2023-06-22 14:00:08
ወይ ግሩም!
እሑድ ለት አዳማ ዩኒቨርስቲ (ASTU) class ነበረኝና ጠዋት ከቤተ ክርስቲያን እንደተመለስኩ ወደ እዛ አመራሁ ከዛም ጠዋት ተማርኩና ከሰዓትም class ስላለኝ እዛው አካባቢ ምሳ በላንና ስንመለስ ሰዓቱ ገና ነበረ እና የዛን ቀን ደግሞ ዝናብ ዘንቦ ነበር እና እንደ አጋጣሚ ጫማዪ ጭቃ ነክቶት ነበር ከዛም ከአዳማ ዩኒቨርሲቲ ዋናው መግቢያ በር ፊት ለፊት አስፋልቱ ዳር አንድ ሊስትሮ(ጫማ የሚያስውብ) ልጅ አለ እና ከጓደኛዪ ጋር ወደ እዛ አመራን ከዛም 2 ሰዎች እያስጠረጉ ነበረ ከዛ እነሱ እስኪጨርሱ ቁጭ ብለን ከጓደኛዪ ጋር እያወራን እያወራን እያለ ወረፋ ደረሰኝና እኔም ማስጠረግ ጀመርኩ ከዛም ከጓደኛዪ ጋር ስለ ኑሮ ሁኔታና ስለ እግዚአብሔር ሁኔታ ማውራት ጀመርን ስናወራ ስናወራ ሊስትሮው ዝምምም ብሎ ያዳምጣል! ከዛም አውርተን ስንጨርስ ምን አለ መሠላችሁ ግርም ነው ያለኝ!
ሠው ይገርመኛል ዝም ብሎ ያማርራል ምን አለ 1 ሚልየን ብር ቢሰኝ ምን አለ መኪና ቢሰጠኝ ምን አለ ቤት ቢሰጠኝ ብሎ ይለምናል ደግሞ በአንጻሩ ጤና ቢሰጠኝ ምን አለ ብሎ ደግሞ የሚለምን አለ! እኔ አሁን አለ እሺ አልኩት ይሄንን ሊስትሮ ሰርቼ ማታ ስገባ ተመስገን ነው የምለው አለ! እንዴት አልኩት! ምን አጣሁ ብዪ ላማርር? እስኪ ለምሳሌ የኔ አይን ስንት ብር ነው? 3 ሚልየን ወንም 3 ቢልየን ? የኔ አፍንጫ ስንት ብር ነው? የኔ ጥርስ የኔ ምላስ የምሰራበት እጅ የምንቀሳቀስበት እግር ከውስጥ ደግሞ ልቤ ኩላሊቴ ስንት ይሆናል በብር ቢገመት? እስኪ አስበው ደግሞ ከሁሉም የሚገርመው ሙሉ ለሙሉ በብር የማይገመት ጤና አለኝ ታዲያ ለምን ላማርር እንደ እኔ ባለ ሃብት አለ? ታዲያ ለምንድነው የማማርረው ይሄንን ሁሉ ሠቶኝ ተመሥገን መባል ሲያንሰው እንጂ አንዴት ይበዛበታል? አለ እና ጨረሰ እኔም ብሬን ከፍዪ አመሠግናለሁ አልኩት እርሱም አትጥፉ አለን ኧረ አንጠፋም ብለን ወደ አዳማ ዩኒቨርሲቲ (ASTU) ገባን እላችኋለሁ !
ግን በማርያም ምን አይነት ድንቅ እይታ ነው?
በጣም ገረመኝ በጣም እንዲህ አይነት የተዋበ አይምሮ ማርን ከአፍ ሲያፈልቅ እንደመስማት ምን ሚያስደስት ነገር አለ?
ከእራሳችን ጋር እስኪ እናነጻጽረው ልጁ የዘረዘራቸው ነገሮች 1 ነገር እንኳን ሳይቀር በነጻ ተሰቶን እንዴት ተመስገን ማለት ሰው ይሳነዋል? ስለ ኑሮ እየተጨነቁ ማማረር ስለ ቤተሰብ እየተጨነቁ ማማረር ስለ ተለያየ ነገር እየተጨነቁ እሪሪሪሪሪ ማለት እግዚአብሔርን ማማረር ተገቢ አይደለም!
ይልቅ የተሠጠንን እያሰብን ተመስገን ብንለው ነው ሚሻለው!
እንዲህ እንድጽፍላችሁ 1 ጤናዪን የሰጠኝ 2 አይምሮዪ እንዲያስታውስ ያደረገኝ 3 ፍደላትን እንድለይ ያደረገኝ 4 ጣቶቼ እንዲንቀሳቀሱ ያደረገኝ 5 እንዲጽፉ ያደረገ ወዘተ.... እግዚአብሔር ይመስገን!
እናንተ ደግሞ 1 ጤናችሁን የሰጣችሁ 2 እጃችሁ ይህንን ስለመክፈቱ 3 ጣታችሁ ስለማንሸራተቱ እና ተች በማድርጉ 4 እንድታነቡ ስላደረጋችሁ 5 አንብባችሁ እንድትረዱ ያደረጋችሁ አምላክን አታመሠግኑትም? እስቲ እግዚአብሔር ይመስገን ብቻ በሉ?
ዲ/ን ፍቅረ አብ
አስተያየት መስጫ እና መጠየቂያ
@Men_Lerdawobot
ሥርዓተ ቤተ ክርስቲያን Tube Subscribe በማድረግ አዳዲስ መረጃ ይከታተሉ!
https://www.youtube.com/channel/UCyyw8be1uLS-PdwVLd-zyKw
@seratebtkrstian
አገልግሎቱን መደገፍ መርዳት ለምትፈልጉ ሃሳብ አስተያየት ጥያቄ ካላችሁ በዚህ በኩል ያናግሩን!
@Men_Lerdawobot
7.6K viewsⒻⓔⓚⓡⓔ 🇦 🇧 🇪, 11:00
ሥ
