2023-04-03 23:25:53
መንገድህ ህልም በፈቺው
ሌባው ሌሊት ላይ አንዲት አሮጊት ቤት ዘሎ ገባ።
እሷም ኮቴውን ስትሰማ ከእንቅልፏ ደንግጣ ነቃች።
«ልጄ ሆይ !
ይህን አስከፊ የስርቆት መንገድ እንድትመርጥ ያስገደደህ የኑሮ ሁኔታ እንጂ ስመለከትህ መልካም ሰው እንደሆንክ ያስታውቃል።
ስማ ልጄ !
እኔ በጣም ብዙ ገንዘብና ጌጣጌጥ ያለኝ ሰው ነኝ። ሀብቴን ሁሉ ይዘህ ብትሄድ አይደንቀኝም። ነገር ግን ከመሄድህ በፊት በድንጋጤ ከእንቅልፌ የቀሰቀሰኝን ህልም እንድትፈታልኝ እፈልጋለሁ» አለችው።
ሌባውም «ይህች አሮጊት የምትናገረውን የማታውቅ ንክ ናት።
ህልሟን ሰምቼ ከፈታሁላት በኋላ ቤቷን ለቅቄ ወደ ሌላ የስርቆት ተግባሬ ብሰማራ ይሻለኛል» ብሎ ወሬዋን ማዳመጥ ጀመረ።
እሷም «በህልሜ በሆነ ትልቅ ወንዝ ዳር እየተራመድኩ እያለ ድንገት እግሮቼ ተንሸራተው ወንዙ ውስጥ ወደቅሁ።
ልክ እንደዚህ ድምጼን ከፍ አድርጌ በጣም እየጮህኩ "ኧረ ጀማማማል እርዳኝ !" ብዬ በተደጋጋሚ ተጣራሁ።
"ኧረ ጀማል እባክህን ቶሎ ውረድ" በማለት በድጋሜ ጮሁኩ» አለችው።
ሌባውም «ለመሆኑ አሁን እንዲህ እየጮህሽ የጠራሽውን ጀማል ታውቂዋለሽ ?» ብሎ ከመጠየቁ የአሮጊቷ ልጅ ጀማል ከአንደኛው ፎቅ ላይ ሽመሉን ይዞ ከተፍ አለ።
በያዘው ሽመል የሌባውን ወገብ እንደ ገብስ ይፈትገው ገባ።
አሮጊቷም «ጀማልዬ በእጅህ እንዳይሞት በዚህ መጠን ከወቃኸው ይበቃል» አለች
ሌባው ምን ቢል ጥሩ ነው ...
«እኔ ማለት ሙቀጫ ውስጥ እንደገባ ቡና መወቀጥ የሚገባኝ ሰው ነኝ። ጀማል እባክህ ደህና አድርገህ ውቀጠኝ። አሁን እኔ ሌባ ነኝ ወይስ ህልም ፈቺ ??? እኔን ብሎ ህልም ፈቺ !! ጀማል አደራ ሳታቋርጥ ደህና አድርገህ ውቀጠኝ» አለው
ምጥን አስተምህሮ
አላማህን ከግብ ለማድረስ ግስጋሴህን የሚያሰናክሉ ነገሮች ላይ የጎላ ትኩረት ከመስጠት ተቆጠብ። ግብህን ለመምታት በምታደርገው እንቅስቃሴ ቀዳሚ ባልሆኑ ጉዳዮች ትኩረትህ የሚሰለብ ከሆነ መዳረሻህ ሳትደርስ ትሰበራለህ ! በእያንዳንዱ ተግባርህ አስተውል
Share @JESUSlovingly142
222 views◦Mex Abrillo, edited 20:25
G
