ቦሌ ኮሚዩኒኬሽን/Bole Communication

በቦሌ ክፍለ ከተማ በሚገኙ ወረዳዎች እየተካሄደ የሚገኘው ሳምንታዊ የማስ ስፖርት እንቅስቃሴ በወረዳ 4 እና 7 ተካሄደ፡፡

“አዲስ አበባ የኅብረ ብሔራዊነት፣ የሰላምና የፍቅር ከተማ” ሚል መሪ ቃል በተካሄደው በዚህ የማስ ስፖርት እንቅስቃሴ ላይ የየወረዳዎቹ ነዋሪዎችና አመራሮች የተሳተፉ ሲሆን፣በመርሐ ግብሩ ማጠቃለያ ላይ የቀጣዩ ሳምንት የማስ ስፖርት መርሐ ግብር አስተናጋጅ የሆነው ወረዳ 1 ዋንጫውን ተረክቧል፡፡

ታኅሳስ 23/2015

በቦሌ ክፍለ ከተማ የመማር ማስተማር ሂደቱን ሰላማዊ ለማድረግ ከመምህራን ጋር አጠቃላይ መግባባት መደረሱ ተገለጸ፡፡

የቦሌ ክፍለ ከተማ አስተዳደር አመራሮች በክፍለ ከተማው በሚገኙ ትምህርት ቤቶች የተካሄዱ ውይይቶችን በተመለከተ ባካሄዱት ግምገማ ላይ እንደተገለጸው በየትምህርት ቤቶቹ በተደረጉ ውይይቶች በቅርቡ በአንዳንድ ትምህርት ቤቶች በተፈጠረው ችግር በመማር ማስተማር ሂደቱ ያጋጠሙ ተግዳሮቶችን በተመለከተ እንዲሁም ሰላማዊ የመማር ማስተማር ሂደቱ እንዲቀጥል መደረግ ባለባቸው ጉዳዮች ዙሪያ ገለፃና ምክክር የተደረገ ሲሆን፣ ከውይይቶቹ በኋላም የመማር ማስተማር እንቅስቃሴው ሰላማዊ እንዲሆንና ትምህርት ቤቶችም ሰላማዊ የትምህርት ሥራ እንዲያከናውኑ ለማስቻል ከመግባባት ላይ መደረሱ ተመልክቷል፡፡

ታኅሳስ 18/2015

በቦሌ ክፍለ ከተማ በከተማ ግብርና ላይ የተሠማሩ ነዋሪዎች ተጠቃሚነታቸው እያደገ ነው።

በወረዳ 11 በጓሮ አትክልት ልማት እና በንብ ማነብ የተሠማሩ ነዋሪዎች በማኅበር ተደራጅተው ሥራቸውን በማሳደግ ውጤታማ ለመሆን መቻላቸውን ለመመልከት የተቻለ ሲሆን፣ አስፈላጊ መሠረተ ልማቶች ከተሟሉላቸው ሥራቸውን የበለጠ ለማስፋፋት ማቀዳቸውን ተናግረዋል። የማኅበሩ አባላት የሆኑት አቶ ወንዱ ጌታቸው እና አቶ አበበ ዳዲ በንብ ማነብ ሥራ ላይ በመሠማራት ከአንድ ቀፎ በዓመት 20 ኪሎ ግራም ማር በማምረት ላይ መሆናቸውን ተናግረዋል። በጓሮ አትክልት ልማት በመስኖ በመጠቀም ጎመን፣ ቆስጣ እና ሌሎች አትክልቶችን በማምረት ላይ እንደሚገኙ የተናገሩት አባላቱ፣ የገበያ ችግር እንዳላጋጠማቸውና ምርታቸውን ለአካባቢው ነዋሪዎችና ወደ አካባቢው ለሚመጡ ሰዎች በመሸጥ ተጠቃሚ መሆናቸውን በመግለጽ ከራሳቸው በተጨማሪ ከ20 በላይ ለሆኑ ሰዎች የሥራ ዕድል ለመፍጠር መቻላቸውን አክለው አስታውቀዋል። የማዳበሪያ አቅርቦት እና የነዳጅ እጥረትና የኤሌክትሪክ መሠረተ ልማት አለመኖር ችግር እንደፈጠረባቸው አባላቱ ገልጸው፣ እነዚህ ችግሮች ከተፈቱ ምርታቸውን ከማሳደግ ባለፈ የከብት እና የዶሮ እርባታንም ለመጨመር እንዲሁም በአካባቢው ያለውን የተፈጥሮ ፍልውሃ በመጠቀም የጀመሩትን የመዝናኛ ሪዞርት ሥራ ለማስፋት ማቀዳቸውን አመልክተዋል።

ታኅሳስ 18/2015