ቦሌ ኮሚዩኒኬሽን/Bole Communication

“የመተባበርና አብሮ የመኖር እሴቶችን ማጠናከር
ለጋራ ዕድገትና ብልጽግና!”
የቦሌ ክፍለ ከተማ ምክር ቤት ለጌርጌሴኖን የአዕምሮ ሕሙማን መርጃ እና ማገገሚያ ማዕከል የተለያዩ ድጋፎችን አበረከተ፡፡
የምክር ቤቱ የተመራጭ ትስስር አደረጃጀት እና የሴቶች ኮከስ በጋራ በመሆን ለማዕከሉ ያበረከቱት ድጋፍ አልባሳት፣ አንሶላና ብርድ ልብስ፣ ዱቄት እና የንጽሕና መጠበቂያ ምርቶችን ያካተተ ሲሆን፣ ምክር ቤቱ ከዚህ ቀደምም ለማዕከሉ የተለያዩ ድጋፎችን ማድረጉን ያወሱት የቦሌ ክፍለ ከተማ ምክር ቤት ምክትል አፈ ጉባኤ ወ/ሮ ፋጡማ አሕመድ፣ የመተባበርና አብሮ የመኖር እሴቶችን ለማጠናከር እንደዚህ ዓይነት ድጋፎች ሚናቸው ከፍተኛ መሆኑን ተናግረዋል፡፡ ድጋፎች በዓላትና ልዩ ልዩ አጋጣሚዎችን በመጠበቅ ብቻ ሳይሆን የኅብረተሰቡን ችግሮች በማጥናትና በመለየት ሊደረጉ እንደሚገባ ያመለከቱት ምክትል አፈ ጉባኤዋ፣ ምክር ቤቱ ወደፊትም አቅም በፈቀደ መጠን መሰል ድጋፍ ማድረጉን እንደሚቀጥል አክለው ገልጸዋል፡፡
ጥር 25/2015