Natnael Mekonnen

ክፍለጦሮች በአሸባሪው ኦነግ ሸኔ ላይ የሚወስዱትን እርምጃ አጠናክረው መቀጠላቸው ተገለፀ።

በምስራቅ ወለጋ ዞን በዲጋ ወረዳ የማዕከላዊ ዕዝ አንድ ክፍለጦር በአሸባሪው ኦነግ ሸኔ ላይ ሰሞኑን ባደረገው የተቀናጀ ኦፕሬሸን የሸኔ ቡድን መደምሰሱን የክፍለጦሩ አዛዥ ሌተናል ኮሎኔል ታደሰ እንዳለው ገልፀዋል።

የህዝብን ሠላም መንሳት አላማው አድርጎ የሚንቀሳቀሰው አሸባሪው ኦነግ ሸኔ በማህበረሰቡ ላይ የሚያደርሰውን ጥቃት ለማስቆምና ቡድኑን ሙሉ በሙሉ በማጥፋት የሃገሩን ሰላም ለማረጋገጥ ክፍለጦሩ ተልዕኮውን በድል አድራጊነት ቀጥሏል ሲሉ አዛዡ ተናግረዋል።

ክፍለጦሩ ሰሞኑን በጠላት ላይ በወሰደው እርምጃ የሽብር ቡድኑ ለጥፋት ተግባሩ ይጠቀምበት የነበረውን  ብሬን ፣ ክላሽ ፣ የክላሽ መጋዘን ፣የብሬን ጥይት ፣ ቦንብ፣ የክላሽ ጥይት ፣ሽጉጥና የተለያዩ መድሃኒቶችን በቁጥጥር ስር ማዋል መቻሉን ሌተናል ኮሎኔል ታደሰ እንዳለው አሳውቀዋል።

በተመሳሳይ በሆሮ ጉድሩ ወለጋ ዞን በሀባቦ ወረዳ እየተንቀሳቀሰ ህብረተሰቡን ለስቃይ እና ለእንግልት ሲዳርግ እንዲሁም መሰረተ ልማቶችን ሲዘርፍ እና ሲያቃጥል የቆየዉ አሸባሪዉ የሸኔ ቡድን ክፍለ ጦሩ በሚወስደው የተቀናጀ እርምጃ እጅ እየሠጠ ይገኛል።

እጃቸውን ለሰራዊቱ  ከሰጡት መካከል ለሊሳ ዋሚ ላለፉት አመታት በሽብር ቡድኑ በቆየሁበት ጊዜ ህብረተሰቡን በማሠቃየት በዘረፋ ላይ ተሰማርቸ ነበር ግን ትክክል አልነበርኩም አሁን ወደ ሠላም ተመልሻለሁ ብሏል።

የአካባቢዉ ነዋሪዎች የሽብር ቡድኑ አባላት በሰላማዊ መንገድ ለመከላከያ ሰራዊቱ እጅ መስጠታቸውን እንዲቀጥሉበትና በአካባቢውም የልማት ሥራ እንዲሠራ ሃሳብ ሰጥተዋል።

ወጣት ሶፎኒያስ አስራትን ገድለው ተሽከርካሪውን ዘርፈው የተሰወሩ ማንነታቸው ያልታወቁ ወንጀል ፈፃሚዎችን በ48 ሰዓት ውስጥ ከዘረፉት ተሽከርካሪ ጋር በቁጥጥር ስር አውሎ ምርመራ እያጣራ መሆኑን የአዲስ አበባ ፖሊስ አስታወቀ፡፡ ወንጀሉን የፈፀሙ አካላትን ለመቆጣጠር የምርመራና የክትትል ቡድኑ ሌት ከቀን በመስራት ውጤት ማምጣቱ ገልፆል፡፡

በአቃቂ ቃሊቲ ክፍለ ከተማ ወረዳ 5 ልዩ ቦታው አሽከርካሪዎች ማሰልጠኛ አካባቢ ወደ አቦ ቤተ-ክርስቲያን በሚወስደው መንገድ ላይ ወጣት ሶፎኒያስ አስራት ተገድሎ ይገኛል፡፡

የወጣቱ መገደል ሪፖርት የደረሰው አዲስ አበባ ፖሊስ የወንጀል ምርመራና የክትትል ቡድኖችን በማዋቀር የገዳዮቹን ማንነት በማወቅ ወንጀለኞቹን ህግ ፊት ለማቅረብ ወደ ስራ ይገባል፡፡
ሟች ወጣት ሶፎኒያስ መጋቢት 24 ቀን 2016 ዓ/ም ከንፋስ ስልክ ላፍቶ ክፍለ ከተማ ወረዳ 1 ናሆም ሆቴል አካባቢ ከሌሊቱ 8፡00 ሰዓት ላይ ማንነታቸው የማይታወቁ ሦስት ግለሰቦችን አሳፍሮ ወደ ቦሌ ሚካኤል ለማድርስ መሄዱን ጉዳዩን ለመከታተል የተቋቋመው የምርመራና የክትትል ቡድን አባላት ባደረጉት ክትትል ያረጋግጣሉ፡፡
ወንጀል ፈፃሚዎቹ ወንጀል ለመፈፀም አቅደው እና ተደራጅተው የትራንስፖርት አገልግሎት ፈላጊ መስለው ሹፌሩን በመቅረብ ከተሳፈሩ በኋላ አንገቱን በገመድ አንቀው በመግደል አስክሬኑን በአቃቂ ቃሊቲ ክፍለ ከተማ ወረዳ 5 አሽከርካሪዎች ማሰልጠኛ አካባቢ ወደ አቦ ቤተክርስቲያን በሚወስደው መንገድ ላይ በመጣል አይነቷ ቪትዝ የሴሌዳ ቁጥር ኮድ 2A 93488 ተሽከርካሪ ጨምሮ ሁለት ሞባይል ስልኮችን ዘርፈው ይሰወራሉ፡፡

ፖሊስ ሌት ተቀን ባደረገው ብርቱ ክትትል ልዩ ልዩ ፖሊሳዊ ቴክኒኮችን በመጠቀም ወንጀል ፈፃሚዎቹ የሰረቁትን ተሽከርካሪ ለመሸጥ እየተስማሙ መሆኑን በበቂ ማስረጃ ካረጋገጠ በሗላ ክትትሉን በመቀጠል ሦስቱን ዋና ወንጀል ፈፃሚዎች የሰረቁትን መኪና በቦሌ ክፍለ ከተማ ወረዳ 12 ልዩ ቦታው ቦሌ ቡልቡላ አካባቢ ለመሸጥ እየተደራደሩ እንዳለ በቁጥጥር ስር በማዋል የተሰረቀችውን መኪና ፣ ሁለት ሞባይል ስልኮችን ልዩ ልዩ ኤግዚቢቶችን ይዞ ምርመራውን መቀጠሉን ጨምሮ ገልፆል፡፡ ፖሊስ ባደረገው ክትትልና ምርመራ ማንነታቸው የማይታወቁ ወንጀል ፈፃሚዎችን በ48 ሰዓት ጊዜ ውስጥ በመለየት ሦስት ዋና ወንጀል ፈፃሚዎችንና ሦስት ግብራበሮቻቸውን በቁጥጥር ስር ማዋሉ ታውቋል፡፡

በመጨረሻም ለዚህ ስራ ስኬታማነት ቀና ትብብር ላደረጉ አካላት አዲስ አበባ ፖሊስ ምስጋናውን እያቀረበ የሜትር ታክሲ አገልግሎት የጥሪ ማዕከል ቁጥሮችን ሳይጠቀሙ አገልግሎት መስጠት ሆነ መቀበል እንዲሁም ከሚታወቀው የአገልግሎት አሰጣጥ ውጭ በዋጋ ድርድር የሚሰጥ የትራንስፖርት ግልጋሎት ለእንዲህ አይነት ወንጀል እየዳረገ ስለሆነ ተሳፋሪዎች ሆኑ አሽከርካሪዎች ጥንቃቄ ሊያደርጉ እንደሚገባ ፖሊስ መልእክቱን አስተላልፏል፡የምርመራ ሥራው እንዳበቃ የፍርድ ሂደት ውጤቱን በቀጣይ ለህዝብ እንደሚገለፅ የአዲስ አበባ ፖሊስ አስታውቋል ፡፡

ትኩረት ለወላጅ አልባ ህፃናት

ሃሳቡ የተፀነሰው ከ6 ዓመታት በፊት ነው። መቅደስ የልጆች አድማስ ሙሉ በሙሉ አገር በቀል የሆነና በአርቲስት መቅደስ ፀጋዬ @mekdes_tsegaye_official የተመሰረተ የበጎ አድራጎት ድርጅት ነው::

ድርጅቱን ሙሉ ለሙሉ በመገንባትና በሙሉ አቅሙ ስራውን እንዲጀምር ለማድረግ እስከ አንድ ቢሊዮን ብር የሚያስፈልግ መሆኑን የገለፀችው አርቲስት መቅደስ በመጀመሪያው ዙር 200 ህፃናትን ከመላው ኢትዮጵያ እንደሚቀበል ተነግራለች።

ልዩ ትኩረት እና ጥበቃ ለሚያስፈልጋቸው ወላጅ አልባ ህፃናት ሁሉን አቀፍ እንክብካቤ በመስጠት በቀጣይ የሕይወት ጉዟቸው ስኬታማ እንዲሆኑ ለማድረግ ትኩረቱን አድርጎ የሚሰራ የበጎ አድራጎት ማዕከል እንደሆነ የተገለፀ ሲሆን በተለያዩ የሙያ ዘርፎች ላይ በተሰማሩ ተፅእኖ ፈጣሪ ግለሰቦች በቦርድ አባልነት ተሰይመዋል፡፡ .

ያልተከፈለ ብዙ እዳ አለብኝ በማለት ህልሟን ይዛ ወደ ህዝብ የመጣችው አርቲስት መቅደስ፣ ማእከሉን እውን ለማድረግ ይፋ የገቢ ማሰባሰቢያ መርሀግብር በሳምንቱ መገባደጃ በስካይ ላይት ሆቴል አስጀምራለች።

#አይዴ_ጨምበላላ

የሲዳማ ብሔር ዘመን መለወጫ ፊቼ-ጨምበላላ በታላቅ ድምቀት በሀዋሳ ከተማ እየተከበረ ይገኛል። አባቶች በሶሬሳ ጉዱማሌ የቄጣላውን ዜማ እያሰሙ ይገኛሉ።

የሲዳማ ክልል ባህል ቱሪዝም ቢሮ ሃላፊ አቶ ጃጎ አገኘሁ የሲዳማ ህዝብ በፊቼ-ጨምበላላ ከዘመናቶች በፊት ከአለም የቀደመበት ታሪካዊ ፍታህዊነትን ያሰፈነበት በመሆኑ ዛሬ ዓለም ያደረሰብ ፍትሃዊነት እና እኩልነት ሲዳማ ከዛሬ መቶ አመታቶች በፊት ሲያደርገው የነበረ ነው።

በመሆኑም በፊቼ ጨምበላላ አባቶች በትኬሻቸው ጋሻ/ወንቆ እና ጦር በመያዝ ቄጣላ የሚያደርጉበት ኩነት ያለው ሲሆን ቄጣላ ደግሞ የሲዳማ አባቶች ሃዘናቸውን እና ደስታቸውን ብሎም ስሜታቸውን የሚገልፁበት የዜማ ስልት ነው። ይህም ፊቼ ጨምበላላ በአለም ቅርፅነት በዩኔስኮ በPerformance ሂደት እንዲመዘገብ የቄጣላ ዜማ ስርዓት ትልቅ አስተዋጽኦ ያደረገ መሆኑንም ገለፀዋል።

በተለይም በከሰሞኑ የተመረቀው የአፊኒ ፊልም የሲዳማ ህዝብ ግጭት አፈታት ሂደት ላይ ትኩረት ያደረግ ሲሆን አፊኒ ማለትም (አወቃችሁ) ማለት ሲሆንን የአፊኒ የግጭት አፈታት ባህልም የተወሰደው ከዚህው ከጨምበላላ በዓል ላይ መሆኑን የገለፁ ሲሆን በቂም በበቀል እና በግጭት ፊቼ ጨምበላላ መክበር በፍፁም እንደማይቻል አቶ ጃጎ ገለፀዋል።

አሁን የምናከብረው የጨምበላላ በዓል በጨምላላን እንኑር በሚል መሪ ቃል እንደመንግስት እየተከበረ መሆኑንም ገልፀዋል።