ምርጥ ጽሑፎች✍️✍️

2023-05-11 20:49:06 የቤት ስራ አለህ!

በእራስህ ዙሪያ ምንም ነገር ለማድረግ የማንም ፍቃድ አያስፈልግህም፤ እራስህን ማወቅህ ብቻ መልካሙን ለእራስህ እንድታደርግ ያደርግሃል፤ ፈጣሪህን ማወቅህ፤ የእርሱን ፍፁም ፍቅር፣ ላንተ ያለውን ርህራሔ መረዳትህ እራስህን እንድትወድ ያደርግሃል። ያንተ መልካም ፍቃድ የፈጣሪህን ተግባር ያፈጥንልሃል። ከሰውነትህ ጀርባ፣ እንዲሁ በምድር ከመመላለስህ ባለፈ አምላክ ድንቅ አድርጎ ሲሰራህ አላማ አለው። ማንም ሰው የተፈጠረው በአላማ ነው፤ ማንም ሰው ወደ ምድር የመጣው፣ በሰውነት የተላከው በምክንያት ነው። ምክንያቱን ለማወቅም እራሱን ማወቅ፣ ማንነቱን መረዳት፣ ፍላጎቱን ማስተዋል መቻል ይኖርበታል።

አዎ! ጀግናዬ..! የቤት ስራ አለህ! ብትኮርጅም እንደኮረጅከው አድርገህ የማትሰራው፣ የእራስህ ቀለም ያለው፣ በአንተው አቅም የሚከናወን፣ ባንተው መልካም ፍላጎት የሚተገበር፣ በምድር ላይ ሳለህ ልትፈፅመው የሚገባ ሃላፊነት አለ። አላማህ ኖረ የሚባለው ደረጃ ላይ እንኳን ሳትደርስ ማለፍ አይደለም፤ ማንም ላይ እሴት ሳትጨምር፣ ለማንም ምንም ሳታደርግ፣ እራስህን እንኳን በቅጡ ሳትረዳ፣ የሚያስፈልግህን ነገር ሳታሟላ፣ ለእራስህም ሆነ ለሌሎች የተሻለ ምህዳር ሳትፈጥር የምታልፍ አይደለህም። "የአምላክ ፍቃድ ቢሆን ብዙ እቅድ አለኝ፣ ብዙ አስባለው፣ ለአለም ማበርከት የምፈልገው አስተዋፅዖ አለ" የሚለውን ተማፅኖህን ከልብህ አድርገው። በእርግጥ ከልብ ከለመኑት ዝም የሚል፣ ከልብ ከተማፀኑት የማይሰጥ አምላክ እንደሌለ አስታውስ።

አዎ! የምትፈልገውን ብትመርጥ፣ የሚያተርፍልህን ብትመኝ፣ የሚያስፈልግህን ብትማፀን ሰጪው ስራው ነውና ይሰጥሃል። በምታስበው ደረጃ እራስህን መውደድ ቢያቅትህ፣ እራስህ ላይ ፊትህን ብታዞር፣ በትንሹም በትልቁም እራስን ወቃሽ እራስን ሰባሪ ብትሆን ልቦና እንዲሰጥህ፣ ወደ እራስህ እንዲመልስህ፣ ስራውን እንዲሰራብህ መማፀንህን እንዳትተው። ጠይቅ ይሰጥሃል፤ ለምን ይደረግልሃል። ቀዳሚው ጥያቄህ ግን ተጨማሪ ቁስ ወይም ሸክም ሳይሆን እራስህን መሆን፣ እራስን መውደድ መቻል፣ እራስን አክባሪ፣ ለእራስ መልካም መሆን መቻል እንደሆነ አስታውል። ቀሪው ሁሉ ካንተ ለእራስህ ማሰብና ቦሃላ የሚመጣ ጉዳይ ነው። ያለብህ የቤት ስራ እራስን መሆን፣ የሆንከውንም አንተ መውደድ ነውና በጥረትህ ሁሉ አምላክህ እንዲረዳህ መማፀንህን እንዳትረሳ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:48:39 እንዳትቀደም!

ድካምን በብርታት እንጂ በድካም አታሸንፈውም፤ ስልቹነትን በእረፍት እንጂ በእራሱ በስልቹነት አትረታውም፤ ድብርትን በንቃት እንጂ በድብርት አትሻገረውም። ፋታ መውሰድ ካለብህ አጣብቂኝ ሁነት ፋታ ካልወሰድክ በጊዜ ሂደት መመናመንህና በግዴታ ማረፍህ አይቀርም። የሰው ልጅ ድካም አለበት፣ ይታክታል፤ ይሰለቻል፤ ይደብረዋል። እነዚህ ስሜቶች ማንም ብትሆን አይቀሩልህም። ነገር ግን ከስሜቶቹ መምጣት በላይ አንተ የምትሰጣቸው ምላሽ እጅግ ወሳኝ ነው። በየትኛውም ከባድ ሁኔታ ጤናውን የሚያስቀድም፣ እራሱን ለማደስ የሚጥር፣ ካለበት ጫና ለመላቀቅ የሚሞክር ሰው መቼም በእራሱ ስህተት ሊጎዳ አይችልም። ሸክምን በሸክም ላይ፣ ሃሳብን በሃሳብ ላይ እየደራረብክ ሰላም ማግኘት ሳይሆን እራስህንም መሆን አትችልም። የሚያውቁትን መኖርና አውቀው እንዳላዋኪ መኖር የተለያዩ ናቸው።

አዎ! ጀግናዬ..! በአስገዳጁ እረፍት እንዳትቀደም፤ ጊዜውን ጠብቆ በሚመጣው ፈተና እንዳትቀደም። ዛሬ ፋታ ባለመውሰድህ አይቀሬው እረፍት ፈጥኖ መምጣቱ የግድ ነው። ከደከመህ ለማረፍ ጊዜ ይኑርህ፤ ሁኔታዎች ከሰለቹህ ዞር ለማለት አታመንታ፤ ህይወት ካማረረችህ እራስህን ከመንከባከብ ወደኋላ እንዳትል። ከምንም በፊት አንተ እንደምትቀድም አስታውስ። ንብረቱ የመጣው ባንተ ነው፤ ሰዎችን ለማገዝ የበቃሀው አንተ ነህ፤ ህልምህን የምትኖረው አንተ ነህ። አንዳንዴ ለእራስ ቅድሚያ መስጠት፣ እራስን መጠበቅ፣ እራስን መንከባከብ ምርጫ ሳይሆን ግዴታ ነው። በጣም ብዙ አስጨናቂና አሳሳቢ ጉዳዮች ይኖራሉ ነገር ግን ካንተ ደህንነትና ጤና ሊበልጡ አይችሉም።

አዎ! ባለህ ለማመስገን የብዙዎችን ሰቃይ ማስታወስ አይጠበቅብህም፤ በእራስህ ለመኩራት ብዙዎች ያጡትን ነገር መመልከት አይኖርብህም። ባለህ ደስተኛ የምትሆነው ለእራስህ ሰላምና ጤና ብለህ ነው። ጠንክሮ በሰራ፣ በደከመ፣ ቀን ሌሊት ሳይል ላቡን ጠብ አድርጎ በለፋ አይደለም። ምንም ነገር ብትሰራ ለእራስህ የምትሰጠው ጊዜ በጣም ወሳኝ ነው። ዛሬ እራስህን የምትሰጠው ነገር ነገ አንተንም ሊወስድህ እንደሚችል አስቀድመህ እወቅ። መሮጥህ ብቻ ሳይሆን ያለረፍት መሮጥህ ትንፋሽ አሳጥቶ ለከፋ አደጋ ሊዳርግህ እንደሚችል አስተውል። ስሜቶችህን አዳምጥ፤ በየጊዜው ፋታ ውስድ፤ እራስህን አድሰህ በአዲስ መንፈስ ወደ ስራህ ተመለስ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:48:08 አማራጭ አይደለም!

ለዓመታት የምትለፋበት ትምህርትህ የት እንደሚወስድህ፣ የት እንደሚያደርስህ፣ ከምን እንደሚያበቃህ፣ ምን እንደሚያሰራህ ሳታውቅ አትጀምረው። መዳረሻህን የምታውቀው አንድ ቦታ ከደረስክ ቦሃላ ሳይሆን ጉዞህን ሳትጀምር ነው። ብዙ መማርህ አላማው እድሎችን ለማስፋትና የተሻለ ገቢን ለማግኘት ከሆነ ከእርሱ የሚቀድም ጉዳይ እንዳለ አስተውል። አማራጭህን ለማስፋት መጣርህ ክፋት የለውም ነገር ግን ለአማራጭ ብለህ የምታባክነው ጊዜ ግን እጅጉን ወሳኝ ነው። በአጭር ህይወት ለአማራጭ የምትኖረው አመት ሳይሆን የእኔ ብለህ በሙሉ ልብህ አምነህበት፣ ወደሀው፣ መርጠሀው፣ ደስ እያለህ ጊዜህን የምትሰጠው፣ Invest የምታደርግበት ነገር ያስፈልግሃል። ጥረትህ ብዙ አማራጭ ያለው ሰው ለመሆን ሳይሆን በመረጠው ዘርፍ ቁጥጮ የሚሆን ሰውን መፍጠር ነው።

አዎ! ጀግናዬ..! አማራጭ አይደለም! እዚም እዛም ማለትህ አጋጣሚዎች እንዲፈጠሩልህ አይደለም፤ ሁሉም ዘርፍ ላይ መሳተፍ መፈለግህ እረፍት ለማግኘት አይደለም። እዚም እዛም እየረገጥክ አንድ የምተማመንበት፣ የሚያሳርፈኝና የሚያረጋጋኝ ነገር አገኛለሁ ብለህ እንዳታስብ። የምትረጋጋው ብዙ አማራጭ ስላለህ ሳይሆን በአንዱ ምርጫህ ስኬታማ ስትሆን ነው። ምንም አይነት ኮተት ማብዛት አያስፈልግም፤ ህይወትህ ጥራት እንዲኖረው ተለይተህ የምትታወቅበት አይነተኛ ዘርፍ ያስፈልግሃል፤ በእርሱ መንገድ ማደግና ከፍ ማለት ትችላለህ። ነፍስህ ያለው ሌላ ቦታ ሆኖ አንተ የምትማረው ሌላ ከሆነ አንዴት ደስ እያለህ እንደምትማር፣ እንዴት ወደሀው እራስህን እንደምትሰጥለት፣ እንዴት እርግጠኛ እንደምትሆንበት አስበው።

አዎ! የምትፈልገውን ካወክ፣ አላማህን ከተረዳህ፣ የልብ መሻትህን ከለየህ፣ ውስጥህን ካዳመጥክ እዚም እዛም በማለት የምትደክምበት፣ ጀምሮ በመተው የምትሰቃይበት ሁኔታ አይኖርም። ለምትፈልገው ነገር መኖር፣ የምትወደው ስፍራ ላይ መገኘት፣ ወደሚያስፈልግህ አቅጣጫ መጓዝ ከምንም በላይ የውስጥ ሰላም ነው፤ ደስታ ነው፤ በእራሱ ስኬት ነው። አማራጮችህ በበዙ ቁጥር መካከለኛ (mediocre)፣ መደበኛ የመሆን እድልህ በጣም ሰፊ ነው። ብዙ ምርጫ እንዳለህ ማሰብህ ሲጥልህ እንጂ የተሻልክ ሲያደርግህ አተሰመለከትም። በየአቅጣጫው የሚመጣው ትናንሽ ነገር ከአንድ ቦታ በተለየ ሁኔታ ከሚመጣው ጋር አይወዳደርም። በብዙ አማራጭ መከበብ ቀላል ነገር አይደለም። አንዱን አለመያዝህ አንድም ብኩን፣ ሌላም ስሜት አልባ ያደርግሃል። የኔ የምትለውን አንዱን ምረጥ፤ እርሱን እስከ ጥግ ተማር፤ እወቀው፣ ተረዳው፤ ህይወትህን በእርሱ ዙሪያ መስርት፣ እሴትህንም በዛው ዘርፍ ጨምር።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:47:42 ከየት ልጀምር?

ትልቅ ቦታ የሚያደርሰውን ሃሳብ የሌለው ሰው ማግኘት ከባድ ነው፤ ህይወቱ እንዲቀየር የማይፈልግን ሰው ማግኘት አዳጋች ነው፤ ሌላው ቢቀር በምኞት አለው ህይወቱን የማያድስ ሰው አይኖርም። ትንሹም ትልቁም እንደደረጃው ያስባል፣ ይመኛል። ብዙዎቻችንን አንድ ከሚያደርጉን ነገሮች ጥቂቶቹም በትልቁ ማሰባችን፣ እቅድ ማውጣታችን፣ ንድፍ ማስቀመጣችን ብቻ ሳይሆን ለመጀመር መቸገራችንም ጭምር ነው። የሚገርም ሃሳብ አለህ፤ አስደናቂ እቅድ አስቀምጠሃል፤ የተለየ ንድፍ ነድፈሃል ነገር ግን ኬት እንደምትጀምር አታውቅም፤ ከምን እንደምትነሳ አልተገለጠልህም። ሃሳብህ ብቻ ደጋግሞ መምጣት መሔዱ እያስጨነቀህ መጥቷል።

አዎ! ጀግናዬ..! ከየት ልጀምር? ያንተ ጥያቄ ብቻ አይደለም፤ ከምን ልነሳ? ያንተ ጥያቄ ብቻ አይደለም። ብዙዎች የሃሳባቸውን ሃይል መረዳት ቢችሉም ኬት እንደሚጀምሩ ማወቁ ግን ያስጀግራቸዋል። ብዙ ጊዜ በማሰብ ልትታወቅ ትችላለህ፤ በትንተናህ ብቻ የብዙዎችህን ትኩረት ልትስብ ትችላለህ እርሱ ግን ለመጀመር አያበቃህም። እያንዳንዱን በር ክፈት፣ መስኮቶቹን ክፈት፤ አዳዲስ ሃሳቦችን ለመቀበል ዝግጁ ሁን፤ ለመጀመር ማንኳኳት ያለብህ በር ካለ ይከፈት አይከፈት ሳትጨነክ አንኳኳ፤ መልሱ ምንም ይሁን መጠየቅ ያለብህን ሰው ጠይቅ፤ ማንበብ ያለብህን መፅሃፍ አንብብ፤ ማግኘት ያለብህን ሰው አግኝ። ሃሳብ ካለህ ጀማሬህን አታወሳስበው፤ የተፃፈ እቅድ ካለህ ለመጀመር ብዙ አትጨነቅ። መጀመርህ ብቻ ዋጋ የሚያገኝበት ሁነት ሊኖር እንደሚችል አስተውል።

አዎ! ሃሳብህን ለማሳካት፣ ህልምህን ለመኖር፣ ወደ ግብህ ለመቅረብ በብዙዎች እምቢ መባልና ተቀባይነት አለማግኘት በፊት የነበረ፣ ዛሬም ያለ፣ ነገም የሚኖር ነገር ነው። ያንኳኳሀው በር ሁሉ አይከፈትልህም፤ የጠየከው ሰው ሁሉ የፈለከውን ነገር አያደርግልህም፤ በሔድክበት ሁሉ የተመቻቸ ምህዳር አይጠብቅህም፤ መንገድህ ሁሉ አልጋ በአልጋ አይሆንም። ምንም ነገር የመጀመር ሃሳብ ቢኖርህ ከማንም ተጨማሪ ነገር ሳትጠብቅ ያንተ ሃላፊነት የሆነውን ብቻ ከማድረግ ብትነሳ የመጀመር ጥያቄህን በአግባቡ መመለስ ትችላለህ። እድሎች እንዳሉ ሆነው ባለህ ካልተንቀሳቀስክ በርህን አንኳኩተው አይመጡም፤ ጀምረህ ካልተገኘህ የሚረዱህን አካላት ማግኘት አትችልም። ትንሿን መንገድ ለመጓዝ፣ በአዲስ መልክ ለመገለፅ ድፍረት ይኑርህ፣ ምላሹ ምንም ይሁን ምን መጠየቅ ያለብህን ጥያቄ ጠይቅ፣ ጉዞህን ጀምር፣ ሂደቱን ተመልከት።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:47:15 ከባዱ አጋጣሚ!

ደጋግሞ በሰዎች መሰበረ፣ ከትክክለኛው የህይወት መንገድ መውጣት፣ አቅጣጫውን መሳት፣ በጫና ውስጥ ማለፍ፣ በብዙ ነገሮች ውስጥ ትርጉም ማጣት፣ ለሁሉም ነገር ግዴለሽ መሆን፣ ትኩረት ማድረግ አለመቻል። ይህ ሁሉ በአንድ የህይወት አጋጣሚ ባልጠበቅነው መንገድ ሊከሰትብን የሚችል ነገር ነው። በፊት እንዳይመጣ ማድረግ እንችል ነበር፣ ነገር ግን ከመጣና በህይወታችን ከተገለጠ ቦሃላ ግን ከመቀበልና በሂደት ከመጋፈጥ በቅር ምርጫ አይኖረንም። ለየትኛውም ከባድ ሁነት ማለቃቀስ፣ ጣት መቀሰር፣ ምክንያት መደርደር፣ የሆነ አካል አንድ ነገር እንዲያደርግልን መጠበቅ፣ እንዲ ቢሆን እንደዛ ቢሆን በሚል የሃሳብ መዓበል መዋጥ ያለንበትን አጣብቂኝ ከማባባስ ውጪ ምንም ፋይዳ የለውም።

አዎ! ጀግናዬ..! ከባዱ አጋጣሚ የፈተና ወቅት ነው፤ ከባዱ ክስተት የምንሰራበት፣ እራሳችንን የምናገኝበት፣ የእውነት የት እንዳለን የምንገነዘብበት፣ የወደፊት ጉዞ አቅጣጫችንን የምንመለከትበት ነው። ባለህበት አጣብቂኝ ሁኔታ ምክንያት ይባስ እራስህን አታስጨንቀው። ያልተመቸህን ነገር ማቆም አዲስ ነገር አይደለም፤ ፈተናን ማለፍ አለመቻልህ ተዓምር አይደለም፤ በሰዎች መገፋትህ፣ ብቻህን መቅረትህ፣ የሚያዳምጥህ፣ የሚረዳህ ሰው ማጣትህ አዲስ ነገር አይደለም። የሆነው ሁሉ ለቀጣይ የህይወት ጉዞህ መንገድ እየጠረገለህ፣ አንተንም እያጠነከረህ መሆኑን ተገንዘብ። መቀየር ከማትችለው አስጨናቂ ሁኔታ ላይ አይንህን አንሳ፤ ትኩረትህን በሙሉ አቅምህ ብትሰራበት ሊቀየርና ሊያድግ የሚችል ጉዳይ ላይ አድርግ። ከባዱን አጋጣሚ ለላቀው ለውጥ ለመዘጋጀትና ወደ ትልቁ ህልምህ እውንነት ለመጠጋት ተጠቀመው።

አዎ! ከባድ ሁኔት ብቻውን ሳይሆን ሲሳይ ይዞ፣ ብርታትን ጨምሮ፣ ለውጥን አስከትሎ የሚመጣ ነው። ስትፈተን ትክክለኛው አቅምህን ትረዳለህ፤ ስትገፋ እራስህ ላይ መስራት ትጀምራለህ፤ ስትወድቅ ለመማር ትዘጋጃለህ፤ ስትሳሳት ትክክለኛውን መንገድ ትፈልጋለህ። ብዙዎቹ የአለማችን ተፅዕኖ ፈጣሪዎች፣ በብዙዎች ዘንድ ተቀባይነት ያገኙ ሰዎች፣ ትልቁን ስፍራ የተቆናጠጡ አካላት ለዚህ ያበቃቸውን ነገር ሲናገሩ የከባዱና ፈታኙ ክስተት ዋጋ አይተኬ እንደሆነ ይገልፃሉ። በምንም ምክንያት ፍቅሩ በሚያፈቅረው ሰው ተቀባይነት ያላገኘ ሰው ተቀባይነት ማጣቱን እንደ ዋጋቢስነት ከመቁጠር ይልቅ የተሻለ ማንነቱን ለመፍጠር መጠቀም ቢችል ከእርሱ በላይ ለተዓምራዊው ስፍራ መቅረብ የሚችል ሰው አይገኝም። ከከባዱ አጋጣሚ ተምረህ በፍጥነት ውጣ እንጂ በዛው አዙሪት ውስጥ እራስህን አታሰቃይ፤ ሁኔታው ካለፈ ቦሃላ እራስህን እንድትታዘብ የሚያደርግህን ከማንነትህ የወረደ ነገር አታድርግ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:46:47 ከእስራትህ ውጣ!

ጥፋተኛ ስለሆንክ ላትታሰር ትችላለህ፤ ስለበደልክ፣ ስለጎዳህ ወህኒ ላትወርድ ትችላለህ፤ ነገር ግን ባለማወቅም ይሁን በሃሰት ልትታሰር ትችላለህ፤ የአካል እስራትህ ግን ነፃ የሆነውን አዕምሮህን ሊያስረው አይችልም። የትኛውም ነፃነት ከአስተሳሰብህ ይነሳል፤ ከሁነኛው አቋምህ ይመነጫል፤ ከማንነትህ ይመጣል። አጠፋህ አላጠፋህ፣ ጎዳህ አልጎዳህ ሰዎች ከሚሰጡህ የአጥፊነትና የክፋት ስም ይልቅ አንተ ለእራስህ የምትሰጠው የንፅህናና የመልካምነት ስም ይልቃል። ለእራስህ ባለህ አቋም አንድ ልትወድቅ ትችላለህ፤ ሌላም ከቀድሞ በተሻለ ቀና ብለህ መታየት ትችላለህ። የአስተሳሰብህን ሃይል በመጣህበት የህይወት ጉዞ ውስጥ መመልከት ይኖርብሃል። ብትወድቅ የውድቀትህ መንስኤ ምንድነው? ብትታሰር ያሰረህ ማነው?

አዎ! ጀግናዬ..! ማንም ይሰርህ ማን፣ ማንም ይጣልህ ማን አንተ ግን ጊዜ ሳታጠፋ ከእስራትህ ውጣ፤ እራስህን ነፃ አውጣ። ያለጥፋትህ ላሰሩህ፣ ለጉዳት ለዳረጉህ፣ ጠብቀው ላደቡብህ ከልብህ ይቅር በማለት ከቂም እስራት ነፃ ሁን፤ ከጥፋተኝነት አጥር ውጣ። አስሬ ሰዎች ያደረጉብህን ደጋግመህ ብታስብ ሰዎቹን ከመጉዳት ይልቅ በፍቃድህ እራስህን መጉዳት፣ ማሰርና ማሳዘን ትጀምራለህ። የፈረዱብህ ላይ ለመፍረድ እስካልተጣደፍክ ድረስ፣ ለእራስህ ነፃነት እስካሰብክ ድረስ፣ የይቅርታ ልብ አስከኖረህ ድረስ ባላጠፋሀው መወንጀልህ፣ ባልሆንከው መጠራትህ፣ በማይገልፅህ መወከልህ ምንም አይደለም። ወደኋላ ቢያስቀርህም በንፁው ልቦናህ የተረጋጋና አስደሳች ህይወትን ያጎናፅፍሃል።

አዎ! የነፃነት መሳሪያህ አስተሳሰብህ ነው። በአስተሳሰብህ ከታሰርክ፣ እራስህን ከገደብክ፣ አቅምህን ካሳነስክ፣ በእራስመተማመን ከተሳነክ ብዙዎች ቢደግፉህ፣ ብዙዎች ቢያምኑብህ፣ ብዙዎች ቢያበረታቱህ እንኳን የትም መሔድ አትችልም። አቅምህ በአመለካከትህ ፍቃድ የሚወጣ ነው፤ ትክክለኛው ማንነትህ ካንተ አስተሳሰብ ጋር የተገናኘ ነው። ከምንም ተፅዕኖ ነፃ ለመውጣት ከመታገልህ በፊት እየጎዳህ ካለው ከገዛ አሉታዊ አመለካከትህ ነፃ ውጣ፤ ሃሳብህ ላይ ሰልጥን፤ እራስህን መግዛት ጀምር፤ ትናንትን በይቅርታ የምትሽር፣ ወደፊት ለመራመድ የፈጠንክ፣ እራስህ ላይ የሰለጠንክ ብርቱና ጠንካራ ሰው ለመሆን ሞከር። አንተ ያልፈታሀውን እስር ማንም ቢመጣ ሊፈታልህ እንደማይችል አስተውል።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:46:19 መቼ ነበር?

መቼ ነበር ለእራስህ ትልቅ ነገር ያደረከው? መቼ ነበር የሚያኮራህን ተግባር የፈፀምከው? መቼ ነበር ከልብ የሚያስደስትህን ስራ ያከናወንከው? መቼ ነበር በእራስህ ምክንያት ሙሉና ደንቅ ሰው እንደሆንክ የተሰማህ? መቼ ነበር በእራስህ የኮራሀው? ምንስ ስላደረክ በእራስህ ኮራህ? ምን ስለጀመርከ ወይም ምን ስላቆምክ ደስ አለህ? እርሱን ነገር አስታውስና አሁንም አድርገው፤ የቀድሞ ስሜትህን መልሰው፤ በእራስህ ሜዳ ላይ አሸናፊነትህን መልሰህ አግኘው። ያንተ መሆን የሚገባውን፣ ቀድሞ የምታውቀውን ማንነት ዳግም መፍጠር ጀምር። ቀድሞ በሚያስደስቱህ ነገሮች መደሰት የማይቻል፣ ያለፈበት ነገር ሊመስልህ ይችላል፣ ነገር ግን ዳግም እራስን ፈልጎ በማግኘት ዙሪያ ምንም ነገር ሊረፍድና ሊዘገይ አይችልም፤ ቀድሞ እንደነበረ መሆን ባይችልም በተለየ መንገድ ስሜቱን ማምጣት ይቻላል። የጎላ ጥረትህን ቢፈልግም ዳግምም መመለሱና እንደ ቀድሞ ይባሱንም ከዛም በላይ መሆኑ አይቀርም።

አዎ! ጀግናዬ..! ትልቁን የህይወት ደስታ ያጣጣምክበት፣ ለመኖርህ ትርጉም ያገኘህበት፣ በእራስህ ላይ እሴት መጨመር የቻልክበት፣ እራስህን ያወክበት ጊዜ መቼ ነበር? ጊዜውን ማስታወስህ ስሜቱን ሙሉ ባያመጣውም በወቅቱ የተሰማህን ስሜት ግን ያስታውስሃል፤ ወደኋላ ተመልስህ እንድትታደስ ያደርግሃል፤ አሁንም ዳግም በእዛው መንገድ እራስህን ማግኘት፣ ማስተደሰት እንደምትችል ያስገነዝብሃል። ትልቁ ሃላፊነትህ እራስህን በምትፈልገው መንገድ መምራት መቻል እንደሆነ አስታውስ። የሆነ ጊዜ ትክክለኛው መንገድ ላይ ነበርክ፣ በአንድ ወይም በለተያየ አጋጣሚ ግን ከዛ መንገድ ልትወጣ ትችላለህ። ነገር ግን መንገድህን እንደሳትክ፣ በማይመጥንህ ስፍራ እንደተገኘህ፣ እራስህን እየገፋህ መቀጠል ካልፈለክ ወደ ትክክለኛው የጉዞ አቅጣጫህ መግባት የማትችልበት ምንም ምክንያት አይኖርም።

አዎ! ከባድ ነው፤ ነገር ግን የማይቻልና ከአቅምህ በላይ አይደለም። በእርግጥም ያንን የጥንካሬ ዘመንህን፣ አስደሳቹን ጊዜህን፣ የሚያኮራህን ተግባር ከልብህ ከፈለከው ካንተ በቀር እንዳታደርገው ሊከለክልህ የሚችል አካል አይኖርም። በትናንት ትዝታ መደሰት አንድ ነገር ነው፤ ነገ ጥሩ ትዝታ፣ አስደሳች ትውስታ መሆን የሚችልን ነገር ዛሬ ላይ መፍጠሩ ደግሞ እጅግ የላቀውና አመርቂው ተግባር ነው። በእራስህ ላይ ተስፋ አትቁረጥ፤ ምንም እንኳን በብዙ ውጣውረድ ውስጥ ብታልፍም ትናንትም አንተው ነህ፤ ዛሬም ያው አንተ ነህ። አሁን በሆነብህ ነገር አትደናገጥ፤ አሁን በሚሰማህ መጥፎ ስሜት አትሸበር፤ አትታወክ። እንደ አስፈላጊነቱ የቀደመውን አስደሳች ጊዜህን መልሰህ መፍጠር ሞክር፣ በእርሱም ውስጥ እራስህን ፈልገህ አግኝ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:45:38 በልክ አድርጊው!

አዎ! እዳሽን አታብዢ፣ ሌላ የቤት ስራ እራስሽ ላይ አትጨምሪ፤ እንደ አቅምሽ፣ እንደ ማንነትሽ መኖር ጀምሪ። ልህቀትሽ ሲጨምር፣ አስተውሎትሽ ከፍ ሲል፣ መለወጥሽ ትርጉም ሲያገኝ ድካምሽ የእነርሱን ስህተት ለማረጋገጥ ሳይሆን የእራስሽን ልክነት፣ የእራስሽን በተገቢው ስፍራ መገኘት ለእራስሽ ማረጋገጥ ይሆናል። ለህይወትሽ መበላሸት ወይም እንደፈለግሽው አለመሆን ሃላፊነት ሊወስዱ የሚገባቸው አካላት ቢኖሩም ለእራስሽ የምታዝኚና የምታስቢ ከሆነ ግን ጣትሽን ማንም ላይ መቀሰር አቁመሽ እራስሽ ላይ መስራትና እራስሽን መቀየር ትጀምሪያለሽ። የእራስሽ ደስታ እራስሽ መሆን እስከፈለግሽ ድረስ ለማንም ብለሽ እራስሽን መውቀስ አቁሚ።

አዎ! ጀግኒት..! በልክ አድርጊው! የእራስ ወቀሳውን፣ አራስን መተቸቱን፣ በትንሹም በትልቁም እራስን መክሰሱን፣ ሁሌም እራስ ላይ ፊት ማዞሩን፣ እራስ ላይ መጨከኑን መጠን አብጂለት፣ ልኬት ስጪው። እራስሽን የምታብጠየጥይው ለመኮነን ወይስ ለመፅደቅ ነው? እራስሽን ከማንም እንዳነሰ፣ እንደ ምንም የምትመለከቺው ማን እንዲወድሽ ነው? "እኔ አልችልም፣ እኔ ይሔ አይገባምኝም፣ እኔ ይሔ ነገር ያስፈራኛል" የምትይው ከማን አድናቆትና ሙገሳን ለማግኘት ነው? በየጊዜው እራስሽ ላይ የትቺት ናዳ እያወረድሽባት፣ ያለእረፍት እየወቀስሻት፣ ያለምንም እረፍት እያስጨነቅሻት እንዴት ደስተኛ እንድትሆን ትጠብቂያለሽ? የቀማሻትን ቀምተሻት፣ ማንነቷን አሳጥተሽ፣ ሰላሟን አጥፍተሽ፣ ከአንድ ሰው ወይም ከቁስ ጋር አዋህደሻት እንዴት በእራሷ ደስተኛና የተረጋጋች ሴት እንድትሆን ትመኚያለሽ? ውጪውን ለአፍታ ተወት አድርጊው፣ የሚመለከቱሽን፣ የሚያደንቁሽን፣ የሚወዱሽን ሰዎች ለጊዜ ተወት አድርጊያቸው። እራስሽን አዳምጪ፤ ለእራስሽ ይቅርታ አድርጊ።

አዎ! ጀግናዬ..! ለእራስህ እዘንለት፤ ከልብህ አዳምጠው፤ ውስጡን ተመልከተው። ለእራስህ ጊዜ የሰጠሀው፣ ውስጥህን ያዳመጥከው፣ ህመምህን በእራስህ ለማከም የሞከርከው፣ ወደ ውስጥህ የተመለከትከው፣ ሽክሞችህን ያስተዋልከው መቼ ነበር? ከህይወት ጡዘት ፋታ ሳትወስድ፣ አንዴም ለእራስህ ጊዜ ሳትሰጥ፣ የግል ጥያቄህን ሳትመልስ  ሌላ የእራሱ ጥያቄ ያለውን ሰው ለመወዳጀት አትቸኩል። ለእራስህ ጉዳይ ጊዜ ይኑርህ፤ ለእራስህ የግል ጥያቄ ትኩረት ስጥ፤ አስቀድመህ እርሱን መልስ። ከምንም በላይ ህመምህን ለማከም ከአምላክህ በቀር የማንንም እርዳታ አትጠብቅ። የህይወትን እጥረት አስተውል፤ እራስህን እያሳቀክና እያስጨነክ ይባስ አጨርና ዋጋ ቢስ አታድርጋት። ለእራስህ ደስታና መረጋጋት ስትል በፈለከው መንገድ በነፃነት ኑራት።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:45:09 አንተው ታሳካዋለህ!

አንዳንዴ ደጋፊዎችህ የነበሩ ሰዎች ወደኋላ ሊሉ ይችላሉ፤ ድጋፋቸውን ሊያቆሙ፣ መረዳታቸውን ሊተው ይችላሉ። በዚህ ሰዓት ዳግም ወደነበርክበት የብቸኝነት ወቅት ትመለሳለህ፤ ድጋሜ እራስህን መደገፍ ትጀምራለህ፤ ለእራስህ አንተው ብቻ እንዳለህ ትገነዘባለህ። አለም በየጊዜው ትለዋወጣለችና የሰዎች ቃላቸውን ማጠፍ፣ ባሉበት አለመገኘት ሊያስገርህም አይገባም። የሚከዳው ሰው ነፃ ያወጣኛል፤ ሰላም ይሰጠኛል ብሎ ካሰበ መከዳት ምንም አይደለም፤ ተስማምቶ ጀምሮ የኋኋላ እራስን ማሸሸ የተሻለው ምርጫዬ ነው ካለ ምንም ማለት አይደለም። ሁሌም ቢሆን ያንተ ነገር ያንተ ነው፤ አንተ እንደጀመርከው አንተው ትጨርሰዋለህ፤ አንተው እንዳለምከው አንተው ትኖረዋለህ፤ አንተው እንደወጠንከው አንተው ታሳካዋለህ።

አዎ! ጀግናዬ..! ያንተ ሃሳብ፣ ያንተ እቅድ፣ ያንተ ህልም ግድ የሚሰጠው ላንተ ብቻ ነው። ምናልባት በጥቂቱ የተረዱህ ሰዎች ሊያግዙህ ይችላሉ፣ በሃሳብህ የተስማሙ ሰዎች ከጎንህ ሊቆሙ ይችላሉ ነገር ግን እነርሱ ቢሔዱ፣ ብቻህን ብትቀር ለህልምህ እስከ መጨረሻ መታገል እንዳለብህ እንዳትረሳ። ቀላል አይደለም፤ ብቻህን በሚገባ ትፈተናለህ፤ ዋጋ ትከፍላለህ፤ ከምታስበው በላይ ትቸገራለህ፤ ትጎዳለህ ነገር ግን ለአላማህ እውንነት ያለህ ምርጫ እርሱ እስከሆነ ድረስ በፍፁም ተስፋ እንዳትቆርጥ። በጥረትህ ልክ፣ በእድገትህ መጠን ከብዙዎች ጋር ትገናኛለህ፤ ክህሎትህ ሲጨምር ገቢህ ይጨምራል፤ አቅምህ ይጎለብታል፤ ትናንት ብቻህን መቅረትህ ለዛሬ ከፍታህ፣ ለዛሬ ስኬትህ ምክንያት ይሆንሃል።

አዎ! መከዳትን አትጥላው፤ በመገፋትህ አትበሳጭ፤ ሰዎችን ባሰብካቸው ልክ ባታገኛቸው አትገረም። ትናንት በዛሬ በምትቀየርበት አለም ትናንት ወዳጅህ የነበረ ዛሬ ጠላትህ መሆኑ፣ ትናንት ደጋፊህ የነበረ ዛሬ ባላንጣህ መሆኑ፣ ትናንት ተስማምታችሁ፣ ተግባብታችሁ በአጋርነት የጀመራችሁትን ጉዳይ ዛሬ በምናለብኝነት መተው ሊያስገርምህ አይገባም። ብቻህን ለጀመርከው ነገር ብቻህን መፋለም እንደማይከብድህ እመን። ካንተ ውጪ አንተ የፈለከውን ሊያደርግልህ የሚችል ሰው የለም፤ ካንተ በቀር ባሰብከው ልክ ለህልምህ ዋጋ ሊከፍል የሚችል ሰው አይገኝም፤ ኬትምም ሊመጣ አይችልም። አንተ ያመጣሀውን ሃሳብ ሌላ ሰው እንዲፈፅምልህ አትጠብቅ፤ አንተ የጀመርከውን ሌላ ሰው እንዲጨርስልህ አትመኝ። ከቃላቸው ፈቀቅ በማለታቸው ሳትደናገጥ፣ እምነትን በማጣታቸው ሳትደነቅ ላመንክበት ጉዳይ እስከ ጥግ ተፋለም፤ ዋጋ ክፈል።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ

2023-05-11 20:44:27 ፍቅርህ ስኬት ነው?

የይቅርታ ሃይል የሚለካው፣ ቢያሳምም በደል የሚተወው፣ ለሰው መኖር የሚቻለው፣ የአምላክ ፍቃድ ቅድሚያ የሚሰጠው፣ ጥልቁን ስሜት ለመጋራት ወደኋላ የማይባለው በእርግጥም ፍቅርን ከቃል በላይ መኖር ሲቻል ነው። ሰዎች ይሳሳታሉ በፍቅራቸው ግን ይተራረማሉ፣ ጥፋትን ይፈፅማሉ ነገር ግን ተጨማሪ የመስተካከያ እድል ይሰጣጣሉ፣ ከጉዳታቸው በላይ የሚወዱት ሰው ስለመጎዳቱ አብዝተው ያስባሉ፣ በሚወዱትና በሚያፈቅሩት ሰው ደስታ ሃሴት ያደርጋሉ፤ ነፍሳቸውን ያሳርፋሉ፤ መረጋጋትን ይጎናፀፋሉ። ነገር ግን ይህም ሆኖ ሳለ በአስደሳቹ የፍቅር ህይወት ድንበር መኖሩ አይቀሬ ነው። ዋንኛው ምክንያቱም ፍቅርን ለማፅናት፣ ለመጠበቅና ከለላ ለመስጠት ነው። በፍቅር ውስጥ እራስህን ትገድባለህ፣ ከብዙ ነገር ትጠበቃለህ፣ የእሳቤ ደረጃህን ታሳድጋለህ፣ የአንድን ሰው ህይወት በሃላፊነት ትረከባለህ።

አዎ! ጀግናዬ..! ፍቅርህ እስኬት ነው? የመውደድህ ዳርቻ፣ የማክበርህ ጥግ፣ የእንክብካቤህ መጠን፣ የሃዘኔታህ ጫፍ እስኬት ነው? ያለህበትን የፍቅር ህይወት እስከምን ታከብረዋለህ? እስኬት ጊዜ ትሰጠዋለህ? ምንያክል በሙሉ ትኩረት ትጠብቀዋለህ? ሃሳብህ ትልቅ ከሆነ፣ በአላማ የምትኖር ከሆነ፣ ህይወትህን በትክክለኛው መንገድ መምረት የምትፈልግ ከሆነ የፍቅር ህይወትህን መስመር የማስያዝና አስደሳች የማድረግ ሃላፊነት አለብህ። አንተ ያልጠበከው ግንኙነት በማንም አይጠበቅም፣ አንተ ያላከበርካትን፣ ያልተረዳሃትን፣ ያላወካትን ወዳጅህን ማንም ካንተ በላይ ሊያከብራት፣ ሊረዳትና ሊያውቃት አይችልም። ትኩረት የሰጠሀው የፍቅር ግንኙነትህ የተረጋጋ ህይወትህ ዋስትና ነው። በአንዳንድ የህይወት አጋጣሚ ብትፈተን በእርሱ ትበረታለህ፤ በስራ ጉዳይ ብትሰበር በእርሱ ትጠገናለህ።

አዎ! ፍቅር ሰላም ነው፤ ፍቅር መረጋጋት ነው፤ ፍቅር ሃይል ነው፤ ፍቅር ብርታት ነው። የትኛውም አይነት ፍቅር ሊሆን ይችላል የእራስ፣ የእናት፣ የአባት፣ የወንድም፣ የእህት፣ የልጅ፣ የጓደኛ፣ የተቃራኒ ፆታ፣ የሃገር ፍቅር ይሁን አዎንታዊ ሃይልን እስካመነጨና ውስጣዊ ሰላምን እስካረጋገጠ ድረስ ሁሌም የፍቅር ሃያልነት ፀንቶ እንደኖረ ነው። ነገር ግን ለምንም ነገር እምነትህ ወሳኝ እንደሆነው ሁሉ የፍቅርን ፍፁም ሃይል ለመመልከትም በፍቅር ሃያልነት ማመን ይጠበቅብሃል። መኖር በፍቅር ሲሆን ችግር ቢኖርም መፍትሔ ይኖረዋል፤ መሰናክል ቢበዛም መሻገሪያው ድልድይም በዛው ልይ ይዘጋጅለታል። ከምንም በፊት እራስህን ጠብቅ፣ ለጤናህ ተጠንቀቅ በመቀጠልም የፍቅር ህይወትህን ጨምሮ ሌሎች ግንኙነቶችህን ጠብቅ። አንተ በመኖርህ የፍቅር ህይወት ኖረህ፣ የፍቅር ህይወት ስላለህ ደግሞ የተሻለ ህይወት እየኖርክ እንደሆነ እርግጠኛ ሁን። የህይወት አጋር የምትፈልገው ለተሻለ ብርታና ጥንካሬ እንጂ ለውድቀትና ለስብራት እንዳልሆነ አስታውስ።
═════════❁✿❁ ═════════
ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!! የቴሌግራም ቻናላችንን ግቡና Join አድርጉ ።
https://t.me/joinchat/AAAAAFAtO5kL7-YczXxg_Q ክፈት / አስተያየት ይስጡ