የስብዕና ልህቀት

2022-12-23 21:34:58 ወደፊት የኢትዮጵያ ህዝብ በስድስት ይከፈላል።
የሚበላ ፤ የሚ(በ)ላ ፤ የማይበላ ፤ የሚያባላ የሚያስበላ እና የሚያብላላ ተብሎ ይከፈላል

የእብዱ ትንቢት
ተራኪ አንዱአለም ተስፋዬ

@Human_Intelligence ክፈት / አስተያየት ይስጡ

2022-12-23 21:06:20 𝐈𝐭’𝐬 𝐨𝐤𝐚𝐲

ይህች ምስሉ ላይ የምታዪት ወጣት 𝐉𝐚𝐧𝐞 𝐌 ('#𝐍𝐢𝐠𝐡𝐭𝐛𝐢𝐫𝐝𝐞' ) ትባላለች በቅርቡ በተደረገው 𝐀𝐦𝐞𝐫𝐢𝐜𝐚'𝐬 𝐆𝐨𝐭 𝐓𝐚𝐥𝐞𝐧𝐭 ተሳትፋ ከሳይመን 𝐆𝐨𝐥𝐝𝐞𝐧 𝐁𝐮𝐳𝐳𝐞𝐫 ተበርክቶላታል።
𝐈𝐭𝐬 𝐨𝐤𝐚𝐲 በሚል ርዕስ ግለ ታሪኳን ታቀነቅናለች...

በፈገግታ የታጀበችው እንስት ከርቀት ስትታይ ምንም ችግር ያላያት ወይም የማታውቅ ትመስላለች .....ታምናላችሁ ከዚህ ፈገግታ ጀርባ  የሳንባ ፣ የአከርካሪ እንዲሁም የጉበት ካንሰር ተጠቂ ናት የመኖር እድልሽ ሁለት በ መቶ ነው ተብላ  ...𝐈𝐭'𝐬 𝐨𝐤 እያለች ታቀነቅናለች "#ምንም ማለት አይደለም" እንደማለት ነው።

ሁለት ፐርሰንት ዜሮ ማለት አይደለም ተስፋ አለኝ ትላለች።  ብዙ አነቃቂ ንግግሮችን ሰምታችሁ .. አይታችሁ አልያም አንብባችሁ.. ..ይሆናል የተኖረ ማነቃቂያና ጥንካሬ ከዚህ በላይ አለ ብዬ አላስብም ....እስኪ ቆም ብለን እናስተውል እኛ በስንት ነገሮቻችን ፈጣሪን አማረናል ..? እድል ፊቶን አዞረችብን ብለን ተስፋ ቆርጠናል..? መልሱ እናንተውጋ ይቆይ

እኔ በሷ ውስጥ ሶስት ነገሮች ጎልተው ታዩኝ

#ተስፋ ...በምንም አይነት ተስፋ አስቆራጭ ሁኔታዎች ውስጥ ብትሆን ተስፍ ካለህ ነገን ታያለህ።

#ትልቁ ውበት ደግሞ... ከውስጥ የመነጨ እውነተኛ ፈገግታ እንደሆነና #ጥንካሬን አየሁ።

በግርድፉ ወደ እኛ ስናመጣው "#ደስተኛ ለመሆን ህይወት ፈተና አልባ እስክትሆን መጠበቅ አይገባንም  በችግሮቻችን መሀልም ሆነን ደስተኛ መሆን ይቻላል" ትላለች!

ተስፋ አለመቁረጥ ማለት መቀየር የማንችለውን ነገር መቀበል እውነታውን መጋፈጥ.... መቀየር የምንችለው ላይ አቅማችንን ማዋል ስንችል ነው። ብዬ አሰብኩ።

𝐇𝐚𝐧𝐚 𝐅𝐚𝐧𝐭𝐮

@Human_Intelligence ክፈት / አስተያየት ይስጡ

2022-12-22 21:21:37 ዙቤይዳ
አበበ በሶ በላ
ፀሀፊ -አሌክስ አብርሀም
ተራኪ- አንዱአለም ተስፋዬ ክፈት / አስተያየት ይስጡ

2022-12-22 20:44:33 ወገኛ ታሪኮች
ሐምሌ ሲያባራ
ተራኪ-አንዷለም ተስፋዬ ክፈት / አስተያየት ይስጡ

2022-12-19 20:22:40 ፍራሽ አዳሽ
በተስፋሁን ከበደ

"በቅጡ ያልታበሱ እንባዎች እልህ እና በቀል ይወልዳሉ"

@Human_Intelligence ክፈት / አስተያየት ይስጡ

2022-12-18 06:54:25 ህይወት ያላቸው ሮቦቶች ተሰሩ

የሳይንሱ ዓለም በየእለቱ አዳዲስ ግኝቶችን እያሰማን ሲሆን፤ አሁን ደግሞ ለመጀመሪያ ጊዜ ሊራቡ የሚችሉ ሕይወት ያላቸው ሮቦቶችን መፍጠር መቻሉን አሰምቶናል።
ሊራቡ ይችላሉ የተባሉት ሮቦቶቹ “ዜኖቦትስ” የሚል መጠሪያ ያላቸው ሲሆን፤ ተመራማሪዎች ህይወት ካሏቸው ህዋሶች እንደሰሯቸው ተነግሯል።

አዲስ የተሰሩት “ዜኖቦትስ” ሮቦቶች ልክ እንደሌሎች ሮቦቶች የተሰጣቸውን ተልእኮ በአግባቡ የሚፈጽሙ ናቸው የተባለ ሲሆን፤ ከሌሎች ለየት የሚያደርጋቸው ደግሞ መራባት መቻላቸው ነው።

ሆኖም ግን “ዜኖቦትስ” ሮቦቶች የሚራቡበት መንገድ ሌሎች ህይወት ያላቸው ፍጥረታት ከሚራቡበት መንገድ የተለየ እንደሆነም ነው ተመራማሪዎች ያስተወቁት።

ዜኖቦት ሮቦቶች ጥፍር ካላቸው የአፍሪካ እንቁራሪት ሽሎች የተገኙ የቆዳ ሴሎችንና የልብ ጡንቻ ሴሎች በመቀላቀል እንደተፈጠሩ ተመራማሪዎች አስታውቀዋል።

ዕቃዎችን መሸከም እና መግፋት የመሳሰሉ ተግባራትን ያሉ ተግባራትን እንዲከውኑ ታስበው የተሰሩት ሮቦቶቹ በኋላ ላይ ግን ራሳቸውን ማባዛት ሁሉ እንደሚችሉ ለማወቅ ተችሏል።

ሮቦቶቹ ራሳቸውን የሚያበዙት ሌሎች ህይወት ያላቸው እንቁራሪቶች በሚራቡበት መንገድ ሳይሆን “ኪነማቲክ” በተባለ የማባዛት ስርዓት
እንደሆነም ተመላክቷል።

“ኪነማቲክ” በተባለ የማባዛት ስርዓት የሚፈጠሩት ዜኖቦት ሮቦቶች በሕይወት ቆይተው እና አድገው ልክ እንደ ሌሎች ሮቦቶች ስራ እንዲከውን የሚያስችል ምርምር እየተካሄደ መሆኑንም ተመራማሪዎች አስታውቀዋል።

@Human_Intelligence ክፈት / አስተያየት ይስጡ

2022-12-18 06:53:29 ክፈት / አስተያየት ይስጡ

2022-12-16 19:05:44 አንድ የስነ-ሰብ (Anthropology) ተመራማሪ ወደ ደቡብ አፍሪካ ገጠራማ መንደር ለስራ ያቀናል። በቆይታውም ከህጻናት ጋር መግባባትን ይፈጥራል። እናም ሕጻናቱን ለማስደሰት አንድ ሽልማት ያለው ጨዋታ ያዘጋጃል።

ጨዋታውም፣ በማንጎ የተሞላ አንድ ቅርጫት ከዛፍ ስር ያስቀምጣል፣ ህጻናቱን ከዛፉ አንድ መቶ ሜትር እንዲርቁ አደረገ፣ ከዛም እንዲህ አላቸው:-

"እኔ ጀምሩ ስል ቀድሞ ቅርጫቱ ጋ የደረሰ የፈለገውንና የሚችለውን ያህል ማንጎ ይበላል:: "

ጨዋታው ተጀመረ።

ህጻናቱ ግን ከጨዋታው ህግ ውጪ ያልተጠበቀ ነገር አደረጉ።

ይህም ሁሉም እጅ ለእጅ ተያይዘው እኩል ወደ ቅርጫቱ ሮጡ። ከዚያም አንድ ላይ በቅርጫቱ ውስጥ ያለውን ማንጎ በአሸናፊነት መንፈስ ተካፍለው መብላት ጀመሩ::

የስነ-ሰብ ተመራማሪውም በመገረም "ለምን እንዲህ አደረጋቹ?"ሲል ጠየቃቸው።

ሁሉም በአንድነት "ኡቡንቱ! " በማለት መለሱለት።

በመቀጠል አንዱ ህፃን እንዲህ አለው:-

"እንዴት ሌሎች ጓደኞቻችን ተከፍተው አንድ ልጅ ብቻውን ይደሰታል? ይሄ ባህላችን አይደለም::"

"ኡቡንቱ" የቃሉ መሠረት የደቡብ አፍሪቃው የዙሉ ማሕበረሰብ ሲሆን፤ ትርጓሜውም:-

“ለመኖሬ ምክንያት አንተ ነህ፤ ላንተም መኖር እኔ!” የሚል ሰብዓዊነትን ያዘለ ፍልስፍና ነው። ክፈት / አስተያየት ይስጡ

2022-12-14 19:27:54 የብሔር ማንነት ቅዠት -3

በአንድ ሀገር ውስጥ የ"ብሔር” ጭቆና ሊፈጽም ያሰበ መንግስት በመጀመሪያ ራሱን በ”ብሔር” ማንነቱ መደራጀት መሠረታዊ ነው፡፡ ከመሠረቱ በ”ብሔር” ማንነት ለመደረጃት የሚያስብ ሥነልቦና በእርግጠኝነት የአናሳነት ስሜት የመፈጠር ውጤት ነው፡፡ ይህም በሰውነት ጭብጥ ከማንም ሰው ጋር እኩል መሆኑን ከማሰብ ይልቅ በሌሎች በጊዜና በቦታ ሊቀየሩ በሚችሉ ጉዳዮችን መመዘኛ በማድረጉ ነው፡፡ በተቃራኒው በብሔር” ማንነት የማይደራጅ አገዛዝ የ”ብሔር” ጭቆና የሚባለውን ሊያደርስ አይችልም፡፡ የ”ብሔር” ጭቆና እንደ ችግር ከታወቀ ለችግሩ መፍትሄ ለመስጠት እንደገና በብሔር” ማንነት በመደራጀትና ሌላ የብሔር” ጨቋኝ ገዢ መፍጠሩ መፍትሄ ሳይሆን ሌላ ባለተራ ጨቋኝ “ብሔር” መፍጠር ይሆናል፡፡ ከዚህ በመነሳት የ”ብሔር ጭቆና” ተብሎ የተሰጠውን የችግር ግንዘቤና ትርጉም በተመሳሳይ በ”ብሔር” ማንነት ላይ በመደራጀት ለመፍታት መሞከር እርስ በእርሱ የሚቃረን በመሆኑ ምንኛ ጥልቅ የድንቁርና ቅዠት ውስጥ መግባት መሆኑን በቀላሉ መገንዘብ አስቸጋሪ  አይሆንም፡፡


ስለዚህ ስአንድ ሀገር ውስጥ ”የብሔር” ጭቆናን ችግር ለመፍታት በ”ብሔር” ማንነት በመከፋፈልና በመደራጀት አይደለም፡፡ ነገር ግን የ"ብሔር” ጭቆና የተባለው ችግር ለአንዴና ለመጨረሻ ጊዜ የሚፈታው ሕዝብ በሀገር አንድነትና
ሎአላዊነት ልዩነትን ማስወገድ ሲችል ነው።

ስለዚህ ለአንድ ሀገር የ”ብሔር” ጭቆና ስጋት ከሆነበት ዘላቂ መፍትሄው "በብሔር” ማንነት አደረጃጀትንና አገዛዝን ላንዴና ለመጨረሻ ጊዜ በሕዝበ ውሳኔ ሕገ መንግስታዊ በማድረግ በመገደብ አማራጭ የሌለው ዘለቄታዊ መፍትሄ ነው፡፡


በአንድ ሀገር ውስጥ ብዙሃን ይሁን አናሳ ቁጥር ባለው “በብሔር” ማንነት
ላይ የተመሠረተ ማንኛውም አገዛዝ የሳይንሳዊ ፖለቲካዊ ስርአት ሳይሆን
በአዕምሮ ቅዠት ህመም የተጠቃ፣ አምባገነን፣ ኢሰብአዊ፣
ስርአተ አልበኛ፣  ገዢ ቡድን ነው፡፡ በአጠቃላይ “የብሔርተኛ ፋሽስታዊ አገዛዝ በፖለቲካ ሳይንስ የተቃኘ ሕዝባዊ አስተዳደር ሳይሆን፣ ከአዕምሮ ቅዠት ህመም የመነጨ የድንቁርና አገዛዝ ነው::
በአሁኑ ዓለም የመልካም አስተዳደር ሳይንሳዊ ፖለቲካ ማለት፣ የአንድ ሀገርን ብዙሃን ሕዝብ አዕምሮ ከፖለቲካዊ ጥላቻና በቀል ነጻ በማድረግ በኑሮ ደረጃዉ እያሳደገ የማስቀጠል ብቃት ነው፡፡

ብሔርተኛ አገዛዝ የስልጣኑን ቀጣይነት ለማረጋገጥ የከፋፍለህ ግዛው መሰረታዊ ፖሊሲው ነው፡፡ ፋሽስታዊ “ብሔርተኛ” ሴራውን ለማስፈጸምና የአገዛዙን እድሜ ያስቀጥልልኛል ብሎ ስለሚያስብ ብቻ “የብሔር” “ብሔረሰቦች” መብት “የራስን እድል በራስ የመወሰን መብት እስከመገንጠል ድረስ” የሚል ጊዜው ያለፈበትን የማርክሳዊ ኮሚኒዝም ፍልስፍና ሊያራምድ ይችላል፡፡ ይኸውም በፌደራላዊ መዋቅር ስም ሀገርን “የብሔር” ማንነትን በቋንቋ ላይ ብቻ መሠረት በማድረግ ለአገዛዙ ፌደራላዊ ግዛቶችን ወይም “መንግሥታትን” የሚፈጥረው በቀጠናው አገዛዜን ኢኮኖሚና በመከላከያ የበላይነቴን ለዘለቄታው ያስቀጥልልኛል በማለት የቅርብና የሩቅ እቅዱን ሴራ ግምት ውስጥ በማስገባት ነው፡፡


ይኸውም ሕዝብ ሁልጊዜ ከነገ ዛሬ ምን ይመጣብን ይሆን? እያለ በፍርሃት ውስጥ በማስገባት ሕዝቡ ሳይወድ በግድ ላለው  “ብሔርተኛ አገዛዝ በቀጣይነት ምርኮኛ ሆኖ እንዲገዛ የታለመ ሴራ ነው፡፡

@Human_Intelligence
@Human_Intelligence ክፈት / አስተያየት ይስጡ

2022-12-14 07:24:58 የብሔር ማንነት ቅዠት-2

ሰው ሁሉ ከተጸነሰበት ቀን አንስቶ አንድ ብሎ ለመሞትና ለመኖርም ጊዜውን መቁጠር ይጀምራል፡፡ ሰው ከመጸነሱና ከመወለዱ ጀምሮ ምንም አይነት የብሄር” ይሁን የሃይማኖት ማንነት እንዲሁም ባህል የሚባልና ቋንቋም የለውም፡፡ በነጻ አዕምሮ ራቁቱን ይወለዳል፡፡ ነገር ግን ወላጆቻቸው እየኖሩ ያሉትን የኑሮ ደረጃና አስተሳሰብ በልጆቻቸው አዕምሮ ውስጥ እየጫኑባቸው ያሳድጓቸዋል፡፡ የሰው ሁሉ ደምና ዘረመል “ብሄር” የለውም፡፡ ሁሉም ሰው ደሙም ቢሆን ከአራት የደም አይነቶች (ኤ፣ ቢ፣ ኤቢ፣ ኦ) አንዱ ይኖረዋል፡፡ ለምሳሌ፣ አንድ አሜሪካዊ ሰው ያለው የደም አይነት እንዲሁ አንድ ኢትዮጵያዊ ሊኖረው ይችላል፡፡ ምናልባት ከእናትና ከአባት የሚወረስ ነገዳዊ ዘረመል እንኳ በትውልዶች እየሳሳ በመሄድ በሂደት የሚጠፋ ነው፡፡
ስለሆነም አንድ ጊዜ ምናልባት ወደአስራሁለት ዓመት ገደማ ሊሆን ይችላል፡፡ በቢቢሲ ዜና፣ ከአንድ መቶ ዓመት በኋላ ንጹህ ነጭ ሰሜን አሜሪካዊ የሚባል ዘረመል ሊጠፋ እንደሚችል የሳይንስ ተመራማሪዎች ግምታቸውን ሰጥተዋል፡፡ አሁንም የሚሳያው በሰሜን አሜሪካና በአውሮፓ የዓለም ሀገራት መናኸሪያ በመሆናቸው ይህን ግምት መቀበል አስቸጋሪ አይደለም፡፡

ወላጆች ልጆችን ወልደው ካሳደጉ በኋላ ማንን አግበተውና የት ሄደው ኑሯቸውን እንደሚመሠረቱ የሚያውቁት ነገር የለም፡፡ በመሆኑም የማንንም ሰው በሀገር ደረጃም ይሁን በዓለም አቀፍ የመተዳደሪያ ኑሮውንና የሚናገረውን ቋንቋ የሚመራው የፍላጎትና የአቅርቦት የኢከኖሚያዊ የገበያ ትስስር የሚወስነው ሳይንሳና ፖለቲካ እንጂ፣ ማንም ሰው በ'ብሔር” ማንነት የአዕምሮው ቅዠት ስሜት እንደፈለገው የሚመራው አይደለም፡፡ ማንም ሰው ከአፍ መፍቻው ቋንቋ ውጪ ለኢኮኖሚና ለማህበራዊ ኑሮው የሚጠቅመውን ቋንቋ ተገዶ ሳይሆን ፈቅዶና ደስ እያለው ይለምዳል፡፡ ሰው ኑሮውን የጀመረው በቤተሰብ ሲሆን አድጎም ማህበራዊ፣ ሀገራዊና ዓለም አቀፋዊ ይሆናል፡፡

ምክንያታዊ ያልሆኑ ማህበራዊ፣ ፖለቲካዊ፣ ኢኮኖሚያዊና መንፈሳዊ ፍርሃቶች የመፍትሄያቸው መዳረሻ ምክንያታዊ ባለመሆናቸው ውጤታቸው ለሰው ልጅ ጥፋት ነው፡፡ የአሁኑ ዓለም ሰው የፍርሃቱ ምንጭ፣ ሰው በደመነፍስ ካገኘው በህይወት የመኖር ፍላጎቱና በየጊዜው በህይወት እንዳይኖር የሚያደርጉትን ዘርፈ ብዙ ኢኮኖሚያዊ፣ ተፈጥሯዊ፣ ማህበራዊ፣ ፖለቲካዊና መንፈሳዊ ችግሮቹን ለመፍታት በጊዜው እውቀት ከማጣቱ የተነሳ በችግሮቹ የመሸነፉ ውጤት ነው፡፡


የብሔር” ማንነት የቅዠት አዕምሮ ህመም መነሻው ችግርን በተረጋጋ አዕምሮ አጥልቆ በማሰብ ስለችግሩ ትክክለኛ ግንዛቤና ፍቺ ከማግኘት ይልቅ በድንጋጤ፣ በንዴት፣ በበቀል፣ በቅናት፣ በቁጭት ወዘተ በተቃኘ የፍርሃት አዕምሮ የሚመነጨውን የተሳሰተ የችግር ግንዛቤና ፍቺ ትክክል አድርጎ አዕምሮ በመወሰን የተሳሳተ መፍትሄ ሲታቀድ ነው፡፡ ያልነቃ ማህበረሰብ ችግርን ተገንዝቦ ትክክለኛ የችግርን ፍቺ ከመስጠት ይልቅ ወደተሳሳተ የችግር  ግንዛቤና ፍቺ መግባቱ በጣም ይቀርበዋል፡፡ በዋናነት በአፍሪካ አህጉር ውስጥ እንደ ኢትዮጵያ ያሉ ሀገራትን የተማሩም፣ ያልተማሩም የሚባሉት የማህበረሰብ አባላት የተያዙበት የአዕምሮ ቅኝት አጥብቆ በማሰብ ችግርን በትክክል የመገንዘብና ትክክለኛን ፍቺ የመስጠት ፍላጎታቸው የሞተ ነው፡፡

ይህም የአዕምሮ ቅኝት ለአዕምሮ ቅዠት ህመም እያጋለጣቸው በቀላሉ እንደተስቦ በሽታ ከሰው ወደ ሰው የሥነልቦና ችግር ተዛማች በሽታ እየሆነ ነው፡፡ ተዛማች የበሽታ አይነቶች ሲከፈሉ ምናልባት በሁለት ሊከፈሉ ይችላሉ፡፡ እነርሱም ሥነልቦናዊና ሥነህይወታዊ ናቸው፡፡ በአሁኑ ጊዜ በዋናነትም በአፍሪካ ውስጥ እንደኢትዮጵያ የመሳሰሉትን ሀገራት ከሥነ ህይወታዊ በሽታ ይልቅ የሥነልቦናዊ ህመም የሆነው የ” ብሔር” ማንነት ቅዠት እንደ ቫይረስ ተላላፊ የአዕምሮ በሽታ በመሆን የብዙ ሰዎችን ህይወት እየቀጠፈ፣ ከኑሮ እያፈናቀለና እያሰደደ ይገኛል፡፡ እንዲያውም የሥነልቦና በሽታ የሆነው የ"ብሔር” ማንነት የአዕምሮ ቅዠት ህመም መለከፍ ለሥነ ህይወታዊ በሽታ እንዲሁም ለማህበራዊ፣ ኢኮኖሚያዊ፣ ለፖለቲካዊና ለኃይማኖታዊ ችግሮች መስፋፋት መሠረታዊ ተዛማች በሽታ ነው፡፡

ምንጭ- የብሔር ማንነት ቅዠት
ደራሲ- ሰብስቤ አለምነህ


@Human_Intelligence
@Human_Intelligence ክፈት / አስተያየት ይስጡ