FastMereja.com

#ተያዘች
ሁለት ህፃናትን በአሰቃቂ ሁኔታ የገደለችው ነጋሴ ከበደ በሸገር ከተማ አስተዳደር ቡራዩ ክ/ከተማ ከከታ ሳንሱሲ ጫካ ውስጥ በህብረተሰቡ ትብብር በህግ ቁጥጥር ስር ውላለች።

@fastmereja

በቡራዩ ሁለት ህጻናት በአሳዳጊያቸዉ በአሰቃቂ ሁኔታ ተገደሉ

በሸገር ከተማ አስተዳደር ቡራዩ ክ/ከተማ ከታ በተሰኘዉ አካባቢ እድሜያቸዉ የ 12 እና 4 አመት የሆኑ ወንድምና እህት በአሳዳጊያቸዉ በአሰቃቂ ሁኔታ መገደላቸውን ብስራት ራዲዮ ሰምቷል።

የ12 አመት ታዳጊ የሆነዉ ናኦል ጌቱ እና የ 4 አመቷ ህጻን ናኑ ጌቱ ከትናንት በስቲያ ሌሊት የቤት ሰራተኛ ሆና ወደ ቤታቸዉ በገባችና በኋላም ከሟቾቹ ህጻናት አባት ጋር የፍቅር ግንኙነት አላት በተባለችዉ "ነጋሴ ከበደ" ግድያ ተፈጽሞባቸዋል። ግለሰቧ ህጻናቱን በማረድ ከገደለች በኋላ አስክሬናቸውን በእሳት ማቃጠሏም ነዉ የተሰማዉ።

በሸገር ከተማ የቡራዩ ፖሊስ መምሪያ ሀላፊ ረዳት ኮሚሽነር ሽቱ ለኪሳ በተለይ ለብስራት ራዲዮ እንደተናገሩት ፤ ግለሰቧ ራስዋን "ትግስት" ብላ የምትጠራ ሲሆን ድርጊቱን ከፈጸመች በኋላ ከአካባቢዉ መሰወሯን ገልጸዋል።

"ነጋሴ ከበደ" አልያም ራሷን "ትግስት" የምትለዉ ግለሰብ ፤ ከሟች ህጻናቶቹ አባት ጋር ግንኙነት እንደነበራቸዉና ከሶስት ወራት በፊት ተጋጭተዉ ከቤት መዉጣቷን ረዳት ኮሚሽነር ሽቱ ተናግረዋል። በኋላም በእርሷ ቤተሰቦች አሸማጋይነት ሁለቱ ጥንዶች እርቅ አድርገዉ ወደ ቤት መመለሷን ይገልፃሉ።

ሆኖም አባት በከተማዉ ባለ የቄራዎች ድርጅት ሰራተኛ እንደመሆኑ እንደተለመደዉ ከትናንት በስቲያም በሌሊት ወደ ስራ ያቀናል። በዚህ ወቅትም ግለሰቧ ቤቱ መቃጠሉን ለአባት በስልክ ታሳዉቃለች። በኋላም አባት በቦታዉ ሲደርስ እና የህጻናቱ አስክሬን ሲገኝ ህጻናቱ ላይ ጉዳት እንደደረሰባቸዉ ይረጋገጣል።

ግለሰቧም ከአካባቢው ራሷን መሰወሯን እና ፖሊስም በፍለጋ ላይ መሆኑን በሸገር ከተማ የቡራዩ ፖሊስ መምሪያ ሀላፊ ረዳት ኮሚሽነር ሽቱ ለኪሳ ጨምረዉ በተለይ ለብስራት ራዲዮ ተናግረዋል።

Via ዳጉ_ጆርናል

@fastmereja

በሱዳን የተከሰተውን ግጭት በመሸሽ የተለያዩ ሀገር ዜጎች በመተማ ዮኋንስ ከተማ በኩል ወደ ኢትዮጵያ እየገቡ ነው።
#FastMereja
የተፈጠረውን አለመረጋጋት ሸሽተው የሚመጡ የተለያዩ የውጭ ሀገር ዜጎችን የምእራብ ጎንደር ዞን መተማ ዮኋንስ ከተማ በሰላም እያስተናገደች መሆኑ ተነገረ።

ሱዳን ላይ በተፈጠረው የውስጥ አለመረጋጋት ምክኒያት ጦርነቱን ሸሽተው ከካርቱም ወደ ጎረቤት ሀገር ኢትዩጵያ የሱዳን ዜጎችን ጨምሮ የ23 ሀገራት የተለያዪ ሃገራት ዜጎች እንደገቡና ወደ ሚፈልጉት አካባቢ እየሄዱ ይገኛሉ።

በዚህም የምዕራብ ጎንደሯ መተማ ዮሃንስ ከተማ እንግዶቿን እያስተናገደች ሲሆን በቀን ከ15-20 የሚሆኑ መኪናዎች ወደ ጎንደር እየሄዱ ይገኛሉ ። በዚህ የጦርነት ስጋት ሽሽትም ህፃናት፣ ሴቶች እና አቅመ ደካሞች ይገኙበታል።

የመተማ ዮሃንስ ከተማ አስተዳደር፣ የዞን ከፍተኛ አመራሮች፣ የሚመለከታቸው የፀጥታ አካላትም ዜጎች ያለምንም እንግልት ወደ ሚፈልጉት አካባቢ እንዲደርሱ ሰብአዊ ተግባራትን እያከናወኑ እንደሆነ የዞኑ ኮሙኒኬሽን ገልፇል።

@fastmereja