እግር ኳስ Meme™

2022-08-30 12:23:48

ክፈት / አስተያየት ይስጡ

2022-08-30 11:50:19 ሴትን አላምንም

ክፍል 2
አቅራቢ semir ami

አሰልቺውን የህይወት ጉዞዬ በብቸኝነት ውስጥ ማለፉ ሌላ አንድ ተግዳሮት ሁኖብኛል ሲከፋኝ ምታፅናናኝ እና ስቸገር አለሁ ሚለኝ እንደ አህላምዬ አይነት ሰው አልነበርም። ምክሮቿ ሁሌም ልቤ ላይ እንደ አለት ተጣብቀዋል። "የኔ ባል ችግር በመጣብህ ጊዜ የተለዬ ችግር እንደደረሰብህ አታስብ። ተመሳሳይ ችግርን ከአንተ በፊት በርካታ ሰዎች እንዳለፉበት እወቅ። ራስህን የችግር ማካማቻ አድርገህ አትቁጠር። ሁሉም ጋር ችግር አለ። አንዱ ፈትቶ ፣ ሌላው ደብቆት ነው። በችግር ውስጥ ብቸኛ የችግር ሰለባ እንደሆኑ አድርጎ እራስ ላይ መጥፎ ስሜት መፍጠር የችግሩ የመጀመሪያ ችግር ነው። ከምንም በላይ ደሞ እኔ አለሁልህ እኔ ሀዘኔን የምረሳው ፣ መከፋቴን በሳቅ የምቀይረው አንተን ሳገኝ አይደል? አንተን አግኝቻለው ያጋጠምን የህይወት ፈተና በትጋት እንወጣዋለን የትኛውም የህይወት ፈተና ባጋጠመኝ ጊዜ ባንተ መፈቀሬን ሳስብ ልበ ሙሉነት ይሰማኛል። ስለዚህ በርታ እኔ ሁሌም ከጐንህ ነኝ ካንተ ጋር ማሳልፈው እያንዳንዱ ቅፅበት ነብሴን በደስታ ትሞላለች።"

ድንገት ይህን ስትለኝ የደከመው መንፈሴ በአንዴ ይነቃቃል እቅፌ ውስጥ በስስት ትገባና… "ስትደክም እደክምብሃለው ፣ ተስፋ ስትቆርጥ ከአንተ በላይ እቆርጣለው እባክህ በርታና አብርታኝ። የቤተሰቦቼ ወሬና ለሰዎች አሉባልታ ቦታ አትስጠው ትለኛለች። "
ፊቴ በፈገግታ ይሞላል ፣ ባልራመድም እግሬን ጫማዬ ውስጥ አጠልቀዋለው ከፍቷት ሀዘኗን ማየት ባልፈልግም ግን ምን ላርግ? እንባ እየተናነቀኝ ከቤት እወጣለው ጥሪ ካስተናገደ ረዥም ጊዜ የሆነ ስልኬን ስከፍተው በድምቀት የተደገሰው የሰርጋችንን ፎቶ እኔን ለማናደድ ይሆን ሌላ ከነ ፈገግታችን ያሳየኛል። ይሄን ፈገግታችን መቼ ነው የምመልሰው? እያልኩኝ ከራሴ ጋር አወራለሁ ለሚወዱት ሰው ከለላ አለመሆን እንዴት ልብን ይሰብራል? ፈገግታዋን በእንባዋ ሳላሻርክ ፣ ሩጫዋን ወደ ኋላ ሳላስቀር ፣ ምቾቷን ሳልነጥቅ በደስታ አኖራታለው ብዬ ቃል የገባሁበት ቀን ወደ ኋላ መለስ ብዬ ሳስብ የታለ ቃሉ ብዬ እራሴ ላይ እጮህበታለው። እሷ ቃሏን አክብራለች ቢያጣም ፣ ቢያገኝም ፣ ቢደህይም ከአጠገቡ ላርቅ ብላ የገባችው የህይወት ቃል ይህው እንደፈፀመች ነው መኪናዬ ውስጥ በገባችበት ፈገግታ ፣ ታክሲ ውስጥም እኩል ትገባለች። ደግሞ መጣ " ሴት አላምንም ፣ አዎ ሴት አላምንም ይላል" እኔም ከመልመዴ የተነሳ ማለቱን ሲጀምር እንደ ህፃናቶቹ እኩል " ሴት አላምንም ፣ ሴት አላምንም " ብዬ ሳቄን ለቀቅኩት ለምን ሴት አያምንም? አይመና እኔ ግን ስለ ማምናት ሴት ታሪክ ፈተና እና ህይወት ምነግረው ሰው እፈልጋለው ታሪካችንን ስሙን። አህላም ማነች ?

ክፍፍ ሶስት ይቀጥላል

ቻናላችንን ሼር
@yegetemkalt
@poem_merry
አስተያየት እንፈልጋለን ክፈት / አስተያየት ይስጡ

2022-08-29 21:11:50 ክፈት / አስተያየት ይስጡ

2022-08-29 15:11:07 ​​

               ሴትን አላምንም


ክፍል 1

" አቅራቢ semir ami "

"ዓለም በአውንታዊና በአሉታዊ ነገሮች የተሞላች ናት። ከአንድ መልካም ነገር ጐን ሌላ መጥፎ ነገር አለ  በአንድ መጥፎ ነገር ውስጥ ሌላ መልካም ነገር ይገኛል።" ማንበብ የጀመርኩት መፅሀፍ ውስጥ ያገኝሁት ቆንጆ አባባል ነው።

ምን ያደርጋል  የህይወትም መፅሀፍ የማንበብ ጣእሙ  ጠፍቶብኛል ሁሌም ከጐኔ ሚታዬኝ መልካም ነገር ሳይሆን ላይመለሱ የሄዱ  ትውስታዎች ናቸው።

  ለብቻዬ የሰራሁት አንድም ታሪክ የለም በታሪኬ ውስጥ ሁሉ እሷ አለች "አህላም" በማጣቴ ውስጥ እጄን ይዛ አልፋ ፣ በማግኝቴ ውስጥ ተደስታ ፣ የጐጆዬን ቀዳዳ በላቧ ጠብታ ሞልታ ፣ ውበቷን ገብራ ፣ ሴትነቷን አሲዛ ፣ ውጣ ውረዶችን አልፋ የሄደች መልካም ሚስት እሷ ነበረች ታሪኬን ተጋርታ ያለፈች ።

እሷን የነጠቀኝ ማጣት ሁሌም ሳማረው እኖራለው ማጣት ህልሜን ወስዷል ፣ ድህነት ለአደባባይ አጋልጦኛል፣ ሁሌም ስብከነከን እኖራለው በማን ይፈረዳል? ድህነት ማን ነው?  የት ነው ያለው? መግደል ይቻላል? ገድሎ የጣለን ጠላት መበቀል ልዩ ስሜት አለው እስኪ አሳዩኝ እና የልቤን ላድርስ።

ይሄን ሁሉ ወሬ መንገድ ላይ ለብቻዬ ነው ማወራው ድምፄን ከፍ አድርጌ ስለነበር ብሶቴን ለራሴ ደግሜ ምተርከው መንገዱ ላይ ሰዎች መኖራቸው ልብ አላልኩም።

ልብ ያሉኝ ሰዎች ግን " ከመሞት መሰንበት " ብለው ከኔ በተቃራኒ መንገድ ላይ ጉዞዋቸውን ቀጥለዋለው።

መድረሻቸውን ያወቁ ተጓዦች በመንገዱ ላይ ይኖራሉ መሄጃውን ያላወቀ ተስፋ የቆረጠም በመንገዱ ላይ ይኖራል ሁለቱንም መለየት ምንችለው ግን ተከትለን መጨረሻቸውን ስናይ ነው።

ሰው መጨረሻውን ባለወቀው ነገር ለምን እንደሚፈርድ አይገባኝም እኔም እኮ ጅማሮው ያማረ ትዳር ነበረኝ ሁሉም በየመንገድ ያየን ሰው ስታስቀኑ ያላለን መች አለ ፣ የአብራህምና የሳራ  ትዳራቹ ይሁን ብሎ ያልመረቀን አንድ ሰው ያለ አልመሰለኝም።

አብራሃም እና ሳራ በማጣት ተለያይተዋሉ እንዴ? ከዚህ የሃሳብ ምስጠት ውስጥ በመንገድ ላይ ያሉ የህፃናቶች የጩህት  ድምፅ ከሃሳቤ አባነነኝ ።

ሴት አላምንም መጣ ሩጡ ፣ ሴት አላምንም መጣ ሩጡ እየተባባሉ ይሯሯጣሉ።

እድፍ ያጨቀየውን ልብስ የለበሰው "ሴት አላምንም" መሪ ቃሉ ይዞ በሰፈር በኩል ያልፋል።

" ሴት አላምንም ! አዎ ሴት አላምንም ይላል" ለምንድን ነው ሴት ማያምነው? ምንድን ነው ለዚህ ያበቃው? እያልኩኝ ሁሌ ታሪኩን ለማወቅ እጓጓለው። እኔስ አህላም ስለ ሄደች "  ሴት አላምንም እያልኩኝ ከእሱ ጋር አብሬ ሰፈር ልረብሽ ልብሴን ላቆሽሽ? የኔና አህላም ታሪክ ለማን ልንገር ለሱ ልንገረው ይረዳኝ ይሆን ብዬ ከራሴ ሙግት ይዣለው። የኔና አህላም ታሪክ ምን ነበር?
:
:

ክፍል ሁለት ይቀጥላል.........


አስተያየት እንፈልጋለን

@yegetemkalat
@poem_merry ክፈት / አስተያየት ይስጡ

2022-08-29 12:13:20 ውበትሽን አይቶ የተመኘሽ እና ከውበትሽ ጀርባ ያለውን
ማንነትሽን አውቆ ያፈቀረሽ ሰው የተለያዩ ናቸው።
ለምን ነገርከኝ እንዳትይ?
እኛ ወንዶች የፈለግነውን እስክናገኝ ሴትን ንግስት ማድረግ እናውቅበታለን። ያፈቀረ ግን ተብታባ ነው፤ ውበትሽን ለመግለፅ እንኳን አንደበት የለውም፤ ነገር ግን በውስጣዊ ማንነትሽ እሱነቱን አጥቶ ሌት ተቀን አንቺን በምናቡ ሲያወጣና ሲያወርድ፣ የአንቺን ህይወት ለማድመቅ የራሱን ሲያፈዝ፣ ከሰው በላይ የነበረው መቀመቅ ሲወርድ ያኔ ላንቺ ያንስብሻል። ያኔ ላንቺ ተራ ሰው ይመስልሻል።

እናም ፍቅርሽን ገላሽን ለተመኘው ትሰጪና ደግመሽ ብትፈጠሪ እንኳን የማታገኝውን ንፁህ አፍቃሪሽን ልብ አንኮታኩተሽ ትሰብሪዋለሽ። እሱም ለዘለዓም ልቡ ታሞበት እንደማቀቀ ፍቅሩን ተቀምቶ አዝኖ አፈር ይሆናል። አንቺ ሳታውቂ ራስሽን የሰጠሽው ግን አውቆ ይተውሻል። በቃላት ድርደራ በስጦታ ጋጋታ ንግስት ያስመሰለሽ ያሻውን ፈጽሞ ሲያበቃ ከጥፍሩ ቆሻሻ እንኳን አይቆጥርሽም። ለዚ ነው የተመኘሽ እና ያፈቀረሽ የተለያዩ ናቸው ያልኩሽ።

ከዳጊ የተላከ መልክት
@buchula36
@Poem_merry
@yegetemkalat ክፈት / አስተያየት ይስጡ

2022-08-29 11:49:56 የሰረቅኩት..!

ከቤት በጠዋት ነበር የወጣሁት 2 ሰዓት ላይ ለህክምና ቀጠሮ ስለነበረኝ እንዳላረፍድ በማሰብ ነበር በጠዋት የወጣሁት ከቀጠሮዬ ቦታ ከሰዓቱ ቀድሜ 1:40 ላይ ደረስኩ :: እዛው ቆይቼ በሰዓቴ ህክምናዬን ካከናወንኩ በኋላ በዚሁ ለምን መንጃ ፈቃድ አላድስም ብዬ ወደ መንገድ ትራንስፖርት አመራሁ እዛ እንደደረስኩ ወረፋ ስለነበረው ወረፋ እየጠበቅኩ ስልኬን ፍለጋ ወደኪሴ ስገባ ስልኬን አጣሁት ።

ስልክ ድንገት ከኪስ ሲጠፋ ስሜቱን ታውቁታላችሁ መቼም ። የት እንደጣልኩት ማሰብ ጀመርኩ ከሆስፒታሉ ስወጣ ሰዓት ለማየት ኬሴ ውስጥ እንዳወጣሁት አስታወስኩ ስለዚህ ታክሲ ውስጥ ሻሻ እንደሰሩኝ ገባኝ ። ቀድሞ አዕምሮዬ ላይ የመጣው እና የቆጨኝ ነገር ሃይደርን ከተወለደበት ቀን ጀምሮ ማስታወሻ ይሆናሉ ብዬ በየቀኑ የማነሳው ፎቶዎች መጥፋት ነበር ። በጣም የምወዳቸው ፎቶዎች ነበሩ ።

ወረፋዬን ጠብቄ መንጃ ፈቃዴን አድሼ ከመንገድ ትራንስፖርት ወጣሁ :: የሚገርመው ነገር የተፈጠረው የዛኔ ነው የሆነ ህፃን ልጅ ስልኩን እና የሆነ ወረቀት ሰጠኝ ስልኩን ሳየው የራሴ ስልክ ነው ። ከዛ ወረቀቱን ስከፍተው ስልኩን ለመስረቅ የተገደድኩት ልጄ ስለታመመብኝ ለአስቸኳይ ህክምና እና ለወተት ብር ስላስፈለገኝ ነበር ግን Wallpaper ላይ ካደረከው የልጅህ ፎቶ ላይ የፃፍከውን ፅሁፍ ሳየው የሆነ ስሜት ፈጠረብኝ እና ስልኩን መመለስ እንዳለብኝ ተሰማኝ ልጅ) ስላለህ ትረዳኛለህ ብዬ ተስፋ አደርጋለሁ በጣም ይቅርታ ልታግዘኝ ከፈለክ ግን በዚህ ስልክ ቁጥር ታገኘኛለህ ተብሎ ቁጥሩ ተፅፎበታል ።

በጣም አሳዘነኝ ምን አልባት እኔ በሱ ቦታ ብሆን ልጄ ቢታመምብኝ ለልጄ ቅድሚያ በመስጠት ስልኩን ሁሉ የምመልስለት አይመስለኝም ነበር ። በተፃፈው ቁጥር ደወልኩለት አነሳው ሰላም ካልኩት በኋላ ባለስልኩ መሆኔን ነገሬው እጄ ላይ ብር የለም ወተት የምትፈልግ ከሆነ ግን እቤት አለ ልላክልህ አልኩት እሺ አለኝ ስልኩን እና ወረቀቱን የሰጠኝ ልጅ አብሮኝ እንዲሄድ ነገረው ወደ ቤት እየሄድን አብሮኝ ከነበረው ልጅ ጋር ብዙ ነገሮችን አወራን ልጁ የምሩንም እንደሆነ ተረዳሁ ።

አሳዘነኝ ብችል እና እጄ ላይ ገንዘብ ቢኖረኝ ልጁን ባሳከምኩለት ግን ብር አልነበረኝም ። ቤት | እንደደረስን ለሃይደር የገዛሁት ግን አሁን ሃይደር እዚህ ስለሌለ የተቀመጡ 3 የቆርቆሮ ወተቶች ነበሩ እነሱን አብሮኝ ለመጣው ልጅ ሰጠሁለት እና ሄደ ። ቆይቶም ወተቶቹ እንደደረሱት ለሰራው ነገር ይቅርታ ጠይቆ እንደሚያመሰግነኝም ነግሮኝ እኔም አይዞህ ይሻለዋል ብዬው ስልኩን ዘጋሁት ።

ከመስረቁ በላይ ለልጄ ፍቅር Wallpaper ላይ በፃፍኩት ፅሁፍ ሀሳቡን ቀይሮ ስልኩን መመለሱ አስገረመኝ የልጅን ፍቅር ጠንቅቆ የሚያውቅ ሰው ነው ። ማጣት ከምንም በላይ የሚያመው ለልጅህ የሚያስፈልገውን ነገር ለማሟላት አቅም ሲያንስ ነው :: ስትወልድ የምትኖረው ለልጅህ ነው ለራስህ ማሰብ ታቆማለህ አባትነት ስሜቱ ጥልቅ ነው ለልጅህ ስትል የማይሆን ነገር ውስጥም ትገባለህ። አላህዬ ልለምንህ ማንም አባት ለልጁ ሲል አይቸግረው!! ልጁንም አላህ አፊያ ያድርግለት

የሃይደር


@poem_merry
@yegetemkalat ክፈት / አስተያየት ይስጡ

2022-08-28 22:36:33 ሴት አላምንም የፍቅር ታሪክን መልቀቅ ልንጀምር ስለሆነ አብሮኖትዎ ከእኛ ጋር ከሆን ማረግዎን አይርሱ ክፈት / አስተያየት ይስጡ

2022-08-28 21:03:57 የስልክ ቁጥሮን የመጨረሻ ቁጥር ይምረጡ።
ኦርቶዶክሳዊ ቻናልም በመቀላቀል ጠቃሚ ትምህርት ይማሩ።







ክፈት / አስተያየት ይስጡ

2022-08-28 20:25:23 ስትወጂው ከኮራ ስትቀርቢው ከራቀሽ...
አንቺ እያከበርሽው እሱ ግን ከናቀሽ...
ሲያጠፍ ታግሰሽ እያልሽው እንኑር...
ተይው አትድከሚ በግድ ልታቆይው...
ፍቅር በልመና አይሆንም ልቀቂው...
ጓደኛውን ጠብሰሽ ይልቅ ሚዜ አርጊው.....

#ጋበዘህ semir ami

yegetem_kalatoche ክፈት / አስተያየት ይስጡ

2022-08-28 19:36:42 ክፈት / አስተያየት ይስጡ