AHADU RADIO FM 94.3

ኬንያው ፕሬዝዳንት ዊሊያም ሩቶ በደቡብ ሱዳን የላይኛው ናይል ጆንግሌ ግዛት የሚደረገው ጦርነት ያበቃ ዘንድ የሀገሪቱን ፕሬዘዳንት ሳልቫ ኪርን ጠይቀዋቸዋል፡፡

በደቡብ ሱዳን የላይኛው ናይልና የጆንግሌ ግዛቶች የሚደረገው ከባድ ጦርነት ፈፅሞ መቋጫ ያጣ ይመስላል፡፡
የሀገሪቱ አጎራባች ሀገራት በዚያች ሀገር ያለው የንፁሃት ሰቆቃ ተውግዶ ሰላም ይሰፍን ዘንድ አብዝተው መሻታቸውን ቢገልጹም የተለወጠና በደቡብ ሱዳን የመጣ የሰላም አዝማሚያ እስካሁን የለም፡፡
ይህንን ተከትሎም የጎረቤት ሀገር ኬንያ ፕሬዝዳንት ዊሊያም ሩቶ በደቡብ ሱዳን ሁለት ግዛቶች ማባሪያ ያጣው ጦርነት ተወግዶ ለሰብዓዊ ድጋፍ አቅርቦት የተመቻቸ መንገድ እንዲፈጠር ለደቡብ ሱዳኑ ፕሬዝዳንት ሳልቫ ኪር ጥያቄ ማቅረባቸው ነው የተሰማው፡፡

የኬንያው ፕሬዝዳንት እንደተናገሩት በሀገሪቱ ያለው የጠላትነት ስሌት ሁሉም ቢሆን በአውሮፓውያኑ 2018 የተደረሰውን የሰላም ስምምነት የሚፃረርና የሚንድ መሆኑንም ነው ያሰመሩበት ሲል የዘገበው ዘ ኢስት አፍሪካን ነው፡፡

አስተያየት እና ጥቆማ ለመስጠት በ7545 አጭር የፅሁፍ መልክት ይላኩ
ድህረ ገጽ፡- https://ahaduradio.com/
ፌስቡክ፡- https://www.facebook.com/ahadutelevision
ዩትዩብ፦ http://shorturl.at/cknFP
ቴሌግራም፡- https://t.me/ahadutelevision
ትዊተር፦https://twitter.com/ahadu_radio?lang=en
አሐዱ ራድዮ 94.3 እና ቴሌቪዥን #አሐዱ_24

በድርቅ ለተጎዱ ህጻናት ድጋፍ እንደሚያስፈልግ ተገለጸ፡፡

በኢትዮጵያ የተለያዩ አካባቢዎች ካለፈው አመት አጋማሽ አንስቶ የተከሰተውን ድርቅ ተከትሎ ወደ 2 ሚሊዮን የሚጠጉ ህጻናት አስቸኳይ የምግብ ድጋፍ እንደሚያስፈልጋቸው የተባበሩት መንግስታት የህጻናት መርጃ ድርጅት ዩኒሴፍ በኢትዮጲያ ለአሐዱ ባጋራው ሪፖርት የገለጸ ሲሆን ከነዚህም መካከል 8 መቶ ሺህ የሚሆኑት አስቸኳይ የህክምና ድጋፍ እንደሚያስፈልጋቸው ገልጿል፡፡

አሐዱም ሪፖርቱን መነሻ በማድረግ የጤና ሚኒስቴርን ያነጋገረ ሲሆን በሚኒስቴር መስሪያ ቤቱ የእናቶች ጤናና የብሄራዊ ክትባት ማስተባበሪያ ዳይሬክተር አቶ ዮሃንስ ላቀውም በበኩላቸው ዩኒሴፍ ባወጣው የቁጥር መረጃ ላይ እርግጠኛ መሆን ባይቻልም በድርቅ የተጎዱ በርካታ ህጻናት እንዳሉና ድጋፍም እንደሚያስፈልጋቸው እናምናለን ብለዋል፡፡

ሚኒስቴር መስሪያ ቤቱ የሚያስፈልጉ አስቸኳይ ድጋፎችን ለማድረግ እየሰራ እንደሆነ ገልጸው የቁጥር መረጃውን ጥናት በዋነኝነት እያካሄደ ያለው ተቋም ግን የኢትዮጲያ ህብረተሰብ ጤና ኢንስቲቲዩት እንደሆነ ገልጸዋል፡፡
አሐዱም የኢትዮጵያ ህብረተሰብ ጤና ኢንስቲቲዩትን ያነጋገረ ሲሆን ተቋሙም ጥናቱን እያካሄደ እንደሚገኝና ዝርዝር መረጃውን በቅርቡ ግልጽ እንደሚያደርግ ጠቁሟል፡፡
እንደ ዩኒሴፍ መረጃ በምስራቅ አፍሪካ ቀንድ በሚገኙት በኢትዮጲያ ፣ ሶማሊያና ኬንያ ወደ 20 ነጥብ 2 ሚሊየን የሚጠጉ ህጻናት በአስከፊ ርሃብ ውስጥ ይገኛሉ፡፡

አስተያየት እና ጥቆማ ለመስጠት በ7545 አጭር የፅሁፍ መልክት ይላኩ
ድህረ ገጽ፡- https://ahaduradio.com/
ፌስቡክ፡- https://www.facebook.com/ahadutelevision
ዩትዩብ፦ http://shorturl.at/cknFP
ቴሌግራም፡- https://t.me/ahadutelevision