ውዳሴ ማርያም/wdasemaryam

2022-08-31 07:26:27 ክፈት / አስተያየት ይስጡ

2022-08-30 06:46:38 ተክለ ሐይማኖት ኢትዮጵያ ሀገርህን አትተዋት


ክፈት / አስተያየት ይስጡ

2022-08-29 09:32:57 #መልከአ ቅዱስ ጊዮርጊስ።

1፤ ለፅንሰትከ ወለልደትከ:-ቅዱስ ጊዮርጊስ ሆይ፤ በአምላካችን በኢየሱስ ክርስቶስ በዓለ መስቀልና በክብር እመቤታችን ድንግል ማርያም ክብረ በዓል ዕለት ለገጠማቸው ክቡር ፅንሰትህና ቡሩክ ልደትህ ሰላም እላለሁ።

ጊዮርጊስ ሆይ ጨካኝና ቁጡ በሆነው በዱድያኖስ አደባባይ ልዩ ልዩ ተአምራትን እንደማድረግህ። በጠዋት በማታ በከንቱ ነገር የሚነሳሱብኝ ጠላቶቼ ሁሉ እንድ አመድ በነው እንደ ጢስ ተነው ይጥፉ።

2፤ ለዝክረ ስምከ።

ጊዮርጊስ ሆይ ለስም አጠራርህና ለተቆላዘመው ለተለሸለሸው የራስ ፀጉርህ ሰላም እላለሁ ብሩህ ወጽዱል ለሆነው ፊትህና ርእስህም ሰላም እላለሁ። ተአምርኛው ሰማዕት ሆይ

አምላካዊ ሥልጣነ ኃይል የተጎናጸፍነህና። የማዳንክን መስቀል በርሴ ላይ አቀናጅ። ገድልህ ወንጌልንም በልቦናየ ሠሌዳ ላይ ጻፍ።

3፤ ለቀራንብቲከ።

ጊዮርጊስ ሆይ ዱፉላት ለሆኑት ቀራንብቶችህና ብሩሃት ለሚሆኑ አዕይንቶችህ ሰላም እላለሁ። የሮማን ከፋይ ለመሰሉት ጉንጮችህና አዕዛኖችህም ሰላም እላለሁ።

ቅዱስ ጊዮርጊስ ሆይ፤ የሰማዕታት ሁሉ አለቃ፤ እንደመሆንህ ቀድሞ ሰባዓ ነገሥታትን እንደደመሰስካቸው ነበልባላዊ በምትሆን ጸሎትህ ጠላቶቼን ደምስሳቸው።

4፤ ለአእናፊከ።

ጊዮርጊስ ሆይ፤ እንደ ቀይ ሐር ፈትል (ኩብ) ለሚመስሉት ከናፍርህና አዕንፎችህም ሰላም እላለሁ። እንዲሁም ለፅዕድዋን አስናኖችህና አፍህ ሰላም እላለሁ።

ተአምረኛው ሰማዕት ሆይ፤ ቀድሞ የቢፉሞንን ልጅ ከስዕበተ ኅጢአት ሰውቱነን እንደቀደስከው መንግሥተ ሰማያትን ለመውረስ ዕበቃ ዘንድ፤ ሰውነቴን በፍጽም መቀደስ ቀድሰው ከኃጢአት ርኳሰት ንጽህ አድርገኝ።

5 ለልሳንከ

ጊዮርጊስ ሆይ፤ የምስጋና አውታረ መዝሙር ለሆኑት ቃልህና አንደበትህ ሰላመ እላለሁ። የምስጋና ቁርባን ለሚነገርባቸው ጉረሮህና እስትንፋስህም ሰላም እላለሁ።

ተአምር ሠሪው ሰማዕት ሆይ፤ ሙታንን የማንሣት ሥልጣን ተሰጥቶሃልና። አቤቱ ቢሩታዊትን ከአፈ ዘንዶ እንደ አዳንካት እኔንም ከዕለት እኪት ከዘመን መንሱት በጸሎትህ አድነኝ።

6፤ ለክሣድከ።

ጊዮርጊስ ሆይ፤ የመቆረጥና የመመተር ፍርድ ሰተፈረደባቸው መታክፎቶችህና ክሣድህ ሰላም እላለሁ ለተገረፈው ዘባንህና ለተቸነከረው እንግዳዓህም ሰላም እላለሁ።

ኃይሉ ሰማዕት ሆይ፤ እኔን ምስኪኑን አገልጋይህን ከሃይማኖት መራቆት ከምግባር እጦት ታድነኝ ዘንድ እማልድሃለሁ። ልብሱ ተጋድሎህን በበጉ (በክርስቶስ) ደም አጥበህ ከአልውያን ቀማኞች ከከሐድያን ወንበዴዎች ጠብቀህ ክብረ ልብስህን በከብር ለመልበስ በቅተሃልና።

7፤ ለሕፅንከ።

ጊዮርጊስ ሆይ ዓሥራወ አዕዳውህን ለሚያንቀሳቅሰው ወርችህ ሰላም እላለሁ። ዳግመኛም የተአምራት መምህር ለሆነው ከንድህና እድ ከዉርናዕህ ሰላም እላለሁ።

ተአምር ሠሪው ሰማዕት ሆይ፤ትግልህ ሕይወት ሥነ ተጋድሎህም መድኃኒት ይሆነኝ ዘንድ ፈጽሜ እማልድሃለሁ።

8፤ ልእመትከ።

ጊዮርጊስ ሆይ፤ ልክብርተ ክንድህና ተባባሪዋ ለሆነችው መዳፍህም ሰላም እላለሁ። እንዲሁም ለጣቶችህና እንድ ዕንቍ ፊርጥ ለሚያበሩ የእጆችህም አጽፋር ሰላም እላለሁ።

ተአምር ሠሪው ሰማዕት ሆይ፤ የሰማዕታትና የጭፍሮቻቸው ሁሉ አለቃ ነህና አቤቱ በጥበብህ ከባሕረ ኅዘን አሻግረኝ በባሕር ላይ መሄድ ያልለመድ የባሕርን ጠባይ ሊያውቅ አይችልምና።

9፤ ለገቦከ።

ጊዮርጊስ ሆይ፤ እንደ መስተዋት ለሚያንጸባርቀው ከርስህ ሰላም እላለሁ። ዳግመኛም እንድ ብርሌ ጽሩይ ለሆነው ልቦናህና ለመንትዮች ከ፤ ልያቶችህ ሰላም እላለሁ።

አባቴ ጊዮርጊስ ሆይ፤ በሕያው ክርስቶስ ሕያው ነህና አፈሩ ሳሩ ቅጠሉ የመዓዛው ሽታ ልቡናን ወደሚመስጠው አገርህ በአምባላይ ፈረስህ አፈናጠህ ትወስደኝ ዘንድ እማልድሃለሁ።

10፤ለኅሊናከ።

ጊዮርጊስ ሆይ፤ ለውሳጣዊ ገንዘቦችህና ሃሳቦችህም ሁሉ ከቶ ችሎታ ሣይኖረኝ ደፍሬ ሰላም እላለሁ።

ተአምር ሠሪው ሰማዕት ሆይ፤ አዲሱን የወይን ድርሰት በማከታተል አጠጣኝ የኖረ የወይን ጠጅ በኔ ዘንድ አለና እኔም እኮ አዲሱን የምስጋና ውይን ጠጅ አቀርብሃለሁ።

11፤ ለሐቌከ።

ቅዱስ ጊዮርጊስ ሆይ፤ ለተከበሩት አቍያጾችህና ጽኑዕ ለሆነው ወገብህ ሰላም እላለሁ። ከሁለቱ አእጋሮችህም ጋር ለአብራኮችህ ሰላም እላለሁ።

ተአምር ሠሪው ሰማአዕት ሆይ፤ የምክርና የጥበብ መገኛ ነህና ከዚህ ዓለም የጨለማ ጻዕር ጋር በኃይለ ጸሎትህ ተድላ ደስታ ወዳለበት ወደ ሰማያዊት ጉባዔ አሳርገኝ።

12፤ ለስኳንዊከ።

ቅዱስ ጊዮርጊስ ሆይል፤ ከሁለቱ ተረከዞችህ ጋር ለጫሞችህ ሰላም እላለሁ። እንደከበረ ዕንቍ ለሚያበሩት ለእግር ጽፍሮችህና ጣቶችህም ሰላም እላለሁ።

ተአምር ሠሪው ሰማዕት ሆይ፤ ደቁን ምሰሶ በማለምለም ተአምራትህን ገልጸሃልና። ከጽኑ መከራ በጸሎትህ አድነኝ። ሰውን ለሥድቃይ የሚዳርጉ ረኅብ ቸነፈር ከእሱ ይፈልቃሉና።

13፤ ለቆምክ።

ቅዱስ ጊዮርጊስ ሆይ፤ የዘምባባ በቀልት ለሚመስለው ሥነ ቆምህ ሰላም እላለሁ። እንዲሁም ለሥነ መልክእህና ለፀዓተ ነፍስህ ሰላም እላለሁ።

ተአምር ሠሪው ጊዮርጊስ ሆይ፤ የማስተዋልና የጥበብ መከታ ነህና። ደመና ዝናማትን እንደሚያዘንም ፍጹም የሆነ የሕይወት መንፈስ ከፈጣሪ ዘንድ ላክልኝ።

14 ለግንዘት ሥጋከ።

ቅዱስ ጊዮርጊስ ሆይ፤ መካነ መቃብሩ በልዳ አገር ለሚገኘው ግንዘተ ሥጋህ ሰላም እላለሁ።

ከድንግል ማርያም ፍልሰት ጋር ለሚተባበረው ፍልሰትህም ሰላም እላለሁ።

ተአምር ሠሪው ሰማዕት ሆይ፤ የእልፍ አዕላፍ ጭፍራ ኃይል አለቃ እንደመሆንህ መጠን። ኅብረ መልኳ መስታወት፤ ጠፈሯ መብረቅ ወደ ሆነው ብርሃናዊት አዳራሽህ በረዴትህ ነጥቀህ ወደዚያ አስገባኝ።

15፤ አኮ አኮ።

ቅዱስ ጊዮርጊስ ሆይ፤ መጻሕፍትንና ድርሳናትን በማብዛት ሳይሆን በጥቂት ቃላት ብቻ የአፍ ምስጋና አቀርብልሃለሁ።

ተአምር ሠሪው ሰማዕት ሆይ፤ ፈዋሴ ዱያን እንደመሆንህ ከወፍ በሽታ ፈውሰህ የምታድን ነህና ልመናዬንና ጸሎቴን ዘወትር ቸል ሳትል ስማኝ ከሱ በሺ የሚቆጠሩ ልዩ ልዩ ነገሮች ይተላለፋሉና።

16፤ ሰላም ለከ።

የልዳው ጊዮርጊስ ሆይ፤ ለአንተ ሰላምታ ይገባል። ፈረሰኛው ጊዮርጊስ ሆይ፤ ሰላምታ ይገባሃል።

የተወደደው የልጅዋ የኢየሱስ ክርስቶስና የድንግል ማርያም ዕውነተኛ ምስክር ሆይ፤ ሰላምታ ይገባሃል። የጥበብ መገኛዋ አዳራሽ ሆይ፤ ሰላምታ ላንተ ይገባሃል።

17፤ ሰላም ለከ።

ስለ ኢየሱስ ክርስቶስ ምስክርነት ልዩ ልዩ ሥቃዮችን የታገሥህ ጊዮርጊስ ሆይ ሰላምታ ይገባሃል። ሥጋህ ለዓራት ለስድስት ክፍል የተከፋፈለው ጊዮርጊስ ሆይ፤ ናርዶስ ከሚባል የሽቱ አበባ ይልቅ መዓዛህ ይጥመኛልና ሰላምታ ይገባሃል።

18፤ ሰላም ለከ።

ቅዱስ ጊዮርጊስ ሆይ፤ ጥበብ አሳደገችህ፤ ማደሪያዋም አደረገችህ፤ በተሰጠህም ቃለ አእምሮ በሴትየዋ ያደረገውን ጸላዔ ሠናይ አስወጥትህ ሰደድክ። ጊዮርጊስ ሆይ፤ ስለዚህም ስመ መንታ ተባልክ።

19፤ ሰላም ለከ።

ቅዱስ ጊዮርጊስ ሆይ፤ የመታሰቢያህ ዜና እጅግ ለሚጥመው ፈጽሞም ለሚያምረው ሰላምታ ይገባል። ጼና መዓዛህም ከዱር አበቦች ሽታ ይልቅ የጣፈጠ ነው። ጊዮርጊስ ሆይ ዕንቈ ባሕርይ ነህ እኮን።

20፤ ሰላም ለሀገሩ።

ስለቀናችው ሃይማኖት ነፍስህን አሳልፈህ የሰጠህ ጊዮርጊስ ሆይ፤ ሰላምታ ይገባሃል።

ጊዮርጊስ ሆይ፤ በልዩ ልዩ ቅመም ተቀምሞ ከሚሠራ ሽቶ ይልቅ በብዙ ዋጋ የማይገኝ መዓዛው የጣፈጠ ሽቱ አንተ ነህ።

21፤ሰላም ለከ።

ቅዱስ ጊዮርጊስ ሆይ፤ የዘምባባ በቀልት ለሚመስለው ሥነ ቆምህ ሰላም እላለሁ። ክፈት / አስተያየት ይስጡ

2022-08-29 09:29:21 ክፈት / አስተያየት ይስጡ

2022-08-26 20:59:35 ☞እመቤታች ድንግል ማርያም ሆይ
☞መልካሚቱ ምድር ድንግል ሆይ ከጤነኞችም ይልቅ እኛ ሕሙማን እንሻሸለን፡፡
አንቺ የሕሙማን መድኃኒት ነሽና፡፡፡
☞እመቤታችን ድንግል ማርያም ሆይ ከጻድቃን ይልቅ እኛ ኃጢኣን እንወድሻለን፡፡
ንሥሓ ለሚገቡ ኹሉ አንቺ አማላጃቸው ነሽና፡፡
☞እመቤታችን ድንግል ማርያም ሆይ ከብዑላን ይልቅ እኛ ነዳያን እንወድሻለን፡፡
አንቺ የተቸገሩ መነሻ ነሽና፡፡
☞እመቤታችን ሆይ ከፍሡሓን ይልቅ እኛ ኅዙናን እንወድሻለን የተከዙት ደስ
የምታሰኚ ነሽና፡፡
☞እመቤታችን ሆይ ከክቡራኑም ይልቅ እኛ የተናቅን እንወድሻለን አንቺ ለተናቁ
ሞገሳቸው ነሽና፡፡
☞እመቤታችን ድንግል ማርያም ሆይ ዓለም የሚጠላን እኛ ክርስቲያን
እንወድሻላን አንቺ የተጠሉትንና የተናቁትን የምትወጂ ነሽና፡፡
☞እመቤታችን ቅድስት ድንግል ማርያም ሆይ ንጹሓን የአይደለን እኛ ኃጢአትን
የፈጸምን በደለኞች ልጆችሽ እንወድሻለን በኃጢአት ለተዳደፋ አንቺ
በአማላጅነትሽ የሚነጹ ብሽ ነሽና፡፡
☞ጠቢባን የእይደለን ሰነፎች እኛ እንወድሻለን የሰነፎች ጥበባቸው አንቺ ነሽና፡፡
☞ብርቱዎች የአይደለን እና ደካሞች እንወድሻለን የደካሞች ኃይላቸው አንቺ
ነሽና፡፡
☞የአልጠገብን እኛ ርኁባን ልጆችሽ እንወድሻለን የርኁባን ጥጋብ በረከታቸው
አንቺ ነሽና፡፡
☞እመቤታችን ድንግል ማርያም በመታመን ለለመነሽ ጩኹቱን የምትሰሚ
የማዳን ደጃፋ የይቅርታ በር አንቺ ነሽ፡፡ አሁንም በአማላጅነትሽ አምነው
ለሚጠሩሽ ለሚማጸኑሽ ፈጥነሽ ድረሺ፡፡
☞(ከእመቤታችን ወዳጅ ከአባ ጊዮርጊስ ዘጋስጫ ድርሰት ከሆነው"ዕንዚራ
ስብሐት"ድረሰት የተወሰደው፡፡

https://youtube.com/channel/UCzj1rOCD7-WVTFN7VU8RmZw ክፈት / አስተያየት ይስጡ

2022-08-23 20:24:15 ማርያም ማርያም


ክፈት / አስተያየት ይስጡ

2022-08-22 22:14:49 ማርያም_ስምሽ_ይጣፍጣል
https://youtube.com/shorts/JS23Hm2TXoc?feature=share ክፈት / አስተያየት ይስጡ

2022-08-21 19:51:21 ☞ ነሐሴ 16 እንኳን ለእናታችን ለእመቤታች ለቅድስት ድንግል ማርያም የዕርገቷ በዓል
በሰላም አደረሳችሁ፡፡
☞ሞትን የረገጠ ልጅሽ ካንቺ ጋር ነው
☞ውጦ የሚያስቀርሽ የቱ መቃብር ነው፡፡
☞የዕረገትሽን ዜና ከቶማስ ሰምተናል
☞ትንሻኤሽ እውነት ነው ሰበዝንሽ አይተናል
☞ሞትማ በሞት ተሸንፍል
☞በአንቺ ላይ እንዴት ሀይል ያገኛል፡፡
☞እመቤቴ ቅድስት ድንግል ሆይ መቃብር ክፈቱልኝ መግነዝ ፍቱልኝ ሳይል
የክርስቶስ የትንሣኤው ምሳሌ ለሆነ የሥጋሽ ትንሣኤ ሰላምታ ይገባል፡፡
☞እመቤቴ ቅድስት ድንግል ማርያም ሆይ ሕያው የሆነ ባሕርዩን በውስጧ
ሠውሮ ከሞት ለተነሣባት የክርስቶስ ትንሤኤ መንትያ ለሆነች ትንሣኤ ሥጋሽ
ሰላምታ ይገባል፡፡
☞እመብቴ ቅድስት ድንግል ማርያም ሆይ አንቺን ለሚያመሰግኑ ቅዱሳን ሰዎች
ሁሉ የዕርገታቸው ምሳሌ ለሆነ ዕርገተ ሥጋሽ ሰላምታ ይገባል፡፡ እመቤቴ
ማርያም ሆይ የካህናት አለቃ የተባለ የአሮን የሽቱ ጌጥ አንቺ ነሽ በአንደበታችን
የሚነገረው የምስጋናሽ ፍሬ ሁሉ በውስጥ በውጭ ባለው ልብስሽ ላይ በሥዕል
መልክ ተቀርጾ ይኑር፡፡
☞እመቤቴ ቅድስት ድንግል ማርያም ሆይ እግዚአብሔር ለተዋሐዳትና ሥነ
ሥርዓቷን ለተካፈላት ፍልሰተ ሥጋሽ ሰላምታ ይገባል፡፡
☞እመቤቴ ማርያም ሆይ በፍለስትሽ ጊዜ በምድረ ይሁዳና በኢየሩሳሌም
አደባባይ የተርሴስና የደስያት ነገሥታት ስለ ክብርሽ መዓዛቸው የጣፈጠ ልዩ ልዩ
እጅ መንሻዎችን አቀረቡልሽ ሰገዱልሽም፡፡
☞እመቤቴ ቅድስት ድንግል ማርያም ሆይ ከሴሎ ነቢይ ከኤልያስ ፍልስት ይልቅ
እግዚአብሔር ከፍ ከፍ ላደረገው ፍልሰተ ሥጋሽ ሰላምታ ይገባል፡፡
☞እመቤቴ ቅድስት ድንግል ማርያም ሆይ ከዚህ በፊት የልጅሽ ሥጋ ወደ
ፈለሰበት ወደ አዲሱ የሕይወት ሕንፃ አዳራሽ ለተዛወረው የሥጋሽ ፍልሰት
ሰላምታ ይገባል፡፡
☞እመቤቴ ቅድስት ድንግል ማርያም ሆይ ጥበበኛዋና ሐናፂዋ በሆነ
በእግዚአብሔር ፈቃድ ወደ አማረው ተድላ ደስታ ወደ አለበት ለፈለሰው ፍልሰተ
ሥጋሽ ሰላምታ ይገባል፡፡ እጅግ መሪር ከሆነ ከሞት አገዛዝ እኔን ልጅሽን ነፃ
አውጭኝ የሰማይ የምድር ንግሥት ማርያም ሆይ አንቺ ከፈቀድሽ ኃጥኡን ጻድቅ
ማድረግ ይቻልሻልና፡፡
☞እመቤቴ ቅድስት ድንግል ማርያም ሆይ ሕያዊት ከሆነች ነፍስሽ ጋር በፍጹም
ተዋህዶ ለተከናወነው ፍለሰተ ሥጋሽ ፈጽሞ ሰላምታ ይገባል፡፡
☞እመቤቴ ቅድስት ድንግል ማርያም ሆይ ፈጽሞ ኅዘንና ትካዜን ወደ ማያስቡበት
ደስታ ወደ አለበት ለተጓዘው ፍለሰተ ሥጋሽ ሰላምታ ይገባል፡፡
☞እመቤቴ ቅድስት ድንግል ማርያም ሆይ በምስራቃዊ ተክለ ገነት መካከል
የብርሃን ድንኳኖች ወደ ተተከሉባት ለዐረገ ሥጋሽ ሰላምታ ይገባል፡፡ ድንግል
ማርያም ሆይ በሁሉ አንደበት መመስገን የተገባሽ ሰለሆነ በሰማይ ካሉ
መላእክትና በምድርም ከሚኖሩ ደቂቀ አዳም ሁል ጊዜ ምስጋና ሊቀርብልሽ
ይገባል፡፡
☞እመቤቴ ቅድስት ድንግል ማርያም ሆይ ከፀሐይ ከጨረቃ ስነ ጸዳል ይልቅ
ፈጽሞ ለሚያበራው ፍጹም ምስጋና ለተገባው ፍልሰተ ሥጋሽ ሰላምታ ይገባሻል፡፡
☞ድንግል ማርያም ሆይ ቀናንም የተባለ ሽቱ ነሽ የልዩ ሽቱ ዐይነትም መገኛነሽና
ስለዚህም ብርሃንን ለብሰው የብርሃን ነጸብራቅ ተገናጽፈው የፍልስትሽን በዓል
መላእክት ያከብራሉ፡፡
☞እመቤቴ ቅድስት ድንግል ማርያም ሆይ የጌታ ወዳጅ ከሆነ ያዕቆብ ፍልሰት
ይልቅ ይክብርና ምስጋና ለተሰጠው ፍለሰተ ሥጋሽ ሰላምታ ይገባል፡፡
☞እመቤቴ ቅድስት ድንግል ማርያም ሆይ ክብሩ ለማይጠፋ ባለሟልነቱ
ለማይጎድል የሰዎችን ልብ ደስ ለሚያሰኝ ፍልሰተ ሥጋሽ ሰላምታ ይገባል፡፡
☞እመቤቴ ማርያም ሆይ የእግዚአብሔር የምስጋናው አዳራሽ ስለሆንሽ
በፍልስትሽ ጊዜ አንቺ የተቀበሉ መላእክት ሁሉ ማርያምስ በሰማይና በምድረ
የከበረች ነች ተባባሉ፡፡
☞እመቤቴ ቅድስት ድንግል ማርያም ሆይ ለተመረጡት ለአዳምና ለሄዋን ልጆች
እናት ትሆናቸው ዘንድ ምጡቅ በሆነ በብርሃን ሠረገላ በክብር ተቀምጦ ለዓረገ
ፍልሰተ ሥጋሽ ሰላምታ ይገባል፡፡
☞እመቤቴ ቅድስት ድንግል ማርያም ሆይ በሥጋዊና በደማዊ አንደበት ሁሉ
ለአንቺ ምስጋና ይገባል፡፡ በመላእክት አንደበት ለአንቺ ምስጋና ይገባል፡፡ እመቤቴ
ማርያም ሆይ የደብተራ ኦሪት ቃል ኪዳን የተጻፈብሽ የሕግ ታቦት ለአንቺ ምስጋና
ይገባል፡፡ የጌታ ባለሟል በሆኑ ቅዱሳን ጉባኤ ፊትም ለአንቺ ምስጋና ይገባል፡፡
አሜን፡፡
☞(መልክአ ፍልሰታ ለማርያም)
☞እመቤታችን ድንግል ማርያም የእኛንም የሀጥያቶችሽ ልጆችሽ ፀሎት ወደ ላይ
አሳሪጊ፡፡
☞በዚህ ሰዓት በጭንቅ በመረረ ሀዘን ላሉ አንቺ የጭንቅ ደራሽ ነሽ እና አለሁ
በያቸው፡፡
☞በቃና ዘገሊላ ውሃውን ወደ፡ወይን እንዲለውጥ ልጅሽን እንዳሰሰብሽ ጎዳቸው
ቦዶ ሆኖ የሚላስ የሚቀመስ ላጡ ጉታቸው እና ጉተራቸው በበረከት እንዲሞላ
አሳስቢልን፡፡
https://youtube.com/channel/UCzj1rOCD7-WVTFN7VU8RmZw ክፈት / አስተያየት ይስጡ

2022-08-21 19:51:08 https://youtube.com/channel/UCzj1rOCD7-WVTFN7VU8RmZw ክፈት / አስተያየት ይስጡ

2022-08-21 08:12:21 ሥርዓተ ቅዳሴ


ክፈት / አስተያየት ይስጡ