Harun Media - ሀሩን ሚዲያ

የፌዴራል መጅሊሱ ልዑካን ቡድን አባላት የደቡብ ክልል ከፍተኛ ባለስልጣናት ጋር በሀድያ ጥቃት ዙሪያ ውይይት አደረጉ
...
ሀሩን ሚዲያ፥ ጥር 8/2015
...
የፌዴራል መጅሊሱ ልዑካን ቡድን አባላት የደቡብ ክልል ከፍተኛ ባለስልጣናት ጋር በሀድያ ጥቃት ዙሪያ ውይይት አደረጉ። በውይይታቸው የደቡብ ክልል ርዕሰ መስተዳድር የመልካም አስተዳደር ዳይሬስክቶሬት ዳይሬክተር ከሆኑት አቶ አብርሀም አለሙ ጋር ውይይት ያደረጉ ሲሆን ከዛም በተጨማሪ የክልሉ ሰላምና ጸጥታ ቢሮ ምክትል ኃላፊ አቶ ተመስገን ጋር ውይይት ማድረጋቸውን ለማወቅ ተችሏል።
...
በውይይቱ ከተነሱ ቁልፍ ነጥቦች መካከል በዞኑ ተፈጥሮ የነበረውን ጥቃት በዝርዝር ያሳወቁ ሲሆን ያለውን ችግር በክልል ደረጃ ልዑካን ቡድን ተቋቁሞ እንደሚፈታም መግባባት ላይ ተደርሷል። የተነገራቸው መረጃ "ግጭት" የሚል እንደነበረ ገልጸው ጉዳዩን ግን ቦታው ድረስ መጣራት የሚያስፈልገው መሆኑን መተማመን ላይ ደርሰዋል። ኮሚቴው በቀጣይ ጉዳት የደረሰበትን ጭንጎ ወረዳ እንደሚጎበኙ ለሀሩን ሚዲያ ገልጸውልናል።
...
ሀሩን ሚዲያ
___________
በቴሌግራም፥ https://t.me/harunmedia
በዩቲዩብ ፥ http://bit.ly/3MXs17j

የፌዴራል መጅሊስ ልዑካን ቡድን በወራቤ ኮምፕርሄንሲቭ ሆስፒታል ተገኝተው ተጎጂዎችን ጎበኙ
...
ሀሩን ሚዲያ፥ ጥር 7/2015
...
የፌዴራል መጅሊስ ልዑካን ቡድን በወራቤ ኮምፕርሄንሲቭ ሆስፒታል ተገኝተው ተጎጂዎችን ጎበኙ። በጉብኝቱ ወቅት ጽንፈኛ የአክፍሮተ ሀይል አካላት ያደረሱትን ጉዳት ከጎጂዎቹ አንደበት የሰሙ ሲሆን የተጎጂዎችን ሙሉ ወጭ መጅሊሱ በመሸፈን እንደሚያሳክምም ቃል ገብተዋል።
...
ከዚህም በተጨማሪ ጉዳዩን ከክልል እስከ ቀበሌ ዘንድ ጭምር በመሄድ እንደሚከታተሉና አጥፊዎቹ ተገቢውን ህጋዊ ቅጣት እንዲያገኙ ግፊት እንደሚያደርጉ አጽንኦት ሰጥተው ገልጸውላቸዋል። የጉዳት መጠኑን ለማጥናትም በሆስፒታሉ የሚሰሩ የህክምና ባለሙያዎች ጋር ስብሰባ በማድረግ መረጃዎችን ያዋቀሩ ሲሆን ተጎጂዎችን በተመለከተ የሚመለከተው የመንግስት አካል መጥቶ ያሉበትን ሁኔታ አለማየቱን አረጋግጠዋል።
...
ሀሩን ሚዲያ
___________
በቴሌግራም፥ https://t.me/harunmedia
በዩቲዩብ ፥ http://bit.ly/3MXs17j

በኡስታዝ አብዱልመጂድ ሁሴን (ረሂመላህ) አስተባባሪነት ተጀምሮ የነበረው በሰሜን ወሎ ዞን ጉባላፍቶ ወረዳ ድሃ ወዲህ መስጂደል አንዋር ግንባታ ማስጨረሻ የገቢ ማሰባሰቢያ ፕሮግራም እየተካሄደ ይገኛል።
...
ሀሩን ሚዲያ፥ ጥር 7/2015
...
በኡስታዝ አብዱልመጂድ ሁሴን (ረሂመላህ) አስተባባሪነት ተጀምሮ የነበረው በሰሜን ወሎ ዞን ጉባላፍቶ ወረዳ ድሃ ወዲህ መስጂደል አንዋር ግንባታ ማስጨረሻ የገቢ ማሰባሰቢያ ፕሮግራም እየተካሄደ ይገኛል።
...
በፕሮግራሙ ላይ ኡስታዝ ሙሀመድ ፈረጅ ፣ ኡስታዝ ሙሀመድ አባተ የሰሜን ወሎ ዞን እና ወልዲያ ከተማ አዲሱ የመጅሊስ አመራሮች ፣ሀጂ ያሲን እና ሀጂ ሲራጅ እንዲሁም የወልዲያ ከተማ ህዝበ ሙስሊም ተገኝተዋል። ግንባታው በኮሮና እና በጦርነት ምክንያት የተስተጓጎለ ሲሆን የመስጂዱ ኪሚቴና የአካባቢው ተወላጆች ግንባታውን ለማስጨረስ ጥረት ጀምረዋል። የዚህ አጅር ተካፋይ መሆን ለሚፈልጉ በሚከተሉት አካውንቶች ድጋፍ ማድረግ እንደሚችሉ ተገልጿል።
...
ንግድ ባንክ - 1000518796554
አዋሽ ባንክ - 013201077043800
ዘምዘም ባንክ - 0019647420101
ኦሮምያ ባንክ - 1547136200001
...
ሙሉ መሰናዶውን ሀሩን ሚዲያ ወደናንተ የሚያደርስ ይሆናል።
ሀሩን ሚዲያ
___
በቴሌግራም፥ https://t.me/harunmedia
በዩቲዩብ ፥ http://bit.ly/3MXs17j

በዶክተር አብዱልአዚዝ ሳርሃን የተመራ የዓለም ዓቀፉ ሙስሊሞች ሊግ ልዑክ የታላቁ አንዋር መስጂድን አሁናዊ ሁኔታን ጎበኙ
...
ሀሩን ሚዲያ፥ ጥር 5/2015
...
በዶክተር አብዱልአዚዝ ሳርሃን የተመራ የዓለም ዓቀፉ ሙስሊሞች ሊግ ልዑክ ከኢትዮጵያ እስልምና ጠቅላይ ምክር ቤት ፕሬዚዳንት ከሼይኽ ሐጂ ኢብራሒም ቱፋ ጋር በመሆን የታላቁ አንዋር መስጂድ አሁናዊ ሁኔታን ጎብኝተዋል። የታላቁ አንዋር መስጂድና ኻጢብ በሆኑት በሼኽ ጧሐ ሙሐመድ ሀሩንም የታላቁ አንዋር መስጂድን ታሪክና አሁናዊ ሁኔታን ለልዑኩ ገለፃ አድርገዋል።
...
ልዑኩ በታላቁ አንዋር መስጂድ በመገኘት መስጂዱን የጎበኙ ሲሆን የጁምዓ ሰላትም ከህዝበ ሙስሊሙ ጋር በመሆን በጋራ ሰግደዋል። ዶክተር አብዱልአዚዝ ሳርሃንም በታላቁ አንዋር መስጂድ የጁምዓ ሰላት ከጀምዓው ጋር የመስገድ እድል ስላገኙ የተሰማቸውን ደስታ ገልፀዋል። የአለም አቀፍ ሙስሊሞች ሊግ ልዑካን በኢትዮጵያ የጀመሩትን የስራ ጉብኘት በሌላ መርሃ ግብርም የሚቀጥሉ ይሆናል።
...
መረጃው የኢ/እስ/ጉ/ጠ/ም/ቤት ነው።
...
ሀሩን ሚዲያ
___________
በቴሌግራም፥ https://t.me/harunmedia
በዩቲዩብ ፥ http://bit.ly/3MXs17j

ሀሩን ሚዲያ በሀድያ ዞን በመገኘት ከሰሞኑ በሙስሊሞች ላይ የተደረገውን ጥቃት በማስመልከት ተጎጂዎችን አነጋገረ
...
ሀሩን ሚዲያ፥ ጥር 3/2015
...
➭ በወራቤ ኮምፕርሄንሲቭ ሆስፒታል በመገኘትም ጉዳት የደረሰባቸውን ሙስሊሞች አናግሯል
...
ሀሩን ሚዲያ በሀድያ ዞን በመገኘት ከሰሞኑ በሙስሊሞች ላይ የተደረገውን ጥቃት በማስመልከት ተጎጂዎችን አነጋገረ። ጽንፈኛ በሆኑ የአክፍሮተ ሀይላት አማካኝነት በገዛ ቀያቸው ድብደባና እንግልት የደረሰባቸው ሙስሊሞች አሁን ላይ ያሉበትን ሁኔታ በተመለከተ ዘገባ ሰርቷል። በአሁኑ ሰአት 30 የሚጠጉ ሰዎች ጉዳት ደርሶባቸው ህክምና እየተደረገላቸው ሲሆን 7ቱ የከፋ ጉዳት ላይ እንደሚገኙ ለማወቅ ተችሏል።
...
የሀድያ ዞን ሙስሊሞችን በትምህርት ቤት ህግጋት ዙሪያ ጫና ከመፍጠር ጀምሮ እስከ መሠረታዊ የአኗኗር ህይወታቸው ላይ እምነታቸውን መሠረት ያደረገ ከፍተኛ በደል ሲደርስባቸው መቆየቱን የአካባቢው ነዋሪዎች ገልጸውልናል። ከሰሞኑ የገና በአልን አስታከው አካባቢው ላይ የተቀናጀ ጥቃት በመክፈት ጉዳት ያደረሱት እነዚህ አካላት በዋናነት የዞኑን አስተዳደር የተመኩ ግለሰቦች እንደሆኑ ጨምረው ገልጸውልናል። በዚህ ተግባር ውስጥ የተሳተፉ ጽንፈኛ ግለሰቦች እስከአሁን ድረስ ለህግ ያልቀረቡ ሲሆን ነዋሪዎች በዞኑ ለመኖር በእምነታቸው ምክንያት ከፍተኛ ስጋት ውስጥ መውደቃቸውን ገልጸዋል። የሚመለከተው የህግ አካል እንዲሁም መጅሊሱ ያሉበትን ሁኔታ ተረድቶ በቂ ትኩረት እንዲሰጣቸውም ተማጽነዋል።
...
ሀሩን ሚዲያ ከተጎጂ የአካባቢው ነዋሪዎች ጋር ያደረገውን ቆይታ በአሏህ (ሱ.ወ) ፍቃድ ወደናንተ የምናደርስ ይሆናል።
..
ሀሩን ሚዲያ
___
በቴሌግራም፥ https://t.me/harunmedia
በዩቲዩብ ፥ http://bit.ly/3MXs17j