AMN-Addis Media Network

የክቡር ዶክተር አርቲስት ዓሊ ቢራ መታሰቢያ ሐውልት በአዲስ አበባ ተመረቀ

አዲስ ሚዲያ ኔትዎርክ (ኤ ኤም ኤን) ሰኔ 18/2015 ዓ.ም

በንፋስ ስልክ ላፍቶ ክፍለ ከተማ በተለምዶ ሀይሌ ጋርመንት ተብሎ ከሚጠራው አካባቢ ወደ ገላን በሚወስደው መንገድ ላይ በሚገኘው አደባባይ ሀውልቱ የተገነባ ሲሆን አደባባዩም በስሙ ተሰይሟል።

ሀውልቱን የመረቁት የአዲስ አበባ ከተማ ከንቲባ ወይዘሮ አዳነች አቤቤ አርቲስት ዓሊ ቢራ በስራዎቹ ስለአንድነት፣ አብሮነት፣ ፍቅር፣ ሰላምና ፍትህ በማቀንቀን ዘመን የሚሻገር አሻራ ትቶ አልፏል ብለዋል፡፡

የመታሰቢያ ሃውልቱ ይህን የአርቲስቱን በጎ ስራ የሚዘክር መሆኑንም ነው የተናገሩት፡፡

ሀውልቱ አሊ ቢራ ስለ አንድነት እና የሀገር ፍቅር እና ክብር በሙዚቃዎቹ ያስተላለፈውን ትምህርት ያሁኑ ትውልድ እንዲተገብረው ማስታወሻ የሚሆን ነውም ብለዋል።

በምረቃ ስነ ስርዓቱ ላይ የፌደራል እና የአዲስ አበባ ከተማ አስተዳደር ከፍተኛ የመንግስት የስራ ሀላፊዎች የአሊ ቢራ ቤተሰቦች የሞያ አጋሮች እና አድናቂዎች ተገኝተዋል።

ከምረቃ ሥነ ሥርዓቱ በኋላም የአረንጓዴ አሻራ ችግኝ ተከላ መርሃ ግብር ተከናውኗል።

በሰብስቤ ባዩ

ማንችስተር ሲቲ የአውሮፓ ሻምፒዮንስ ሊግን ሻምፒዮን ሆነ

አዲስ ሚዲያ ኔትዎርክ (ኤ ኤም ኤን) ሰኔ 03/2015 ዓ.ም

ማንችስተር ሲቲ የአውሮፓ ሻምፒዮንስ ሊግን ለመጀመሪያ ጊዜ አሸነፈ።

በአውሮፓ ሻምፒዮንስ ሊግ የፍጻሜ ጨዋታ ማንችስተር ሲቲ ኢንተር ሚላንን 1 ለ 0 በማሸነፍ ለመጀመሪያ ጊዜ የውድድሩ አሸናፊ ሆኗል።

በአታቱርክ ኦሊምፒክ ስታዲየም በተደረገው ጨዋታ ስፔናዊው የአማካይ ተጫዋች ሮድሪ በ68ኛው ደቂቃ ለሰማያዊዎቹ የማሸነፊያዋን ግብ ከመረብ ላይ አሳርፏል።

ውጤቱን ተከትሎ በፔፔ ጋርዲዮላ የሚሰለጥነው ማንችስተር ሲቲ በታሪኩ ለመጀመሪያ ጊዜ የሻምፒዮንስ ሊግ ዋንጫ ባለቤት ሆኗል።

ማንችስተር ሲቲ ከማንችስተር ዩናይትድ በመቀጠል የሶስትዮሽ ዋንጫ ያነሳ ሁለተኛው የእንግሊዝ ክለብ ሆኗል።

ማንችስተር ሲቲ በዘንድሮው የውድድር ዓመት የእንግሊዝ ፕሪሚየር ሊግ እና የኤፍኤ ካፕ ዋንጫ ማንሳቱ ይታወቃል።

#Update

ማንቼስተር ሲቲ የእንግሊዝ ኤፍ ኤ ካፕ ዋንጫን አነሳ!

ማንቼስተር ሲቲ ከከተማ ተቀናቃኙን ማንቼስተር ዩናይትድ ጋር ባደረገው የኤፍኤ ካፕ የፍፃሜ ጨዋታ በመደበኛ ሰዓት 2:1 በማሸነፍ ነው የዋንጫ ባለቤት የሆነው።

ባለፈው ሳምንት ፍፃሜውን ባገኘው የእንግሊዝ ፕሪሚዬር ሊግ ማንቸስተር ሲቲ በሻምፒዮናነት ማጠናቀቁ ይታወቃል።

ሦስትዮሽ የዋንጫ ጉዟቸውን የቀጠሉት ስፔናዊው አሰልጣኝ ፔፕ ጋርዲዮላ ከውሃ ሰማያዊዎቹ ጋር ሁለተኛ የእንግሊዝ ኤፍ ኤ ካፕ ዋንጫቸውን ማንሳት ችለዋል።

በመጪው ሳምንት ማገባደጃ እሁድ በአውሮፓ ሻምፒዮንስ ሊግ ከኢንተርሚላን ጋር የሚያደርገውን ጨዋታ ማሸነፍ ከቻለ በክለቡ ታሪክ አዲስ ክብረወሰን የሚያስመዘግብ ይሆናል።