም ሁሉም ቢጠራራ፡
በተውሒዱ ቁሟል ገዝፎ እንደ ተራራ፡
ስር እየሰደደ ጫፉ እያንሰራራ፡
----------------------------------------
የጀግንነት መክሊት አንደበተ-ቆራጥ፡
ላመኑበት ጉዳይ ተሰኪ እንደ ሚዝራጥ፡
የአለማጣ ጀግኖች ሲሰማ ዝናቸው፡
እጅግ መንሀጅ ወዳድ#ሰለፍዮች ናቸው፡
------------------------------------------------
አክሱም ሙስሊሞች ላይ በሚደርሰው በደል፡
በኔና አንተ ድክመት በኛው ስራ እማይደል!?
እንጅማ ብንተጋ በጣምራ ብንቆም፡
አይደፍሩንም ነበር እንኳን ጣት መጠቆም፡
--------------------------------------------------
በርቱ የኔ አንበሶች ፅናት ላይ አሁንም፡
እኛ ኢስላምን ይዘን የበታች አንሆንም፡
ዛሬ ጠላታችን የተጫወተብን፡
አህባሽም በቀድሯ የምትደነፉብን፡
መስማማት ተሰኖን ስንናከስ ሲያዩን፡
ከመካከል ገቡ እጅግ ሊያለያዩን፡
-----------------------------------------
ስለዚህ ጀግናዬ የአለማጣ ወጣት፡
ሽርክና ቢዲዐን አትሸፋፍን ቅንጣት፡
በምላስ ተናገር በፅሁፍም ደስኩር፡
ተሽከርከር በፍጥነት እንደ መንኮራኩር፡
በአለማጣ ወጣት በብዙ ተስፋ አለኝ፡
ዛሬ አልዘረዝርም ለምን እንዳትለኝ!!
-----------------------------------------------
ሳላይ የወደድኩህ በተውሒድህ ጥራት፡
በአቂዳ የፀዳህ ጌታን ከማጋራት፡
አንተ ነህ ሱንዩ የጨለማው መብራት፡
ኢንሻ-አሏህ ደግሞ መጥተን ስናያችሁ፡
በተውሒድ በሱና እጂጉን ደምቃችሁ፡
የሱናውን ወጥመድ ለአህባሽ አጥምዳችሁ፡
በአሏህ እገዛ ድል አስመዝግባችሁ፡
በድምቀት በደስታ ታሳዩናላችሁ!?
------------------------------------------
በመንሀጀ-ሰለፍ ተጓዥ ክንውኖች፡
የተውሒድ ሰባኪ የምድር ድሮኖች፡
በርቱ ተበራቱ የአለማጣ ጀግኖች፡
------------------------------------------
ከደካማው ወንድማችሁ
ኑረዲን አል አረቢ የተጫረች
------------------------------------------
https://t.me/nuredinal_arebi
https://t.me/nuredinal_arebi
3.3K viewsedited 19:46