2022-06-07 09:46:27
၂၀၂၁ဖေဖော်ဝါရီ ၄ရက်နေ့ အိမ်ကထွက်လာတဲ့ နေ့ကစပြီး ဒီနေ့ထိ တော်လှန်ရေးမှာ တစ်ရက်မှ မနားခဲ့ဘူး။ ဒီနေ့ထိ တစ်ရက်လေးမှ ခွင့်မယူခဲ့ဘူး။ တစ်ရက်မပြတ် ပါဝင်နေတယ်။
တစ်နှစ်ကျော်ကာလမှာ အမှန်အတိုင်း ပြောရရင် အရမ်းပင်ပန်းနေပြီ။ အရမ်းမောပန်းနေပြီ။ စိတ်ဓါတ်တက်သည်ဖြစ်စေ ကျသည်ဖြစ်စေ၊ ကျနေချိန်တောင် ရပ်သွားတဲ့အထိ ဖြစ်မသွားအောင် တောင့်ခံနေခဲ့တာ။
Normal Life ကြီး ဖြစ်ပြနေသူတွေကို ကြည့်ပြီးလည်း နာကျင်မနေတော့ဘူး။ နင်တို့မပါလည်း ငါတို့က နိုင်အောင်ချမှာလို့ပဲ တွေးတယ်။ မလုပ်တဲ့သူတွေ အများကြီးပဲလို့ တွေးအားငယ်မနေဘူး။ ငါတို့မလုပ်ရင် ဘယ်သူလုပ်မလဲပဲ တွေးတယ်။ ရေပေါ်ဆီတွေကြည့်ပြီး ကြေကွဲနေမယ့်အစား အသက်တွေဘဝတွေ ပေးနေတဲ့ တော်လှန်သူတွေအတွက် တာဝန်ကျေဖို့ လိုတယ်ပဲ တွေးတယ်။
NUG ဘက်က ရပ်တည်တယ်။ NUG ဘက်က ရပ်တည်တယ်ဆိုတာက NUG ထဲက တစ်ဦးတစ်ယောက်ချင်းစီကို အချစ်တော်ဝင် အပြစ်တော်မမြင်နေတာ မဟုတ်ဘူး။ NUG ရဲ့ ပြည်သူ့ Mandate ရ ဖြစ်တည်မှု၊ စုဖွဲ့မှုနဲ့ ရုန်းကန်မှုအတွက် အတူကူတွန်းတာ။ NUG အတွက် တော်လှန်ရေးရံပုံငွေ ရှာပေးတယ်၊ လှုံ့ဆော်တယ်။ အဲ့လိုပဲ မြေပြင်PDFတွေဆီ တိုက်ရိုက်စီးဆင်းဖို့လည်း ကြိုးစားတယ်။
NUG ကို ဝေဖန်ထောက်ပြစရာရှိရင် အတွင်းထဲမှာ ပြောတယ်။ ပြောတာမှ တော်တော်ကြီးကို ပြောတာ။ အဲ့လိုပြောတာကိုလည်း လိပ်ပြာလုံတယ်။ ပြည်သူအထင်လွဲအောင် Public မှာ ဖောင်းထုတာ မဟုတ်ဘူး။ တတ်နိုင်သလောက်လည်း ကူနေတာ ဖြစ်တဲ့အတွက် လိုအပ်လို့ပြောမိလည်း လိပ်ပြာလုံတယ်။
အချို့နဲ့ မတူတာက အချို့က တော်လှန်ရေးမိခင်ကြီး ဖခင်ကြီးတွေ ဖြစ်ဖို့ တော်လှန်ရေးကြီး အဓွန့်ရှည်စေချင်နေတာ။ သူတို့က ဒီအရေးတော်ပုံမှာ ဘဝပျက်ခဲ့ကြရသူတွေထဲ မပါဘူး။ ကိုယ်တွေက အရေးတော်ပုံအောင်မှ ကိုယ့်ဘဝကိုယ်ပြန်ရကြမှာ။ အဲ့တော့ ကွာမှာပဲ။
ကိုယ့်အပိုင်းမဟုတ်ရင် ဝင်မပါဘူး။ အရှုပ်ထဲမှာ ရှင်းအောင်နေတယ်။ ဒီကာလမှာ အရင်ပန်ဆယ်လိုကို သိသူတွေဆို ကောင်းကောင်းနားလည်လိမ့်မယ်။ ကိုယ်ဘယ်လောက် စိတ်လျှော့ထားလဲဆိုတာ။ အရင်စိတ်နဲ့ဆို တနေ့တပွဲတောင် ပြတ်မှာ မဟုတ်ဘူး။
အရမ်းပင်ပန်းနေတဲ့ကာလမှာ ကိုယ့်တွေရဲ့ အင်အားမှန်သမျှဟာ MaALoe စစ်အုပ်စုကို ထိုးနှက်ဖို့ သီးသန့်ပဲ ဖြစ်ချင်တယ်။ ကိုယ့်အချင်းချင်း ငြိကြပြောရတွေမှာ အင်အား မပြုန်းတီးချင်ဘူး။
ရိုင်းရတယ်ဆိုတာကလည်း ကိုယ့်အတွက် ငှက်ပျောသီး အခွံနွှာစားရတာမှ ခက်နေသေးတယ်။ အခုမှ ထရိုင်းတာလည်း မဟုတ်တဲ့ နဂိုရိုင်းလေး။
ဆိုတော့ကာ ပွဲတွေကို ညည်းငွေ့လွန်းလှတယ်။ ပွဲတွေလည်း မတည်ကြနဲ့။ နုကြည်ကို ဖြုတ်ချင်နေတဲ့ဟာတွေ အုပ်စုတွေ ဖွဲ့ပြီး နုကြည်ကို ဖြုတ်မရသေးခင် ကိုယ့်ကို ဝိုင်းကန်ဖို့ ကြံနေတာလည်း သိတယ်။ ပြုံးပြုံးလေး နေနေတယ်ဆိုတာ မသိလို့လည်း မဟုတ်ဘူး။ အင်အားကုန်လို့ ပလစ်ထားတာ။ ရှေ့တန်းကလူငယ်တွေကို အားနာလို့။
သိပ်ပွဲဖြစ်ချင်ရင် ခဏအောင့်ထားကြဦး။ တော်လှန်ရေးပြီးတဲ့အခါ မြို့တော်ခန်းမရှေ့ စင်ထိုးပြီး ချိန်းထိုးကြတာပေါ့။
ဟိုက်ရား…
23.1K viewsedited 06:46