2023-06-09 20:55:05
----------- -----------
★ለፍቅር ፊዳ★
----------- -----------
★ክፍል ሀያ አምስት★
«በእውነተኛ ታሪክ ላይ የተመሰረተ»
…በዛ በተንጣለለ ቤት እየኖርን እኔም 11 ኛ ክፍል የሀብታሞች ት/ቤት ተመዝግቤ መማር ጀመርኩ ያን ሁላ ፈተናዎች አልፈን ዛሬ ህይወት በአዲስ መልኩ ጀመርናት እህቴም አረገዘች ብቻ ዱኒያ የወደደችን ነበር የመሰለኝ ይሄን ደስታችንን ማማ እና ባባ ባዩልን ብለን ተመኝተን ብዙ ቀን አልቅሰናል የእህቴ ባል በጣም ደግ ሰው ነበር ለሚስቱ የሚሰጣት እንክብካቤ እኔን በትምርት እድጠነክር ያልሆነ ቦታ እንዳልወድቅ ሁሌ ይመክረኛል እኔም እንደ ድሮዬ በኢማኔ አልሰነፍኩም ነበር ግን የአደም ልጅ ሲባል ሲያጣ አላህን ሚያስታውስ ሲያጣ ደሞ የሚረሳ አይደል እኔም የገባሁበት ት/ቤት ትምርቱ ጥራት ቢኖረውም ተማሪዎቹ ግን ጥሩ አልነበሩም የሆኑ ልጆች ከክላስ ጓደኛ እንሁን ብለው ተዋወቁኝ እኔም የዋህ ልቤ ይለውጡኛል ብዬ ሳላስብ ተቀላቀልኳቸው በትምርት ደካሞች ነበሩ እኔ ደሞ ስለምችል የፈተና ጊዜ እኔ ነበርኩ ማሰራቸው የነሱ ስራ ሴት እየቀያየሩ ማሳደድ በኳስ መወዳደር ብች ሁሉም ነገራቸው የዱኒያ ነበር ሙስሊሞቹ ራሱ ሰላት ቁርአን ምንም ሚያቁት ነገር አልነበረም እኔንም እያዳከሙኝ መጡ ጌም እየተጫወትኩ ሶሻል ሚዲያ እየተጠቀምኩ ሰላት አሳልፋለው ቁርአን ደሞ እስከነ ጭራሹን ተውኩት ታዲያ አንድ ቀን ቁጭ ብለው ሴት እየለከፉ አንዲት ጠይም ሴት በኛ በኩል እያለፈች ሳለ አታምርም እያሉ ሲያወሩ ድሮ አንገት ደፊ የነበርኩት ልጅ ቀና ብዬ ተመለከትኳት የመጀመሪያው የልቤን አላርም ሰማሁት ከአይኔ እስክትሰወር ነበር የተመለከትኳት ለመጀመሪያ ጊዜ ለሴት ልጅ ልዩ ስሜት ፈጠረብኝ ማለትም ፍቅር ያዘኝ ልበለው እኔጃ ብቻ" ብሎ እንደጨረሰ ኻዲማቸው
"ዙሁር ደርሷል ሀፍሲ ምሳም ብሉ" አለቻት በብስጭት "እሺ" አለቻት ኻዲሟም በሁኔታዋ ፈገግ እያለች ገባች
"በቃ ሌላ ጊዜ ስመጣ ጨርስልሻለው አሁን ሰግጄ ልሂድ ዩሚ ናፍቃኛለች"
"መቼ ነው ምትመጣው እሺ ቢያንስ ታሪክህን ለማያ አጫውታትና ሚፍቱን ትረዳው የኔስ ይቅር እሺ"ባዘነ ፊት አይን አይኑን እያየችወንድን እንዲ አፍጥጣ ያየችበት ቀን ለራሷም ትዝ አይላትም ከምንም በላይ ሳይነግራት መሄዱ ሳይሆን ሚወዳት ሴት እንዳለች ስለነገራት ነበር የተከፋችው አይኖቿም ጭምር እንባ አቅርረው ነበር ጥሏት መሄዱም ጭምር አስከፍቷታል አንድ ልቧ ሚሰማው ስሜት የፍቅር መሆኑም አበሳጭቷታል እሱም መከፋቷን አይቶ
"እሺ በቃ ነገ ከዙሁር በፊት መጥቼ ጨርስልሽና ትነግሪያታለሽ በቃ"
"እሺ በቃ እንስገድና ምሳ በልተህ ትሄዳለህ"ፈገግ ለማለት ሞከረች ምን እንደሆነች ለራሷ እንኳን ሳይገባት ውስጧ ተከፍቷል ውዱእ ሊያረጉ ከተቀመጡበት ሲነሱ ወደሷ ዙሮ
"በነገራችን ላይ ይቺ ማያ ምትያት ልጅ ማቃት ይመስለኛል 11 እያለው የጓደኛዬ ፍቅረኛ ስም እንደዚ ነበር ታሪካቸውም ይመሳሰላል"
"ይሆናል ነገ እናያለን"ውስጧ ጥሩ ስሜት እየተሰማት ስላልሆነ ልታስከፋው ስላልፈለገች ቶሎ ከፊቱ ተሰወረች ውዱእ አርገው ሊሰግዱ ሲገቡ የሀፍሲ እናት እየሳቁ
" እናንተ ወረኞች ትናንት ተዋውቃቹ የአመት ጓደኞች መሰላቹ እኮ"ሲያወሩ በመስኮት እያዩዋቸው እነሱን ላለማቋረጥእስከ ዙሁር ድረስ ዝም ያሉዋቸው ዙሁር ሰግደው ምሳ በልተው ሰሚርን ሸኝተው ሲመለሱ ሚፍታህ ሀፍሲን እድትመጣ በእናቷ ያስጠራታል መጣላታቸውን ረስታ እንዳኮረፈች ዝም ብላ ክፍሉ ገባች ሀፍሲ እዚ ትሁን እንጂ ሀሳቧ ሁሉ ሌላ ቦታ ነው ሚፍታህ ሲያያት ፈገግ ብሎ
"ሀፍሲዬ እንደተከፋሽብኝ አውቃለው እንደበደልኩሽም ታውቆኛል አፉ በይኝ የኔ ውድ እህት አንቺ እንደምትፈልጊው እሆንልሻለው"
"እሺ"በመልሷ ግራ እየተጋባ ተመለከታት ፊቷ ሌላ ያስከፋት ነገር እንዳለ ያስታውቃል
"ሀፍሲ ያስከፋሽ ሰው አለ እንዴ"
"የለም"
"ምን ሆነሽ ነው ታዲያ እንዲ ፊትሽን የጣልሽው ነይ እስቲ ወደኔ"ብሎ በተኛበት ወደ ደረቱ አስጠግቶ አስተኝቶ አቀፋት የዚ ጊዜ ታምቆ የነበረው ሀዘኗ ሁሉ ወጣ ስቅስቅ ብላ አለቀሰች ሚፍታህ ደንግጦ ዝም ብሎ እያዳመጣት ነው ትንሽ ቆይቶ
"ሀፍሲ ምን ሆነሽብኝ ነው የኔ ውድ በአላህ አታስጨንቂኝ ንገሪኝ"
"ሚፍቱ አንተን እያልኩ እኮ እኔም ልጨመር ነው"
"ማለት?"ግራ ተጋብቶ
"ፍቅር ያዘኝ ሚፍቱ"የሰማው ቃል ከሀፍሲ መሆኑ እያጠራጠረው በድንጋጤ አፉ እየተሳሰረ
"ም…ም…ን?"……
★ይቀጥላል★…
ከወደዱት ለወዳጅ ዘመዶ ያጋሩ!!
Join and share
@ikhlasstudents
@ikhlasstudents
4.2K viewsᗰᑌᗩᘔ, 17:55
I
