ምርጥ ጽሑፎች✍️✍️

2023-05-21 12:05:24 ክፈት / አስተያየት ይስጡ

2023-05-20 14:50:07 ክፈት / አስተያየት ይስጡ

2023-05-20 14:48:33 ማናችንም ነገ ምን እንደምንሆን አናውቅም ። ሀብት አያድነንም ፤ ውበት አያድነንም ፤ ጉልበት አያድነንም ፤ ስልጣን አያድነንም ፤ ማንም አያድነንም ።

ሳምራዊት እህታችን ለመኖር አገባች ፤ አግብታም ወለደች ። ትናንት ግን ከወራት ስቃይ በኋላ አረፈች ። " ገንዘብ እንደማያድን አየሁት " ይላሉ እናቷ ለኢዮሀ ሚዲያ እያለቀሱ ። ሀብት አያድንም ፤ ጉልበት አያድንም ፤ ስልጣን አያድንም ፤ ማንም አያድንም ። አምላክ ብቻ ያድናል ። በሳምራዊት መዳን ላይ የአምላክ ፈቃድ አልሆነም ። ቁምነገሩ እሱ አይደለም ። ለልጇ ፣ ለእናቷ ፣ ለባለቤቷና ለቅርብ ሰዎቿ ልብ መሰበር ካልሆነ ሳምራዊት በሞቷ እረፍት እንጂ ያጣችው የለም ።

ሀብት አያድንም ፤ ጉልበት አያድንም ፤ ስልጣን አያድንም ፤ ማንም አያድንም ። እኛ ከዚህ የምንወስደው ምንድነው ። በዚህ ዓለም ላይ የምንኖረው ለራሳችን ይሁን ለሌላ ግልጽ አይደለም ። መኖራችን ጥቅሙ ፣ መሞታችን ጉድለቱ የሚታየው በሌላው ለይ ነው ። ያ የመዳን ጉጉት አልሆነም ። እያንዳንዳችን እንደ ሳምራዊት ያለ ቀን ከፊታችን አለ ። ካንሰር ላይሆን ይችላል ። በተኛንበትም ፣ በእንቅልፋችን ውስጥ ሆነንም ሊሆን ይችላል ። የመሄጃችን ቀን ግን አለ ። ለእናቷም ፣ ለባለቤቷም ፣ ለልጇም ጭምር አለ ። የጊዜ ጉዳይ ነው ። ማንም ከዚያ አያስቀረንም ። ፀሎትም ፣ ጻድቅነትም እንኳ አያስቀረንም ።

ስራችን ይቀር ካልሆነ እኛ አንቀርም ። ከሌሎች ተምረን ራሳችንን የምንገልጽበት ሀሳባችንና ተግባራችን ብቻ በዚህ ዓለም ላይ ቋሚ ሆኖ ይቀራል ። ልጆቻችን ስማችንን የሚያስጠሩበት እድል እንኳን ጠባብና ጥቂት ነው ። እኛን ሰው የሚያደርገን በሰው ልጅ ልብ ውስጥ የተተከልንበት መጠን ነው ። የሚያስጠራን ያለን ሳይሆን ለዓለምና የሰው ልጆች የሰጠነው ነው ። " በምን ያህል መጠን ሰጥተናል ? " የሚለው ነው " በምን ያህል እንታሰባለን ? " የሚለውን የሚወስነው ። ሀብት አያድንም ፤ ጉልበት አያድንም ፤ ስልጣን አያድንም ፤ ማንም አያድንም ።

ውበት በወራትና ጥቂት አመታት ውስጥ እንዲህ ይረግፋል ። ይህቺ ውብ አበባ ምናልባትም በህልፈቷ ወቅት ከዚህ በላይም ከሰውነት ተራ ወጥታ ይሆናል ። በቃ ሰውነት ማለት እንዲህ ነው ። እኛ ማለት እንዲህ ነን ። ዋጋችን እንዲህ ነው ። መልካችን የሚመስለው ይህንን ነው ። ሳምራዊት ስታገባ ይህ ሁሉ መከራ ከፊቷ መምጣቱን አታውቅም ። አግብታ ስትወልድም ከምትወደውና ነሚወዳት ባለቤቷ ጋር ቤታቸው መሞቁንና መዋቡን እንጂ ከውልደቷ ማግስት ጀምሮ ስቃይና መከራን አልጠበቀችም ። እናቷም ፣ ባለቤቷም ሲናገሩ ትልቅ ስቃይ የሆነባቸው በቁም እያለች እሷንና ልጇን መነጠል ነበር ። በመጨረሻ ላይ የምትወደውንና የምትሳሳለትን ልጇን እንኳን ማቀፍ አልቻለችም ። አቅሟ ደክሟል ፤ ጉልበቷ ዝሏል ። በመጨረሻም ላይ ሄደች ። የዚህች ቆንጆ ሰውነት ከአፈር እንደመጣ ወደ አፈር ተመለሰ ። ማናችንም ከዚህ ቀን አናመልጥም ። ሀብት አያድነንም ፤ ውበት አያድነንም ፤ጉልበት አያድነንም ፤ ስልጣን አያድነንም ፤ ማንም አያድነንም ። ክፈት / አስተያየት ይስጡ

2023-05-19 15:07:08 ማነው ግን እንደኔ #ቢንቢ የሚወደው የትም ልሂድ የትም ቁጭ ልበል እያሳደዱ ጨረሱኝ እኮ #በመድሀኒያለም ሆ ደግሞ እኮ #ወንዱ ቢንቢ ነው አልፋታኝ ያለው መፍትሄ ያለው ክፈት / አስተያየት ይስጡ

2023-05-19 15:03:42 ውርሰ ውበት

ሞትሽን አልመኝም
አንቺ ከሞትሽ ግን...

በፈረሶች ፀጉር
ለሚዋቡ ሴቶች
ውርስ ተይላቸው
አብሮሽ አይቀበር
ውበት ይሁናቸው
..
.
ብዙ ኩል ቀላቅለው
አሳር ለሚበሉ
ስራ አቅልይላቸው
አይንሽን ይትከሉ
..
.
ለቁንጅና ድጋፍ
አፍንጫ ጆሯቸው
ለጌጥ ለሚበሱ
ያንቺን አውርሻቸው
ውብ ጌጥ ነው በራሱ
..
.
ሳቃቸው እንዲያምር
ተነቅሰው በመፋቅ
አሳር ለሚበሉት
ጥርስሽን ስጫቸው
ወስደው ያስተክሉት
..
.
ሁሉንም አካልሽን
ከአፈር መበስበስ
መቀበር አድኚ
ቆመሽ ብቻ አይደለም
ሞተሽ ውበት ሁኚ
..
.
ፀባይሽ ግን ውዴ...
.
እኔ ያልቻልኩትን
አፈሩ ከቻለው
አደራ አታውርሺ
ፀባይሽ ቢወረስ
ትርፉ መቃጠል ነው
..
.
ሞትሽን አልመኝም
አንቺ ከሞትሽ ግን...
.
ውበትን ለሚሹ
ሴቶች አውርሻቸው
እኔም ያንቺ አፍቃሪ
ውርስሽን ልካፈል
እነሱን ላግባቸው።
ኸረ እንዳውም ይድፋሽ ክፈት / አስተያየት ይስጡ

2023-05-19 10:20:57 በሚያድንህ ታመም!

እለት እለት በስራህ ላይ በሰዓቱ የመትገኘው በወሩ መጨረሻ የሚከፈልህን ደሞዝ ታሳቢ አድርገህ ነው። ለአመታት ሳታቋርጥ ጠንክረህ ትምህርትህን የምትከታተለው ህይወትህን በፈለከው መንገድ እንደሚመራልህ ታሳቢ በማደረግ ነው። ህልሜ ለምትለው ነገር ወዳጆችህን የምትለው፣ ገንዘብህን ወጪ የምታደርገው፣ ጊዜህን የምትሰዋው፣ የምትገፋው፣ የምትሰቃየውና የምትታመመው አንድም ለውጣዊ እርካታህ ሁለትም እግዚአብሔር በፈቀደው መንገድ ወገኖችህን ለማገልገል ነው። ነገር ግን በዚህ ሁሉ ጉዞህ ውስጥ ምንም ነገር በነፃ የምታደርገው ነገር የለም፤ ምንም ነገር በቀላሉ የሚያልፍ ነገር የለም፤ ምንም ነገር ዋጋ ሳትከፍልበት አይመጣም። እያዳንዱ ትልቅ ግኝት የእራሱ ውድ ክፍያ አለው፤ የትኛውም የተሻለ ውጤት አደጋ (Risk) አለው። ማግኘት ከፈለክ የማጣትንም ሪስክ መውሰድ ይኖርብሃል።

አዎ! ጀግናዬ..! በሚያድንህ ታመም! ሔዶ ሔዶ ዋጋህን በሚመልሰው፣ ጥረትህን በሚያስተካክለው፣ የህይወት ደረጃህን በሚጨምረው ታመም። ደስታ ያለው ህመም ምን አይነት ነው? በእርግጥም ስሙ ብቻ ህመም የሆነ ነገር ግን ህመም የሌለው፣ በተቃራኒው እረፍታና ሰላምን የሚያድለው ህመም ምንድነው? ጂም ስትገባ ህመም እንዳለው፣ ስቃይ እንዳለው፣ ፈታኝ እንደሆነ፣ ላብህን እንደሚያንጠፈጥፈው ታውቀዋለህ ነገር ግን ስቃዩንም ጭምር ከልብህ ወደሀዋል፤ ከማንነትህ ጋር እንዲዋሃድ አድርገሀዋል፤ በሂደትም ለውጡን በሰውነትህ ላይ መመልከት ጀምረሃል። ቁጭ ብሎ፣ ጊዜ ወስዶ፣ እራስን ገዝቶ፣ ከሌሎች ማራኪና አጓጉዊ ነገሮች ተቆጥቦ አንድን መፅሐፍ አንብቦ መጨረስ ትግል አለው፤ ህመም ይኖረዋል፤ ዋጋም ያስከፍላል፤ ነገር ግን ከፈተናውና ከህመሙ በላይ የሚሰጥህ የተለየ ስሜት፣ የሚጨምርልህ እውቀትና እሴት ከልብህ እንድትወደውና እንድትዋሃደው አድርጎሃል።

አዎ! ሂደቱን እስከ ጥግ መውደድህ ህመሙን ያስረሳሃል፤ ሃላፊነትን መውሰድህ ውጤቱን ያማረ ያደርገዋል፤ ዋጋ ባለው ነገር መልፋትህ በእርግጥም ህመምህን ያቀለዋል። በምትወደው አለምና በማትወደው አለም ውስጥ ያለሀው አንተ እንድ አይነት ልትሆኑ አትችሉም። ህይወትህን ስትወዳት ምርጫዎችህን ታከብራለህ፤ በድግግሞሽህ ታድጋለህ፤ በተግባሮችህ ደስ ትሰኛለህ፤ እራስህ ላይ እሴትን ትጨምራለህ፤ ለምስጋና የፈጠንክ፣ ሌሎችንም ለማገዝ የተዘጋጀህ ትሆናለህ። ከወትሮው የተለዩት ውሳኔዎችህ ያስፈራሉ፤ ያስጨንቃሉ፤ ህመም ይኖራቸዋል። ነገር ግን መወሰናቸው የግድ ነው፤ መደረጋቸው፣ ወደ ምድር መውረዳቸው የግድ ነው። ህመም በተባለው እልህ አስጨራሽ ጉዞ መደሰት ስትጀምር በህመምህ መፈወስ ትጀምራለህ፤ በስቃይህ እየዳንክ፣ ህይወትህን እያሻሻልክና እያደክ ትመጣለህ። በሚያድንህ ታመም፤ በእርሱም ነፃ ውጣ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-19 02:43:28 በምርጫህ ድከም!

ሰው በመሆንህ ብቻ ሰውነትህን ስታሳርፍና ከጡዘትህ ፋታ ስትወስድ ደስታን የምታጣጥምበት ወቅት ይኖራል፤ እንዲሁም ህይወትን ለማሸነፍ ስትጥር ስትለፋ ሰወኛው ድካምም አይተውህም።  እንኳን ለአላማና ለህልምህ ይቅርና እንዲሁ ለማያይጠቅምህና ለማይመለከትህ ነገርም እራስህን ትሰጣለህ፤ ብዙ ዋጋ ትከፍላለህ፤ እጅጉንም ትደክማለህ። በተርጉም አልባው ድካም በመዋጥህ ብቻ ለጊዜውም ፋታ የምታጣበት ወቅት ይኖራል። ነገሩ ግን ይህን ያክል ቀላልና አልጋ በአልጋ አይደለም። የትም ብትሔድ ድካም አብሮህ አለ። ምንም ሳትሰራ በመቀመጥ የሚደክምህን ጊዜ አስታውስ፤ ሃሳብ ስታወጣ ስታወርድ ሙሉ ሰውነትህ የዛለበትን ወቅት አስበው። ስለሰራህ ከድካም አታመልጥህም፤ አርፈህ መቀመጥህም ከእርሱ አያስጥልህም።

አዎ! ጀግናዬ..! መድከምህ ካልቀረ በምርጫህ ድከም፤ መልፋትህ ካልቀረ ለምትወደው ነገር ልፋ። እንዲሁ እንደዋዛ የሚያልፉ ስንት ቀናት አሉ? ያለምንም ትርፍና ጥቅም የሚባክን ስንት ነገር አለ? ያለጥቅም ለሚባክነው ቁስና ገንዘብ ካዘንክ ስለራስህ ከንቱ ድካምና ብክነት ስታስብ ምን ይሰማህ ይሆን? እርግጥ ነው ህይወት ፋታ ካልሰጠችህ እራስህን መመልከት አትችልም። ነገር ግን የህይወትህ መሪ እንደሆንክ አትርሳ። ባንተ ህይወት ለሚከሰት ነገር ሁሉ ሃላፊነት አለብህ። በተለይ ለእያንዳንዱ ለምታወጣው ወጪ፣ ለምታባክነው ጊዜና ለምትደክምበት ነገር ትርጉም ልታገኝለት ይገባል። አሁን የምትኖረው ህይወት የትናንሾቹ እርምጃዎችህ ውጤት ነው። ትርጉም ያለው እርምጃ ስትራመድ ከነበረ፣ ዋጋ ያለው ነገር ላይ ትንሹን ጊዜህን ካሳለፍክ፣ በምትወደው ስፍራ ለተወሰኑ ሰዓታት ከተገኘህ፣ ስለህልምህ በትንሹ ማሰብ ከቻልክ በ80/20 መርህ (Pareto Principle) መሰረት አብዛኛው (80%) የህይወትህ ክፍል ደስተኛ፣ የተረጋጋና ትርጉም ያለው ይሆናል።

አዎ! ህይወትህ ትርጉም እንዲኖረው ቀንህን በሙሉ በቁብነገር ማሳለፍ አይጠበቅብህም። በየእለቱ ለተወሰነ ሰዓት ስለምትፈልገው ህይወት ማሰብ፣ ለተወሰነ ሰዓት ሃሳብህን መኖር፣ ለተወሰነ ሰዓት እራስህን መገምገም እጅጉን በጣም በቂ ነው። ቀኑን ሙሉ ስትደክም ብትውል ማታ ልታርፍ አካባቢ ስለምትፈልገው ነገር ደጋግመህ ማሰብህ ብቻ በሒደት ወደእርሱ እያቀረበህ ይመጣል። ከስጦታዎች ሁሉ የላቁት  ስጦታዎችህ ጤናህና ጊዜህ ናቸው። እነርሱ ደግሞ እንዲሁ ለማይረባ፣ ለነገህ እንኳን በማይተርፉህ ነገሮች ይባክናሉ፤ ይጠፋሉ። ጤናህን ለምንም ብለህ ማጣት አይኖርብህም፤ ነገር ግን ብታጣ እንኳን እንዲ ነው ብለህ ለምታወራው፤ በህይወትህ ትርጉም ላለው፤ ከአላማህ ጋር ለሚገናኝ፣ ለሰው ልጆች ጠቃሚ ለሚያደርግህና ከአምላክም በረከትን ለሚያሰጥህ ነገር መሱዓት አድርገው። ጊዜህን አታባክን፤ ነገር ግን ቢባክን እንኳን ሊክስህ በሚችለው፣ ትርፍ በሚያስገኝልህ፣ በማይቆጭህና ሰዎችን በሚጠቅም ነገር ላይ አውለው።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-18 11:10:12 መውደድ በልብ ማድነቅ ሲሆን ፤ ማድነቅ ደግሞ በአዕምሮ መውደድ ነው ፡፡ ያየነውን ማድነቅ እንችላለን ፤ የምንወደው ግን በቅጡ የምናውቀውን ብቻ ነው ፡፡ ዓይን ያላደነቀውን ልብ አይመኘውም ፡፡ ከሰማይ መውደቅ ይቻላል ፡፡ ከዛፍም መውደቅ ይቻላል ፡፡ የተሻለው መንገድ ግን በፍቅር መውደቅ ነው ፡፡ አንቺን ሳላውቅ መቶ ዓመት ከምኖር ነገ ብሞት ይሻለኛል ፡፡
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-18 10:59:45 በመንጋ አታስብ!

አሁን ያለህበት ሁኔታ፣ የገጠመህ ችግር፣ ያለህበት አጣብቂኝ፣ የደረሰብህ በደል፣ ያባከንከው ጊዜ ካንተ ቁጥጥር ውጪ አይደለም። አንዳች ካንተ አቅም በላይ የመጣብህ የማትችለውና የማትወጣው ነገር የለም። ግራ የሚያጋቡ፣ ውስጥን የሚረብሹ፣ ስሜትህን የሚጎዱ ንግግሮችን ብትሰማ መዝኖ አመዛዝኖ ለእራስህ በሚጠቅምህና በሚመጥንህ ደረጃ መቀበል ትችላለህ። ብዙ ሰው የተቸውን ነገር ለመተቸት አትሩጥ፤ ብዙ ሰው የተቀበለውንም ለመቀበል አትጣደፍ። አንተ ብዙ ሳትሆን አንድ ሰው ነህ። የእራስህ ደረጃ አለህ፤ ማንነት አለህ፤ አቋም አለህ፤ ልክ አለህ፤ አስተሳሰብ አለህ። በመንጋ ማሰብህ፣ በመንጋ መቃወምህ፣ በመንጋ መደገፍህ ከመደበኝነት የዘለለ ትርጉም አይሰጥህም።

አዎ! ጀግናዬ..! በመንጋ አታስብ! የእራስህ  አቋም እንዳለህ አስተውል፤ የእራስህ ልክ እንዳለህ እወቅ። ማንም በፈለገው መንገድ የሚነዳህ አይደለህም፤ ማንም በእራሱ አመለካከት መዓቀፍ የሚያስርህ አይደለህም። ሰውን ሰው የሚያስብለው ከማንነቱና ከአስተሳሰቡ ባሻገር የማይደራደርበት የእራሱ የግል አቋሙ ነው። የተባለውን ሁሉ እየተቀበልክ፣ ለተቃውሞ ሁሉ እየተፋጠንክ፣ ለስድብና ስም ለማጥፋት እየተንደረደርክ እንዴት የእራስህ መገለጫ ሊኖርህ ይችላል? አብዛኛው ሰው በሚመጥነው ሳይሆን በሚመስለው መንገድ እየተጓዘ፣ የሚመስለውን እያደረገ በሚኖርበት ጊዜ ያንተ አቋም አልባነት፣ ያንተ ወደ ነፈሰው መንፈስ ቢያጠፋህ እንጂ ወደ ወደ እራስህ መንገድ አያስገባህም።

አዎ! ሰዎች ያሉትን ስለደገምክላቸው ሊወዱህ ይችላሉ፣ አንተ ግን ያንን በማለትህ እራስህን ትወደው ይሆን? መንጋው አንድ ሰሞን ደጋፊ ነው፤ አንድ ሰሞን ደግሞ በተቃራኒው የሚያንቋሽሽና የሚሳደብ ተቃዋሚ ነው። በዚህ መሃል ከሆንክ ግር ብለህ ትወስናለህ፤ ግር ብለህ ስም ታጠፋለህ፤ ግር ብለህ በማያገባህ ጉዳይ ጊዜህን ታጠፋለህ። በቀጥታ አንተን የማይመለከትና ምንም ልታደርገው ስለምትችለው ነገር ሰምተህ ምንያክል የመጨነቅ ልማዱ አለህ? ምንያክል ከስራ በላይ ወሬ ላይ ታተኩራለህ? ምንም ያልሰራ የሚሰራውን ከላይ እስከታች የሚተችበትና የሚያብጠለጥልበት መንጋ ውስጥ ተቀምጠህ እንዴት ሰውን በስራው ልትዳኘው ትችላለህ? እራስህን ተመልከት፤ የት ነህ? በአጨብጫቢነተና የተባለውን ሁሉ የምታጎላበት ስፍራ ወይስ የእራስህ፣ የሚመጥንህና አንተነትህን የሚገልፅ ቦታ? በመንጋ አታስብ፤ በመንጋ አትፍረድ፤ በመንጋ አትኮንን። እራስህን እወቅ፤ ነገሮችን አመዛዝን፤ የሚመለከትህ ላይ ብላ አተኩር፤ በእራስህ ማንነት እውቅናን አግኝ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-18 10:59:22 ዶፓሚንህን ተቆጣጠር!

ከረጅም ጊዜ ጥበቃና ናፍቆት ቦሃላ ያገኘሀውን የምትወደውን ምግብ ሰትመገብ የሚሰማህን ስሜት አስታውስ፤ ጠቃሚና ጎጂነቱን ሳታስተውል እንዲሁ ልማድ ያደረከውን ማህበራዊ ሚዲያ ላይ አስቂኝ ነገሮችን ስትመለከት ውስጥህ የሚሰጠውን ምላሽ አስተውል። በዚህ ሰዓት ደስታ እንዲሰማህ የሚያደርገው ሰውነትህ ለሚለቀው ዶፖሚን የተባለ ሆርሞን አዕምሮህ ሽልማት ሲሰጠው ነው። ይህ ሆርሞን ጠቃሚ ልማድንም ለመገንባት አይነተኛ ሚናን ይጫወታል። ምክንያቱም ግንኙነቱ ከደስታ ጋር ነውና። ልማዱ የምትፈልገውና አዕምሮህ ያመነበት ከሆነ ከቀድሞ ልማድህ ለመለየት ቢያታግልህም አንዴ ልማድ ከሆነ፣ ከተዋሃድህና የደስታህ ምክንያት ከሆነ የዶፓሚንህ ማመንጪያ ምክንያት ይሆናል ማለት ነው።

አዎ! ጀግናዬ..! ዶፓሚንህን (dopamine) ተቆጣጠር! እንዲኖሩ የማትፈልጋቸው፣ እየጠቀሙህ ያይደሉ፣ በስሜትህ እየተጫወቱ የሚገኙ፣ ይህን ሆርሞን በየጊዜው እያመጩ የእነርሱ ባሪያ ያደረጉህን ለጊዜው ጣፋጭ ቦሃላ ግን እጅግ መራርና ጎምዛዛ ከሚሆኑ ልማዶች ተላቀቅ። ዶፓሚን ከዘላቂውና ከጠቃሚው ይልቅ ከጣፋጩ ጋር ያስርሃል፤ ከሚያተርፍልህ ያርቅሃል፤ ከጤናህ በላይ በጊዜያዊ እርካታ ይሸውድሃል፤ በሳቅ በጫወታ ጊዜህን ይበላል። ሁሉም ሰው ትግል ውስጥ ነው። ለምን የማይጠቅመውን ነገር ደጋግሞ ሲያደርግ እራሱን እንደሚያገኝ አያውቅም፤ ለምን እንደሚያቆመው የወሰነውን መጥፎ ተግባር ሲያደርገው እንደሚገኝ አልተረዳም። ዋናው ምክንያት ሌላ ምንም ሳይሆን ባንፈልገውም በሰዓቱ ደስታን እንድናገኝ የሚያደርገው ዶፓሚን መመንጨቱ ነው።

አዎ! ዘላቂውና ጊዜያዊው ነገር ከፊትህ ነው። የሚበጅህን አንተ ታውቃለህ። በሚያስደስትህ፣ ነገር ግን በማይጠቅምህ ልማድ መታሰር ወይም በጊዜው ከማይመችህ፣ ነገር ግን ወደፊት ከምቾት በላይ መደላደልን የሚያድልህን ማድረግ። ዛሬ እያስደሰተህ ነገ ችግርን የሚልክብህ አለ፤ ዛሬ እያለፋህ፣ ዛሬ እያሳመመህ ነገ የሚያሳርፍህና ሰላም የሚሰጥህ ነገርም እንዲሁ አለ። ጣፋጩን የምትመርጠው ጠዓሙ ስለሚጥም እንጂ ጠቃሚነቱን አስበህ፣ ለጤናህ ተጨንቀህ አይደለም። አቁም አቁም የማይልህ መጠፎ ልማድህም የእራሱ ጠዓም አለው፤ በጣፋጭ ነገር የሚያስፈነጥዝህን፣ አንድን ነገር ደጋግመህ እንድታደርገው የሚገፋፋህን፣ ካላደረከው ምቾት እንድታጣ የሚያደርግህን በውስጥህ የተቀመጠ የምተቾትህን አለቃ፣ በጊዜያዊ ደስታ እያሳሳቀ ወደ ገደል የሚወስድህን ዶፓሚንህን በፍቃድህ ስር አውለው፤ እራስህንም ከመጥፎ ልማዶችህ ጥላ ስር አውጣ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ