EthioipaNews

"ዜጎችን በአገራቸው ባይተዋርና ስደተኛ የሚያደርግ ነዉ"

በአዲስ አበባ ዙሪያ አዲስ በተመሰረተው የሸገር ከተማ እየተካሄደ ባለዉ ቤት የማፍረስ ዘመቻ ከሰብዓዊነት ያፈነገጡ ተግባራት እየተፈጸሙ እንደሚገኙ ተገለፀ!!

በቅርቡ በተመሰረተውና ተጠሪነቱ ለኦሮሚያ ክልላዊ መንግሥት ነው በተባለው ሸገር ከተማ ስር በተካተቱ ሰበታ፣ ቡራዩ፣ ለገጣፎ ለገዳዲ፣ ሱሉልታ እና ገላን በተባሉ አከባቢዎች ዜጎች ለአመታት የኖሩባቸው መኖሪያ ቤታቸው ፈርሶባቸው ሜዳ ላይ መውደቃቸውን ቅሬታቸውን ተናግረዋል።

በሺዎች የሚቆጠሩ ቤቶች በሳምንት ውስጥ መፍረሳቸን የሚናገሩት ቅሬታ አቅራቢዎቹ ለአመታት ያፈሩት ሃብትና ንብረት በደቂቃዎች ውስጥ ወደ አፈርነት ከመቀየሩም ባለፈ ያልተገቡ ድብደባና ማዋከቦች እየተፈጸመባቸው እንደሚገኝ አስረድተዋል።መድረሻ ያጡ ዜጎችም በመስጊድ፣ በቤተክርስቲያን እና በሜዳ ላይ ተጠልለው እንደሚገኙ ነው የሚገልጹት።

በአዲስአበባ ዙሪያ አዲስ በተመሰረተው የሸገር ከተማ እየተካሄደ ያለዉ ቤት የማፍረስ ዘመቻ ከሰብዓዊነት ባፈለገጠ መልኩ መቀጠሉን የኢትዮጵያ ህዝብ እንባ ጠባቂ ተቋም ዋና እምባ ጠባቂ ዶ/ር እንዳለ ኃይሌ ተናግረዋል።

“ሲሆን አገራት ለዜጎቻቸው ቤት ሰርተው ይሠጣሉ” የሚሉት ዋና የህዝብ ዕንባ ጠባቂው ዜጎች ጥሪታቸውን አሟጠው የሠሩትን ቤት ያለበቂ ካሳና መጠለያ በማናለብኝነት ማፍረስ ከመንግስት የሚጠበቅ ተግባር አለመሆኑን ተናግረዋል።

እየተካሄደ ያለዉ ቤት የማፍረስ ዘመቻ ዜጎችን በአገራቸው ባይተዋርና ስደተኛ የሚያደርግ ነዉ ብለዋል። በሂደቱም ከገበሬ የተገዙና ካርታ ከሌላቸው ውጪ ካርታ ያላቸውን ህጋዊ ቤቶች ጭምር እየፈረሱ መሆናቸው ለዚህ ማሳያ ነው ብለዋል።

ሼር ያድርጉ!
@EthioipaNews

የ12 አመት ህፃን ልጅ ላይ የጋብቻ ስነስረዓት በፈፀመ የ28 አመት ዲያቆን ጌታቸው ላይ የ1 ዓመት ከ8 ወር የእስራት ቅጣት ተወሰነበት ።

በምስራቅ ጎጃም ዞን በግንደወይን ከተማ አስተዳደር የ12 አመት ህፃን ልጅ ላይ የጋብቻ ስነስረዓት በፈፀመ የ28 አመት ወጣት ላይ የ1ዓመት ከ8ወር የእስራት ቅጣት የተወሰነበት መሆኑን ፋስት መረጃ ከጎንቻ ሲሶ እነሴ ወረዳ ፍትህ ጽ/ቤት ያገኘው መረጃ ያመለክታል።

ተከሳሽ ዲያቆን ጌታቸው አለልኝ አግባብ ባለው የቤተሰብ ህግ ከተፈቀደው ውጭ ለአካለ መጠን ያልደረሰች ልጅ ለማግባት በማሰብ ጥር 6 ቀን 2015 ዓ.ም በግምት ከሌሊቱ 11፡0ዐ ሲሆን በግ / ወይን ከተማ አስተዳደር ዐ1ቀበሌ ልዩ ቦታው አርሴማ ቤተክርስቲያን ውስጥ የግል ተበዳይ የ12 ዓመት ህፃንን በተክሊል ጋብቻ ወይም በሀማኖት ስርዓት ያገባት በመሆኑ ተከሳሽ በፈፀመው ለአካለ መጠን ያልደረሰችን ልጅ ማግባት ወንጀል ዓ/ህግ የሰውና ጋብቻው ሲፈፀም የሚያሳይ የፎቶ ማስረጃ በማያያዝ ክስ መስርቶ ተከሳሽም የዓ/ህግ ክስ በችሎት ተሰጥቶት የዓ /ህግ ክስ በችሎት ተነቦለት ክሱን እንዲረዳው ከተደረገ በኋላ ወንጀሉን መፈፀሙን አምኖ ነገር ግን ህፃናትን ማግባት በቤተክርስቲያ ህግ የተፈቀደ ነው ወንጀል አይደለም በማለት ተከራክሮ ፍ/ቤቱም የህግ ምስክሮችን ሰምቶ በወ/መ/ስ/ስ/ህ/ ቁ113/2 / መሠረት ፍ/ቤቱ ወደ ወንጀል ህግ አንቀጽ 648 /ሀ/በመቀየር እንዲከላከል ቢጠይቀውም ተከሳሽ ግን የመከላከያ ምስክር አቅርቦ የአቃቢ ህግን ማስረጃዎች ባለማስተባበሉ በቀን 13/6/2015 ዓ.ም በዋለው ችሎት ተከሳሹን እና ሌላውን የህብረተሰብ ክፍል ያስተምራል ተብሎ የታሰበውን የአንድ ዓመት ከስምንት ወር ቅጣት ውሳኔ ተላልፎበታል ፡፡

ሼር ያድርጉ!
@EthioipaNews

ፑቲን ከአሜሪካ ጋር የነበራቸውን የኒውክሌር ስምምነት ማቋረጣቸውን አስታወቁ፡፡

ፕሬዝዳንት ቭላድሚር ፑቲን እንዳሉት በአሁኑ ሰዓት ሀገራቸው ከአሜሪካ ጋር የኒውክሌር ጦር መሳሪያን በተመለከተ የነበራትን ስምምነት ማክበር አይጠበቅባትም ብለዋል፡፡

ፕሬዝዳንቱ በሞስኮ ባደረጉት ረጅም ንግግር፣ የአሜሪካው ፕሬዝዳንት ጆ ባይደን ወደ ኪየቭ ያደረጉትን ያልተጠበቀ ጉብኝት ጨምሮ በበርካታ ከፍተኛ ዲፕሎማሲያዊ እንቅስቃሴዎች ላይ ማብራራያ ሰጥተዋል፡፡
በማብራሪያቸውም ጦርነቱ የተቀሰቀሰው እና የተስፋፋው "አሜሪካ እና አጋሮቿ የኃይል ጥማት ስላለባቸው ነው" በማለት ምዕራባውያኑን ወቅሰዋል፡፡

የአሜሪካው ፕሬዝዳንት ጆ ባይድን በዚህ ሰዓት  ከኔቶ ምስራቃዊ  አጋሮች ጋር ለመመካከር ፖላንድ ይገኛሉ።
የአልጀዚራ ዘገባ እንደሚያሳየው ከሆነ የሩሲያ -ዩክሬን ጦርነት ከተጀመረ ወዲህ ቢያንስ 8ሺህ ንፁሃን ዜጎች ተገድለዋል፡፡

@EthioipaNews

መምህር ምህረተአብን ጨምሮ ሌሎችም በእነ ፌቨን ክስ ስር የተካተቱት እንዲሁም ጋዜጠኛ ዮሴፍ ከተማ በዛሬው እለት ከእስር ተፈተዋል።


በኢትዮጵያ ኦርቶዶክስ ተዋሕዶ ቤተ ክርስቲያን በተፈጠረው ወቅታዊ ችግር ምክንያት ከጉዳዩ ጋር ምንም ግንኙነት የሌላቸውን በቤተ ክርስቲያኗ በመምህርነት የሚያገለግሉ ሰባኬ ወንጌላውያንን ጨምሮ የማኅበራት ተወካዮችን እንዲሁም የችግሩን እውነታ በተለያዩ ማኅበራዊ ድረ ገጾች የሚናገሩ ኦርቶዶክሳውያን ወጣቶች መታሰራቸው ይታወሳል።

ለአብነትም በእስር ላይ ከሚገኙት መካከል መምህር ምሕረተአብ አሰፋ፣ በኢ/ኦ/ተ/ቤተ ክርስቲያን የወጣቶችና ጎልማሶች ማኅበራት ኅብረት ዋና ሰብሳቢ ወ/ሪ ፌቨን ዘሪሁን እና ሌሎችም መታሰራቸው ይታወሳል። በተጨማሪም ዲ/ን ዮሴፍ ከተማ (ጋዜጠኛ እና ደራሲ) በጸጥታ ኃይሎች ተወስዶ መታሰሩ ይታወሳል።

በዛሬው እለትም መምህር ምህረተአብን ጨምሮ ሌሎችም በእነ ፌቨን ክስ ስር የተካተቱት እንዲሁም ጋዜጠኛ ዮሴፍ ከተማ ከእስር ተፈተዋል።

@EthioipaNews