2023-04-28 08:08:17
*** ሁሉም ነገር እንዲኖርህ ትፈልጋለህ? ***
ሁሉም ነገር ሊኖርህ ይችላል፤ ይሁንና ሁሉም ነገር በአንድጊዜ ማግኘት አትችልም። -Oprah Winfrey
እያንዳንዱን የህይወትህን ክፍል ሙሉ ለሙሉ ለማስተካከል ሁሉንም እንደገና ለመጀመር አስበህ ታውቃለህ? ይህ ብዙዎቻችን ዘመን መለወጫ በመጣ ቁጥር የምናደርገው ነገር ነው።
አዲስ የአኗኗር ዘይቤን ለማዳበር እና የተሻለ ሰው ለመሆን በርካታ ውሳኔዎችን እንወስናለን። ለምሳሌ አመጋገባችንን ማሻሻል፣ ጤናችንን መጠበቅ፣ ስፖርት መስራት፣ ገቢን ለማሳደግ የሚያስችሉ ዕቅዶችን መንደፍ፣ ቁጠባን መጀመር፣ ፍቅር መጀመር ወይም የነበረንን ይበልጥ ማጠንከር ወዘተ. ዕቅዶችን እናወጣለን።
ይሄ ሁሉ መልካም ነገር ነው። ይሁን እንጂ ይህንን ለውጥ በህይወታችን ዕውን ለማድረግ ጽናትን፣ ትዕግስት እና ከፍተኛ ጥንካሬን ይዞ ለረጅም ጊዜ መዝለቅን ይጠይቃል። የብዙዎቻችን ፈተናም የሚመጣው ለዚህ ነው። ፍላጎቶቻችን ሲበዙ ከየት እንደምንጀምር ግራ ይገባናል፤ ሁሉንም ይዞ መጓዝም ይከብደናል።
ወዳጄ ሆይ አንተ ግን ብልጥ መሆን አለብህ። የምትፈልገው ነገር ብዙ ቢሆንም!... እንደምታገኘው እርግጠኛ ብትሆንም!... ሁሉንም በአንድ ጊዜ ማሳካት ሊከብድህ ስለሚችል ይበልጥ የምትፈልገው ላይ ትኩረትህን በማድረግ ደረጃ በደረጃ አንዱን እያሳካህ ወደሌላኛው ብትሄድ ነገሩ ሁሉ ቀላል ይሆንልሃል።
ስኬታማ እና የተባረከ ቀን ይሁንላችሁ!
58 viewsTefera Muluneh, 05:08