EthioipaNews

የጠ/ሚ አብይ አህመድ " የመደመር ትውልድ" መጽሃፍ የማስተዋወቂያ መርሐ ግብር ላይ ከ609 ሚሊየን ብር በላይ ተሰበሰበ!!!

ትናንት ምሽት በኦሮሚያ ክልል ደረጃ በተደረገ የመደመር ትውልድ መጽሃፍ የማስተዋወቂያ መርሐ ግብር ላይ ከ609 ሚሊየን ብር በላይ ገቢ ተሰብስቧል፡፡

የመደመር ትውልድ መጽሃፍ በኦሮሚያ ክልል ደረጃ የማስተዋወቅ እና ገቢ የማሰባሰቢያ መርሐ ግብር የተካሄደው በገቢው የሶፍ ዑመር ዋሻ ልማት እና የቱሪስት መዳረሻ ቦታውን ምቹ ለማድረግ በማለም ነው።

በማስተዋወቂያ መርሐ ግብሩ ላይ የኦሮሚያ ክልል ርዕሰ መስተዳድር ሽመልስ አብዲሳን ጨምሮ የተለያዩ የክልሉ ከፍተኛ የመንግስት የስራ ሃላፊዎች፣ አባገዳዎች፣ የሃይማኖት አባቶች፣ የተለያዩ ሀገራት አምባሳደሮች፣ ዲፕሎማቶች፣ ባለሃብቶች እና የተለያዩ የህብረተሰብ ክፍሎች ተገኝተዋል።

ስነ-ስርዓቱ በአባ ገዳዎች ምርቃት ተጀምሮ ፥ የመጽሃፉን ይዘት በተመለከተ አጠር ያለ ዳሰሳ በመምህርና ተመራማሪ ዶ/ር ዮሴፍ ቤኮ እና ዶ/ር ታደሰ ሌንጮ ተደርጓል። መጽሃፉን የተለያዩ ባለሃብቶች እና ተቋማት በከፍተኛ ገንዘብ በመግዛት የጠቅላይ ሚኒስትር ዐቢይ አሕመድ ፊርማ ያረፈበትን መጽሃፍ ከክልሉ ርዕሰ መስተዳድር እጅ ተቀብለዋል።

በዚህም በአጠቃላይ 609 ሚሊየን 220 ሺህ ብር ቃል መገባቱ ነው የተገለጸው፡፡

በስነ-ስርዓቱ መዝጊያ ላይ ንግግር ያደረጉት አቶ ሽመልስ አብዲሳ ፥ ˝ይህ መጽሃፍ የጠራ አስተሳሰብ ያለው ትውልድ በመገንባት ኢትየጵያን ወደ ብልፅግና መንገድ የሚመራና የያዘችውን መንገድ ለማስቀጠል የሚያግዝ ነው’’ ብለዋል።

በመርሐ ግብሩ የወደፊት የሶፍ ዑመር ዋሻ አጠቃላይ ገፅታ ንድፍ በክልሉ የቱሪዝም ኮሚሽን ምክትል ኮሚሽነር ነጋ ወዳጆ ለታዳሚው ቀርቧል።

@EthioipaNews

በረከት ገበሬዋ በሚል ስም የምትታወቀው ባለሀብት የጠቅላይ ሚኒስትር ዐቢይ አሕመድ "የመደመር ትውልድ"መጽሀፍን በ50 ሺህ ዩሮ ገዝታለች!!

በኢፌዲሪ ጠቅላይ ሚኒስትር ዐቢይ አሕመድ የተጻፈውን "የመደመር ትውልድ" መጽሀፍ በኦሮሚያ ክልል ደረጃ የማስተዋወቂያ መርሀ ግብር ትናንት ማምሻውን በአዲስ አበባ እየተከናወነ ነው።

በመርሀግብሩ ላይ የተገኘችው በረከት ገበሬዋ በሚል ስም የምትታወቀውና በግብርና ላይ የተሰማራችው ባለሀብት በረከት ወርቁ መጽሀፉን በ50 ሺህ ዩሮ በመግዛት ዓላማውን ደግፋለች።

በረከት ለኢፕድ በሰጠችው አስተያየት፤ እንደተናገረችው፤ በጠቅላይ ሚንስትር ዐቢይ አሕመድ አማካኝነት የተፃፈው የመደመር ትውልድ መፅሐፍ ሽያጭ የሚውልበትን አላማ መደገፍ ምርጫ ሳይሆን ግዴታ ነው ብላለች። ሁሉም ኢትዮጵያዊ በሚችለው መጠን ለመፅሀፉ አስተዋጽኦ ማበርከት ይገባዋል ያለችው በረከት ትውልድን የሚያቀራርብ ፍቅርን የሚያጎለብት ነውና ይህን መርዳት ምርጫ ሳይሆን ግዴታ ነው ብላለች።

ጠቅላይ ሚንስትሩ በዚህ ከባድ ጊዜ ይህን መጽሀፍ እያሳተሙ ለበጎ ተግባር ስለሚያውሉ ረጅም እድሜ ከጤና ጋር እመኝላቸዋለሁ ያለችው በረከት፤ በየክልሉ ያሉ ድጋፍ ለሚያስፈልጋቸው ስፍራዎች ስለሚውል መጽሀፉን መግዛት አማራጭ የሌለው መልካም ስራ መሆኑንም አክላለች።

(ኢፕድ)
@EthioipaNews

አዲሱ የዓባይ ድልድይ የመገጣጠሚያ ሙሌት ሥራ ትናንት ምሽት ተጠናቀቀ።

በባሕር ዳር ከተማ እየተገነባ የሚገኘው አዲሱ የዓባይ ወንዝ ድልድይ ግንባታ ፕሮጀክት በሁለቱም አቅጣጫ ሲካሄድ የነበረው ወንዙ መካከል ላይ የመገጣጠሚያ ሙሊት ትናንት ምሽት ተጠናቋል።

ፕሮጄክቱ 94 ነጥብ 15 በመቶ የተጠናቀቀ ሲሆን ሰኔ 30 ላይ ለትራፊክ ክፍት ይሆናል ተብሏል። የድልድዩ ግንባታ ሲጠናቀቅ በአንድ ጊዜ ስድስት መኪኖችን ማሳለፍ የሚያስችልም ነው።

@EthioipaNews