2023-04-20 09:47:39
ዘካተል ፊጥርን በገንዘብ?
~
1- ዘካተል ፊጥርን የሚመለከቱ መረጃዎች በሙሉ በእህል መስጠትን የሚመለከቱ ናቸው። እዚህ ላይ እውነታው ግልፅ ስለሆነ መረጃ መዘርዘር አይጠበቅብኝም፡፡ በዘመኑ የወርቅና የብር መገበያያዎች የነበሩ ከመሆኑ ጋር በገንዘብ መስጠትን የሚጠቁም #ቀጥተኛ ማስረጃ ግን አንድ እንኳን የለም። አመክኗዊ ትንታኔ እንጂ ማንም በዚህ ላይ አንድ እንኳ #ቀጥተኛ መረጃ መጥቀስ አይችልም።
2- ጉዳዩ በዑለማእ መካከል የሃሳብ ልዩነት የተንፀባረቀበት ቢሆንም ልቅ በሆነ መልኩ በገንዘብ መስጠት ይቻላል ያሉት ግን በጣም ጥቂቶች ናቸው። "በገንዘብ መስጠት አያብቃቃም (ግዴታውን አያወርድም)" ያሉት ግን ብዙ ናቸው።
3- ኢብኑ ተይሚያ - ረሒመሁላህ - አንገብጋቢ ሁኔታ ሲኖር ብቻ በገንዘብ መስጠት ይቻላል ማለታቸው የሚታወቅ ነው። ይህንን ንግግራቸውን ከልክ በላይ ለጥጦ በደፈናው በዚህ ዘመን የሚሻለው በገንዘብ መስጠት ነው የሚል ልቅ የሆነ አዋጅ ማወጅ የኢብኑ ተይሚያን ንግግር መሸከም ከሚችለው ያለፈ መልእክት ማሸከም ነው። በዚህ ዘመን እህሉ ቢሰጣቸው ለመጠቀም የሚቸገሩ ችግረኞች ቢያጋጥሙም እህሉ የሚያስፈልጋቸው የበለጡ ድሃዎች አሉ። ልክ በዚህ ዘመን እህል መጠቀም የቀረ እያስመሰሉ ማቅረብ ጤነኛ አካሄድ አይደለም።
4- ማጠቃለያ
ለምታወጡት ዘካተል ፊጥር ጥንቃቄ ለምታደርጉ ሁሉ!
ራሳችሁን ኺላፍ ውስጥ አታስገቡ። ያውም እንዲህ አይነት ከአመክኖ በዘለለ ይሄ ነው የሚባል መረጃ የማይደግፈው ሆድ የማያስነፋ ኺላፍ በሩቅ መሆን ነው የሚሻለው። የዘካተል ፊጥርን መቃሲድ ዛሬም በዱቄት፣ ... ሰጥቶ ማሳካት ይቻላል።
ልብ አድርጉ! በእህል ብታወጡ፡
* ማንም ደፍሮ "ዘካችሁ ተቀባይነት የለውም" ማለት አይችልም።
* ከነብያችን ሶለላሁ ዐለይሂ ወሰለም ከተላለፉ ሐዲሦችም ከሶሐቦች ፈለጎችም ጋር መቶ ለመቶ ገጥማችኋል።
በእህል ሳይሆን በገንዘብ ብታወጡ ግን ዘካችሁ ብዙሃን ዑለማዎች ዘንድ ተቀባይነት የሌለው አፈፃፀም ነው። ግዴታ የሆነውን ዒባዳ ለእንዲህ አይነት ሁኔታ ከምታጋልጡ ይልቅ በትክክል በመፈፀም ከኺላፍ ቀጠና ብትርቁ የተሻለ ነው።
=
የቴሌግራም ቻናል :-
https://t.me/IbnuMunewor
525 views06:47
ش
