ናዝራዊ Tube

2023-02-13 21:13:31 "እንደ ብርዱ ወይስ እንደ ብሩ"

ሰሞኑን አየሩ ቀዝቀዝ ወዳለ ሀገር መሄድ ስላሰብኩ ለብርዱ የሚሆኑ ልብሶችን ለመግዛት ወደ ገበያ ከእህቴ ጋር አቀናሁ ከዚያም ወፈር ወፈር ያሉ ልብሶችን ስንጠይቅ ዋጋቸው ወደደ አለ ሳሳ ያሉትን ስንጠይቅ ግን ዋጋው ይቀንሳል ታዲያ ይሄኔ እህቴን "እንደ ብሩ ሳይሆን እንደ ብርዱ እንግዛ" አልኳት እውነት ነው ሳሳ ያለው ብሩ ይቀነሳል እኔ ግን የምገዛው ከብርድ የሚያስጠለውን እንጂ ብሩ የቀነሰውን አይደለም። ከብዙ አደጋ ጀርባ የረከሱ ግን ለተገዙበት አላማ የማይመጥኑ እቃዎች ትልቁን ሚና ይጫወታሉ። ደረጃቸውን ያለጠበቁ ነገሮች ከደረጃ በታች አርገውናል። ደረጃቸውን ባልጠበቁ ግን በረከሱ ምግቦች ጤናችን ተቃውሷል፤ደረጃቸውን ባለጠበቁ ድልድዮች ሰጥመናል፤ ደረጃቸውን ያልጠበቁ ፎቆች ተንደውብናል፤ደረጃቸውን ባልጠበቁ ትምህርቶች ደንቁረናል፤ ደረጃቸውን ባልጠበቁ ስብከቶች አማኝ ሕይወት ተቀምቷል። በአጠቃላይ ጥራታቸውን እና ደረጃቸውን ያልጠበቁ ነገሮች በአለማችን ቀውስ ላይ ጉልህ ሚና ተጫውተናል።

በክርስትናውም አለም ትልቅ ችግር እየፈጠሩ ያሉት ነገሮች ደረጃቸውን ያልጠበቁ ትምህርቶች ናቸው። እነዚህ የሚለበሱ ግን ከብርድ የማያስጡሉ በርካሽ የተገዙ በመስቀል ላይ የተከፈለልንን ዋጋ የማይመጥኑ ጨርቆች ናቸው። ክርትናውን መመጠን ሲያቅትን ወደ እኛ አውርደነዋል። ክርስቶስን መምሰል ሲያቅተን ከሱ እሻላለሁ እያልን ከጓደኞቻችን ጋር ትከሻ መለካካት ከጀመርን ሰንብተናል። ዘመኑን መዋጀት ያቃተን ለዚህ ይመስለኛል። ዘመኑ ጌታን በመምሰል እንጂ ከጓደኛ ጋር በመፎካከር አይዋጅም ባልንጀራህን ወደድ እንጂ ባልንጀራህን ምሰል አልተባልንም።

ወዳጆቼ እግዚአብሔርን ምስከብር ቢያቅተን ግን አናሰድብው ወደ ክርትናው እንጠራራ እንጂ ወደ እኛ አናውርደው። ክርስትና በምድር ላይ የሚኖር ሰማያዊ ሕይወት ነው። በአንተ ዘመን ክርስትና ሰማያዊ እንጂ ምድርራዊ፤ ስጦታ እንጂ ንግድ፤ ሕይወት እንጂ ወሬ፤ እንዳይሆን የራስን ጡብ አኑር። ለሚረክሱ ግን ለማይጠቅሙ ትምህርቶች ባሪያ እንዳትሆን። በአመድ ላይ ተቀምጠህ ስጋህን በጥርስ ይዘህ እግዚአብሔርን ስደብ የሚሉህን ሰነፍ ብለህ ጥራቸው።

"በብርድ ዘመን እንደ ብሩ ሳይሆን እንደ ብርዱ ግዛ"

ሰይፉ ዘሪሁን
@nazrawi_tube ክፈት / አስተያየት ይስጡ

2023-02-05 20:54:46 እኔ ምናፍቅህ || በረከት ለማ
  

    @nazrawi_tube
    @nazrawi_tube ክፈት / አስተያየት ይስጡ

2023-02-05 20:54:46 እኔ ምናፍቅህ || በረከት ለማ

360p, 15.3MB,
@nazrawi_tube
@nazrawi_tube ክፈት / አስተያየት ይስጡ

2023-02-05 12:29:04 ለቤተክርስቲያን ተሃድሶ የምትተጉ ሁሉ
እግዚአብሔር ይባርካችሁ!
ይርዳችሁም!

በቅርቡ ቤተክርስቲያን ታድሳ እንደምናይ አምናለሁ!
@nazrawi_tube ክፈት / አስተያየት ይስጡ

2023-02-03 20:49:39 "በጭንቀት ስንከበብ እግዚአብሔር ወዴት ነው?."

አጭር ፅሁፍ ናት አንብቧት
@nazrawi_tube ክፈት / አስተያየት ይስጡ

2023-01-31 10:28:24 በታዳጊ ወጣቶች ሕይወት በቲክቶክ ሊሆኑ የሚችሉ አሉታዊ ውጤቶች፦ (Potential negative effects of TikTok)

ክፍል ሁለት :-

የዛሬውን ጽሁፌን ከዚህ ቀጥሎ ባለው መግቢያ ብጅምር እወዳለሁ ። ብዙ የቴሌቪዥንና የድረ ገጽ ዜናዎች ትኩረት ሰጥተውታል ፤ ይሁን እንጂ እንደ ሲ ኤን ኤን ( CNN ) ዘገባ ቲክ ቶክ በታዳጊ ወጣቶች ሕይወት በአግባብ ማለመያዙ ራስን ከማጥፋት እና ከአመጋገብ መዛባት ( eating disorders) እንዲሁም ሌላ ተዛማጅ ጎጂ የሆነ ባህሪያትን ከማስከተል ጅምሮ ብዙ ጉዳትን እና ጣጣ እያስከተለ እንዳለ ዘግቧል። ይህን ስንመለከት መተግባሪያው በታዳጊ ወጣቶች ሕይወት ተጽዕኖ ማሳደሩ ወላጆች ወይም አሳዳጊዎች ትኩረት የሚጡበትእና ሊከታተሉት የሚገባ ጉዳይ ሆኖ ተገኝቷል ። ይህም ብቻ አይደለም የቤተ ክርስቲያን የሰንብት ትምህርት አስተማሪዎች ልጆችን ለማዳን ትኩረታቸውን በዚህም አቅጣጫ ለማድረግ ዝግጅት ይጠበቅባቸዋል።

በአሁኑ ጊዜ ቲክ ቶክ በታዳጊ ወጣቶች ሕይወት ምን አሉታዊ ጉዳት እና ተፅዕኖ እያስከተለ እንዳለ ብዙ እየተጻፈ ፤ በዜና ማሰራጫዎችም እየተነገረ ይገኛል። እኔ ግን በዚህ ጽሑፌ ትኩረት የሰጠሁባቸውንና ዋና ዋና የምላቸውን እንደሚከተለው አቅርቤላችኋለሁ።

1. አሉታዊ ውጤቶች ምንድናቸው ?፦

1.1 ሱስ (Addiction)፡-

ሰዎች በአልኮሆል መጠጦች፣ በሲጋራዎች እና በእጽ ሱሰኞች ሊሆኑና ከሱስም ለመውጣት ሊቸገሩ እንደሚችሉ ፣ እንዲሁ ታዳጊ ወጣቶችም በዚህ መተግበሪያ “ማቆሚያ ወደ ሌለው የሱሰኝነት ዥረት” ሊገቡ እንደሚችሉ በአሜሪካ በእንግሊዝና በካናዳ የተደረጉ ጥናቶች አሳይተዋል ። ብዙዎቹ የተለያየ ይዘት ኖሯቸው በስልካቸው ላይ በሚመጡ የሚያማልሉ ቨድዮዎች ሱሰኞች ሆነዋል። ተግበሪያው በባህሪው አንድ ጊዜ ስማርት ስልካቸውን ከፍተው ከጀመሩት እንዳይላቀቁትና ጊዜያቸውን በዚያ ላይ ለረዥም ጊዜ እንዲያሳልፉ የሚያደርግ ባህሪ ያለው በመሆኑ በቲክ ቶክ ሱስ እንዲጠመዱ ያደርጋል። ተጓዳኝ ጠንቁ በትምህርታቸውም ሆነ ከቤተሰብ ጋር ባላቸው ግንኙነት ውጤታማ እንዳይሆኑ ከማድረጉም በላይ ጤናማ መስተጋብር የሌላቸውና በራሳቸው የሳይቨር ዓለም ውስጥ እንዲኖሩ ያደርጋቸዋል።

1.2 ጉልበተኝነት (Bullying)፡

ማንኛውም ሰው ዓለማቀፋዊ ( Global Ethics) እና መጽሓፍ ቅዱሳዊ ሥነ- ምግባሩን ያልጠበቀን ንግግርንና ድርጊትን በዚህ መተግበሪያ ላይ ሲያስቀምጥ፣ ራሱን ለማንአለብኝነትና ለጉልበተኝነት ክፍት እንደሚያደርግ ፣ ቲክቶክንም የሚጠቀሙ ስፍር ቁጥር የሌላቸው ታዳጊ ወጣቶች ለዚህ ዓይነቱ ችግር ተጋላጭ አድርጓቸዋል። በተለይም በአሥራዎቹ የእድሜ ክልል ውስጥ ያሉ ወጣቶች ለዚህ ችግር ያላቸው ዓለማቀፋዊ ተጋላጭነት ከፍ እያለ መምጣቱን ቢቢሲ በድረ ገጹ አስነብቧል። ቪዲዮዎቻቸው ሊሳለቁና በሌሎች ላይ በጉልበተኝነት ሲያፊዙ ( bullying) ፤ ከዚያም ተመሳሳይ እድሜ ክልል ውስጥ ላሉ ወጣቶች ሲያጋሩ ዓለማቀፋዊ ተዛማጅነቱና የዚህም ችግር ተጠቂነታቸው ከፍ ያለ ነው።

ጉልበተኝነት ( bullying) በአሥራዎቹ ዕድሜ ውስጥ ለሚገኝ ልጆች ደህንነት ላይ ያለው ተጽእኖ ከፍተኛ ነው። በጉልበተኝነት ምክንያት የሚፈጠረው መገለል የአእምሮ ጤና ተፅእኖ በመፍጠር ራስን ወደ ማጥፋት እንኳን እንደሚያደርስ ታውቋል። በኒውዮርክ ያለ የሁለተኛ ደረጃ ትምህርት ቤት ርእሰ መምህር እንደገለጸው አንዳንድ ተማሪዎች እርስ በእርሳቸው በቪዲዮ በሚያደርጉት መበሻሸቅ፣ ሌሎች ደግሞ በእኩዮቻቸው ላይ ለማሾፍ ሲሉ በሚሰሩት ቪዲዮ ከማህበራዊ መገለል ራስን እስከ ማጥፋት የደረሱ ተበራክተዋል።

1.3 ከሌሎች ጋር ጤናማ ያልሆነ ማነፃፀር (Comparison ) -

ማንም ሰው የሚሰማውንና የሚወደውን ተከታይ ማግኜት የማህበራዊ ሚዲያ እና የቲኪቶክ ዋና አካል ነው። አንድ ወጣት በየትኛውን መልኩ ትኩረት የሚስብና የሌሎችን ቀልብ ሊገዛበት የሚችልበትን ቪድዮ ከለቀቀ እና የበለጠ ምላሽ የሚያገኝበት ከሆነ፣ በተመሳሳይ ሌሎችም ተከትለውት ለማድረግ አሉታዊ ስሜትና ተነሻሽነት ውስጥ ይገባሉ ። አንዳንዶች አጸናፊና አደገኛ በመስራት ሕይወታቸው ፈተና ውስጥ የገባበት ዋና ምክንያት ይህ ነው። ይህንን በአንድ መቶ ተማሪዎች ላይ ጥናት ተሰርቶ በ89 ላይ ማየት ተችሏል። ጉዳዩም የአቻ እድሜ የጽዕኖ የሚፈጥረው እኩይ ጣጣ እንደሆነ የማህበራዊና የባህርይ ሳይንስ ዲፓርትመን ዳሬክተሩ ፕሮፌሰር ብሬይን ኦስቲን ተናግረዋል። ጉዳዩም በእድሜያቸው ከሚመጣባቸው የሆርሞን ለውጥ በተጨማሪ ወደ ጭንቀት እና ድብርት ሊመራ ይችላል። ውጤቱም በአደገኛነቱ እየተገለጠ ነው ።

ቅድመ ታዳጊ ወጣቶች እና ወጣቶች እድሜያቸው ከሚፈጥረው ባሻገር እንደማንኛውም ሰው ዓለማቀፋዊ ተግዳሮቶች አሉባቸው። የሳይንስና ቴክኖሎጂ ዓለማወፋዊው እድል ይዞ እንደመጣ እንዲሁ አለማቀፋዊ ስጋትንም አብሮ ይዞ መጥቷል። በእድሉ ተጠቃሚ በመሆን ስጋቱ ከሚያመጣው ችግር ለመላቀቅ በእግዚአብሔር ቃል ላይ የተመሠረተ መንፈሳዊ የንቃተ ሕሊና የበላይነት አስፈላጊ ነው። በአጠቃላይ ወጣቶችን ማዳን የሚቻለው በመጽሓፍ ቅዱስ ላይ በተመሠረተ መንፈሳዊነት ነው።

የእግዚአብሔር ቃል በማንኛውም የሰው ልጅ ሕይወት ውስጥ ከወንጌል በሚገኝ እውነት ከየትኛውም የክፋትና የኅጢአት ኅይል ነፃ በማውጣት እንዲመለሱ እና ዓይናቸው ለእግዚአብሔር መንግሥት እንዲከፈት፣ በነፍሳቸው ላይ ከፍተኛና ስር ነቀል የነፍስ ቀዶ ጥገና ሥራ ይሠራል ( ዕብ 4፣ 12)። ትውልድን በዚህ ክፉ ዘመን በእግዚአብሔር ቃል እንዲታነጹ ከማድረግ ውጭ ሌላ አማራጭና የማዳኛ መንገድ የለም። ያኔ የትኛውንም ነገር በሚዛናዊነት እንዴት መጠቀምና መያዝ ያውቃሉ።

አበቃሁ
ቸር ሰንብቱ !!
ነቢዩ ነኝ።
https://t.me/+C1QfeS09E1pmZDU5
ወጥና ተከታታይ ክርስቲያናዊ ጽሑፎችን በማንበብና ትምህርቶችን በመማር ፣ በክርስቲያናዊ ሕይወትዎ የአመለካከት፣ የተግባር እና የሕይወት ለውጥ በማምጣት በሚኖሩበት ቤተሰብ ፣ ማህበረሰብና ቤተ ክርስቲያን በመንፈሳዊ ሕይወትዎ ተጽዕኖ ፈጣሪ ለመሆን የዚህ ቴሌግራም ቡድን አባል እንዲሆኑ ተጋብዘዋል።

@nazrawi_tube ክፈት / አስተያየት ይስጡ

2023-01-29 22:13:53 በታዳጊ ወጣቶች ሥነ ልቦና እና የአእምሮ ጤና ላይ የቲክቶክ አሉታዊ ተፅእኖ
( The negative impact of Tik Tok on the psychology and mental health of Teenagers)

ክፍል አንድ ፦

የትኛውም ዘመን አመጣሽ ነገር የራሱ የሆነ አዎንታዊ ተጽዕኖ እንዳለው እንዲሁ አሉታዊም ተጽዕኖም አለው። ለሰው ልጅ ለሳይንስና ቴክኖሎጂ አዕምሮውን የከፈተለት እግዚአብሔር ነው ። ነገር ግን እንደ የትኛውም ነገር በዚህ ረገድ ሳይንስና ቴክኖሎጂ የራሱን አስተዋጾ አድርጓል ። በዚህ ዘመን የማህበራዊ ሚድያ መርዛማ (Toxic) ይዘት፣ በአደገኛ ሽክርክሪቱ ብዙ ወጣቶችን ወደ አደገኛ ሕይወት ውስጥ እየመራቸው ይገኛል። ጥቅምት 8 ቀን 2021 ዓ.ም የአመጋገብ ችግር ከፍተኛ ባለሙያ (expert) የሆኑትና ባላቸው ኅላፊነት የማህበራዊና የባህርይ ሳይንስ ዲፓርትመን ዳሬክተር ፕሮፌሰር ብሬይን ኦስቲን በቀጥታ ፊስ ቡክ ፣ኢንስታግራም እና የቲክቶክ መተግበሪያዎች በዚህ ዘመን የወጣቶችን አእምሮ በከፍተኛ ሁኔታ እየጎዱ እንዳለ ተናግረዋል። እኔም በዛሬው ጹሑፌ ከተለያዩ መተግባሪያዎች በተለይም ቲክቶክ( Tik Tok) በዓለማችን ላይ ምን ያህል የታዳጊ ወጣቶችን ሥነ ልቦና እና አዕምሮ እየጎዳ እንዳለ በዚህ በአሜሪካን በባለሙያዎቹ የተደረገውን ጥናትና የተሰጠውን አስተያየት ሊጠቅም እንደሚችል በማሰብ እንደሚከተለው አቅርቤላችኋለሁ።

“ከዋና ዋና የሶሻል ሚድያ መተግበሪያዎች ቲክቶክ ዋና ተዋናይ ሆኗል”።

በዚህ በአሜሪካ አገር አንድ የባህሪይ ሳይንስ ጥናት ምርምር ማዕከል አስደርጎ በነበረው ጥናት ከ2016 ጀምሮ በማህበራዊው የሚዲያ ዓለም ውስጥ በትዕይንቱ ቲክ ቶክ ዋና አቀንቃኝ ወይም ተዋናይ እየሆነ እንደመጣ ተናግሯል። በአሁኑ ወቅት በሁሉም እድሜ ክልል ያሉ ሰዎች የዚህ መተግበሪያ ተጠቃሚዎች እየሆኑም መጥተዋል። ዘመኑ የውድድር ዘመን በመሆኑ፣ የቲክ ቶክ መተግበሪያ ንድፉ በሚጠናበት ወቅት ከሌሎች መተግበሪያዎች ይልቅ ልቆ እንዲወጣና መድረኩ (platforms) በቀላሉ በተጠቃሚዎች ላይ ከፍተኛ ተጽዕኖ እንዲያሳድር ታስቦ እንደተዘጋጄ አንዳንዶች ይናገራሉ።

ይህ መተግበሪያ ተጠቃሚዎቹን በማንኛውም ርዕስ -ጉዳይ ላይ አጭር ቅጽ ቪዲዮዎችን እንዲፈጥሩ፣ የሚፈልጉትን የትኛውንም ዓይነት ሓሳብ ለሌሎች እንዲያካፍሉ የሚያስችል የአጭር ቪዲዮ የማጋሪያ (short-form videos) መተግበሪያ ነው። አገልግሎቱ በዋነኛነት በሞባይል ላይ የተመሰረተ ቢሆንም፣ እንኳ አሁንም ላይ ግን የድረ-ገጽ መተግበሪያን በመጠቀም በእርሱ የሚዘጋጁ ቪዲዮዎችን በጥቂት ደቂቃዎች በዓለም ዙሪያ መተግበሪያው ያላቸው ሁሉ እንዲመለከቱት አስችሏል። መድረኩ ( The platform) ተጠቃሚዎቹን ማጣሪያዎችን፣ ተለጣፊዎችን፣ የድምጽ ማሳያዎችን፣ የድምጽ ተፅእኖዎችንና የበስተጀርባ ሙዚቃዎችን በመጠቀም በይዘታቸው እንዲፈጥሩ ያስችላቸዋል ። ቲክቶክ በአሁኑ ወቅት በዓለም ዙሪያ ከአንድ ቢሊዮን በላይ ተጠቃሚዎችን ያለው ሲሆን፣ ከዚህ ውስጥ አብዛኛዎቹ ወጣቶች ናቸው።

እንደ ቢቢሲ ልዩ ዘገባ ከሆነ “የቲክቶክ የስኬት ምስጢሩ በሙዚቃ አጠቃቀሙ ላይና እጅግ በጣም ኃይለኛ በሆነ ስልተ -ቀመሩ ላይ የተመሠረተ ነው፣ ይህም ተጠቃሚዎቹን ከሌሎች መተግበሪያዎች በበለጠ ፍጥነት ማየት የሚወዱትን እጅግ በአጭር ዲቂቃዎች ውስጥ እንዲያዩትና ብዙ ሰዓት ሳይፈጁ ይዘቱን እንዲጨብጡት አስችሏቸዋል። በዚህ መተግበሪያ ተጠቃሚዎች በፈጠራ መንገዱ ሊጠመዱ ይችላሉ። አሁን አሁን ኢንስታግራምና ትዊተር በዕድሜ የገፉ የመጠቀሚያ መተግበሪያ እየሆነ እንደመጣ ይነገርለታል። ቲክ ቶክ ግን መድረኩ ከ25 ዓመት በታች ላሉትን በጣም የሚስብ እና በቀላሉ አሳታፊ ሆኖ ተገኝቷል። ተጠቃሚዎች በ60 ሰከንድ ውስጥ ዓለምን ሊለወጥና አንድ እመርታ ከፍ እንድትል የሚያስችል መልዕክት ሊያስተላልፉበት እንደሚችሉበት ሁሉ እንዲሁ በተቃራኒው የግለሰቦችን ሕይወት፣ የቤተሰብንና የአገርን ሁኔታ ችግር ውስጥ ሊከት የሚችል ነገር ሊደረግበት ይችላሉ። የዚህ ጽሑፍ ዓላማ ቲክ ቶክ ቀድመ እና ታዳጊ ወጣቶችን ወደ አደገና መራዥና አጥፊ የሕይወት ልምምድ እየመራ እንዳለ ጥናቶች እያሳዩ ስለመጡ፣ በቤተሰብ ቁጥጥር ስር ያሉ ወጣቶች መተግበሪያውን በመጠቀም ወደ ሶሻል ሚድያ ዓለም ውስጥ ከመቀላቀላቸው በፊት ወላጆች ስለ አጠቃቀሙ ከልጆቻቸው ጋር በቂ ጊዜ በመውሰድ በአግባብ መነጋገር እንዳለባቸው ማሳሰብ ነው።

መካከለኛ እና ሁለተኛ ደረጃ ያሉ ታዳጊ ወጣቶች በሚኖሩበት ሰፈር ( neighborhood) ፣ በአካባቢያቸውና በትምህርት ቤታቸው አንዳቸው በሌላቸው ላይ ተጽዕኖ ፈጣሪ ስብስቦች ናቸው ማለት ይቻላል። ስብሰብ መፍጠር አድሜታቸው የሚያመጣው አስገዳጅና የተለመደ ( normal) ነው። ይህንኑ ሁኔታ ይዘውት በቲክ ቶክ መተግበሪያ አማካይነት ከውኑ ዓለም ፣ ወደ የሳይበር ምናባዊ የመረጃ ዓለም ውስጥ ይገባሉ። በዚህ ጊዜ በሰፈር ፣ በአካባቢና በትምህርት ቤት ጉልቶ የሚታየው የእኩዮች ግፊት ወይም ተጽዕኖ (Peer pressure or influence) ልምምድ ፡ በቅድመ-ታዳጊዎች እና ታዳጊ ወጣቶቹ ሕይወት፣ በዚሁም ማለትም በቲክ ቶክ ዓለም እንዲሁ ይቀጥላል። በቲክ ቶክ መተግበሪያ አንዳቸው የሌላቸው ተከታዮች በመሆናቸው ይህ ሁኔታ የእኩዮች ግፊት (Peer pressure ) ተጽዕኖውንና ለመጥፎ ሕይወት ተጋላጭነታቸውን ከፍ እያደረገውና እያጎላው ይመጣል።

እንደ ሥነ ልቦና ተመራማሪዎች ቅድመ ታዳጊዎችና ታዳጊ ወጣቶች በለጋ እድሜያቸው ማስተዋል የማጣት እድላቸው ከፍተኛ መሆኑ እሙን ነው ፤ ስለዚህ እንደ አሜሪካ የባህሪይ ሳይንስ ጥናት፣ ቅድመ ታዳጊዎችና ታዳጊ ወጣቶች ለማንኛውም የማህበራዊ ሚዲያ መድረክ ውድቀት ተጋላጭ ሊሆኑ ይችላሉ። ስለዚህ ቲክ ቶክ በቅድመ ታዳጊ እና ወጣቶች ሥነ - ልቦና እንዲሁም የአእምሮ ጤና ላይ ምን ዓይነት አሉታዊ ተጽእኖና ውጤቶች አሳደረ ? በቀጣይ የምናየው ይሆናል፦

ቸር ሰንብቱ
ነቢዩ ኢሳይያስ
@nazrawi_tube
@nazrawi_tube ክፈት / አስተያየት ይስጡ

2023-01-28 11:45:39 https://telegra.ph/መጽሓፍ-ቅዱስ-ስለ-ምስላዊ-እይታ-Visualization--ያስተምራል-Does-the-Bible-teach-about-visualization-01-28 ክፈት / አስተያየት ይስጡ

2023-01-28 11:44:26 https://telegra.ph/መጽሓፍ-ቅዱስ-ስለ-ምስላዊ-እይታ-Visualization--ያስተምራል-Does-the-Bible-teach-about-visualization-01-28 ክፈት / አስተያየት ይስጡ

2023-01-28 11:22:42 መጽሓፍ ቅዱስ ስለ ምስላዊ እይታ (Visualization ) ያስተምራል?( Does the Bible teach about visualization?) እባካችሁ ይነበብ...... ይነበብ ! አዲሱ ዓመት ከገባ ወዲህ በከፍተኛ ፍላጎትና መደነቅ ( with passion and fascinated) በጥልቀት እያነበብሁና ጥናት እያደረግሁ ያለሁት ሰለ ኳንተም ፊዚክስ ፣ ስለ ጥንታዊ ኅይማኖቶች ልምምድ እና ወጎቻቸው… ክፈት / አስተያየት ይስጡ